Vlerësimi dhe Studimi i Gjendjes së Sistemeve të Ujësjellësit dhe ...

RWSSP IV – Vlerësimi dhe Studimi i Gjendjes së Sistemeve të Ujësjellësit dhe Sanitacionit
në Kosovë
Krahasimi i rezultateve të vlerësimit me të dhënat e raporteve të UNDP-së
Disa nga raportet e fundit të publikuara nga UNDP-ja sikurse Vlerësimi Sektorial në Kosovë
(UNDP, 2010) ose Raporti i Dytë për Qëllimet Zhvillimore të Mileniumit (UNDP, 2007) ofrojnë
vlerësime të përafërta sa i përket nivelit të furnizimit me ujë të pijes dhe qasjes në sanitacion
në Kosovë. Në përgjithësi këto vlerësime janë të bazuara në numrin e konsumatorëve të
KRU-ve dhe vlerësimet e numrit të popullsisë në zonat e shërbimit të KRU-ve. Në këtë
mënyrë ato vlerësime mund të mos jenë të sigurta:
Të dhënat e popullsisë të shfrytëzuara deri më 2011 janë vetëm vlerësime të
përafërta, të dhënat e besueshme sa i përket statistikave të popullsisë ende nuk janë
në dispozicion (shih gjithashtu kapitullin 5.2).
Të dhënat e ofruara nga KRU-të nuk përmbajnë kurrfarë informate për sistemet
ekzistuese të cilat nuk menaxhohen nga KRU-të.
KRU-të aktualisht nuk mbulojnë tri Komunat e Kosovës veriore, nuk ka të dhëna në
dispozicion për këto zona.
Raportet e përmendura të UNDP-së konsiderojnë që “qasja në furnizim me ujë” nënkupton
qasje në sistem të menaxhuar nga KRU-të dhe që sistemet të cilat nuk menaxhohen nga
KRU-të llogariten si “mungesë e qasjes në furnizim me ujë”. Ky definicion është një qasje
pragmatike për tu ballafaquar me gjendjen e mungesës së të dhënave të besueshme,
megjithëse është mjaft e thjeshtëzuar. Në realitet jo të gjitha sistemet e menaxhuara nga
KRU-të ofrojnë ujë të mjaftueshëm dhe cilësorë për popullatën; dhe në anën tjetër shumë
sisteme të cilat nuk menaxhohen nga KRU-të në fakt furnizojnë popullsinë me ujë të pijes.
Tabela 3 ofron një krahasim të rezultateve të këtij vlerësimi dhe vlerësimeve të përafërta të
paraqitura në raporte të UNDP-së.
Rezultatet e këtij vlerësimi përputhen mjaft mirë me statistikat e dhëna në raportet e UNDPsë.
Rezultatet e vlerësimit tregojnë 66% e totalit të popullsisë kanë qasje në sisteme të
ujësjellësit të menaxhuara nga KRU-të, ndërsa raportet e UNDP-së vlerësojnë nivelin e
qasjes në një rang prej 60-70%. Megjithatë vlerësimi tregon që 10% e popullsisë aktualisht
shërbehen nga sistemet funksionale të cilat nuk menaxhohen nga KRU-të dhe se totali i
qasjes në sisteme të ujësjellësit duke përfshirë edhe këto sisteme është 76%.
Sa i përket sanitacionit, Vlerësimi Sektorial në Kosovë vlerëson që 30% e popullsisë ka qasje
në sisteme të kanalizimit, përderisa rezultatet e këtij vlerësimi tregojnë që 65% e popullsisë
ka qasje në sisteme të kanalizimit, duke përfshirë sistemet të cilat nuk menaxhohen nga
KRU-të.
Table 3: Krahasimi i statistikave të raporteve të fundit të UNDP-së dhe rezultatet e këtij
vlerësimi sa i përket qasjes në sisteme të ujësjellësit dhe kanalizimit
UNDP, 2010: Vlerësimi Sektorial në
Kosovë
UNDP, 2007: Raporti i Dytë për
Qëllimet Zhvillimore të Mileniumit në
për Kosovën
CDI, 2011: Vlerësimi i Furnizimit me
Ujë të Pijes dhe Sanitacioni në Zonat
Rurale
Kanë qasje në
sistem të
ujësjellësit të
menaxhuar nga
KRU-të
(Kategoria A+B)
Kanë qasje në sistem
të ujësjellësit që nuk
menaxhohet nga KRUtë
(C)
Kanë qasje
në sistem të
sanitacionit
(G+H)
60 % Nuk ka informata 30%
65-70 % Nuk ka informata Nuk ka
informata
66 % 10 % 65 %
Faqe 16 nga119