Raporti vjetor 2011 i KPA-së

Raporti Vjetor 2011
Kryetari i KKPK-së, në konsultim me anëtarët tjerë të
Komisionit, përcakton rregullin në të cilin kërkesat duhet
t’i referohen për vendimmarrje dhe duke marr parasysh
informatat në lidhje me volumin e punës të ofruar nga
Drejtori i Sekretarisë Ekzekutive. Kërkesat në të cilat
ngrihen çështje të njëjta ligjore dhe evidentuese futen
në pako së bashku në kategoritë për vendimmarrje dhe
deri më tani, në përputhje me udhëzimet e Komisionit,
Sekretaria Ekzekutive i ka referuar kërkesat në pakot me
çështje lëndore si në vijim:
Prona Bujqësore
i. Kërkesat në të cilat paraqitësi i kërkesës ishte Bartës i
së Drejtës Pronësore (‘BDP’) në datën e humbjes dhe
ende është BDP;
ii. Kërkesat e paraqitura nga Anëtarët e Bashkësisë
Familjare (‘ABF’) ku BDP-ja është ende gjallë apo
ku vdekja e tij/saj nuk është dëshmuar; dhe BDP-ja
ishte BDP gjithashtu edhe në datën e humbjes;
iii. Kërkesat e paraqitura nga bartësi i Autorizimit kur
BDP-ja është ende gjallë;
iv. Kërkesat ku paraqitësi i kërkesës nuk ishte BDP në
datën e humbjes por është BDP aktual;
v. Kërkesat ku paraqitësi i kërkesës është ABF i BDP-së
së ndjerë (vdekja e të cilit mund të dëshmohet) por
nuk është pronar aktual i pronës; dhe kërkesa qëndron
të aprovohet në emër të të ndjerit;
vi. Kërkesat për t’u hedhur poshtë;
vii. Kërkesat kontestuese;
viii. Prona bujqësore: E drejta e shfrytëzimit;
ix. Kërkesa tjera kontestuese;
x. Kërkesat kontestuese për t’u hedhur poshtë.
Prona Banesore
i. Kërkesat ku paraqitësi i kërkesës ishte BDP në datën
e humbjes dhe ende është BDP;
ii. Kërkesat e paraqitura nga ABF-ja/bartësi i Autorizimit
dhe BDP-ja është ende gjallë apo kur vdekja
e tij/saj nuk është dëshmuar; dhe BDP-ja ishte BDP
gjithashtu edhe në datën e humbjes;
iii. Kërkesat ku paraqitësi i kërkesës nuk ishte BDP në
datën e humbjes por është pronar aktual;
iv. Kërkesat ku paraqitësi i kërkesës është ABF i BDP-së
së ndjerë por nuk është pronar aktual i pronës; dhe
kërkesa qëndron të aprovohet në emër të të ndjerit;
v. Kërkesat ku prona në fjalë është e shkatërruar dhe
paraqitësi i kërkesës ishte BDP në datën e humbjes
dhe ende është BDP;
vi. Kërkesat për t’u hedhur poshtë;
vii. Kërkesat kontestuese;
viii. Kërkesa tjera kontestuese;
ix. Kërkesat kontestuese për t’u hedhur poshtë;
x. Kërkesat ku prona në fjalë është e shkatërruar dhe
kërkesa është paraqitur nga ABF-ja/bartësi i Autorizimit
dhe BDP-ja ende është gjallë apo vdekja e
tij/saj nuk është dëshmuar; dhe BDP-ja ishte BDP
gjithashtu edhe në datën e humbjes;
xi. Kërkesat ku prona në fjalë është e shkatërruar dhe
paraqitësi i kërkesës nuk ishte BDP në ditën e humbjes
por është pronar aktual;
xii. Kërkesat ku prona në fjalë është e shkatërruar dhe
paraqitësi i kërkesës është ABF i BDP-së së ndjerë
por nuk është pronari aktual i pronës, dhe kërkesa
qëndron të aprovohet në emër të të ndjerit;
xiii. Kërkesat ku prona në fjalë është e shkatërruar dhe
kërkesa qëndron të hidhet poshtë;
xiv. Prona banesore - E drejta e shfrytëzimit;
Prona Komerciale
i. Kërkesat e kontestuara;
ii. Kërkesat ku prona në fjalë nuk është e shkatërruar;
iii. Kërkesat ku prona në fjalë është e shkatërruar;
iv. Kërkesat për t’u hedhur poshtë;
v. Prona Komerciale - e drejta e shfrytëzimit;
vi. Kërkesat kontestuese për t’u hedhur poshtë.
Si rregull i përgjithshëm, KKPK-ja vendos mbi kërkesat
bazuar në shkresat dhe dëshmitë dokumentuese. Prandaj
palët i paraqesin KKPK-së dëshmitë dhe argumentet
e tyre përmes Sekretarisë Ekzekutive dhe kanë të drejtë
të dinë për dëshmitë dhe shkresat e palëve tjera, dhe të
paraqesin dëshmi dhe shkresa si përgjigje. Palët nuk kanë
të drejtë të paraqesin dëshmi gojore derisa nuk ftohen të
bëjnë një gjë të tillë, pasi që organizimi për pjesëmarrjen
e disa mijëra paraqitësve të kërkesave do të shkaktonte
harxhime të konsiderueshme të burimeve dhe humbje
kohe, në këtë mënyrë do të ishte në kundërshtim me të
drejtat e paraqitësve të kërkesave për mjete ligjore brenda
një periudhe të arsyeshme kohore. Gjithashtu, fakti që
paraqitësit e kërkesave janë të zhvendosur kudo nëpër
Serbi, Maqedoni, Mal të Zi dhe më larg, potencialisht
do të rezultonte me atë që vetëm disa paraqitës të kërkesave
do ta kishin të mundur të ushtronin të drejtën për të
marrë pjesë në seanca dëgjimore. Megjithatë duhet pasur
parasysh se aty ku interesi i drejtësisë kërkon një gjë të
tillë, KKPK-ja mban seanca dëgjimore për të gjitha palët
e përfshira, përfshirë paraqitësit e kërkesave dhe dëshmitarët.
18