Raporti vjetor 2011 i KPA-së

www.kpaonline.org
e Qarkut në Mitrovicë. Prej vitit 1982 deri më 2009
ka punuar si avokat në Mitrovicë, dhe ka specializuar
në fushën e të Drejtave Civile dhe Administrative. Prej
vitit 2004-2006 ka qenë Kryetar i Odës së Avokatëve të
Kosovës. Ka ligjëruar dhe ka udhëhequr seminare mbi
çështjet e ndryshme ligjore për institucionet vendore
dhe ndërkombëtare përfshirë Programin për Zhvillim të
Kombeve të Bashkuara (UNDP), Organizatën për Siguri
dhe Bashkëpunim në Evropë (OSCE), Këshillin e Evropës,
Institutin Gjyqësor të Kosovës dhe Odën e Avokatëve
të Kosovës. Temat e përfshira janë: mbrojtja në
procedurat gjyqësore, dëshmitë, përfaqësimi i palëve në
procedurat civile, ofrimi i ndihmës juridike për komunitetet
e minoriteteve në Kosovë, zbatimi i procedurave
kontestuese, jokontestuese dhe ekzekutive, mbrojtja e
viktimave, transparenca dhe anti-korrupsioni në sistemin
gjyqësor të Kosovës dhe parandalimi i krimit financiar.
Ai gjithashtu ka udhëhequr seminare të ndryshme
mbi ofrimin e ndihmës juridike falas. Prej vitit 2002 ai
ligjëron procedurën civile për kandidatët që trajnohen
për provimin e juridikaturës dhe prej vitit 2008 ligjëron
procedurën civile për kandidatët që trajnohen për gjyqtarë.
Z. Vokshi gjithashtu ka marrë pjesë në të gjitha
juridiksionet në Kosovë, edhe në nivel të Gjykatës Komunale,
Gjykatës së Qarkut dhe Gjykatës Supreme dhe
është bashkautor i doracakut për provimin e jurisprudencës
dhe i doracakut për procedurën kontestimore. Ai
gjithashtu ka qenë anëtar i Këshillit Gjyqësor të Kosovës.
Anëtarët e Bordit Mbikëqyrës janë:
• Z. Andy Sparkes, gjithashtu i emëruar edhe si Kryetar i Bordit;
• Znj. Andrea Tomaszewicz;
• Z. Markus Baechler;
Anëtarët vendorë të Bordit Mbikëqyrës deri më 30 shtator
2011 ishin:
• Z. Rexhep Kelani;
• Z. Ujup Krasniqi.
Bordi Mbikëqyrës është takuar gjashtë herë brenda
periudhës raportuese kurse dy herë të tjera për shkak të
mungesës së anëtarëve vendorë të bordit, takimet janë
mbajtur gjatë takimeve të donatorëve. Në vend të takimit
të rregullt të Bordit Mbikëqyrës në shkurt 2011 është
mbajtur një seminar me donatorë; Më shumë detaje për
këtë janë dhënë në pjesën 8.3.
Drejtori Ekzekutiv i Sekretarisë Ekzekutive e përfaqëson
Sekretarinë Ekzekutive para Bordit Mbikëqyrës dhe Sekretaria
Ekzekutive i ofron shërbime të sekretarisë Bordit
Mbikëqyrës. Këtu përfshihen organizimi i takimeve, përgatitja
e rendit të ditës për takime dhe procesverbali i
takimeve, shpërndarja e dokumenteve relevante si dhe
informatat dhe monitorimi i veprimeve pasuese në lidhje
me udhëzimet e pranuara.
1.2.3 Bordi Mbikëqyrës
Bordi Mbikëqyrës ka mandat për të mbikëqyrur punën
e AKP-së dhe për t’i siguruar asaj mbikëqyrje administrative,
udhëheqje të përgjithshme dhe udhëzime
për linjën e veprimit. Megjithatë, i është ndaluar pjesëmarrja
në procesin në të cilin KKPK-ja shqyrton dhe i
merr vendimet për kërkesat. Sipas legjislacionit në fuqi,
Kryeministri duhet t’i propozojë pesë anëtarë të Bordit
Mbikëqyrës të cilët pastaj duhet të emërohen nga Kuvendi
i Kosovës. Deri në përfundim të mbikëqyrjes së
zbatimit të Propozimit Gjithëpërfshirës për Zgjidhjen e
Statusit të Kosovës, tre anëtarë përfshirë edhe Kryetarin
e Komisionit do të emërohen nga PCN-ja. PCN-ja bëri
emërimet e nevojshme në qershor dhe korrik 2008. Dy
anëtarë të rinj të Bordit u emëruan nga PCN-ja në maj
dhe gusht 2011. Në lidhje me anëtarët vendorë të Bordit
Mbikëqyrës, emërimet e tyre skaduan më 30 shtator
2011, dhe pritet ri-emërimi apo zëvendësimi i dy
anëtarëve vendorë të bordit nga zyra e Kryeministrit.
11