umuvunyi magazine special 2010 - Office of the Ombudsman

More documents

Recommendations

Info

Urwego rw’Umuvunyi IBIKORWA BY’URWEGO RW’UMUVUNYI Itangwa n’iyakira ry’impano cyangwa amaturo Kajangana Aimé Tumaze igihe tubagezaho ibikubiye mu itegeko ngenga numero 61/2008 ryo ku wa 10/09/2008 rigena imyitwarire y’abayobozi. Ibi twabikoze kuva muri nomero ya 16 y’Umuvunyi Magazine. Uretse ibyo tugiye kubagezaho muri iyi numero uwaba ashishikajwe no kurisobanukirwa neza yashaka izo nomero zabanjirije iyi kugirango amenye neza ibikubiye muri iri tegeko. Nkuko biteganyijwe mu ngingo ya 10 y’ Itegeko ngenga nimero 61/2008 ryo ku wa 10/09/2008 rigena imyitwarire y’abayobozi, Umuyobozi abujijwe kwakira cyangwa gutanga impano cyangwa amaturo by’ubwoko bwose ahawe nk’umuyobozi. Icyakora, Umuyobozi ashobora kwakira cyangwa gutanga impano mu buryo buteganywa n’Iteka rya Perezida. Ku buryo burambuye reka turebe ibikubiye muri iri teka. Ikigamijwe n’iri teka: Iri teka rigamije gushyiraho uburyo n’igihe umuyobozi ashobora k w a k i r a c y a n g w a g u t a n g a impano n’amaturo n’imikoreshereze yabyo. Abarebwa n’iri teka Iri teka rireba abayobozi bavugwa mu Itegeko Ngenga N° 61/2008 ryo ku wa 10/09/2008 rigena imyitwarire y’abayobozi mu nzego za Leta zikurikira: Abayobozi b’ikirenga ari bo Perezida wa Repubulika, Perezida wa Sena, Perezida w’Umutwe w’Abadepite, Perezida w’Urukiko rw’Ikirenga na Minisitiri w’Intebe; Abayobozi bakuru ari bo abagize Guverinoma, abagize Inteko Ishinga Amategeko, Abacamanza mu Rukiko rw’Ikirenga n’abandi bashyirwaho n’Iteka rya Perezida hamwe n’abashyirwaho n’Iteka rya Minisitiri w’Intebe kugeza ku Muyobozi Mukuru n’abandi bari ku rwego rumwe na we; Abayobozi b’inzego za Leta, aba serivisi za Leta n’ab’ibigo bya Leta, bagengwa mu mirimo yabo na sitati cyangwa bakora imirimo yo mu rwego rwa politiki; Abahagarariye abayobozi mu minsi mikuru, mu nama cyangwa mu biganiro batumiwemo. Ibisobanuro by’ impano cyangwa amaturo Muri iri teka, impano cyangwa amaturo bisobanuwe ku buryo bukurikira : a) umutungo wimukanwa cyangwa utimukanwa cyangwa undi mutungo wose ushobora guhabwa agaciro mu mafaranga uhawe umuyobozi cyangwa umuyobozi aha undi muntu burundu ku buntu. b) serivisi iyo ari yo yose ubusanzwe yishyurwa, umuyobozi ashobora gukorerwa cyangwa akayikorera undi ku buntu cyangwa ku giciro gito ku giteganyijwe; c) kwakira cyangwa kuzimana bikozwe cyangwa bikorewe umuyobozi. 4 Spécial -Ukuboza <strong>2010</strong> Telefoni itishyuzwa199
IBIKORWA BY’URWEGO RW’UMUVUNYI Urwego rw’Umuvunyi Ibihe Umuyobozi yemerewe gutanga cyangwa kwakira impano n’amaturo n’imikoreshereze y’iyo mpano cyangwa amaturo bigakoreshwa mu nyungu rusange. Umuyobozi yemerewe kwakira cyangwa gutanga impano cyangwa amaturo mu bihe bikurikira: a) Kurinda isura nziza y’Igihugu; b) Kubahiriza umuco w’igihugu cy’amahanga; c) Kwitura impano cyangwa ituro; d) Gukumira icyatesha agaciro urwego ruhagarariwe. Agaciro k’impano cyangwa amaturo umuyobozi ashobora kwakira cyangwa gutanga. Perezida wa Repubulika yemerewe gutanga impano cyangwa amaturo hakurikijwe ibiteganywa n’itegeko rigena ingengo y’imari ya Leta. Ku byerekeye kwakira impano cyangwa amaturo, n’imikoreshereze yabyo, Perezida wa Repubulika yubahiriza ibiteganywa n’iri teka. Abandi bayobozi ntibemerewe kwakira cyangwa gutanga impano cyangwa amaturo bifite agaciro karenze ibihumbi ijana by’amafaranga y’u Rwanda (100.000 Frw). Icyakora, mu bihe byavuze mu ngingo ya kane y’iri teka, umuyobozi ashobora kwakira impano cyangwa amaturo bifite agaciro byavuzwe mu gika kibanziriza iki. Iyo umuyobozi wakira cyangwa utanga impano ari uwo mu Rwego rw’Umuvunyi kandi agaciro kakaba karenze akavugwa mu gika cya kabiri cy’iyi ngingo, agomba kubimenyesha Biro ya Sena mu nyandiko. Umuyobozi ni we ugereranya mu bushishozi bwe agaciro k’impano cyangwa amaturo ahawe. Ahashyirwa impano cyangwa amaturo byakiriwe Umuyobozi wakiriye impano cyangwa amaturo abishyikiriza, biherekejwe n’inyandiko, Urwego, Ikigo cyangwa Serivisi ahagarariye. Icyakora, mu gihe iyo mpano cyangwa amaturo byavuzwe mu gika kibanziriza iki bidashobora gukoreshwa n’urwego, ikigo cyangwa serivise byahawe, bishyikirizwa Minisiteri cyangwa urwego rufite mu nshingano zarwo ibyerekeranye Urugero:Tuvuge ko Umuvunyi Mukuru agiye ahantu bakamuha zahabu cyangwa irindi buye ry’agaciro akabyakira kubera za mpamvu zimwemerera kwakira impano mu gihe cyasobanuwe. Ku byerekeye kwakira impano cyangwa amaturo, n’imikoreshereze yabyo, Perezida wa Repubulika yubahiriza ibiteganywa n’iri teka. Abandi bayobozi ntibemerewe kwakira cyangwa gutanga impano cyangwa amaturo bifite agaciro karenze ibihumbi ijana by’amafaranga y’u Rwanda (100.000 Frw) Kubera ko yagombaga kubishyikiriza Urwego rw’Umuvunyi ayobora kandi tukaba tuzi ko mu mikorere n’inshingano by’Urwego rw’Umuvunyi ntaho bihuriye n’amabuye y’agaciro; icyo gihe Urwego rw’Umuvunyi ruzashyikiriza aya mabuye y’agaciro Minisiteri ifite iby’amabuye y’agaciro mu nshingano zayo cyangwa ikigo ikuriye bigene uko aya mabuye azakoreshwa. Mu gihe iyo mpano cyangwa amaturo nta Minisiteri cyangwa urwego bifitanye isano itaziguye, bishyikirizwa Minisiteri ifite abatishoboye mu nshingano zayo. Imikoreshereze y’impano cyangwa amaturo avugwa muri iki gika agenwa n’amabwiriza ya Minisitiri ufite abatishoboye mu nshingano ze. Urugero: Tuvuge ko Umuvunyi Mukuru agiye ahantu bakamuha kositimu ebyiri zihenze.Kubera ko nta Minisiteri izwi ishobora gushyikirizwa ibijyanye n’imyenda,bizahabwa Minisiteri ishinzwe gufasha abatishoboye izabe ari yo igena icyo bizakoreshwa. Urwego rw’Umuvunyi rumenyeshwa mu nyandiko urwego rwashyikirijwe impano cyangwa amaturo afite agaciro karenze ibihumbi ijana by’amafaranga y’u Rwanda (100.000 RwF). Iyo impano cyangwa amaturo ari ibikoreshwa n’umuntu ku giti cye kandi agaciro kabyo katarenze ibihumbi ijana by’amafaranga y’u Rwanda (Frw 100.000) bigumanwa n’umuyobozi wabihawe. Urugero: Tuvuge ko Umuvunyi Mukuru agiye ahantu bakamuha impano ya karuvati cyangwa isaha bitarengeje ibihumbi ijana. Icyo gihe yemerewe kubikoresha ku giti cye. Telefoni itishyuzwa199 Spécial -Ukuboza <strong>2010</strong> 5
Page 1 and 2: Urwego rw’Umuvunyi Spécial -Ukub
Page 3: Ijambo ry’Ibanze Urwego rw’Umuv
Page 7 and 8: Urwego rw’Umuvunyi Umunsi Mpuzama
Page 9 and 10: TURWANYE AKARENGANE Urwego rw’Umu
Page 11 and 12: TURWANYE AKARENGANE Urwego rw’Umu
Page 13 and 14: TURWANYE RUSWA Urwego rw’Umuvunyi
Page 25 and 26: IMIYOBORERE MYIZA Urwego rw’Umuvu
Page 27 and 28: IMIYOBORERE MYIZA Urwego rw’Umuvu
Page 29 and 30: Urwego rw’Umuvunyi 2011 Umwaka mw
Page 31 and 32: INKURU ISHUSHANYIJE Urwego rw’Umu

umuvunyi magazine special 2010 - Office of the Ombudsman

Create successful ePaper yourself

Delete template?

Save as template?