Create successful ePaper yourself
Turn your PDF publications into a flip-book with our unique Google optimized e-Paper software.
4.2 IZINCWADI ZEBHIZINISI<br />
Ziningana izincwadi zebhizinisi ezikhona kodwa thina sizobheka ezimbalwa zazo<br />
ezilandelayo: Incwadi yomsebenzi, Incwadi eyakuMhleli kanye nencwadi yesimemo<br />
somhlangano.<br />
4.2.1 Incwadi yomsebenzi<br />
Lolu hlobo lwencwadi luvamise ukubhalwa ngesilungu, kodwa kuyajabulisa ukuthi nesiZulu<br />
sesiyasetshenziswa njengalokhu izilimi sezilingana nje.<br />
Uthisha kumele achazele abafundi ukuthi lolu hlobo lwencwadi –<br />
• Kumele lube namakheli amabili, abhalwa ngokujwayelekile. Eyobhalelwayo ayibi nalo<br />
usuku.<br />
• Lubhalelwa umuntu othile onesikhundla enkampanini ethile. Ngakho-ke kumele<br />
obhalayo agagule isikhundla salowo ambhalelayo ngaphambi kokubhala ikheli<br />
lesibili.<br />
• Lunesibingelelo esingagaguli igama lomuntu kodwa kubhalwa ukuthi Mnumzane<br />
noma Nkosikazi noma Nkosazane.<br />
• Ludinga obhalayo abhale isihloko salokho abhala ngakho ngosonhlamvukazi.<br />
• Ludinga obhalayo achaze kahle ngokugcwele lokho akhuluma ngakho. Kumele<br />
asebenzise amagama afana nalawa: Ngiyothokoza, ngiyojabula, kuyongithokozisa.<br />
• Ludinga abesifazane baveze ukuthi bashadile noma cha ngokubhala uNksz. noma<br />
uNkk. emva kokusayina incwadi esiphethweni. Lokhu kwenzelwa ukuthi lowo<br />
obhalelwe azi kahle ukuthi ubhalelwe ubani.<br />
Nasi isibonelo sencwadi yomsebenzi:<br />
Mphathi<br />
Sizakancane Bus Services<br />
P.O. Box 555<br />
DUNDEE<br />
3100<br />
UKUCELA ISIKHALA: UMSHAYELI WEBHASI<br />
P.O. Box 1167<br />
Dundee<br />
3100<br />
10 kuMandulo 2009<br />
Ngibhala le ncwadi ukucela isikhala sokuba ngumshayeli webhasi enkampanini yakho<br />
njengoba sasikhangiswe ephephandabeni ISOLEZWE langomhla ka-7 kuMandulo 2009.<br />
Ngineminyaka engama-45, ngiganiwe futhi ngiphile kahle. Ngiphase uMatikuletsheni ngo-<br />
1988. Nginezincwadi zokushayela amaloli amakhulu kanye namabhasi engazithola<br />
eminyakeni engama-20 edlule. Kusukela ngo-1989 kuze kube ngo-2007 ngangikade<br />
18