You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Odokotela nothisha ezikoleni bathi uketshezi oluphuma kumuntu wesilisa lunembewu ebalwa<br />
ngezinkulungwane lapho icwaningwa. Bathi kuleyo mbewu eningi iba yinye vo ehlangana<br />
neqanda lomuntu wesifazane maqede ichamisele iqanda. Bathi konke lokhu kwenzeka<br />
epayipini elincane elikumuntu wesifazane ngaphakathi. Ngemuva kwezinsuku ezintathu<br />
iqanda elihlangene nembewu lehlela esibelethweni. Ngenkathi kwenzeka lokhu kuba<br />
nokuphindaphindeka kwamanye amaseli okwenza iqanda elinembewu likhule ngesisindo.<br />
Okudaleka lapho emasontweni amabili kuya kwayisishiyagalombili kuye kubizwe ngokuthi<br />
umbungu. Ngalesi sikhathi ziyaqala ukubonakala izimpawu zokuba ngumuntu. Umbuzo uthi<br />
iqala nini imbewu ehlangene neqanda ukuba ngumuntu? Kungabe umuntu okhipha imbewu<br />
ehlangene neqanda zingakabi bikho izimpawu zokuba ngumuntu naye ukhipha isisu? Lowo<br />
umbuzo udinga ingxoxo yawo yodwa.<br />
Kulabo abangamakholwa abukho neze ubulungiswa ekuhoshuleni izisu. Isizathu esigqamile<br />
lapho ukuthi uMdali ukubeka kucace emthethweni elishumi ukuthi umuntu angabulali.<br />
Ukuhoshula isisu ukubulala umntwana noma abantwana abasesesiswini sikamama maqede<br />
bakhishelwe ngaphandle komzimba wakhe. UHulumeni uthi abantu abakhulelwe<br />
bangazihoshula izisu ngokuthanda uma kuvela isidingo. Kumele kulalelwe bani? Abaholi<br />
bezwe bashaya umthetho ongqubuzanayo nemithetho kaNkulunkulu. Akubo bonke abantu<br />
abakhele leli zwe abangamakholwa. Yingakho uHulumeni ethi abantu abakhulelwe<br />
bangazihoshula izisu. Akasho ukuthi kumele bazihoshule izisu kodwa uthi bangazihoshula<br />
uma bebona isidingo. Ukube ubethi abazihoshule ubeyobe uqeda ilungelo lomuntu<br />
lokuzikhethela.<br />
Umuntu onukubezwe ngokocansi maqede wakhulelwa kufanele enzenjani? Kumele<br />
asebenzise ilungelo lokuzikhethela. Uma ezwa ukuthi akamdingi umntwana ongahlelelwanga,<br />
unalo ilungelo lokumhoshula uma kungashayisani nenkolo yakhe. Nalowo okushayisanayo<br />
nenkolo yakhe unalo ilungelo lokumthwala izinyanga eziyisishiyagalolunye aze ayombeletha.<br />
Lapho esembelethile angamusa kosonhlalakahle ukuze kulandelwe imigudu efanele<br />
umntwana agcine esedluliselwe kulabo abamdingayo.<br />
Lapho imishini ekwazi ukuveza ingaphakathi lomuntu wesifazane okhulelwe iveza ukuthi<br />
umama ukhulelwe umntwana oyisidalwa okukanye kubonakala ukuthi impilo kamama<br />
okhulelwe isengozini yokushabalala ngenxa yosana alukhulelwe, lowo okhulelwe kumele<br />
asebenzise ilungelo lakhe lokuzikhethela. Umuntu osecelene kulula ukuthi athi umama<br />
usengaze akhethe ukufa yize enalo ithuba lokuphila kuphela nje uma ehoshula isisu. Kulowo<br />
ophakathi kokufa nokuphila, elikholwa noma engesilona, isinqumo kumele siphume kuye,<br />
angafunzwa ngesinqumo okumele asithathe.<br />
Indaba yokuhoshula izisu iya nokuthi umuntu ukholelwa kuphi nanokuthi uzithola ekusiphi is<br />
Komunye njalo kuya nokuthi yini ayiqhakambisayo phakathi kwempilo yakhe kanye naleyo yosa<br />
12
Change language