Það

K Y N N I N G
Aukin tengsl og þjónusta
við viðskiptavini
Orkuveita Reykjavíkur er byggð á sterkum og traustum grunni í
framleiðslu og dreifingu á orku. Stefnan hefur alltaf verið að sjá
viðskiptavinum fyrir ódýrri vistvænni orku sem framleidd er á
hagkvæman hátt úr endurnýjanlegum íslenskum orkulindum,“
segir Ingibjörg Valdimarsdóttir sem hefur starfað
hjá Orkuveitunni í fjögur og hálft ár við að byggja
upp markaðs- og sölustarfsemi fyrirtækisins.
Meginhluti raforkunnar sem Orkuveitan dreifir og
selur er unninn í vatnsaflsstöðvum Landsvirkjunar en
hún er einnig framleidd í gufuaflsstöð OR á Nesjavöllum
í Grafningi sem og í Andakílsvirkjun og í Elliðaárstöð.
Orkuveitan nýtir vatn af fjórum lághitasvæðum:
Laugarnessvæði og Elliðaársvæði í Reykjavík og Reykjum og Reykjahlíð
í Mosfellsbæ auk háhitasvæðisins að Nesjavöllum. Orkuveitan á ennfremur
stærstu vatnsveitu landsins sem þjónar rúmlega 82% íbúa höfuðborgarsvæðisins
og er eitt stærsta matvælafyrirtæki landsins. Vatnsveita
Reykjavíkur, sem síðar sameinaðist Orkuveitunni, varð fyrsta vatnsveita
Norðurlanda til að hljóta vottun skv. ISO-9001 staðlinum árið 1999.
ORKUVEITA REYKJAVÍKUR:
Mikil áhersla er lögð
á að efla tengsl við
viðskiptavinina og
sinna þörfum þeirra
og óskum.
Af öðrum veitum OR má nefna Fráveitu Reykjavíkur sem fluttist
til hennar í júlí 2005 en stærsta verkefni hennar og eitt mesta umhverfisbótaverkefni
hérlendis er hreinsun strandlengjunnar við Reykjavík.
Nýtt hlutverk OR á sviði upplýsinga- og fjarskipta er
undir hatti Gagnaveitunnar en OR hefur byggt upp ljósleiðaranet
á suðvesturhluta landsins, allt frá Akranesi,
austur fyrir fjall og til Vestmannaeyja.
Verðsveigjanleikinn ekki sá sem margir bjuggust
við „Helsta breyting á orkuumhverfinu sl. ár er samkeppni
í sölu og framleiðslu raforku. Við teljum hana
á margan hátt jákvæða en vegna fákeppni í raforkuframleiðslu
er verðsveigjanleiki ekki sá sem margir bjuggust við enda framleiðir
Landsvirkjun meginhluta raforkunnar í landinu.
Áhersla er lögð á það hjá okkur að efla samskipti og tengsl við viðskiptavinina
og við einbeitum okkur að því að sinna þörfum þeirra og
óskum. Margir reyndir sérfræðingar á sviði orkumála starfa hjá OR og
reynslu þeirra er miðlað til viðskiptavinanna svo að þeir geti nýtt sem
best orkuna sem þeir kaupa. Öflugt þjónustuver sinnir einstaklingum
og heimilum af kostgæfni og sölusvið þjónar stærri fyrirtækjum. Stærstu
fyrirtækin hafa einnig eigin tengilið hjá sölusviðinu sem sinnir öllum
þeirra orkumálum.
Við viljum að viðskiptavinir okkar njóti þeirra lífsþæginda sem
orkan veitir og hafi sem minnst fyrir því, eða - ekkert vesen, og allt í
góðu lagi !!!“
Ingibjörg Valdimarsdóttir,
deildarstjóri Markaðsdeildar
Orkuveitunnar.