You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
K Y N N I N G<br />
RÁÐSTEFNUSKRIFSTOFA ÍSLANDSFERÐA:<br />
Einstakir viðskiptavinir – frábært starfsfólk<br />
Ég fæ oft spurninguna: „Í hverju er starf ykkar á ráðstefnuskrifstofunni<br />
fólgið? Þessu er ekki hægt að svara í fáum orðum, enda starfið<br />
innan þessarar deildar fyrirtækisins svo viðamikið, en við erum<br />
sérstök deild innan Íslandsferða, „Iceland Travel“, sem er dótturfyrirtæki<br />
„Icelandair Group,“ segir Helga Lára Guðmundsdóttir, deildarstjóri Ráðstefnuskrifstofu<br />
Íslandsferða.<br />
„Í deildinni starfa sex manns auk mín. Við þjónum um sex þúsund<br />
manns á ári en sú tala getur farið í níu til tíu þúsund eftir því hve viðamikil<br />
verkefnin eru en þau eru ráðstefnur, fundir, viðburðir og sýningar.<br />
Verkefnin koma í hús eftir ýmsum leiðum: Með föstum viðskiptavinum,<br />
með tilboðum, í gegnum persónulegan kunningsskap og á Netinu. Ráðstefnuþjónusta<br />
er mjög persónuleg og þess vegna nefni ég kunningsskap<br />
sérstaklega. Í litlu samfélagi eins og okkar þekkir maður mann og góður<br />
orðrómur er okkar besta markaðssetning. Í persónulegri þjónustu felst<br />
að hugsað er um viðskiptavininn frá A til Ö en þjónusta er mismikil eftir<br />
umfangi verkefnisins. Stærri ráðstefnum, sem hafa verið í undirbúningi<br />
í allt að tvö ár, fylgja töluvert mikil samskipti og persónulegri þjónustu<br />
og náin tengsl myndast oft milli starfsmanna skrifstofunnar og viðskiptavinarins<br />
við tíðar fundarsetur og mikil samskipti. Ég á því láni að fagna<br />
að vera með frábært fólk sem er tilbúið að gefa af sér það sem þarf og<br />
stuðlar að okkar góða orðspori.“<br />
Mikill undirbúningur „Ráðstefnuhaldi fylgir gríðarlegur undirbúningur<br />
og þjónustan felst m.a. í að aðstoða við nákvæmar tímasetningar, bóka<br />
gistingu, funda- og sýningaraðstöðu og aðstoða við auglýsinga- og bæk-<br />
Ráðstefnuskrifstofan hefur séð um Norðurlandaráðsþing,<br />
ráðstefnu norrænna bæklunarlækna og<br />
Evrópuþing sérfræðinga í svefnrannsóknum. Í undirbúningi<br />
eru, t.d. ráðstefna á vegum Háskólans í<br />
Reykjavík, European Marketing Academy og alþjóðleg<br />
ráðstefna um málefni mænuskaddaðra.<br />
lingagerð. Erlendir ráðstefnugestir kjósa oft að bæta dögum framan eða<br />
aftan við ráðstefnudagana og þá kemur oft til okkar kasta að skipuleggja<br />
það. Einnig þarf að skipuleggja ýmsa atburði utan formlegrar dagskrár,<br />
makaferðir og skoðunarferðir.<br />
Sjá þarf um að nægt starfsfólk sé á ráðstefnustað sem er gestum innan<br />
handar og sér um skráningu og sölu aukaatburða. Eftir á felst vinnan í<br />
uppgjöri og ýmsum frágangi. Nálgunin er mismunandi eftir verkefnum.<br />
Nú vinnum við t.d. með Félagi heyrnarlausra, sem heldur á Akureyri<br />
norræna menningarhátíð heyrnarlausra um miðjan júlí. Allir fundir með<br />
undirbúningsnefndinni fara fram með táknmálstúlkun sem hefur gefið<br />
okkur heilmikla innsýn í heim heyrnarlausra. Þegar verið var að ákveða<br />
hvar gestirnir ættu að gista, kom upp spurningin hvernig staðið væri<br />
að brunavörnum á viðkomandi hótelum, nokkuð sem ekki er hugsað<br />
út í daglega. Annað dæmi er norræn ráðstefna fatlaðra sem haldin var<br />
í Reykjavík fyrir nokkrum árum og varð til að bæta aðgengi fatlaðra til<br />
muna á nokkrum stærstu hótelum borgarinnar.<br />
Starfmenn ráðstefnuskrifstofu Íslandsferða.<br />
108 F R J Á L S V E R S L U N • 5 . T B L . 2 0 0 6