Create successful ePaper yourself
Turn your PDF publications into a flip-book with our unique Google optimized e-Paper software.
K Y N N I N G<br />
Upplýsingasvið Útflutningsráðs<br />
svarar fyrirspurnum íslenskra<br />
fyrirtækja um fjölmargt er tengist<br />
útflutningi og aðstoðar þau við<br />
leit á samstarfsaðilum fyrir milligöngu<br />
Euro Info Centre netsins<br />
sem Útflutningsráð á aðild að.<br />
Erna Björnsdóttir hefur verið forstöðumaður upplýsingasviðs Útflutningsráðs í rúm fimm ár.<br />
ÚTFLUTNINGSRÁÐ ÍSLANDS:<br />
Sala vöru og þjónustu<br />
er markmið kynningarstarfsins<br />
Meginhlutverk Útflutningsráðs Íslands er að auðvelda íslenskum<br />
fyrirtækjum að selja vörur sínar, þjónustu og þekkingu erlendis<br />
og miðast öll verkefni að því að fyrirtækin nái sölu, að sögn<br />
Ernu Björnsdóttur, forstöðumanns upplýsingasviðs Útflutningsráðs.<br />
Erna hefur starfað í rúm fimm ár hjá Útflutningsráði en áður vann hún<br />
í tæpt ár hjá Fjárfestingarstofunni sem nú heyrir undir Útflutningsráð<br />
og er ætlað að laða til landsins erlenda fjárfesta.<br />
„Skipulagning sýningarþátttöku er grunnurinn að starfsemi okkar<br />
og kannski það sem við erum þekktust fyrir. Þátttaka í sýningum hefur<br />
aukist mikið, áður var farið á 7-8 sýningar á ári en nú eru þær hátt í 20<br />
talsins. Fyrrum voru þetta nær eingöngu sjávarútvegssýningar en nú er<br />
m.a tekið þátt í hönnunar- og líftæknisýningum, sýningum á farsímalausnum<br />
og kaupstefnum um tónlist, auk þess sem farið er á hestamót<br />
erlendis með vörur sem tengjast íslenska hestinum.“<br />
Útflutningsráð skipuleggur ferðir sendinefnda til útlanda t.d. í<br />
tengslum við opinberar heimsóknir. Íslensku þátttakendurnir funda með<br />
fyrirtækjum í því landi sem heimsótt er og haldin er ráðstefna þar sem<br />
kynnt eru íslensku fyrirtækin, íslenskt viðskiptalíf og viðskiptaumhverfi.<br />
Á sama hátt er Útflutningsráð erlendum sendinefndum og blaðamönnum<br />
sem hingað koma innan handar við að veita upplýsingar og<br />
koma á tengslum við íslensk fyrirtæki. Þá má nefna að markaðsráðgjafar<br />
starfa erlendis fyrir íslensk fyrirtæki og samstarf er við viðskiptafulltrúa í<br />
sendiráðum Íslands og er það starf ómetanlegt í íslenskri útrás.<br />
Löng og stutt námskeið Ráðgjöf og fræðsla skipar einnig stóran sess<br />
í starfinu. Haldin eru bæði stutt og löng námskeið og sem dæmi um<br />
stutt námskeið má nefna námskeið haldin í samstarfi við Mími um<br />
hvernig svara skuli í síma á ensku en þeir sem annast símsvörun eru<br />
fyrsta rödd fyrirtækisins og því nauðsynlegt að þeir kunni að koma<br />
fyrir sig orði á ensku. Lengri námskeið hafa m.a. verið haldin um<br />
sölutækni og samstarf við umboðsmenn og sérsniðin námskeið fyrir<br />
aðila í ferðaþjónustu.<br />
„Flaggskipið okkar er Útflutningsaukning og hagvöxtur, níu mánaða<br />
námskeið. Fulltrúar u.þ.b. 10 fyrirtækja hittast þá í hverjum mánuði og<br />
fá leiðsögn um hvað eina sem tengist markaðssetningu og útflutningi og<br />
vinna með ráðgjafa að gerð útflutningsskýrslu en fulltrúar fyrirtækja á<br />
borð við Össur og Bakkavör stigu einmitt sín fyrstu skref á þessu námskeiði.<br />
Sextándi hópurinn var að útskrifast og við segjumst gjarnan gera<br />
þá kröfu að fyrirtækin standi sig ekki síður en fyrirrennararnir og verði í<br />
sömu sporum og þeir eftir 10 ár!“ segir Erna og brosir glettnislega.<br />
152 F R J Á L S V E R S L U N • 5 . T B L . 2 0 0 6