Create successful ePaper yourself
Turn your PDF publications into a flip-book with our unique Google optimized e-Paper software.
ISIMO ESIBUCAYI<br />
UZuma akagcwalisi isethembiso asenza sokuba uMongameli wabo bonke abantu baseNingizimu<br />
Afrika<br />
LIZEKA MDA<br />
Ngezinsuku zokugcina zokukhankasa kwamaqembu<br />
ekhankasela ukhetho kunezinto eziningi<br />
ezingahambanga kahle. Abantu babelindele ukuthi<br />
kwakuzothi kungadlula ukhetho bese kwehlukanwa<br />
nezinto ezinjalo.<br />
Lokhu kubandakanya iqembu likaKhongolose<br />
elasebenzisa budedengu amandla okuphatha,<br />
njengalapho umNyango weSocial Development<br />
unikeza abantu izijumba zokudla – okukhokhelwa<br />
ngabakhokhi bentela – njengemana evela eqenjini<br />
likaKhongolose. Kwenye inkathi abantu<br />
babenganikwa izijumba lezo uma bengakhombisi<br />
amakhadi obulunga benhlangano kaKhongolose.<br />
Kwakunemibiko yokuthi kwezinye izindawo abantu<br />
babedukiswa; bagcine sebekholwa ukuthi uma<br />
babengezukuvotela i-ANC, babengeke besayithola<br />
imali kadekle neyeqolo.<br />
Ukusetshenziswa kwamandla budedengu<br />
kwakubandakanya oNgqongqoshe bakaZwelonke<br />
kanye nabeZifundazwe bekwenza lokho bebe<br />
beqhuba umsebenzi wombuso, kokunye<br />
bephelezelwe nguJacob Zuma uqobo lwakhe,<br />
owayesenguMongameli we-ANC kuphela ngaleso<br />
sikhathi<br />
Ngisho abasebenzi bakaHulumeni bayabalwa kule<br />
nkohlakalo. Abanye babeya emsebenzini begqoke<br />
izikipa zika-ANC kodwa abazange banqandwe<br />
ngabaphathi babo kulokho. Labo ababezama<br />
ukuveza ukuthi leso senzo siphambene<br />
nobulungiswa babengabekezeleki ngezindlela<br />
ezehlukene.<br />
Ezinyangeni ezimbili ezedlule i-ANC yaphumelela<br />
okhethweni. Ucabanga ukuthi inkohlakalo yaphela<br />
mhla kufungiswa amalunga ePhalamende? Yaphela<br />
emiqondweni kuphela. Kunalokho i-ANC izinikele<br />
ekuqhubeni inkohlakalo kakhulu kunakuqala. Indlela<br />
yokucabanga ye-ANC ukuthi: Mina nawe singenzani<br />
ngalokho?<br />
Yize kwaba yisenzo esihle ukuba uMongameli<br />
ahambele iBafana Bafana kodwa sasingekho<br />
nesincane isidingo sokuthi uZuma acule ‘uMshini<br />
Wami’. ‘UMshini Wami’ akulona iculo lesizwe, kuze<br />
kungcono elithi ‘Shosholoza’. Muva nje uZuma<br />
useguqule iculo elaliculwa kakhulu i-ANC<br />
ngezikhathi zomzabazo walenza elakhe…<br />
ULizeka Mda nguMhleli osabambe okwesikhashana<br />
Icashunwe kuCity Press yangomhla ka 28 kuNhlangulana ngonyaka we-2010, yase ihunyushelwa esiZulwini.<br />
30