Raporti vjetor 2011 i KPA-së

www.kpaonline.org
Kapitulli VI
ADMINISTRIMI I PRONËS, SKEMA VULLNETARE E
QIRASË DHE AKTIVITETET E DËBIMIT
6.1 Administrimi i Pronës Banesore
Me Rregulloret e UNMIK-ut 1999/23 dhe 2000/60
DÇPB-ja u autorizua që të vendosë pronat nën administrimin
e saj të përkohshëm. Në mars të vitit 2006, AKPja
duke marrë përgjegjësinë për operacionet e DÇPB-së
mori përgjegjësinë për menaxhimin e pronave që tashmë
ishin nën administrim të DÇPB-së, si dhe për vazhdimin
e zbatimit të skemës.
Neni 23.1 i Shtojcës I të legjislacionit në fuqi e autorizon
AKP-në të administrojë pronat në secilën nga këto
rrethana:
(a) Me marrëveshje në mes të palëve për zgjidhjen e
kërkesës së paraqitur në AKP.
(b) Me kërkesën e paraqitësit të kërkesës, pas vendimit
përfundimtar i cili konfirmon të drejtën pronësore
të paraqitësit të kërkesës;
(c) Nëse nuk është paraqitur kërkesë për administrim
të pronës, pas zbatimit të vendimit të Komisionit
dhe dëbimit të banuesit aktual, nëse bartësi i së drejtës
pronësore dështon që pronën ta kthejë në riposedim pas
njoftimit për ekzekutimin e dëbimit.
Punët dhe detyrat lidhur me Administrimin e Pronave
kryhen nga Njësiti i Administrimit të Pronave i AKP-së.
Deri në fund të dhjetorit 2011, 4,898 prona ishin nën
administrim të AKP-së; prej të cilave2,034 janë prona
bujqësore, 2 janë prona komerciale dhe 2,862 janë prona
banesore. 334 kërkesa për administrim janë mohuar për
shkak të disa përjashtimeve, të tilla si pyje, të cilat nuk
mund të përfshihen në skemë. Në 29 raste, bartësi i së
drejtës pronësore/pronari ka paraqitur kërkesë për ndërprerjen
e administrimit në kohën e raportimit.
Kuvendi i Kosovës e ka miratuar Ligjin 03/L-164 për Financimin
e Programeve të Veçanta të Banimit më 25
shkurt 2010. Neni 30 statusi ligjit thotë:
“Banesat qe janë ndërtuar para marsit 1999 për strehimin
e refugjateve nga organizatat
ndërkombëtare humanitare kalojnë në pronësi të Komunave
ku ato banesa ndodhen. Familjet që vendosen ne
këto banesa përzgjidhen sipas kritereve te këtij ligji.”.
Bazuar në këtë dispozitë AKP-ja iu ka dorëzuar 171 prona
komunave përkatëse; 55 Komunës së Vushtrrisë, 58
asaj të Fushë Kosovës, 9 asaj të Junikut dhe 14 Komunës
së Deçanit.
35 prona tjera i janë dorëzuar Komunës Pejës pas ofrimit
të të dhënave adekuate që dëshmonin se pronat në fjalë
ishin prona banesore të komunës.
Në kohën e raportimit 442 prona banesore mbesin në administrim
ex officio dhe AKP-ja vazhdon me strategjinë
e implementuar në prill të vitit 2009 për të identifikuar
bartësit e së drejtës pronësore dhe për t’iu mundësuar
atyre marrjen nën kontroll të pronave.
6.2 Skema Vullnetare e Qirasë
Neni 1.1(b) i Rregullores së UNMIK-ut 1999/23 parasheh
që skema e qiradhënies të zbatohet për pronat që
janë nën administrim, ku parat e mbledhura nga qiraja
për pronën nën administrim do të viheshin në një
llogari të posaçme mirëbesimi për pronarin e ligjshëm.
Një skemë e tillë e qirasë ishte propozuar gjatë kohës së
funksionimit të DÇPB-së, por për shkak të natyrës së
ndjeshme politike të kësaj çështjeje AKP-ja mori aprovimin
e nevojshëm politik tek në gusht të vitit 2006 dhe u
bë e zbatueshme në tetor të vitit 2006.
Skema vullnetare e qiradhënies ofron burim të të ardhurave
minimale nga pronat për bartësit e së drejtës pronësore/pronarët,
të cilët përndryshe mund të vendosin t’i
shesin pronat e tyre.
Me një vlerësim të favorshëm të kushteve dhe të përshtatshmërisë
së pronës për ta përfshirë atë në skemën
vullnetare të qiradhënies dhe me pajtimin e bartësit të
së drejtës pronësore/pronarët e pronave, AKP-ja do të
provojë që të lëshojë me qira pronën përmes një marrëveshjeje
më palën e tretë. Nëse lokalet nuk lëshohen
me qira nuk do të ketë pagesë të qirasë, por nëse pala e
23