You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
5.4 IDAYARI NOKUSETSHENZISWA KWAYO<br />
Idayari incwajana lapho umuntu ebhala khona izigameko eziphathene nempilo yakhe, izinto<br />
ezibalulekile afisa ukuzikhumbula, nokunye. Abanye idayari bayetha igama layo, isibonelo<br />
“Kunje-ke Emhlabeni!” Nakhu okubalulekile ngedayari:<br />
• Kumele oyibhalayo abhale usuku phezulu.<br />
• Kumele ibhalwe ngolimi lomuntu okhulumayo.<br />
• Kumele ibhalwe ibe senkathini yamanje.<br />
• Kuyenzeka futhi ibhalwe ibe senkathini edlule.<br />
• Kanti kungenzeka futhi ibhalwe ibe senkathini ezayo.<br />
• Kumele kubhalwe izigaba ezimfishane.<br />
• Kusetshenziswa ulimi olukhululekile.<br />
Nasi isibonelo sokusetshenziswa kwedayari:<br />
Le yidayari kaSizakele Masombuka ofunda ibanga leshumi nambili eSakhelwe<br />
eZakheni.<br />
26/10/09<br />
Iphepha ebesilibhala namuhla belilula kakhulu kunalokhu abebelibabaza khona. Angingabazi<br />
ukuthi ngizoliphasa ngamalengiso.<br />
27/10/09<br />
Ukuhlangana kwami noZakhele kungiphazamise kakhulu ekuzilungiseleleni iphepha<br />
lakusasa. Noma ngithi ngiyazama ukufunda akuvumi, ngisambona emi phambi kwami.<br />
Ngisawezwa amazwi akhe amnandi enkenteza ezindlebeni zami.<br />
28/10/09<br />
Bengingazethembi neze namuhla ngoba angikwazanga ukuzilungiselela kahle izolo. Noma<br />
kanjani ngizozidlela amahlanga nakuleli phepha lanamuhla.<br />
29/10/09<br />
Namuhla usuku lwami lokuzalwa. Ngizobe ngibungazwe ngabangani bami emqashweni<br />
ntambama ngehora lesithupha.<br />
30/10/09<br />
Ngemuva kokubhala iphepha lasekuseni ngizothi hulukuqu edolobheni ngiyobheka ukuthi<br />
abangifakelanga yini imali ekhaya.<br />
45
Change language