Ársskýrsla Skógræktar ríkisins - Skógrækt ríkisins

Þróunarsvið
Hlutverk Þróunarsviðs Skógræktar ríkisins er að hafa umsjón
með þjóðskógum og fást við fræðslu, ráðgjöf og áætlanagerð.
Meðal verkefna er: að reka þjóðskógana þannig að þeir nýtist
til útivistar og kynningar fyrir almenning, að þróa verklag
í meðferð skóga og skógfræðilegar aðferðir, s.s. um grisjun
og nýtingu skógarafurða; að þróa áætlanagerð svo að áætlanir
nýtist sem best við að ná settum markmiðum; að taka
öflugan þátt í fræðslustarfi og þróun þess; að meta árangur
í skógrækt og hafa eftirlit með ýmsum þáttum skógræktar;
o.m.fl.
Þröstur Eysteinsson
þróunarstjóri
Stjórnun – Sviðsstjóri þróunarsviðs annast daglega stjórnun
þróunarsviðs og þeirra verkefna sem falla undir faglega
forystu sviðsins. Hann ber ábyrgð á og annast eftir atvikum
faglega og fjárhagslega áætlanagerð og daglega verkstjórn
þar sem það á við. Skógræktarstjóri úrskurðar í þeim málum
sem sviðsstjóri hefur ekki vald til að úrskurða á grundvelli
stöðu hans sem forstöðumanns A-hluta ríkisstofnunar.
Sviðsstjóri þróunarsviðs situr í framkvæmdaráði og skal kynna
og undirbúa mál fyrir fundi þannig að nauðsynlegur undirbúningur
eigi sér stað. Á framkvæmdaráðsfundum leiðir hann
umræðu um þau málefni sem heyra beint undir hans svið.
Verksvið – Sviðsstjóri þróunarsviðs SR annast þau verkefni
er varða umsjón með þjóðskógunum, fræðslu, ráðgjöf og
áætlanagerð.
Hann skal leiða þá vinnu er stuðlar getur að farsælli framþróun
skógræktar á íslandi með leiðum öðrum en rannsóknum.
Ábyrgð – Þróunarstjóri er ábyrgur gagnvart skógræktarstjóra
fyrir daglegri stjórnun og rekstri þróunarsviðs Skógræktar
ríkisins. Hann er ábyrgur fyrir því að sviðið sinni hlutverki sínu
og skyldum eins og það er skilgreint í gildandi stjórnskipulagi
og stefnumótun á hverjum tíma. Sviðsstjórinn skal jafnframt
sjá til þess að stefnu starfseminnar sé miðlað til þeirra starfsmanna
sem undir hans svið heyra og vera leiðandi á sínu
sviði við endurskoðun stefnunnar.
Í því felst að reka þjóðskógana þannig að þeir nýtist til útivistar
og kynningar fyrir almenning.
Sviðsstjórinn skal leiða vinnu við þróun áætlanagerðar og
taka ríkan þátt mótun og þróun fræðslustarfs.
Sviðsstjóri þróunarsviðs er næsti yfirmaður skógarvarða og
starfsfólks þjóðskóganna auk ráðunauta SR.
Efnisyfirlit
bls 44 Kynning á Þjóðskógum bls 46 Ný alhliða skógarvél tekin í notkun
bls 47 Höfðavík, nýtt tjaldsvæði á Hallormsstað bls 48 ...að friða og bæta...
bls 50 Umhirðu og nýtingaráætlun fyrir Vaglaskóg bls 55 Skógar og lýðheilsa
Þróunarsvið · Ársskýrsla 2006 Skógrækt ríkisins 43