Grammar Handbook - Pearson

Mophato 3 • Bukana ya Thutapuo 

Mmaoshale Pitinyane

Pearson Education Botswana (Pty) Ltd 

(Longman and Heinemann) 

PO Box 1083, Gaborone, Botswana 

Plot 14386, New Lobatse Road, Gaborone, West Industrial Site 

Botswana 

Longman is an imprint of Pearson Education Botswana (Pty) Ltd 

© Pearson Education Botswana (Pty) Ltd 

All rights reserved. No part of this publication may be reproduced, stored 

in a retrieval system or transmitted in any form or by any means, electronic, 

mechanical, photocopying, recording, or otherwise, without the prior 

permission of the publishers. 

First published in 2011 

ISBN 978-99912-929-8-4 

Cover design by Firebrand 

Typesetting by Nazley Samsodien 

Reproduction by 

Printed by 

It is illegal to photocopy any page of this book without the written permission 

of the copyright holder. 

Every effort has been made to trace the copyright holders. In the event of 

unintentional omissions or errors, any information which would enable the 

publisher to make the proper arrangements will be appreciated.

Diteng 

Malomatsebe 5 

Dikarolo tsa puo 6 

Leina . .......................................................................... 6 

Leemedi . ...................................................................... 10 

Lediri . ........................................................................ 11 

Tlhaodi ....................................................................... 14 

Letlhalosi ..................................................................... 17 

Lekopanyi . .................................................................... 19 

Lelatlhelwa . ................................................................... 20 

Leetsisi . ....................................................................... 22 

Tiriso ya dikarolo tsa puo 25 

Molokololo wa seele 27 

Ngotlo ya dikarolo tsa puo 28 

Bokao jwa dikarolo tsa puo 31 

Go logagana ga puo 32

Malomatsebe 

Malomatsebe 

Puo e agiwa ka go tshwaraganya dikarolo tsa puo go fetisa 

molaetsa o o batlegang. Bangwe baithuti ba a tle ba ipotsake 

dipotso tsa gore tota puo, bogolo jang ya Setswana e 

ithutelwang bogolo jang ka gore e buiwa letsatsi le letsatsi. 

Heela! Puo e monate bogolo jang fa e ka agiwa ke batho ba ba 

nang le bokgoni jwa go e loga ka botswerere. Ka na mafoko a 

tshwaraganngwa go bopa diejana le dikarolo tsa puo; diejana 

di bo di golaganngwa ka bokgabane go aga diele tse di nang 

le bokao. Diele tsone di bo di logiwa ka neelano le nyalano 

ya tsone go dira temana. Temana e e tshwanetse go nna le 

mogopolo wa konokono o go a tleng gotwe ke ntlhakgolo 

ya temana eo. Temana e e megopolo e phatlaletseng e a bo 

e sa betliwa sentle ka gore temana e tshwanetse go agiwa ka 

mogopolo o le mongwe fela. Jaanong kwa bofelong ditemana 

tsone di rulaganngwe sentle go aga dipuiso, dipego, dipolelo, 

dikwalo le tsone dipuisano tota. Fa re bua ka thutapuo re bua 

fela ka go tshwaraganya mafoko gore kwa bofelong re nne le 

melaetsa e e farologaneng. 

Itumeleleng go ithuta puo! 

5

Dikarolo tsa puo 


Fa re ithuta puo ya Setswana re remelela thata mo dikarolong 

tsa puo di akaretsa leina, leemedi, lediri, tlhaodi, letlhalosi, 

lekopanyi, lelatlhelwa, leetsisi. Mo godimo ga moo re bo re 

akaretsa sediri, tiri le sedirwa tse e leng boremelelo jwa tiriso 

ya dikarolo tsa puo. 

Leina 

Leina ke karolo ya puo e e bitsang sengwe. Go ka twe leina 

go tewa lereo la selo se tshela kgotsa se sa tshele. Leina le ka 

dirisiwa go bitsa batho, diphologolo, dimela, mafelo le dilo tse 

dintsi tse di farologaneng. 

Dikai 

• y Bana ba thuga mabele. 

• y Monna yole ke mongwe wa rona. 

• y Kabelo o agelela lesaka. 

• y Dinaka tsa kgomo ele di masoke. 

• y Nkwe e jele dinamane maabane. 

Mo dikaing tse di fa godimo mafoko a a mmala a bidiwa 

maina. 

Mefuta ya maina 

Leina le na le mefuta e e farologaneng. 

1. Mainatota 

Mainatota ke maina a a bitsang selo tota go tlhamaletse 

go sa akarediwe. Motho, lefelo kgotsa seruiwa sengwe le 

sengwe se na le leina la sone. Maina a, ke one a gotweng 

ke maina tota. Leinatota le tshwanetse go simolola ka 

tlhakakgolo ka dinako tsotlhe. 

Dikai 

• y Kama le Mpii ba tlhagola tshimo. 

• y Tsamaya o ye go bitsa Dineo. 

• y Tonki ya rona e go tweng Brown e goga go di gaisa tsotlhe. 

6


• y Baithuti ba ga Mmadikatse ba fentse ditlhatlhobo fela 

botlhe. 

• y Kgomo ya gagwe Reifole e tsala mahatlha ngwaga le 

ngwaga. 

Mafoko a a mmala ke mainatota a se go buiwang ka sone, se 

tota se bidiwang jalo ka leina leo. 

2. Mainagoka 

Mainagoka ke maina a a bopilweng ka go gokaganya 

dikarolo tse dingwe tsa puo. 

Dikai 

Leina le leina 

• y Bana ba tshositswe ke nogapotsane. 

• y Dikabelo o thata tota, ke lone tota lentswetshipi. 

• y Maebarope a tlhasetse mabele a ga malome. 

Leina le letlhaodi 

• y Monnamogolo yole o sa ntse a itekanetse. 

• y Ba mo tlhophile tautona gape. 

• y Go laleditswe bannabagolo le basadibagolo fela go 

tsenelela khuduthamaga. 

Leina le letlhalosi 

• y Ga ke utlwane le ene ka gore o rata go tla bosigogare. 

• y Botlhogoethata jwa gagwe bo tla mo isa kgolegelong. 

• y Tebo o ratwa ke batho ka ntlha ya bopelonomi jwa 

gagwe. 

Lediri le lediri 

• y Yo go tweng Karabo yo, ke majaaitshutlha bona fela 

jaaka a itlhonegile. 

• y Lona nako le nako le kgotletsa go setse go butswa ke 

lona o ka reng go ka twe le bomabinagotsholwa. 

• y Rraagwe ene ga a mo kgetholole le ntswa batho ba 

mmitsa setlaseanya. 

7


Lediri le leina 

• y Malatsi ano ditimamolelo di dintsi. 

• y Mojaboswa wa ga rakgadi ke Bele. 

• y Basimane ba lelekile lekgaolatshega. 

Lediri le letlhalosi 

• y Ba tlhophile Kabo go nna mojamorago. 

• y Fa ba ya masimo ka malatsi a boitapoloso go nna le 

mosalagae. 

Lediri le letlhaodi 

• y Ngwana o lomilwe ke selomabasetlha. 

• y Mo lese a bue rra, ka na mmualebe o a bo a bua la 

gagwe. 

Lediri le lesoboki 

• y O tlhomola pelo ka gore nako tsotlhe ke ene 

monnanosi. 

• y Dineo o fentse ditlhatlhobo ka gore ke maitsegotlhe. 

3. Mainagoboka 

Mainagoboka ke maina a a bitsang dilo ka go di goboka 

kgotsa ka tshoboko ya tsone. Gantsi a fa bokao jwa gore 

se go buiwang ka sone se a bo se le sentsi thata. 

Dikai 

• y Dihutshane tsa gagwe di nonne. 

• y Banyana o tlile a rwele ngata ya dikgong. 

• y Ka phitlho ya gagwe go ne go tlile matshwititshwiti a 

batho. 

• y Modisa o timeditse letsomane. 

• y Bana ba gagwe ba tlhasetse leretlwa le le gaufi le bone. 

• y Mogokgo o iteile tshimane a bo a tlogela tshetsana fela. 

4. Mainakgopolo 

Mainakgopolo ke maina a go ka tweng a a fopholetsa, 

ke gore a bitsa selo se mme tota o ka sekeng wa se bona 

kgotsa wa se tshwara. Go a tle go twe ke maina a dilo tse 

di akanyediwang. 

8


Dikai 

• y Baithuti ba tsere loeto lo lo leele. 

• y Mosepele wa rona o ne o le monate. 

• y Morutabana o tsere kgang le baithuti. 

5. Maina a a adimilweng 

Maina a a adimilweng ke maina a a tswang mo dipuong 

tse e seng Setswana. Maina a mofuta o a kwalwa ka 

Setswana mme tota one tlholego ya one a tswa mo 

dipuong tse dingwe. 

Dikai 

• y Ba rekile motšhine o o phothang. 

• y Dikgomo di swetse gaufi le seporo. 

• y Bana ba ga rakgadi ba mo reketse lekese la madi a a 

kwa godimo. 

• y Ngwana wa gagwe wa mosetsana ke moengele. 

• y Borokgwe jwa gagwe ke jwa mabono. 

Tiriso ya leina 

Leina le ka dirisiwa jaaka Sediri le Sedirwa mo seeleng. 

Leina le dirisitswe jaaka Sediri 

Dikai 

• y Pule o bolaya dikoko. 

• y Mosadimogolo o goga motsokwe. 

• y Dihutshane tse dinnye di timetse maloba. 

• y Lobelo lwa bone lo ne lo kgatlha. 

• y Motšhine o moša o gaitse mabele thata. 

Leina le dirisitswe jaaka Sedirwa 

Dikai 

• y Mmaešale o rata Thabiso. 

• y Mmasepoto o bolaile madi. 

• y Mosimane o timeditse letsomane. 

• y Bana ba sekolo ba tseneletse khuduthamaga. 

9


• y Bagwegadi ba tsere loeto lo lo leele. 

• y Banna ba kgaotse lebante la ngwana. 

Ela tlhoko 

Leemedi le ka dirisiwa 

fela fa go dirisitswe 

leina pele. Leemedi fa 

le dirisitswe le leina, le 

fa bokao jwa go 

gatelela. 

a) Neo o apaya 

bogobe. 

b) Ene o apaya jone 

(leemedi le emela 

leina). 

c) Ene Neo o apaya 

jone bogobe 

(leemedi le kaya 

kgatelelo). 

Leemedi 

Leemedi ke karolo ya puo e e dirisiwang boemong ja leina. 

Go ka twe le emela leina mo seeleng. 

Dikai 

• y Dikgomo di fula bojang. Tsone di fula jone. 

• y Baphuthegi ba galaletsa Modimo. Bone ba galaletsa 

one. 

• y Bana ba sekolo ba rata dikgobe Bone ba sekolo ba 

rata tsone. 

Mafoko a a mmala ke maemedi a maina a a dirisitsweng mo 

dieleng. 

Leemedi le le lengwe le ka dirisiwa go emela maina a a 

farogaloneng. 

BoRamotobosi fa ba tsena kwa masimo, ba fitlhetse ntlo 

ya bone e jelwe ke molelo. Ene Ramotobosi o ne a tshoga 

fa a tla go lemoga gore molelo one oo, o ne o tukisiwa ke 

basimanyana. Ramotobosi o ne a tsenelela basimanyana bao 

ka moretlwa mekwatla ya bone ya ba ya ruruga. Yone tiragalo 

ya mofuta o, e ne e tlwaelesegile go diragala mo merakeng. 

Batsadi ba bone ba ne ba atlholwa go duela ditshenyegelo tsa 

ntlo, le fa le yone ntlo ya teng e ne e le gaufi le go phutlhama. 

E ne ya re go tloga foo bana ba a kgwa lethe ba bo ba le 

thelela. 

Mo temaneng e e fa godimo leemedi /bone/ le dirisitswe go 

emela maina BoRamotobosi le basimanyana. 

/yone/ le dirisitswe go emela tiragalo le ntlo. 

10


Moalo o o fa tlase o supa ka fa leemedi le le lengwe le ka 

emelang maina a le mmalwa ka teng. 

Lone One Bone Sone Tsone Yone Ene Jone 

Logong 

Lerako 

Leferefere 

Legapu 

Loso 

Molapo 

Molamu 

Moretlwa 

Mosepele 

Molelo 

Batho 

Basadi 

Banna 

Baruti 

Balemisi 

Setlhare 

Selepe 

Sebokolodi 

Seledu 

Sekolo 

Dikgomo 

Dijalo 

Dingaka 

Dibuka 

Dinaledi 

Nku 

Katse 

Pensele 

Metlakase 

Megoma 

Mosimane 

Morutabana 

Mohiri 

Moletlanyi 

Morongwa 

Botlhale 

Bogobe 

Bothata 

Botsipa 

boloko 

Lediri 

Lediri ke karolo ya puo e e supang tiro e e dirwang mo 

seeleng. Lediri ke lefoko le le lemotshang gore tiro nngwe e 

dirwa ke motho kgotsa sengwe mo seeleng. 

Dikai 

• y Basimane ba gama dikgomo. 

• y Katse e ja peba. 

• y Borre ba rutlolola motlaagana. 

Mafoko a a mmala a supa tiro e e dirwang mo dieleng ka jalo 

a bidiwa madiri. 

Mefuta ya lediri 

1. Madiri a tlholego 

Ke madiri a a tlholegileng fela a supa tiro. Madiri a, ke 

mafoko a a sa tsweng mo dikarolong dipe tsa puo. 

Dikai 

• y Bokgwathe ba alola basimane. 

• y Balemi ba suga dikgole. 

• y Thabiso o apaya sengana. 

• y Bana ba itse Setswana. 

2. Madirimatswa 

Madirimatswa ke madiri a go gokeletsweng megatlana ka 

go farologana mo meding ya madiri a tlholego mme a bo 

11


Ela tlhoko 

Go na le mabaka a a ka 

fetolang lediri mme 

bokao bo sala fela bo 

sa fetoge. Mabaka a ke 

fa go dirisiwa lediri mo 

bontsing, paka pheti le 

fa go dirisiwa 

tlhogwana ya leitiri. 

a sa latlhe bokao jwa tiro e e dirwang. Fela jaaka leina le 

tlhalosa (madiri-matswa) go tewa madiri a a tswang mo 

go a mangwe. 

Sekai 

(aga > ag – elel – a) 

Dikai 

• y Basimane ba agelela lesaka. 

• y O ne a mo tlhatswisa dikobo. 

• y Bana ba ke diphekgwa, utlwa fela jaaka ba fetolana ka 

mafoko. 

• y Lesa go ragaka yo mongwe monna. 

• y Lebaleba tlhe gore selabe se kgone go tswa sentle. 

Bontsi 

• y Bana ke lona, apayang dikgobe tseo ka pitsa e tona. 

• y Ke ne ke re alololang diphate tseo. 

• y Tsamayang lo ye go kgetla thupa ke tle ke lo otlhaye. 

Paka pheti 

• y Bana ba apeile dikgobe. 

• y Dipodi di jele dijalo tsa baithuti. 

• y Dikgomo di kgotshe bojang e bile di robetse. 

Tlhogwana ya leitiri 

• y Malata a ithuna dinta a ile kgonnye. 

• y Bona jaaka ntša e itatswa. 

• y Bana ba ithuta Setswana e seng sekgoa. 

• y Mokganedi o ne a ikama ka seikamo sa me. 

Lediri le ka dirisiwa mo dipakeng tse di farologaneng. 

Paka jaanong 

Dikai 

• y Malome o betsa bana. 

• y Kgomo e raga namane. 

• y Dineo o a ja. 

• y Banna ba a lema. 

• y Tonkana e anya mmaayo. 

12


Paka jaanong tsweletso 

Dikai 

• y Bana ba sa ntse ba a ja. 

• y Kgosi e sa ntse e bua le morafe. 

• y Ke sa ntse ke nwa tee. 

Ela tlhoko 

Dipaka di 

farologanngwa ke 

mabopi a a 

dirisitsweng. 

Paka e e fetileng 

Dikai 

• y Ba ne ba lwa. 

• y Dikgomo di ne di nwa metsi. 

• y Rakgadi o ne a batla ngwetsi. 

Paka e e fetileng tsweletso 

Dikai 

• y Basetsana ba ne ba sa ntse ba ja. 

• y Moithuti o ne a sa ntse a kwala ditlhatlhobo. 

• y Di ne di sa ntse di fula. 

Dipaka 

Paka 

jaanong 

Paka e e 

fetileng 

Paka e e 

tlang 

Pakapheti 

Paka ya 

tsweletso 

Mabopi 

a dipaka 

a 

ne 

tla 

-ile 

sa ntse 

Paka pheti 

Dikai 

• y Ba apeile dikgobe. 

• y Ditonki di jele moroko. 

• y Borrantweesane ba kgotshe mmidi. 

Paka e e fetileng pheti 

Dikai 

• y Ke ne ke apeile. 

• y Baithuti ba ne ba tsamaile le ene. 

• y Di ne di amusitse marole. 

Paka e e tlang 

Dikai 

• y Ke tlaa ja bogobe. 

• y Diperekisi di tlaa gola fa pula e na. 

• y Letsatsi le tlaa fisa thata ka moso. 

13


Paka e e tlang tsweletso 

Dikai 

• y Kgosi o tla a bo a sa ntse a bua. 

• y Nnake o tla a bo a tlhatswa. 

• y Dikgomo di tla a bo di sa ntse di fula. 

• y Mme o tla a bo a sa ntse a tlhagola. 

Tlhaodi 

Tlhaodi ke karolo ya puo e e tlhaolang kgotsa e e 

farologanyang selo mo go tse dingwe. 

Dikai 

• y Bojang jo botala bo nkga monate. 

• y Badisa ba bolaile podi e e tlhotsang. 

• y Mosese wa sekolo o montle. 

• y Dinku tsotlhe di tlhatlhetswe. 

• y Ba lemile dipeo di sele. 

Mafoko a a mmala mo dieleng tse di fa godimo ke tlhaodi. 

A farologanya bojang, podi, mosese, dinku le dipeo le tse 

dingwe tse di tshwanang le tsone. 

Mefuta ya ditlhaodi 

Go na le mefuta ya tlhaodi e bong: 

a) Letlhaodi 

b) Leamanyi 

c) Lerui 

d) Lebadi 

e) Lesoboki 

1. Letlhaodi 

Letlhaodi ke tlhaodi e e tlhaolang kgotsa e e 

farologanyang dilo ka palo, popego le mmala. 

Dikai 

• y Koko e elame mae a marataro fela. 

• y Bakgatla ba bolaile dikgomo tse pedi kwa lenyalong. 

14


• y Ke rata phaphatha e kima. 

• y Kgosi o mo iteile ka thupa e tshesane. 

• y Mosese o montsho ga o montle. 

• y Bojang jo botala bo a kgatlhisa. 

2. Leamanyi 

Ke tlhaodi e e tlhaolang ka go amanya dilo. Le tlhaola ka 

go dirisa dikarolo tsa puo ka go farologana. 

Dikai 

• y Lerapo le le thata ga le šetlege motlhofo. 

• y Banna ba bolaile podi e e makoro. 

• y Ngwana yo o botlhale o ratwa ke barutabana. 

• y Bana ba ba gogang ba tla a otlhaiwa. 

• y Ba timeditse kgomo e e boramaga mo phatleng. 

• y Mosadi yo o pelotlhomogi o belege batho. 

• y Ba gapile dikgomo tse di digwetla fela. 

• y Sethunya se se fa ntlong se nkga monate. 

3. Lerui 

Ke tlhaodi e e tlhaolang ka go supa thuo. Lerui le ka 

kgaoganngwa gabedi. 

i) Lerui-tota: 

Lerui-tota ke fa go tlhaolwa sengwe mo go tse dingwe 

go lebeletswe gore se ruilwe kgotsa se na le se se se 

ruileng. Go nna le serui le seruiwa. 

Dikai 

• y Bana ba gagwe ba ile morakeng. 

• y Dipotsane tsa ga Badisa di sutlhile. 

• y Mabele a kgosi a mantsi. 

• y Ditlhako tsa basadi di dintle. 

Mafoko a a mmala ke lerui. Mo dikaing tse di fa godimo 

lerui le ka kgaoganngwa jaana ka serui le seruiwa. 

15


Serui 

Ba gagwe 

Badisa 

Kgosi 

Basadi 

Seruiwa 

Bana 

Dipotsane 

Mabele 

Ditlhako 

ii) Lerui-letlhalosi 

Lerui letlhalosi le tlhaola selo mo go tse dingwe ka go 

tlhalosa mme le tlhalosa ka ditsela tse di farologaneng. 

Dikai 

• y Kopi ya tshipi e thata. 

• y Bana ba ikantse ntlo ya thapelo fa go nna le dikgwetlho. 

• y Dikgetsi tsa mabele di oletse. 

• y Ntsalake o mphile lekapa la letlhodi ngogola. 

• y Sametsi o dira mophato wa boraro kwa Sedumedi JSS. 

• y Potsane ya Modimo e robegile mo go botlhoko. 

iii) Lebadi 

Lebadi le tlhaola ka go dirisa dithito /-ngwe/-sele/- 

pe/-fe/-ng/. 

Dikai 

• y Nonyane nngwe e a tswidinya. 

• y Monna mongwe o rema setlhare. 

• y Ba tlhatlhetse dinamane di sele. 

• y Rakgadi ga a tla le mosetsana ope. 

• y Ga go setlolo sepe mo lebotleleng le. 

• y Selepe sa gago ke sefe? 

• y Bana ba kgetlile maungo afe? 

• y E tsetse tsiang? 

• y Wa re o tshotse selo seng ne wena? 

Lesoboki 

Ke tlhaodi e e tlhaolang ka go soboka e dirisa thito /-si/-le/- 

tlhe/. 

16


Dikai 

• y Basetsana botlhe ba a opela. 

• y Ba timeditse dihutshane tsotlhe. 

• y Dikoko tsa me di thubile mae otlhe. 

• y Go otlhailwe basimane bosi. 

• y Dikokwana di le tsosi di kwa kutleng. 

Tiriso ya tlhaodi 

Gantsi tlhaodi e tla kwa morago ga sediri kgotsa sedirwa mo 

seeleng. 

1. Tlhaodi e dirisiwa go tlhaola sediri 

• y Monna yo moleele o a rema. 

• y Kgomo e e lesifi e a thula. 

• y Dikatse tsa bone di a tena. 

• y Bana botlhe ba ile sekolong. 

• y Rre mongwe o a porofita. 

2. Tlhaodi e dirisiwa go tlhaola sedirwa 

• y Katse e bolaile dipeba tse pedi mo mosong. 

• y Bagwe ba tlisitse dikgomo tse di makoro fa ba ntsha 

bogadi. 

• y Balemi ba bararo ba tlaa roba dijalo tse dintsi. 

• y Mogokgo o iteile basimane botlhe. 

• y Modisa o gamile podi e sele. 

• y Mapodisi a tshwere mosetsana ofe? 

Letlhalosi 

Ke karolo ya puo e e dirisiwang go tlhalosa tiri/tiragalo. Le 

tlhalosa gore tiragalo e diragala kae, leng le gore jang. 

Dikai 

• y Batsadi ba nna kwa masimo. (kae) 

• y Basimane ba sekolo ba tla tlhatswa kgantele. (leng) 

• y Monnamogolo o iteile ngwana jaana. (jang) 

17


Matlhalosi fa a tlhalosa gore tiragalo e diragala kae a a bo a 

tlhalosa felo. Fa a tlhalosa gore tiragalo e diragala leng a a bo 

a tlhalosa nako mme fa a tlhalosa gore tiragalo e diragala jang 

a a bo a tlhalosa mokgwa. 

Mefuta ya matlhalosi 

Go na le matlhalosi a tlholego le a e seng a tlholego. 

1. Matlhalosi a tlholego 

Ke matlhalosi a a tlholegileng fela a tlhalosa mo puong. 

Dikai 

• y Ba nna gaufi le kereke. 

• y Di kobele kgakala le tshimo. 

• y Rre o tla a tsamaya phakela. 

• y Banyadi ba emeletse bosigo. 

• y Baetsana ba kgabile tota. 

• y Mosimane wa sekolo o taboga thata. 

2. Matlhalosi a e seng a tlholego 

Ke matlhalosi a a bopilweng go dirisiwa dikarolo tse 

dingwe tsa puo jaaka maina le tlhaodi. 

Dikai 

• y Kgaitsadie o nyetse mosadi kwa Borolong. 

• y Noga e tsene mo mosimeng. 

• y Poo e bopa kwa ntle. 

• y Re tla a tswala ka Sedimonthole. 

• y Mosima o o epilwe ka peke. 

• y Batsomi ba hudile ditholo gararo. 

• y Dikonyana di tshameka le dipotsane mo lesakeng. 

Tiriso ya letlhalosi mo puong 

Gantsi letlhalosi fa le tlhalosa felo, mokgwa kana nako le a 

bo le tlhalosa tiragalo kgotsa tiri. Le tshwanetse go tla kwa 

morago ga tiri kgotsa tiragalo. Fa le sa tle kwa morago ga tiri 

le a bo le sa dirisiwa ka fa tshwanelong. 

18


Lebelela diele tse di mo moalong o: 

Letlhalosi le dirisitswe sentle 

Ke ya masimo phakela. 

Ba tsenye mo ntlong. 

Nnanaso o a ja tota. 

Letlhalosi le sa dirisiwa sentle 

Phakela ke ya masimo. 

Mo ntlong ba tsenye. 

Tota Nnanaso o a ja. 

Lekopanyi 

Lekopanyi ke karolo ya puo e e dirisiwang go aga puo kana go 

kopanya diele le dikarolo tsa puo. 

1. Lekopanyi le kopanya maina 

Dikai 

• y Ke ne ke ba apeetse borotho le nama. 

• y Ba tlhabile dipodi kgotsa dinku? 

• y Ke go tsholele setampa kana dikgobe? 

• y Baithuti ba rata Setswana le sekgoa. 

2. Lekopanyi le kopanya dikarolo tsa puo kgotsa diejana 

Dikai 

• y Baithuti ba a tlhodia e kete mamphorwana. 

• y Mofenyi o taboga jaaka pitse. 

• y Ntša o a tlolatlola e kete ntlole. 

• y Le gape e e lesifi e seng e e makoro. 

• y O reke le magapu a mahibidu e bile a le mabedi. 

3. Lekopanyi le kopanya diele 

Dikai 

• y Monaka o ile kgolegelong go bane o utswile. 

• y Bana ba koko ba tsile mme ga ba e bona. 

• y Pula e tla a na gonne e a solofetsa. 

• y Wa re ke go fe madi boo ke a bereka. 

Maemo a lekopanyi mo seeleng 

Lekopanyi le ka dirisiwa kwa tshimologong, fa gare kana kwa 

bofelong jwa seele. 

19


1. Lekopanyi le dirisiwa kwa tshimologong ya seele 

• y A itse batho ba rata dilo tsa batho. 

• y E re ka a mo rata thata o mo reketse diaparo tse dintle. 

• y E rile a bona bana ba gagwe, a ba tlamparela. 

• y Ntsiana motho yo Mothusi ke mogoloo? 

2. Lekopanyi le dirisiwa fa gare mo seeleng 

• y A re ke mo fe madi boo ke a bereka. 

• y Ba nna fela kwa masimo le mororo ditiro di le mo gae. 

• y Mo okeletse gonne o tshwerwe ke tlala. 

3. Lekopanyi le dirisiwa kwa bofelong jwa seele 

• y Bana bao ba a itsane go riana? 

• y Ee! Ke utlwile sengwe jaanong. 

• y Mm! Ke a mo rata gone. 

• y Senakangwedi ga a utlwe kante? 

Tiriso ya lekopanyi mo puong 

Lekopanyi le tshwanetse go dirisiwa ka fa tshwanelong. Fa 

lekopanyi le sa dirisiwa sentle le senya bokao. 

Lebelela diele tse di mo moalong o: 

Lekopanyi le dirisitswe sentle 

A re ke mopege boo ke na le koloi. 

Di a tura ntswa di onetse. 

O rata dilo mme a le maswe. 

Lekopanyi le sa dirisiwa sentle 

Ke a mo rata boo o montle. 

Morumi o nonne ntswa a le makgakga. 

Mosarasarane o taboga thata mme o ile go 

emela lefatshe la Botswana. 

Lelatlhelwa 

lelatlhelwa ke karolo ya puo e e dirisiwang go tsibosa. Ke sone 

se nako e nngwe le bidiwang letsibosi. Letsibosi le dirisiwa go 

tsibosa batho kgotsa diphologolo mo puong. 

Dikai 

• y Kibi! A etswe mo ntlong e tloga e senya. 

• y Owaii! O a bo o re o ka betsa mang o sa nonofa jaana? 

• y Nnyaa! Ga ke ise ke dumalane le ene. 

20


• y Aoo! Mosadinyana wa batho o golafaditswe ke khuti ya 

matlakala. 

Mefuta ya malatlhelwa 

Malatlhelwa a ka kgaoganngwa ka mefuta e le meraro e leng 

malatlhelwa a tlholego; malatlhelwa a a tswang mo dikarolong 

tse dingwe tsa puo; le malatlhelwa a seka-taelo. 

1. Malatlhelwa a tlholego 

• y E-e! Ga ke a tla maaabane. 

• y Aa! O montle jang ne mma. 

• y Puraa! A di tle go tsena mo lesakeng. 

• y Bii! Thusang ntlo ya me e a ša. 

2. Malatlhelwa a a tswang mo dikarolong tsa puo 

• y Wena! O tlaa bolawa ke batho fa o sa itlhokomele. 

• y Monna! E gaketse pula ya monogwaga. 

• y Mothusi! Tlogela go tshameka ka metsi. 

3. Malatlhelwa a seka taelo 

• y Ke gone! Tlholang sentle. 

• y Bagaetsho! Ke tlile go lo lekola. 

• y Tsela tshweu! O tsamaye ka pula morwarre. 

• y Tebogo wee! Mme o a go bitsa. 

• y Nkadime ditlhako tseo tlhe! 

Tiriso / bokao jwa malatlhelwa 

Malatlhelwa a ka dirisiwa go supa maikutlo a a farologaneng. 

1. Go dumela kgotsa go dumalana 

• y Ee! Ke rata thata fa o bua jalo. 

• y Autlwa hee! Ka na ke itsile gore fa e le wena go tlaa 

kgonagala. 

2. Go ganetsa kgotsa go sa dumalane 

• y Nnyaa! Ga ke batle go reka dikgomo gompieno. 

• y E-e! Batho ba ba batla go re tsietsa! 

• y O! O batla go sala o ntima ke ile go tshameka? 

21


3. Go nyatsa 

• y Owaai! Setlhopha sa lona ke magogorwane wa bofelo. 

• y Okh! E kare o koafetse jaana o bo o re o ka belega 

ngwana. 

4. Go gakgamala 

• y Aa! Ke ne ke sa lemoge gore o montle jaana. 

• y Thaka! Kgomo e e kgona go tlola terata e telele jaana? 

5. Go kopa thuso 

• y Ijoo! Ke tlhasetswe ke magodu. 

• y Bii! Batho nthusang ntlo ya me e tsewa ke diphefo. 

6. Go utlwa setlhabi 

• y Iši! Mutlwa o ntlhabile mo leotong. 

• y Tshutshu! Ke gatile legala le le molelo. 

7. Go belaela sengwe 

• y Ao! A o raya gore dipodi di tla goroga tota? 

8. Go utlwela botlhoko 

• y Aoo! Tonki ya Modimo e bolailwe ke koloi. 

9. Go tlotla motho yo mongwe 

• y A re bo kgaogane kgabo! 

• y Dumela kwena! 

10. Go buisa batho 

• y Bagaetsho! Ke tla a ema go le kalo gore lo botse 

dipotso. 

• y Batho betsho! Lekgotla la borre mabapi le HIV/AIDS 

(Men sector) le eme ka dinao. 

Leetsisi 

Leetsisisi ke karolo ya puo e e dirisiwang go etsa dilo tse di 

farologaneng. Le lone fela jaaka lelatlhelwa le senola maikutlo 

mme go gatelelwa bokao jwa ka fa dilo di diragalang ka teng 

kgotsa di lebegang ka teng. 

22


Dikai 

• y Setlhare se ne sa re kgwaaa! Fa se robiwa ke diphefo tsa 

matsubutsubu. 

• y Re sa le re bona kgomo e re piriga! Mo sakeng fa tlhobolo e 

sena go lela. 

• y Tlhaga e medile e bile naga e ntse e re tala! 

Maetsisi a a farologaneng 

1. Maetsisi a go boelediwang dinoko 

• y Noga e ne ya re lelelele! Mo mosimeng. 

• y Utlwa kodu ya maru jaaka a ntse a re tididitididi! Go 

raya gore pula e tlaa na. 

• y Pula e ntse e re sarasara! Kwa ntle. 

2. Maetsisi a go lelefadiwang modumo wa bofelo. 

• y Matlho a gagwe a rile hubee! E kare o gasitswe tšhilisi. 

• y Keitheile o rile tuu! Ke belaela gore o akanya thata. 

Tiriso ya leetsisi 

Leetsisi le ka dirisiwa go etsa modumo, tiragalo le tebego ya 

dilo tse di farologaneng. 

1. Leetsisi le etsa modumo. 

• y Ke eng se se reng ruthu! Ka fa morago ga ntlo? 

• y E rile phala e re tshwerrr! Ba betsega ka lobelo lo 

logolo. 

• y Fa o utlwa go ntse go re šwaaaa! Jaana, go raya gore 

molapo o tletse. 

2. Leetsisi le etsa tiragalo 

• y E ne ya re re atamela boSelefo ba re nyele! Re ntse re 

ba lebile. 

• y Mmutle o ne wa re betse! Ka lobelo fa o bona dintsa. 

• y Go ne ga re gatse! Fa dirukutlhi di tsena ka kgoro ya 

marekisetso. 

• y Legadima le ne la re phatsi! Mme ga latela go thunya 

ga maru. 

23


3. Leetsisi le etsa tebego 

• y Lenaga le rile setlhe! Tota gatwe pula e tlaa na leng? 

• y Fa re ntse re itisitse go ne ga re tshoo! E le jaaka o 

tsamaile motlakase. 

• y Ditamati tsa me di rile hubee! Ke raya gore di budule 

go butswa. 

24

Tiriso ya dikarolo tsa puo 


Sediri 

Sediri ke karolo ya puo e e leng gore mogopolo wa seele o 

remeletse mo go yone kgotsa re ka re se tota go buiwang ka 

sone mo seeleng. 

Dikai 

• y Basimane ba tshamekile kgwele ya dinao sentle maabane 

• y Dikgomo tsa maši di busetsa dipoelo tse dikgolo mo 

kgwebong. 

• y Melao mengwe ya sekolo e bogisa ba ba sa e obameleng. 

Mafoko a a mmala mo dieleng tse di fa godimo ke sediri. 

Sedirwa 

Sedirwa ke karolo ya puo e e supang gore tiro e dirwa mo go 

yone. 

Dikai 

• y Batho ba rekisa ditlhako tsa setso kwa Gaborone. 

• y Puso e ila kgokgontsho ya bana ba bannye thata. 

• y Batsadi ba rata bana ba ba reetsang dikgakololo tsa bone. 

Mafoko a a mmala fa godimo ke sedirwa 

Tiri 

Tiri ke karolo ya puo e e senolang tiro e e diriwang mo 

seeleng. Ke sone se lediri e leng bontlhabongwe jwa tiri. 

Legokedi la sediri fa le kopana le lediri, di aga tiri. 

Ela tlhoko 

Karolo ya puo e e 

dirisiwang jaaka sediri 

le sedirwa ke leina. 

Dikai 

• y Ditlhare tse dileele di wetse dikoloi kwa kokelong. 

• y Bomme ba Mookane ba kgobokanyetsa letlole la masiela 

madi. 

25


• y Baagi ba segompieno ba rata ditena tse dikhibidu fa ba aga 

mantle. 

Tiri e tsamaisana le dipaka tse tiro e diragetseng mo go tsone. 

Dikai 

• y Batswana ba ne ba bina mmino wa setso ka Boipuso. 

• y Thuo ya dikoko e tlaa busetsa bagwebi mo go itumedisang. 

26

Molokololo wa seele 

Molokololo wa seele 

Seele se se feletseng se tshwanetse go nna le sediri, tiri le 

sedirwa ka go tlhomagana ga tsone. Fa se le seleele se nna le 

tlhaodi e tlhaola sediri kgotsa sedirwa; le tlhalosi e tlhalosa 

tiri. 

Monna yo moleele o nyetse mosadi ngogola. 

Monna 

sediri 

yo moleele 

tlhaodi 

o nyetse 

tiri 

mosadi 

sedirwa 

ngogola 

tlhalosi 

Seele fa se kgaoganngwa ka dikarolo tsa puo jaaka fa godimo, 

se a bo se lokololwa. 

Dikai 

Diele tse di fa tlase di tlaa kgaoganngwa ka dikarolo tsa puo 

mo moalong o o fa tlase ga tsone. 

• y Basimane ba baleele ba rata dijo mo go feteletseng. 

• y Kgwebo ya temo thuo e godisa itsholelo thata. 

• y Dikoko tse di lelang di bone kgwathe mo setlhareng. 

• y Dikhompiutara tsotlhe di nyeleditse metsotso ya phuthego 

bosigo. 

• y Basetsana ba bararo ba tsere sekgele mo kgaisanong ya 

mmabontle. 

Sediri Tlhaodi Tiri Sedirwa Tlhalosi 

Basimane ba baleele ba rata dijo mo go feteletseng 

Kgwebo ya temothuo e godisa itsholelo thata 

Dikoko tse di lelang di bone kgwathe mo setlhareng 

Dikhompiutara 

tsotlhe 

ya phuthego 

di nyeleditse metsostso bosigo 

Basetsana ba bararo ba tsere sekgele mo kgaisanong 

27

Ngotlo ya dikarolo tsa puo 


Ngotlo ke nyenyefatso ya dikarolo tsa puo di akaretsa leina, 

tlhaodi le letlhalosi. Megatlana ke e e latelang: /-nyana/, 

/-nyane/, /-ana/, /-ane/. Megatlana e ya ngotlo e ka dirisiwa 

ka go faapakanngwa. 

Ngotlo ya maina 

Leina 

Mogatlana /-nyana/ 

kana /-nyane/ 

Mogatlana /-ana/ kana 

/-ane/ 

koko kokonyana kokwana 

podi podinyana potsane 

kobo kobonyana kojwana 

pampiri pampirinyana pampitshana 

kolobe kolobenyana kolojwane 

Ngotlo ya tlhaodi 

Tlhaodi 

e nala 

e ntsho 

tse ditshweu 

e tilodi 

e khunou 

Tlhaodi e e ngotlilweng 

e naana 

e tshwana 

tse di tshwaana 

e tilotsana 

e khunwana 

Ngotlo ya matlhalosi 

Matlhalosi 

gaufi 

thata 

fa pele 

kwa morago 

phakela 

Matlhalosi a a ngotlilweng 

gautshwane 

thatanyana 

fa pelenyana / fa pejana 

kwa moragonyana 

phakelanyana 

28


Medumo e e fetogang fa go ngotliwa 

Fa go ngotliwa dikarolo tsa puo go dirisiwa megatlana /-ana/ 

kgotsa /-ane/ medumo mengwe mo dikarolong tse tsa puo e a 

fetoga mo lefokong le le ngotlilweng. 

Karolo ya puo 

Karolo ya puo 

E e ngotlilweng 

Medume e e 

fetogileng 

molapo molatswana p > ts 

phefo phešwana f > š 

kobo kojwana b > j 

pampiri pampitshana r > tsh 

madi matsana d > ts 

Kgakala Kgakajana l > j 

e tilodi e tilotsana d > ts 

gaufi gautshwane f > tsh 

yo o botlhale yo o botlhajana l > j 

Bokao jwa ngotlo 

1. Ngotlo e ka kaya bonamagadi mo diphologolong. Se se 

diragala fela fa go dirisiwa dithito tsa letlhaodi le tlhaola 

ka mmala. Bokao jo jwa ngotlo bo senoga fela mo 

diphologolong. 

• y Kgomo e naana e tsetse maabane. 

• y Podi e phatshwana e gwetswe kgwedi e e fetileng. 

• y Ntša e tshetlhana e rata go sireletsa dintšanyana tsa 

yone. 

2. Ngotlo e ka kaya lorato / boitumelo 

• y Dipodinyana tsa me di tsetse dipotsane tse dikima ke 

a go bolelela. 

• y O ne a gata kgarejwana ya me fa a tlaa ikgapela 

sekgele. 

• y A bontle jwa ntlonyana ya gago tsala ya me. 

29


3. Ngotlo e ka kaya lonyatso 

• y Molatswana o, o a bo o re o ka tsaya motho? 

• y Nkadime tlhe penenyana e e fedileng eo ya gago. 

• y Molemi o a bo a ka re feta ka kolotsana e e 

phephethang mesi jaana? 

4. Ngotlo e ka kaya kutlwelobotlhoko 

• y Mosadimogolonyana wa batho o palelwa ke go 

tsamaya. 

• y Bona jaaka dikgomo di šobotlile dijalonyana tsa me 

mo go botlhoko. 

• y Ditshwenyana tsa mogolo di tsenwe ke bolwetse. 

5. Ngotlo e ka kaya bonnye jwa selo. Bokao jo bo senoga 

fela fa go dirisiwa dilo tse di nang le kgonagalo ya go 

gola jaaka bana ba ditshedi. 

• y Tau e rata go sireletsa ditawana tsa yone. 

• y Kokwana e wetse mo metsing e re e a nwa. 

• y Maebanyana a Modimo a bolailwe ke tlala ka mmaao 

a sule. 

• y Ditlhatshana tsame di a gola ka gore di a nosediwa. 

30

Bokao jwa dikarolo tsa puo 

Bokao jwa dikarolo tsa puo 

Dikarolo tsa puo fa di dirisitswe mo puong, di senola bokao. 

Bokao jwa karolo nngwe le nngwe ya puo bo laolwa ke ka fa 

e dirisitsweng ka teng. Gantsi bokao jwa karolo ya puo bo 

senola maikutlo a mokwadi kgotsa mmui. 

Puisano e e fa tlase e supa bokao jwa dikarolo dingwe tsa puo. 

Mokgabo: Waitseee! Mmata, ga o ka ke wa dumela se ke se 

buang 

Nunu: Tswa ka tsone dikgang, go rileng? 

Mokgabo: Ke tswa go bona molekane wa me e bong Thato 

a tsabakela mo kgwebong a re o dirisa lenaneo 

la LIMID. A nna fa fatshe a ntlhalosetsa ka fa 

balemisi ba mo thusitseng ka teng. A re o ne a 

tsaya dithuso tseo ka go di garumela mme a atlega 

e bile o na le dipodi di le lekgolo. Ke fa ke mo 

reeditse ka botswapelo. 

Nunu: Ao! tsala ya me, moo ka na ke yone khumo tota. 

A mme ruri rona boNunu re ka kgona? Ka na 

dilo tse dingwe tse ga di batle matshamekwane, di 

batla motho yo a ka tlhoafalang jaaka Thato. 

Mokgabo: Nna mma ke tla palelwa ke kgaratlhile. Ke ya go 

itepa lesego. Fa ke ka thusiwa ke tla ngakalala go 

fitlhelela ke atlega. 

Karolo ya puo 

waitseee! 

tsone 

tsabakela 

nna 

garumela 

botswapelo 

tota 

ruri 

kgaratlhile 

ngakalala 

Bokao go ya ka tiriso 

go gakgamala 

go gatelela 

boitumelo / lorato / go kgatlhega 

go iketla 

lorato / go tlhoafalela 

go kgatlhega / lorato 

go gatelela 

go inyatsa/ go ipelaela / go itlhoboga 

tsholofelo 

boitshoko 

31

Go logagana ga puo 

Go logagana ga puo 

Dikarolo tsa puo ke mafoko le diejana. 

Mafoko le diejana di aga diele tse di nang le 

bokao. 

Diele di aga ditemana tse dinang le megopolo 

e e feletseng. 

Ditemana di aga dipolelo, dikwalo, dipego, 

dipuiso le dipuisano. 

32

Grammar Handbook - Pearson

You also want an ePaper? Increase the reach of your titles

Delete template?

Save as template?