Neger Ethiopia Issue 2

More documents

Recommendations

Info

ነገረ-ኢትዮጵያ ቅፅ 1 ቁጥር 2 ማርቆስ ሀጎሶች እና ዳሮ ነጋሾች ዛሬም የካቲት 7 ቀን 2006 ዓ.ም. ያስፈልጉናል! -የመንግስት ሰራተኛው እና መምህሩ የደሞዝ ጭማሪ ያስፈልገዋል! 12 እያስፔድ ተስፋዬ ዓለም አቀፍ ደረጃ የሰራተኛ ማህበራት እንዴት፣ መቼና ለምን ተመሰረቱ? ስለምን ታገሉ? ምንስ አስገኙ? የሚለውን ታሪክ ለመዳሰስ ቦታውም ጊዜውም አይበቃንም፡፡ የእነዚህ ማህበራት መፈጠር በዓለም አቀፍ ደረጃ አድካሚ የነበረው የስራ ሰዓት ወደ 8 ሰዓት ዝቅ እንዲል መደረግን ጨምሮ ብዙ ለውጦች አምጥቷል፡፡ የዛሬው ትኩረታችን ግን የሚሆነው በሀገራችን ከኢሰአማ አንስቶ እስከ ኢሰማኮ ያለውን የሰራተኛ ማህበር የመብት ትግል ታሪክና ዘንድሮም ያላከተመውን የሰራተኛውን ክፍል (በተለይ የመንግስት ሰራተኞች) ሰቆቃ እና ስቃይ በአጭሩ መዳሰስ ነው፡፡ በኃይለስላሴ ዘመን በሀገራችን ኢትዮጵያ የሰራተኛ ማህበራት ለመጀመሪያ ጊዜ የተመሰረቱት በአፄ ኃይለስላሴ ዘመነ መንግስት ነው፡፡ የታሪክ ሰነዶች እንደሚጠቁሙት የመጀመሪያው የሰራተኛ ማህበር ተብሎ ሊጠቀስ የሚችለው በ1939 የተመሰረተው የኢትዮጵያ ባቡር ጣቢያ ሰራተኞች ማህበር ነው፡፡ ከዚህ በኋላ ለመመስረት የተሞከሩ የሰራተኛ ማህበራት በስርአቱ ከፍተኛ አፈና ይካሄድባቸው የነበሩ ሲሆን የሰራተኛው መሪዎችም እስር እና ግድያ ይፈፀምባቸው ነበር፡፡ የኋላ ኋላም ቢሆን የአፄው ስርአት ለሰራተኛ ማህበራት እውቅና በመስጠት ኢሰአማ (የኢትዮጵያ ሰራተኞች አንድነት ማህበር) እንዲመሰረት ቢያደርግም፤ የኢሰአማን የበላይ አመራር የኃይለስላሴ መንግስትና የአሜሪካ መንግስት (በሲ.አይ.ኤ) አማካኝነት በቁጥጥራቸው ስር አድርገውት ነበር፡፡ እናም የልባቸው ያልሞላው የበታች ሰራተኞች እና ማህበራት የመጀመሪያ ትግላቸው እነዚህ የአገዛዙ ቀኝ እጅ የነበሩትን አመራሮች (በየነ ሰለሞን- ፕሬዝዳንት፣ አለም አብዲ- ም/ክ ፕሬዝዳንት እና ፍስሀፂዮን- ፀሀፊ) ማስወገድና በእውነተኛ የሰራተኛው መሪዎች መተካት ነበር፡ ፡ በተጨማሪም የስራው ሁኔታ እና የመነሻ ደሞዝ እንዲሻሻል የሚሉ ጥያቄዎችን አንግበው ይታገሉ ነበር፡፡ በስተመጨረሻም የሰራተኛው መሪዎች በወቅቱ ከኃይለስላሴ አገዛዝ ጋር የሞት የሽረት ትንቅንቅ ውስጥ ከነበሩት ተማሪዎች ጋር ግንኑነትን ፈጥረው ለስርአቱ ፈታኝ ሆነው እንደነበር ታሪክ ያስረዳል፡፡ በወቅቱ የሰራተኞች ቁጥር እንደዛሬው የትየለሌ አይሁን እንጂ ጥቂቶችም ቢሆኑ ለመብታቸው እና ለአላማቸው ቆራጦች ነበሩ፡ ፡ አብዮቱ በፈነዳበት በ1966 ዓ.ም አካባቢ በኢሰአማ ስር ተመዝግበው ይገኙ የነበሩ ሰራተኞች ቁጥር ወደ 100 ሺህ ይደርስ ነበር፡፡ አፈናው እና ጭቆናው ሊያስቀረው ያልቻለው አብዮት እንዲነሳ የሰራተኛ ማህበሩ ያደረገው አስተዋፅኦም በቀላሉ የሚገመት አይደለም፡፡ በ”ጊዜያዊ” ወታደራዊ መንግስት ደርግ ዘመን ከኃይለስላሴ መውረድ እና “ጊዜያዊ” ወታደራዊው መንግስት ወደ ስልጣን መምጣት በኋላም ቢሆን የሰራተኛውን መብት ለማስከበር ከሚደረጉ ትግሎች በተጨማሪ በይፋ ጊዜያዊ ህዝባዊ መንግስት እንዲመሰረት የሚጠይቁ መግለጫዎችንና የዴሞክራሲያዊ መብቶች መከበርን የሚደግፉ መግለጫዎችን በማውጣት በኢትዮጵያ ፖለቲካ ታሪክ ውስጥ ጉልህ ሚና ተጫውቷል፡፡ የሰራተኛ ማህበሩ የጊዜያዊ ህዝባዊ መንግስት ይመስረት ጥያቄን ማንሳት ያልተዋጠለት ደርግ እንደ ኃይለስላሴ ሁሉ የሰራተኛ መሪዎችን ማሰርንና መግደልን ስራዬ ብሎ ተያያዘው፡፡ በተለይም ኢሰአማ (የሰራተኛው ማህበር) ከመስከረም 8 እስከ 11 ባደረገው የሶስት ቀናት ጉባኤ መንግስት የሰራተኞች መሪዎችንና ሌሎች የፖለቲካ እስረኞችን እንዲፈታ፣ በዴሞክራሲያዊ መብት ላይ የተጫነው ገደብ እንዲነሳ፣ ጊዜያዊ ህዝባዊ መንግስት እንዲመሰረት የሚጠይቅ መግለጫ ማውጣቱን ተከትሎ መስከረም 16 ቀን የኢትዮጵያ አየር መንገድ ሰራተኞች ማህበር አባላት የጉባኤውን ውሳኔ ለሰራተኞች በሚያድሉበት ጊዜ ወታደሮች በወሰዱባቸው የማጥቃት እርምጃ 8 ሰዎች መግደላቸው እና በ20ዎች ማቁሰላቸው የሚረሳ አይደለም፡፡ ደርግም “በኢትዮጵያ አየር መንገድ መስሪያ ቤት ውስጥ ፀረ አብዮት ፅሁፍ ሲበትን የነበረ ሰው እንዳያዝ በማወካቸው ወታደሮች ተኩስ ለመክፈት ተገደዱ” በማለት በይፋ ለማስተባበል ሞክሮ ነበር፡፡ ማርቆስ ሀጎስ ማርቆስ የደርግ ሰለባ ከሆኑት የሰራተኛው ግንባር ቀደም መሪዎች አንዱ ነበር፡፡ ከኃይለስላሴ ዘመን ጀምሮ ለሰራተኛው መብት እና ለኢትዮጵያ ህዝብ መብት ሲታገል የቆየው ማርቆስ እሱ በሃላፊነት የሚመራው የሰራተኛ ማህበር ለደርጉ በስልጣን ላይ ተደላድሎ መቀመጥ አመቺ ሆኖ ስላልተገኘ ገና በጠዋቱ ነበር ለእስር የተዳረገው፡ ፡ በእስርም እያለ ከፍተኛ ስቃይ ከተቀበሉ የሰራተኛው መሪዎች አንዱ ነው፡፡ አንዳንዴም ከድብደባው የተነሳ ብዙ ደም ይፈሰው ስለነበር የወቅቱ የደህንነት ሹም ዳንኤል አስፋው ማርቆስን ወንበር እንዳታበላሽ መሬት ላይ ቁጭ በል ሲል ያዘው ነበር፡፡ አንዳንዴም ደም በደም ከሆነ በኋላ በእስረኞች መሀል እያዞሩት ይሄ ነው ንጉስ የሚሆነው እያሉ ያፌዙበት ነበር፡፡ በመጨረሻም ማርቆስ ሰማዕት ሆኖ ከመሞቱ በፊት እጅግ አስቀያሚ እንደሆነ ወደሚነገርለት ወደ ማይጨው ጦር ሰፈር እስር ቤት ተዘዋውሮ ነበር፡፡ የሰራተኛው መሪዎችን በማሰርና በመግደል ያልተመለሰው ደርግ የሰራተኛው ማህበርን በነፃነት እንዳይንቀሳቀስ ስላደረገው ሰራተኛው በግልፅ መደራጀቱን በመተው በህዕቡ የላባደር ማህበርን (ኢላማ) በመመስረት ለሰራተኛው መብት መከበር የሚደረገውን ትግል አጧጧፈው፡፡ ዳሮ ነጋሽ ዳሮ ነጋሽ የደርጉን አፈና ለመቋቋም ሲባል በህቡዕ የተደራጀው የኢትዮጵያ ላብአደሮች ማህበር መሪዎች መካከል አንዷ ነበረች፡፡ የብርሀንና ሰላም ማተሚያ መስሪያ ቤት ሰራተኛ የነበረችው ዳሮ ነጋሽ የ5 ልጆች እናት የነበረች ቢሆንም ለሰራተኛው መብት መከበር ከመታገል ግን ወደ ኋላ ሊያስቀራት አልቻለም ነበር፡፡ ቤቷን ሳይቀር ለህቡዕ ስብሰባዎች ማካሄጃነት ክፍት ያደረገችው ዳሮ ቆራጥ እና በአላማዋ ፅኑ ሴት ነበረች፡፡ የዜጎች መደራጀት ያስበረግገው የነበረው ደርግም የ 9 ወር እርጉዝ እና የ 5 ልጆች እናት የነበረችውን ዳሮ ነጋሽን ያለ ምንም ርህራሄ በጥይት ደብድቦ ገደላት፡፡ ዳሮ ነጋሽ ለሰራተኛው እና ለሰፊው ህዝብ መብት ሰማዕት የሆነች ጀግና ነበረች፡፡ ደርግ እንዲህ ያሉ አሰቃቂ እርምጃዎችን በማህበራቱ እና በማህበራቱ መሪዎች ላይ ይውሰድ እንጂ ሰራተኛው ለመብቱ የሚያደርገውን ትግል ሊያስቆመው አልቻለም፡፡ በተለያዩ ወቅቶች የስራ ማቆም አድማ፣ የስራ ማለዘብ (ማቀዝቀዝ)፣ የማሺን መስበር ወዘተ ያሉ የትግል ስልቶችን በመጠቀም ሰራተኞች መብታቸውን ለማስከበር እስከመጨረሻው ታግለዋል፡፡ በህወሓት/ኢህአዴግ ዘመን በዘመነ ደርግ ለመብታቸው መከበር ከፍተኛ ተጋድሎ ያደርጉ የነበሩት ማህበራት በዘመነ ህወሓት/ኢህአዴግ ዘመንም ቢሆን የትግላቸውን ፍሬ፤ የመብታቸውን መከበር ሊጎናፀፉ አልቻሉም፡፡ እስርና ስደትና ግድያው አሁንም ቀጠለ፡፡ ዳዊ ኢብራሂም (የሰራተኛ ማህበር ፕሬዝዳንት የነበረ) ህወሓት/ኢህአዴግ ስልጣን እንደያዘ እንዳለፉት ስርአቶች ሁሉ የሰራተኛ ማህበሩን በራሱ ቁጥጥር ስር ለማድረግ ቢፈልግም በወቅቱ የሰራተኛ ማህበሩ መሪዎች የነበሩት በተለይም ፕሬዝዳንቱ ዳዊ ኢብራሂም የሚቀመሱ አልሆኑም፡ ፡ ስለዚህም አመራሮቹን ከማሰር እና ከማስፈራራት አልፎ የተለያዩ አሻጥሮችን መስራቱ የቅርብ ጊዜ ትውስታ ነው፡፡ በመጨረሻም ጫናው የበዛባቸው የማህበሩ ፕሬዝዳንት ዳዊ ኢብራሂም በሞያሌ በኬንያ አድርገው ሊሰደዱ በቅተዋል፡፡ አሰፋ ማሩ (የመምህራን ማህበር ፕሬዝዳንት የነበረ) ህወሓት/ኢህአዴግ ያመጣውን የትምህርት ፖሊሲ በግልፅ የተቃወመው የመምህራን ማህበርም የደረሰው እጣ ፋንታ ያለፉት ስርአቶች ያደርጉ ከነበረው የተለየ አይደለም፡፡ የመምህራን ማህበር ነፃነት ለድርድር እንደማይቀርብ ግልፅ ያደረገው አመራርም የተወገደበት መንገድ አነጋጋሪና ጊዜ የሚፈታው ጉዳይ ነው፡፡ የመምህራን ማህበሩ ፕሬዝዳንት የነበረው አሰፋ ማሩ ከቤቱ ወጥቶ በእግሩ በሚጓዝበት ወቅት በቀን በአደባባይ በጥይት ተገድሏል፡፡ አሁንስ? ኢሰማኮ? አሁን ያለው የሰራተኛ ማህበር ለሰራተኛው መብት መከበር የሚታገል ነፃ ማህበር ነው ወይስ የህወሓት/ኢህአዴግን ፖሊሲ እንደወረደ የሚያስፈፅም የስርአቱ ቀኝ እጅ? በኃይለስላሴ ዘመን የሰራተኛ ማህበሩ የመነሻ ደሞዝ ይስተካከል ሲል ያቀረበው ጥያቄ ዛሬስ ቢሆን ተሻሽሏል??? በመንግስት መስሪያ ቤት ውስጥ በዲግሪ ተመርቆ የሚቀጠር ሰራተኛ የመነሻ ደሞዙ 1499 ብር ብቻ ነው፡፡ በ800 ብሩ ቤት ተከራየ ብንል...ለትራንስፖርት 300 ብር አወጣ ብንል በቀረችው ብር ወሩን የሚዘልቀው እንዴት ነው? ምንስ እየተመገበ ነው የሚዘልቀው? ይህ ሰው ቤተሰብ ያለው ከሆነ ደግሞ የልጆች ቀለብ የልጆች ት/ቤት ወዘተ ይጠብቀዋል፡፡ ይህ የመነሻ ደሞዝ ለአመታት ሳይጨምር ሲቆይ የሰራተኛ ማህበሩ አንዳችም ተቃውሞ አሰምቶ አያውቅም! በዚህም ማህበሩ የስርአቱ ቀኝ እጅ እንጂ ሰራተኛውን የሚወክል እንዳልሆነ ቁልጭ አድርጎ ያሳያል፡፡ ምን ይደረግ? ሰራተኛው አሁን ያለው ማህበር እንደማይወክለው ካወቀና አይወክለኝም ብሎ ካለ ህጉ በሚፈቅድለት መሰረት ሌላ የሰራተኛ ማህበር ማቋቋም ይችላል፡፡ ህጉ በአንድ መስሪያ ቤት ውስጥ ከአንድ በላይ የሆኑ ማህበሮችን ማቋቋም እንደሚቻል በግልፅ ቢያስቀምጥም በአንድ በኩል ከፍርሀት በሌላ በኩል ደግሞ ካለው አፈና እና ጫና የተነሳ በአንድ መስሪያ ቤት ውስጥ ከተለመደው ማህበር ውጪ ሌላ ማህበር ለማቋቋም ጥረት ሲደረግ አይታይም፡፡ ሰራተኛው በተናጠል የሚደረግ መብትን የማስከበር ስራ የትም እንደማያደርስ አውቆ ባመቸው መንገድ ሊደራጅ ይገባል፡፡ በግልፅ ተደራጅቼ መብቴን ለማስከበር ያለው ሁኔታ አመቺ ነው ብሎ ካመነ በግልፅ ሊደራጅ አሊያም በግልፅ ለመደራጀት የሚያስችል ነፃና አመቺ ሁኔታ የለም ካለ ደግሞ ልክ ነው ባለው መንገድ ተደራጅቶ መብቱን ማስከበር የሰራተኛው ሀላፊነት ነው፡፡ ሁሉም በቤቱ ተቀምጦ ቢያጉረመርም በአንድ ላይ ተደራጅቶ እስካልተነሳ ድረስ የሚያመጣው ለውጥ አይኖርም! ሰራተኛው ተደራጅቶ ምን ያድርግ፣ የተባለ እንደሆነ መብቱን ለማስከበር ሲል የስራ ማቆም አድማ! ያ ያልተሳካ እንደሆነ እንኳን የስራ ማለዘብ (ማቀዝቀዝ) ወዘተ ያሉ የትግል ስልቶችን በመጠቀም ቆራጥ እርምጃን መውሰድ ይኖርበታል፡፡ የዘመናችን ማርቆስ ሀጎስ ሆይ ተነሳ! የዘመናችን ዳሮ ነጋሽ ሆይ ተነሺ!!! ሁልጊዜም ቢሆን ትግል ከፊት ሆነው የሚመሩ ቆራጦችን ይጠይቃል! ዛሬም ከልጆቿ በፊት የሰራተኛውን እና የሰፊውን ህዝብ መብት መከበር ቅድሚያ የምትሰጥ ጀግና ደፋር ዳሮ ነጋሽ ታስፈልገናለች፡፡ ዛሬም ለሰራተኛው መብት መከበር እና ለሰፊው ህዝብ ጥቅም ሲል ህይወቱን ሊሰጥ የቆረጠ ጀግና ደፋር ማርቆስ ሀጎስ ያስፈልገናል፡፡ አንቺ/አንተ እንዳትሆኚ/ን ምን ይከለክልሻል/ ሃል?
13የካቲት 7 ቀን 2006 ዓ.ም. ቅፅ 1 ቁጥር 2 ነገረ-ኢትዮጵያ መመረጥ በሌላው ድክመት ሳይሆን በራስ ጥንካሬ ታምራት ታረቀኝ ፓርቲ የሚመሰረተው ለሀገር ይበጃሉ ተብሎ የታመነባቸው ፖለቲካዊ፣ ኢኮኖሚዊና ማህበራዊ ዓላማዎች ተቀርጸውና እቅድ ተዘጋጅቶ የአፈጻጸም ስልትም ተነደፎ ነው፡፡ አንድ ፓርቲ የሚኖሩት ሁለት ዋንኛ ሰነዶች ፕሮግራምና መተዳደሪያ ደንብም የሚያሳዩት ይህንኑ ነው፡፡ ፕሮግራሙ ዓላማውን መተዳደሪያ ደንቡ የአሰራር ሥልቱን ያመለክታሉ፡፡ ፓርቲው በፕሮግራሙ የሰፈረውን ዓላማውን ገቢራዊ ማድረግ የሚችለው የመንግሥትነት ሥልጣን ሲያገኝ ነው፡፡ ስለዚህም ነው የፖለቲካ ፓርቲ ዋንኛ ትግል የሥልጣን ጥያቄ የሚሆነው፡፡ ለዓላማው ከግብ መድረስ የሚታገልበትን መንገድ ሠላማዊ ያደረገ ፓርቲ የሥልጣን ጥያቄውን ለማሳካት የሚጠቀምበት አንድና ብቸኛ መንገድ ደግሞ ምርጫ ነው፡ ፡ ነጻ ትክክለኛና ወቅታዊ ምርጫ፡ ፡ ይህ ዓይነቱ ምርጫ እውን ሊሆን የሚችለውም ዴሞክራሲያዊ ሥርዓት በአስተማማኝ መገንባት ሲቻል፣ አልያም በሥልጣን ላይ ያለው መንግስት አጠቃላይ ሁኔታዎችን ተገንዝቦ ራሱን በመለወጥ ወይንም በውስጥና በውጪ ተጽእኖ ተንበርክኮ ዓለም አቀፍ መስፈርቶችን የሚያሟላ ምርጫ ለማካሄድና ውጤቱንም በጸጋ ለመቀበል ሲዘጋጅ ነው፡፡ ስለሆነም አንድ ፓርቲ ዓላማውን ተፈጻሚ ለማድረግ የሚያስፈልገውን ሥልጣን በትክክልና በአስተማማኝ ሁኔታ ለመጨበጥ በሀገሪቱ አስተማማኝ የዴሞክራሲያዊ ሥርዓት መሰረት እንዲጣል ይህ ካልሆነም ነጻና ፍትሀዊ ምርጫ ለማካሄድ የሚያሰችሉ ሁኔታዎች እንዲሟሉ መታገል ቀዳሚ ተግባሩ ይሆናል፡፡ በምርጫው ማግሥት ውጤቱ በአሳዛኝ ሁኔታ ቢበላሽም ቅንጅት ከዚህ አንጻር በየታሪክ ወቅቶች የሚነሳ ተግባር አከናውኗል፡፡ ዴሞክራሲያዊ ሥርዓት አልነበረም፣ ምርጫ ቦርድ አልተለወጠም፣ የፖለቲካ ምህዳሩ ጠቧልና ከኢህአዴግ ጋር ካላተደራደርን ብሎ ልመናም ሆነ ምልጃ አላቀረበም፡፡ በአጭር ግዜ እንቅስቃሴ መታመንን አተረፈና የሠላማዊ ትግሉ ዋንኛ ኃይል የሆነውን ሕዝብ በአንድ መንፈስ በቁርጠኝነት ለማሰለፍ ቻለ፣ እናም ያንን በዚህ ትውልድ ድጋሜ ስለመታየቱ ማንም ርግጠኛ ሆኖ ሊናገር የማይችለውን ዓለምን «….ኢህአዴግ መስተጋብሩን ጠብቆ በማያቋርጥ ሁኔታ እያሸነፈ መቀጠል ያለበት ድርጅት ነው፤ መስተጋብሩን ጠብቆ በማያቋርጥ ሁኔታ የህዝቡን ልብ ይዞ፣ የህዝብ ልብ የሚያዘው በማያቋርጥ የልማት እንቅስቃሴ፣ በማያቋርጥ የህዝቡን ፍላጎት የማርካት እንቅስቃሴ፣ በማያቋረጥ መልካም አስተዳደርን የመገንባት እንቅስቃሴዎች ነው፣ ከዚህ ውጪ የሚመጣ አይደለም፣ በታሪክ ማሸነፍ አይቻልም፣ ማሸነፍ የሚቻለው በተጨባጭ ተግባር ብቻ ነው፣ ምርጫን በታሪክ ማሸነፍ አይቻልም…» በማለት የተናገሩት የኢህአዴግ የእለት ተእለት እንቅስቃሴ ምርጫን መሰረት ያደረገ መሆኑን ያሳያል፡፡ በአንጻሩ አብዛኛዎቹ ተቀዋሚዎች ለመመረጥ ኢህአዴግ ሕዛባዊ ተቀባይነት ስለሌለው ነጻ ምርጫ ከተካሄደ ሕዝቡ ተቀዋሚዎችን ነው የሚመርጠው በማለት የራሳቸውን ጥንካሬ ገንብተውና አስተማማኝ አማራጭ ሆነው በመቅረብ ሳይሆን በኢህአዴግ ድክመት እንመረጣለን ብለው የሚያስቡ በመሆናቸው ምርጫ የሚታሰባቸው ምርጫ ቦርድ የግዜ ሰሌዳ ሲያወጣ ነው፡፡ በዛች አጭር ግዜ በሚደረግ ዝግጅት ወደ ምርጫ መግባት ደግሞ ውጤት አያመጣም፡፡ የተሸነፍነው ምርጫው ተጭበርብሮ ነው ምርጫ ቦርድ ገለልተኛ ባለመሆኑ ነው በደል ተፈጽሞብን ነው ወዘተ የሚሉ ክሶችም ከባዶ ጩኸትነት ሊያልፉ አይችሉም፡፡ አንደ ፕ/ር መድሀኔ ታደሰ አባባል ምርጫ ሁለት ዓመትም ሲቀረው ይጨበረበራልና ስለ ምርጫ የሚሰራው የቀደመው ምርጫ በተካሄደ ማግስት ጀምሮ መሆን አለበት፡፡ ይህ ጉዳይ ሲነሳ ቅንጅት በስድስት ወር ግዜ አይደለም ወይ ለማሸነፍ የበቃው የሚል መከራከሪያ ለማቅረብ የሚዳዳቸው አሉ፡፡ ይህን የሚሉ ፖለቲከኞች፣ 1. ከላይ የጠቀስኳቸው አፈ ጉባኤ አባዱላ ገመዳ እንዳሉት ምርጫን በተጨባጭ ተግባር እንጂ በታሪክ ማሸነፍ ማይቻል መሆኑን፣ 2. ቅንጅትን ለአሸናፊነት ያበቁትን መንገዶች ሁሉ ኢህአዴግ ከምርጫው ማግስት ጀምሮ የዘጋቸው መሆኑን፣ 3. በቅንጅት ምስረታና በምርጫ 97 መካከል የነበረው ግዜ ስድስት ወራት ብቻ ቢሆኑም ቅንጅትን የመሰረቱት በተለይ መኢአድና ኢዴፓ በረዥም ግዜ ሰፊ የምርጫ ስራ የሰሩና በቂ ዝግጅት ያደረጉ መሆኑን የዘነጉ ናቸው፡፡ በምርጫ ውጤታማ ተወዳዳሪ ለመሆን የሚያስብ ፓርቲ በቅድሚያ በራሱ ጥንካሬ ለመመረጥ አልሞ የእለት ተእለት እንቀስቃሴው በመራጩ ልብ ውስጥ የሚገባና መታመንን የሚያስገኝለት እንዲሆን መስራት አለበት፡፡ ስለሆነም ሀገራዊና ዓለም ዓቀፋዊ ተጨባጭ ሁኔታዎችን ከፕሮግራሙ ጋር በማገናዘብ የአጭርና የረዥም ጊዜ እቅድ አዘጋጅቶ ለአፈጻጸሙም ግልጽ የሆነ የአሰራር ስልት ነድፎ የሚታይና የሚታመን እንቅሰቃሴ ማድረግ ይኖርበታል፡፡ በቢሮ ከትሞ፣ ከመግለጫ የዘለለ ተግባር ሳያሳዩ ከርሞ ሰዉ በኢህአዴግ አገዛዝ ተሰላችቷል ለውጥ ይፈልጋል በመሆኑም ተቀዋሚዎችን ይመርጣል በሚል እሳቤ ብቻ በምርጫ ሰሞን ብቅ በማለት ወንዝ በሌለበት ድልድይ አሰራለሁ አይነት ቅስቀሳ ማካሄድና ከእኔ በላይ ለሀገር አሳቢ ለህዝብ ሰሪ አይርኖም የሚል ፕሮፓጋንዳም እንበለው የምርጫ ቅሰቀሳ ማካሄድ ባዶ ጩኸት ነው የሚሆነው፡፡ በየደረጃው የሚገኙት የፓርቲው መሪዎችና አባላት ማንነትና የተግባር እንዴትነት ብሎም በዕጩነት የሚያቀርባቸው ተወዳዳሪዎች ማንነት በምርጫው ውጤት ለማምጣት ወሳኝ ናቸው፡ ፡ እስከ መስዋዕትነት በሚጠይቀው ሠላማዊ ትግል ውስጥ የትወልድ ድርሻቸውን ሊያበረክቱ በበጎ ፈቃደኝነት የተሰለፉ አባላቱ የጠበቀ የዓላማ ትስሰርና የመንፈስ አንድነት አንዲሁም መተማመን ሲኖራቸው፣ በመኖሪያ አካባቢያቸውም ሆነ በሥራ ቦታቸው በሥነ ምግባራቸው የተከበሩ በስራቸውም የተወደዱ ሲሆኑ የመራጩን ሕዝብ ቀልብ በመሳብ ፓርውን ለውጤት ያበቁታል፡፡ ይህ ሳይሆን ተቀዋሚ በመሆን ብቻ እንመረጣለን ብሎ ማሰብ ምርቻን በታሪክ ማሸነፍ እንደማይቻል ያለመገንዘብ ነውና ምርጫ 2007 እንደ ምርጫ 2007 እንዳይሆን ያሰጋል፡፡ ፓርቲዎች በየግል ተጠናክረው በጋራ ተማምነው በስፋት መክረውን በረዥሙ አቅደው ሳይሆን ተባብረን ከታየን ሕዝቡ ይመርጠናል በሚል ብቻ በምርጫ ሰሞን የሚካሄድ የመተባበር ሆይ ሆይታም ጥንካሬ ፈጥሮ አስተማማኝ አማራጭ ሆኖ ከመቅረብ የሚነሳ ባለመሆኑ ለውጤት አያበቃም፡፡ እንደምንም ተደጋግፈን ከፊት ለፊታችን ያለውን ግዙፍ ተራራ መናድ የሚለው የኋላ መሰረት የዛሬ ጥንካሬ የፊት ራዕይ የሌለው ሥልጣንን ብቻ አስቦ የሚነሳ መደጋገፍ ፈጥረው ለምርጫ ቢቀርቡም የሚፈጥሩት መጎነታተል(በቅንጅትም በመድረክም የታየ ነው) ደካማ አቅማቸውን ይበልጥ ያዳክመውና ለኢህአዴግ አሸናፊነት ምቹ ሁኔታ ይፈጥሩለታል፡፡ ዛሬ ትናንት አይደለም ነገሮች ተለዋውጠዋል፣ ጠንክሮ በመገኘት እንጂ በሌላው ድክመት ለመመረጥ ማለም ግዜ አልፎበታል፡ ፡ ኢህአዴግን ደካማ አድርጎ ማሰብም በራሱ ትልቅ ድክመት ይመስለኛል፡፡ በደቂቃ ውስጥ መረጃ ለሚሊዮኖች በሚደርስበት ዘመን በተግባር ሆኖ ሳይሆን በፕሮፓጋንዳ መስሎ በመቅረብ ለውጤት መብቃት የሚቻል አይደለም፡፡ በየግላቸው ድርጅታዊ ብቃት ሳይፈጥሩ በጋራም በቅጡ መክረው የጋራ እቅድ ሳይነድፉና ሆነው ሳይሆን መስለው ለምርጫ በመቅረብ በጥረታቸው ሳይሆን በሕዝቡ ለውጥ ፈላጊነትና ታሪክ ሰሪነት ለአሸናፊነት ቢበቁ ውጤቱን አሰጠብቀው በስምምነት የሥልጣን ክፍፍል አድርገው በምርጫ ያገኙትን ውጤት ወደ ተግባር በመለወጥ ሕዝቡ በድምጹ የሰጣቸውን ኃላፊነት መወጣት መቻላቸው ያጠራጥራል፡ ፡ ምክንያቱም ወደ ምርጫ የገቡት ጥንካሬ ፈጥረው የህዝብን አመኔታ አትርፈው ሳይሆን በመተባበር ሽፋን በመሆኑ ነው፡፡ አንድነቱ የጠነከረ፣ በሚያራምደው ዓላማ በእኩል ደረጃ እምነት ያለው፣ በፓርቲ ዲስፕሊንና በንጹህ ሰብአዊ ፍቅር የተሳሰረ፣ እሰከ መስዋእትነት አብሮ ለመዝለቅ የተማመነ ከአባለቱም ሆነ ከመራጩ ሕዝብ አመኔታን ያተረፈ አመራር እንዲሁም በዓላማው የጸና ሞራሉ የተገነባና በመንፈስ የጠነከረ አባል መኖር ለአንድ ፓርቲ ዓላማ መሳካትም ሆነ ተባብሮ በምርጫ ለመሰለፍ በእጅጉ ወሳኝ ናቸው፡ ፡ ይህ በምርጫ ለማሸነፍ ወሳኝ የሆነ የፓርቲ ጥንካሬ ማሳያ በአንድ ሰሞን የሚገነባ አለመሆኑ ምርጫን የረዥም ግዜ ስራ ከሚያደርጉት ምክንያቶች አንዱ ይሆናል፡፡ በተለይ የፓርቲው አመራር በአደባባይ ስለ ፍቅር እየሰበከ በፓርቲው ውስጥ ጥላቻን የሚያነግስ ከሆነ፣ ስለ አንድነት እያዜመ ተለያይቶ የሚቆም ከሆነ፣ ሥልጣን ላይ ካለው ፓርቲ ጋር መነጋገር እሻለሁ እያለ በሀሳብ ከሚለዩ የአመራር አባላትም ሆነ ጥያቄ ከሚያነሱ አባላት ጋር ለመነጋገር የማይደፍር ከሆነ፣ ዘመናት ላስቆጠረው የሀገራችን ችግር ዋናው መፍትሄ ብሔራዊ እርቅ ነው ብሎ በፕሮግራሙ አስፍሮ ይህንኑ በአደባባይ እየተናገረና ብሔራዊ መግባባት ለመፍጠር የሚያስችል ጉባኤ አሰፈላጊነትን እየጠየቀ፣ በፓርቲው ውስጥ የሚፈጠሩ ጥቃቅን ልዩነቶችን በውይይት መፍታትና በእርቅ ማድረቅ የማይችል ከሆነ ወ.ዘ.ተ እንኳን በመራጩ ሕዝብ ዘንድ በአባላቱም መታመንና መከበርን ሊያተርፍ አይችልም፡፡ አመራሩ ካልታመነ ደግሞ ፓርቲው ሊታመን አይችልም፡፡ የማይታመን ደግሞ አይመረጥም፡፡ ዛሬ ትናንት አይደለም ነገሮች ተለዋውጠዋል፣ ጠንክሮ በመገኘት እንጂ በሌላው ድክመት ለመመረጥ ማለም ግዜ አልፎበታል፡፡ ኢህአዴግን ደካማ አድርጎ ማሰብም በራሱ ትልቅ ድክመት ይመስለኛል፡ ፡ በደቂቃ ውስጥ መረጃ ለሚሊዮኖች በሚደርስበት ዘመን በተግባር ሆኖ ሳይሆን በፕሮፓጋንዳ መስሎ በመቅረብ ለውጤት መብቃት የሚቻል አይደለም፡፡ ፖለቲከኞቹ ከደረሰባቸውም ካደረሱትም መማር ባይችሉም ሕዝቡ ከሁሉም አቅጣጫ ከደረሰበትና ከሚደርስበት ችግር፣ በየጊዜውም ከሚያይና ከሚሰማው እንዲሁም 21 ዓመታት ለውጥ ካላመጣውና መስዋዕትነቱ ግን ካልተቋረጠው ትግል ብዙ ተምሯል፡፡ ተፎካካሪ ፓርቲዎች ትግላቸው ለውጤት ባያበቃውም ዳፋቸው እያዳፋው ብዙ መከራ አይቷል፣ ስለሆነም ምንም ማድረግ ባይችል በሚታወቅበት ዝምታው ይሸኛል፡፡ በመሆኑም ሕዝብን የሠላማዊ ትግሉ ተሳታፊ ብቻ ሳይሆን ባለቤት ለማድረግና በምርጫ 2007 ለውጥ ለማምጣት ራስን አጥርቶና ወደ ገፅ 15 ይዞራል
Page 1 and 2: 1 የካቲት 7 ቀን 2006 ዓ.
Page 11: 11የካቲት 7 ቀን 2006 ዓ.
Page 15 and 16: 15የካቲት 7 ቀን 2006 ዓ.

Neger Ethiopia Issue 2

Create successful ePaper yourself

Delete template?

Save as template?