umuvunyi magazine special 2010 - Office of the Ombudsman

Urwego rw’Umuvunyi
TURWANYE RUSWA
24
Tumenye ishami ridasanzwe
rishinzwe kurwanya ruswa
Mu nama y’Umushyikirano yateranye mu
Kuboza 2008 ndetse no mu mwiherero
w’Abayobozi bakuru b’Igihugu wabaye kuva
ku wa 16 kugeza ku wa 20 Gashyantare 2009
hemejwe ko hashyirwaho ingamba zikaze zo kurwanya
ruswa. Izo ngamba zikaze zashimangiwe kandi na
Gahunda ya Guverinoma y’imyaka irindwi kuva 2010-
2017, mu bukangurambaga, aho yiyemeje “Gukangurira
Abanyarwanda n’Inzego za Leta kurwanya ruswa,
akarengane, kumenya no guharanira uburenganzira bwa
buri wese, u RWANDA rukaza mu bihugu 10 bya mbere
mu kurwanya ruswa no kugira ubuyobozi butarangwa na
ruswa ku Isi” (Gahunda ya Guverinoma 2010-2017, p. 9).
Urwego rw’Umuvunyi rukaba rwarahawe inshingano
yo gukumira no kurwanya akarengane, ruswa n’ibyaha
bifitanye isano nayo. Mu kuzuza iyo nshingano, Urwego
rusura inzego z’ubuyobozi, izishinzwe kugenzura
izindi nzego ndetse n’izijyanye n’ubuzima bw’Igihugu
n’ubw’abaturage kugira ngo harebwe ibyuho bya ruswa.
Urwego rukurikirana kandi ibirego byarushyikirijwe
byerekeye ruswa n’ibyaha bifitanye isano na yo,
rukanakangurira Abanyarwanda kwanga no guhashya
ruswa.
Mu gukurikirana ibyo birego bijyanye na ruswa n’ibyaha
bifitanye isano na yo, abakozi b’Urwego rw’Umuvunyi
bahawe ububasha bw’ubugenzacyaha n’Iteka rya
Minisitiri N° 67 ryo kuwa 05/5/2009 riha ububasha
bw’Ubugenzacyaha abakozi b’Urwego rw’Umuvunyi
(Igazeti ya Leta ya Repubulika y’u Rwanda n o 39 yo ku wa 28
Nzeri 2009) hatangijwe ibikorwa by’ Inama Ngishwanama
yo kurwanya ruswa ndetse habaye Ivugurura ry’imirimo
y’Urwego nk’uko bigaragara mu Iteka rya Minisitiri
w’Intebe Nº 18/03 ryo kuwa 08/4/2010 rishyiraho imiterere
n’incamake y’imyanya y’imirimo y’Urwego rw’Umuvunyi
(Igazeti ya Leta ya Repubulika y’u Rwanda n o 15 yo ku wa
12 Mata 2010). Iryo vugurura rigaragaza ko hashyizweho
Ishami rishya ridasanzwe Rishinzwe Kurwanya Ruswa
(Fighting Corruption Special Unit). Ni yo mpamvu
umuntu yakwibaza icyo iryo shami ryashyiriweho ndetse
n’inshingano rifite.
Impamvu y’ishyirwaho ry’Ishami ridasanzwe
Rishinzwe Kurwanya Ruswa
Nyuma y’uko Ubuyobozi bukuru bw’Igihugu bwifuje ko
hashyirwaho ingamba zihamye kandi zikaze zo kurwanya
ruswa, Urwego rw’Umuvunyi rwasabye ko hashyirwaho
itsinda ryihariye rishinzwe kurwanya ruswa (Fighting
Corruption Special Unit). Iryo shami ubu rikaba rigizwe
n’abakozi b’impuguke batandatu.
Iryo shami ridasanzwe rikaba ryarashyizweho mu kunganira
andi mashami asanzwe, rikora iperereza ricukumbuye ku
bibazo by’ingutu Urwego rw’Umuvunyi rwashyikirijwe
cyangwa rwamenye.
Spécial -Ukuboza 2010
BIRASA J.Fiscal
Inshingano z’iryo shami ridasanzwe
Ishami ridasanzwe Rishinzwe Kurwanya Ruswa rishinzwe
cyane cyane ibi bikurikira:
- Gukora iperereza ku bibazo cyangwa ibirego
byashyikirijwe Urwego rw’Umuvunyi n’inzego Nkuru
z’Igihugu cyangwa bisabwe n’Umuvunyi Mukuru ubwe;
- Kurwanya ibyaha bimunga ubukungu nk’iyoherezwa
ry’amafaranga rinyuranyije n’amategeko (illegal money
transfer), ubucuruzi n’amahanga butemewe (smuggling),
konti z’impimbano, inyereza ry’umutungo wa Leta,
kunyuranya n’amasoko ya Leta na ruswa, iyezandonke
(money laundering/ blanchiment d’argent) n’ibindi byaha
bimunga ubukungu cyane cyane bikozwe n’udutsiko;
- Kwakira no gusuzuma amakuru ajyanye n’ibyaha bya
ruswa yagejejwe ku Rwego rw’Umuvunyi n’abantu ku giti
cyabo cyangwa inzego.
Twakwibutsa kandi ko hari Itegeko n°47/2008 ryo kuwa
09/09/2008 rikumira kandi rihana iyezandonke no gutera
inkunga iterabwoba (Igazeti ya Leta ya Repubulika y’u
Rwanda n o 12 bis yo ku wa 23 Werurwe 2009) ndetse
n’Itegeko n o 23/2003 ryo ku wa 07/08/2003 rikumira,
rihana kandi rirwanya ruswa n’ibyaha bifitanye isana na yo.
Bityo ibirego bigejejwe ku Rwego bijyanye n’iyezandonke
bikurikiranwa n’Ishami ridasanzwe rishinzwe kurwanya
ruswa.
Ese inshingano z’iryo shami ridasanzwe ntizihuye
n’iz’andi mashami?
Mu Rwego rw’Umuvunyi hari hasanzwemo amashami ane
(4): Ishami rishinzwe gukumira no kurwanya akarengane,
Ishami rishinzwe gukumira no kurwanya ruswa n’ibyaha
bifitanye isano na yo, Ishami rishinzwe kwakira no
kugenzura inyandiko zigaragaza inyandiko z’imitungo
y’abayobozi n’abandi bagenwa n’Itegeko ndetse n’Ishami
rishinzwe Ubutegetsi n’Imicungire y’abakozi. Muri
iyi minsi, hashyizweho Ishami rishinzwe Imyitwarire
y’abayobozi ndetse n’Ishami ridasanzwe rishinzwe
kurwanya ruswa.
Itandukaniro ry’iri shami ridasanzwe n’andi mashami
yavuzwe haruguru ni uko rifite inshingano nyamukuru yo
gukora iperereza. Iryo perereza rikaba ku bibazo by’ingutu
byashyikirijwe Urwego rw’Umuvunyi n’abayobozi bakuru
b’Igihugu cyangwa bisabwe n’Umuvunyi Mukuru.
Ishami ridasanzwe ryo kurwanya ruswa ni ishami rishya
rikaba rigomba kwihatira kuzuza inshingano zahawe
Urwego rw’Umuvunyi, bityo akarengane na ruswa bigacika
burundu maze u Rwanda rukagira ubuyobozi butarangwa
na ruswa.
Telefoni itishyuzwa199