Raporti i universitetit-2010/2011

makroekonomike dhe politike në vend. Përkushtimi për të vazhduar këtë qasje bën që Universiteti të jetë
më i qëndrueshëm në peridat afatgjate.
8.0 Financat
Universiteti vazhdoi të jetë plotësisht i vetëfinancuar dhe varet nga pagesa e shkollimit të studentëve për
pjesën më të madhe të të hyrave. Pavarësisht kontributit të fuqishëm të UEJL-t në buxhetin dhe ekonominë
e Republikës së Maqedonisë (taksat e paguara për pagat, pajisjet, etj) dhe natyrën publike të disa prej
fakulteteve të tij, UEJL nuk ka marrë fonde nga buxheti shtetëror. Zhvillimi i rrjedhave të reja të të
ardhurave ishte një sistem që gjerësisht mori prioritet gjatë kësaj kohe. Nga fakultetet, departamentet dhe
njësitë e tjera u kërkua të hartohen plane për të rritur të ardhurat e tyre. Proporcioni i të hyrave për vitin
akademik/fiskal 2010/11 është si vijon: të ardhurat nga tarifat e shkollimit 85.41%, të ardhurat komerciale
5.27%, të ardhura tjera (interesi nga investimet, investimi në tregun e kapitalit (endowment), etj.), 2.62%,
projektet dhe donacionet 6.7%. Sigurimi i qëndrueshmërisë financiare mbetet një prioritet i strategjisë
zhvillimore të Universitetit të Evropës Juglindore. Për më tepër, universiteti ka kërkuar burime shtesë të të
ardhurave dhe duke e bërë këtë, pra, ka diversifikuar të ardhurat që kërkohen për të ulur përqindjen e
varësisë midis burimeve të ndryshme të të ardhurave. Diversifikimi i portofolios të të ardhurave ka
vazhduar me investimet në tregjet e kapitalit nëpërmjet një fondi investimi.
Aktivitetet kryesore për menaxhimin financiar në vitin akademik/fiskal 2010/11 ishin zhvillimi i
vazhdueshëm i platformave ekzistuese softuerike. Qëllimi ishte të transferohet sistemi ekzistues financiar
në sistemin Enterprise Resource Planning (ERP), gjë që do të rrisë informacionin e përgjithshëm të sistemit
të menaxhimit të UEJL-së, të japë fitbek dhe të zhvillojë komunikim në mes të departamenteve dhe zyrave
të ndryshme brenda sistemit. Sistemi u instalua, por në fund të vitit, ende ishte në fazën e testimit.
Një tjetër arritje e rëndësishme gjatë këtij viti ishte përpilimi i një set politikash dhe procedurash financiare
të cilat kanë kontribuar në forcimin e kontrollit të brendshëm "ex- ante". Udhëheqësit e njësive dhe stafi
profesional ishin të angazhuar në grupe të voglapër të analizuar, për të ndryshuar, në disa raste edhe për të
rishkruar rregulloret, politikat dhe procedurat. Funksionimi i kontrollit financiar "ex-ante” dhe “ex-post” -
me shërbimet e auditimit të brendshëm dhe të jashtëm është zhvilluar më tej në mënyrë paralele me
planifikim financiar.
Fakultetet/departamentet dhe qendrat vazhduan të marrin pjesë në mënyrë aktive në kornizën afatmesme
të buxhetit. Megjithatë raportet tregojnë se realizimi i buxhetit të deleguar është në disproporcion dhe se
ka nevojë për mbështetje dhe trajnim të mëtejshëm, veçanërisht si pjesë e procedurave të integruara.
Raporti vjetor i vetë-vlerësimit UEJL 2010-2011 faqe 28