Create successful ePaper yourself
Turn your PDF publications into a flip-book with our unique Google optimized e-Paper software.
I-intavyu phakathi komsakazi woKhozi kanye nomculi odumile<br />
Msakazi<br />
Mculi<br />
Msakazi<br />
Mculi<br />
Msakazi<br />
Mculi<br />
Msakazi<br />
Mculi<br />
Msakazi<br />
Mculi<br />
Msakazi<br />
Mculi<br />
: Kuyinjabulo kimi ukuthola ithuba lokuba unginike isikhathi sokukhuluma nawe.<br />
: Nami ngiyathokoza kakhulu ukukhuluma nawe kulo msakazo odume kangaka,<br />
ngizwiwe abalandeli bami nabalaleli bakho abaningi.<br />
: Ngabe leli gama obizwa ngalo elakho ngempela noma elomsebenzi?<br />
: Igama lomsebenzi engalinikwa abangane bami ikakhulukazi enginabo eqenjini<br />
lami.<br />
: Lavela kanjani?<br />
: Ngangishaya kakhulu isiginci bachazeke kakhulu base bengibiza<br />
ngoGuitarman.<br />
: Awutshele abalaleli bomsakazo nabalandeli bakho ukuthi ngempela wena<br />
ungubani, uqhamukaphi?<br />
: Mina nginguZakhele wakwaZibane owazalelwa eNkande wakhulela khona,<br />
wafunda khona, kwaze kwaba uyahamba uyofunda enyuvesi<br />
yaKwaZulu iZululand. Uthando lwami lomculo ladlondlobala lapho.<br />
: Ubani ongathi wakufaka ugqozi lomculo?<br />
: Abazali bami nabo bangabaculi. Ubaba nomama bebevamise ukucula<br />
esontweni, lokhu okubizwa ngokuthi i-duet, babuye bazilungiselele<br />
ekhaya. Ngakhula ngihalela ukuthi nami ngelinye ilanga ngime phambi<br />
kwabantu ngibajabulise, njengoba kwakwenza abazali bami. Abazange<br />
bangiphoqe kodwa ukuba ngibe umculi, kwazisukela kimi nje.<br />
: Kodwa pho kungani wena ucula olunye uhlobo lomculo?<br />
: Ngicabanga ukuthi ukuwufunda phansi ngibe nolwazi ngawo, nokukhula<br />
ngilalela uhlobo oluthile lomculo kwangenza ukuba ngicabange ukwehluka<br />
kubazali bami. Kwangijabulisa futhi ukuthi abazange babe nenkinga ngalokho.<br />
Bayawahambela amakhonsathi bazongilalela, bahlabe lapho bethanda<br />
ukuhlaba khona babuye bancome futhi uma kunesidingo.<br />
4.14 IBHROSHA<br />
Ibhrosha incwajana echaza kafushane ngendawo noma umkhiqizo othile ngenhloso<br />
yokuwudayisa noma ukuheha abantu. Kokunye kuba yincwajana enezithombe eziphathelene<br />
nendawo evakashelwayo okukanye umkhiqizo otholakala lapho. Yize ibhrosha kuyincwajana,<br />
kumele ibe nayo yonke imininingwane edingekayo. Ivama ukubhalwa ohlotsheni lwephepha<br />
eliphambili nelibizayo. Ibhalwa ngendlela yokuheha abantu ngakho-ke amagama<br />
asetshenziswayo akhethwa ngendlela ehlaba umxhwele yenze ukuba abantu bafise<br />
ukuhambela indawo leyo. Ithinta izihlokwana ezimbalwa ezibalulekile ezichazela<br />
abathengi/izivakashi ngokutholakala kuleyo ndawo.<br />
38