Create successful ePaper yourself
Turn your PDF publications into a flip-book with our unique Google optimized e-Paper software.
FÓLK<br />
Nafn: Hildur Inga Björnsdóttir.<br />
Fæðingarstaður: Reykjavík, 16. 5. 1965.<br />
Foreldrar: Björn H. Jóhannsson og Þrúður<br />
G. Sigurðardóttir.<br />
Maki: Jóhann Kristjánsson.<br />
Börn: Æsa, tæplega 5 ára, og þrjú fósturbörn:<br />
Nadía, 12 ára, Arnór Tumi, 14 ára,<br />
og Viktoría, 18 ára.<br />
Menntun: Grafísk hönnun frá MHÍ, myndlistarnám<br />
í Accademia di Belle Arti di<br />
Brera í Mílanó og master í tískuhönnun<br />
frá Domus Academy í Mílanó.<br />
HILDUR INGA BJÖRNSDÓTTIR<br />
framkvæmdastjóri Xirena<br />
Hildur Inga Björnsdóttir<br />
mun á næstunni opna<br />
verslun með eigin hönnun;<br />
á myndinni klæðist hún<br />
kjól hún hannaði.<br />
Hildur Inga Björnsdóttir,<br />
tísku- og grafískur<br />
hönnuður, stofnaði<br />
í ársbyrjun fyrirtækið Xirena<br />
ehf. og um næstu mánaðamót<br />
opnar hún nýja sérverslun fyrir<br />
konur við Skólavörðustíg, sem<br />
selur hönnunarfatnað eftir hana<br />
undir vörumerkinu Xirena.<br />
„Verslunin endurspeglar léttleika<br />
norrænnar náttúru, s.s.<br />
haf, ís og vind, þar sem áhersla<br />
er lögð á að viðskiptavinir<br />
geti slakað á í amstri dagsins<br />
og notið líðandi stundar. Þar<br />
mun einnig fást ítalskur hönnunarfatnaður<br />
ásamt þægilegum<br />
fatnaði frá Dimensione Danza<br />
sem sækir áhrif til alhliða dansmenningar.<br />
Eftir að ég kom heim frá<br />
Ítalíu, þar sem ég dvaldist<br />
í fjögur ár, hef ég starfað á<br />
tímaritinu Nýju lífi sem grafískur<br />
hönnuður, stílisti og<br />
blaðamaður. Ég gekk þó alltaf<br />
með þann draum í maganum<br />
að hanna eigin fatnað. Síðan<br />
lét ég loksins til skarar skríða<br />
og pantaði mér efni frá Ítalíu<br />
og byrjaði að sauma. Samhliða<br />
vann ég að viðskiptaáætlun hjá<br />
Brautargengi í Iðntæknistofnun<br />
og fékk ég verðlaun fyrir bestu<br />
viðskiptaætlunina.“<br />
Hildur segir hugmyndina<br />
að fatnaðinum hafi kviknað á<br />
námsárum hennar á Ítalíu: „Ég<br />
saknaði sárlega íslenskrar náttúru<br />
og fór því að líkja eftir<br />
henni með sérstæðri textílhönnun.<br />
Konur geta þannig<br />
íklæðst náttúrunni með fatnaðinum<br />
og orðið að eins konar<br />
gyðjum, enda dregur Xirena<br />
nafn sitt af hafmeyjum.<br />
Til að tryggja hágæðavöru<br />
fer öll framleiðslan fram á<br />
Norður-Ítalíu. Ég hef því verið<br />
með annan fótinn þar undanfarið<br />
til að fylgja henni eftir<br />
en allur undirbúningur miðast<br />
við að fatnaðurinn fari á<br />
erlendan markað. Vefsíðan<br />
xirena.com er þegar tilbúin<br />
og svo verður farið í frekari<br />
markaðsvinnu um leið og<br />
fyrsta hönnunarlínan kemur<br />
til landsins, en von er á henni<br />
á næstu dögum.“<br />
Hildur er gift Jóhanni Kristjánssyni,<br />
framkvæmdastjóra<br />
Iceland Travel, sem er jafnframt<br />
meðeigandi hennar í<br />
Xirena ehf., og eiga þau eina<br />
dóttur saman, Æsu.<br />
Eins og gefur að skilja er<br />
hönnun ofarlega á blaði þegar<br />
kemur að áhugamálum: „Ég hef<br />
mikinn áhuga á allri hönnun<br />
og listum og við hjónin förum<br />
mikið á leiksýningar. Ég hef<br />
einnig mjög gaman af dansi og<br />
íþróttum og keppti meðal annars<br />
í frjálsum íþróttum fyrir<br />
Ármann hér áður fyrr.“<br />
Vegna opnunar Xirenaverslunarinnar<br />
fer fjölskyldan<br />
ekki í langt frí þetta sumarið<br />
en reynir að nýta helgarnar í<br />
styttri ferðir: „Við höfum bæði<br />
mjög gaman af því að ferðast<br />
um landið og viljum yfirleitt<br />
nýta hásumarið til þess. Síðasta<br />
sumar fórum við þó allar<br />
systurnar, sem erum fjórar<br />
talsins, ásamt fjölskyldum<br />
okkar til Toscana á Ítalíu, þar<br />
sem við leigðum risastórt sumarhús<br />
í litlu fjallaþorpi. Það<br />
var alveg meiriháttar.<br />
178 F R J Á L S V E R S L U N • 5 . T B L . 2 0 0 6
Change language