201404-06pi

MAYO-HUNYO 2014

2lakas ng masa | ABRIL-HUNYO 2014 

Pagkatapos pirmahan ni Aquino ang EDCA 

Balikatan Exercises sa Gitnang Luzon 

at sa buong bansa, 

Nagdulot ng higit na panlilinlang 

at pinsala 

igit na pambubulabog ng mga 

Hsundalo ng Armed Forces of the 

Philippines (AFP) at ng mga tropang 

Amerikano ang naranasan ng mga 

mamamayan ng Tarlac, Zambales, 

Nueva Ecija at Pampanga sa 

nakaraang Balikatan Exercises na 

ginanap noong Mayo 6 hanggang 

16. Ito na ang pinakamalaking 

Balikatan na dinaluhan ng mahigit 

3,000 Amerikanong sundalo, 

mahigit 4,500 tropang AFP na 

dinagdagan pa ng 60 tropang 

Australyano at 25 na kasapi ng 

Hawaii National Guard. Ito man ang 

ika-30 paglulunsad ng Balikatan 

sa bansa, ngayong Mayo naman 

ang unang pagkakataon matapos 

lagdaan ni Noynoy Aquino at ni 

Barack Obama ang kasunduang 

Enhanced Defense Cooperation 

Agreement (EDCA) na isang 

kasunduang militar sa pagitan ng 

US at ng Pilipinas. 

Mapaminsala at mapanlinlang 

na Balikatan 

Ang mga pagsasanay pangkombat 

ay isinagawa sa Naval Education 

and Training Center sa San Antonio, 

Zambales, sa Fort Magsaysay, 

Nueva Ecija, sa Clark Air Base 

sa Angeles City, Pampanga, sa 

Crow Valley, Tarlac at sa Marine 

Base sa Ternate, Cavite at maging 

sa Palanan, Isabela. Kapansinpansin 

ang mga nagliliparang 

mga jetfighters sa himapapwid 

ng Gitnang Luzon noong mga 

nakaraang linggo. Ito ay ilan lamang 

sa mga binibidang makabagong 

kagamitan ng US kabilang pa 

ang attack at combat helicopters 

na kasamang dumaong ng isang 

barkong pandigma sa Subic. 

Tulong para sa mga nasalanta 

naman ang pagpapanggap ng 

mahigit 200 tropang Amerikano 

na ipinakat sa Guinobatan, Albay 

at sa Legazpi City noong Abril 21 

hanggang Mayo 17. Gayundin ang 

presensya ng mga Amerikanong 

tropa sa Tacloban City, Cebu at 

Bohol. Ang mga tropang ito ay 

lumahok din sa mga operasyon 

laban sa rebolusyonaryong 

kilusan at nagkumpuni 

ng mga imprastrakturang 

pangkomunikasyon at paniktik sa 

lugar. 

Katulad ng mga nakaraang 

Balikatan, matinding pinsala na 

naman ang idinulot ng naturang 

aktibidad sa hanay ng mga 

mamamayan ng Gitnang Luzon at 

maging sa iba pang rehiyon. Ilang 

araw na binulabog ng mga sundalo 

ang mga baryong malalapit sa 

kanilang mga pagsasanay dahil 

sa mga pagpapaputok ng mga 

matataas na kalibre ng baril at 

iba pang mga pasabog, pagooperasyon 

sa mga lupang 

sakahan at sa mga gubat kung

saan naghahanapbuhay ang mga 

magsasaka at mga katutubo, at 

maging pagpasok sa mga baryo 

ng walang pahintulot ng lokal na 

gobyerno. Nag-iwan ang mga 

tropang ito ng matinding kalat, 

pinsala sa kabuhayan, takot 

at panibagong pangamba sa 

mamamayan dahil sa inaasahan 

pang mas madalas nang 

paglulunsad ng mga pagsasanay 

militar dahil sa kasunduang EDCA. 

Panibagong pagtataksil 

sa mamamayan 

Tiyak na patitindihin pa ng EDCA 

ang mga aktibidad tulad ng 

Balikatan Exercises. Nakasaad sa 

kasunduang ito ang pagbibigay 

pahintulot ng Pilipinas na ipagamit 

sa Amerikanong sundalo ang 

anumang pasilidad militar , 

mga lapagan ng sasakyang 

panghimpapawid at mga daungan 

sa bansa, at ang pagtatayo ng 

iba pang mga eksklusibong 

imprastraktura na tanging mga 

sundalong Amerikano lamang ang 

makakagamit. Mas maraming 

sundalong Amerikano rin ang 

pahihintulutang pumasok sa bansa 

sa mas pinadalas na pagsasanay 

at iba pang tulungang operasyon. 

Makakapagtago rin sila ng mga 

sandata rito, makakapagkarga 

ng langis at iba pang suplay, at 

makakapagpahinga habang sila 

ay naglulunsad ng operasyon, 

paniniktik, at pag-iistasyon sa 

Timog Silangang Asya. 

Hindi pa man napirmahan ang 

kasunduan pero kapansin-pansin 

na ang pagpapaunlad ng AFP at ng 

gobyerno sa ilang mga pasilidad sa 

Cagayan Valley, La Union, Cavite, 

Cebu, General Santos, Cagayan De 

Oro, Zamboanga, Samar, Palawan, 

kabilang pa ang mga kampo militar 

ABRIL-HUNYO 2014 | lakas ng masa 

3 

at reserbasyon sa Subic, Pampanga, 

Tarlac at Nueva Ecija. Ito nga ay 

walang iba kundi ang panibagong 

banta ng pagpapanumbalik ng 

mga base militar ng US sa bansa 

na magreresulta sa malawakang 

pagpapalayas, pagsasamantala at 

pandarambong sa yaman ng bansa 

at pagyurak sa karapatang pantao 

ng mga Pilipino. 

EDCA at Charter Change 

para sa dayuhan 

Layunin ng EDCA na tiyakin ang 

estratehikong pagposisyon ng US 

sa Pilipinas , kagaya ng sa Japan, 

South Korea, Thailand at Australia, 

para sa higit pang pagtutok at 

pagpasok nito sa ekonomiya 

at pulitika sa Asya kung saan 

malaking kakumpetensya nito 

ang Tsina. Dahil sa matinding 

krisis na pinagdadaanan ng US, 

nagkukumahog itong makapanatili 

bilang makapangyarihang bansa 

sa daigdig, sa pamamagitan ng 

pagtitiyak ng kontrol nito sa rehiyon 

ng Asya Pasipiko. 

Lubos naman itong sinalubong ng 

pinakamasugid na tuta ng US na 

rehimeng Aquino. Bagamat walang 

pangako ang US na ipagtatanggol 

ang Pilipinas kapag lalong tumindi 

ang pakikipag-agawan nito ng 

teritoryo sa Tsina, gagamitin ito 

ni Aquino upang panatilihin ang 

ilusyon ng matatag niyang gobyerno 

at pagtakpan ang kasalukuyan 

niyang administrasyong hitik sa 

korupsyon, kriminal na kapabayaan, 

at patung-patong na pagpapahirap 

sa sambayanan. 

Ang EDCA ay labag sa Saligang 

Batas ng Pilipinas, kaya naman 

itinutulak din ng gobyernong Aquino 

ang Charter Change upang bigyang 

katwiran ang EDCA kasabay ng

4 

lakas ng masa | ABRIL-HUNYO 2014 

matinding pagsusulong ng mga 

malalaking kapitalista sa higit pang 

pagbubukas sa ekonomiya ng 

bansa sa mga dayuhan. Gusto nilang 

ipatupad ang pagbibigay pahintulot 

sa mga dayuhan na magmay-ari ng 

100% ng anumang negosyo’t pagaari 

sa Pilipinas na siya namang 

tinututulan ng malawak na hanay 

ng mamamayan. 

Tuloy ang kasaysayan 

ng paglaban 

Isang mahabang kasaysayan ng 

pakikibaka ang magpapatunay sa 

pagupunyagi ng sambayanang 

Pilipino sa pagtindig at pagtatanggol 

sa pambansang patrimonya at 

soberanya. At nananatiling sandata 

nito ang sama-samang pagkilos. 

Ilang dekada nang tumitindig ang 

mga katutubong Aeta sa Zambales 

at Tarlac para ipagtanggol at bawiin 

ang kanilang lupang ninuno na 

ninakaw noon ng mga Amerikano 

upang gawing mga reserbasyong 

militar. Noong Setyembre 16, 1991 

nagtagumpay ang sambayanan na 

patalsikin ang mga base militar ng 

US sa Subic at Clark. Itinaboy naman 

ng mga mamamayan ng Bicol ang 

mga sundalong Amerikano noong 

Balikatan 2009. Ilang beses na ring 

binigo ng sambayanan ang mga 

panukalang Charter Change ng 

mga nagdaang rehimen. 

Sa kasalukuyan, naghahanda ang 

mga magsasaka at katutubo sa 

mga apektadong probinsyang 

ito para sa paglahok sa isang 

malaking pagkilos ng mga 

magbubukid kung saan kasama 

sa kanilang panawagan ang 

pagbabasura sa EDCA, Charter 

Change at Balikatan, paglaban sa 

agresibong interbensyong militar 

ng imperyalismong US at ang 

pagpapatalsik at pagwawakas 

na sa makadayuhan at kontramamamayang 

rehimeng US- 

Noynoy Aquino.

5 

i Noynoy Aquino, bilang pangulo 

Sng Republika ng Pilipinas, 

ang kasalukuyang tumatayong 

kinatawan ng mga naghaharinguri 

o ang pagsasabwatan ng 

malalaking panginoong maylupa, 

at ng mga malalaking dayuhan 

at Pilipinong kapitalista na 

kinukumpasan ng imperyalistang 

Estados Unidos. Siya ay kasapakat 

sa pagtataguyod ng mga ugat 

ng kahirapan sa ating bayan : 

ang imperyalismo, burukrata 

kapitalismo at pyudalismo. 

Narito ang ilan sa mga matitingkad 

na dahilan kung bakit dapat nang 

wakasan ang panunungkulan ni 

Noynoy Aquino. 

1KAWALAN NG TUNAY 

NA REPORMA SA LUPA 

AT LUMALALANG 

KALAGAYAN NG MGA 

MAGBUBUKID 

Papalapit na ang pagtatapos 

ng epektibidad ng batas na 

Comprehensive Agrarian Reform 

Program Extension with Reforms 

(CARPER). Kung matatandaan, 

mahigit sa 1.2 milyong ektarya 

pa dapat ang maipapamahagi sa 

mga magsasakang wala o kulang 

ang sinasaka. Ngunit hanggang sa 

kasalukuyan, nananatiling pito sa 

sampung magsasaka ay wala pa 

ring sariling lupang sinasaka. Sa 


5 

DAHILAN KUNG BAKIT 

DAPAT NANG PATALSIKIN 

SI NOYNOY AQUINO 

ilalim ng asenderong-pangulong 

Noynoy Aquino, lalong napatunayan 

ang kahungkagan ng CARPER. 

Nananatili ang konsentrasyon 

ng malalawak na lupain sa mga 

asyenda sa kamay ng iilang 

panginoong maylupa tulad ng sa 

Hacienda Luisita. Nagbabadya 

pa ang muling rekonsetrasyon 

ng mga lupang sakahan dulot ng 

malawakang pakana ng gobyerno 

tulad ng pagbabanta sa mga 

magsasaka ng pag-iilit sa kanilang 

lupa kung hindi makakapagbayad ng 

amortisasyon. Lumalawak din ang 

pagpapalayas sa mga magsasaka 

at maging sa mga katutubo katulad 

ng kalagayan ng mga mamamayan 

sa military reservation sa Capas, 

Tarlac.Patuloy na tinatapatan ng 

pandarahas ng estado ang mga 

magsasakang lumalaban para sa 

kanilang karapatan sa lupa. 

2 

PATONG-PATONG NA 

PAGPAPAHIRAP SA 

MAMAMAYAN 

Walang napala ang mga 

manggagawa sa ilalim ng rehimeng 

Aquino. Patuloy na ipinapatupad 

ang patakarang kontraktwalisasyon 

habang wala itong binibigay na 

makabuluhang dagdag sahod sa 

apat na taon nitong panunungkulan. 

Pinagkakasya ng manggagawang 

Pilipino ang minimum na sahod 

sa nagtatasang presyo ng bilihin 

kabilang na ang bigas, at iba pang

6 


mga singilin tulad ng tubig at 

kuryente. 

Patuloy na ginigipit ang mga 

manggagawang Pilipino sa 

mapanupil na mga patakaran at 

pagbabawal sa unyon. Maraming 

Pilipino ang humahantong sa mga 

alternatibong hanapbuhay para 

itawid ang gutom ng pamilya sa 

araw-araw. Patuloy na itinataboy 

ang mga Pilipino para mamasukan 

sa ibayong dagat. Samantalang, 

milyon-milyong Pilipino pa rin ang 

walang hanapbuhay. 

Lalong nawalan ng pag-asa na 

makapagtapos sa pag-aaral ang 

mga kabataan dahil sa panibagong 

bigat na dulot ng dagdag 2 taon 

sa batayang edukasyon habang 

papadausdos ang kalidad ng 

edukasyon sa bansa. Nananatiling 

kakarampot ang pondo sa 

serbisyong pangkalusugan at 

pabahay kaya di nito matugunan 

ang batayang pangangailangan ng 

mamamayan. 

Pinagmamayabang ni Aquino ang 

kaniyang Pantawid Pamilyang 

Pilipino Program o 4PS, isang 

programang ang pondo ay inutang 

lamang ng gobyerno sa dayuan, 

at patuloy na nanlilinlang ng 

mga maralitang Pilipino sa kabila 

ng maagang pagkakalantad ng 

korupsyon nito at layunin na ilayo 

ang mamamayan sa paglaban. 

3 

MAS MATINDING 

KORUPSYON AT HINDI 

PAGPAPANAGOT KAY 

ARROYO 

Bigo ang rehimeng Aquino na 

panagutin ang kriminal na si 

Gloria Arroyo. Sa halip, lalo lamang 

lumala ang korupsyon sa ilalim 

ng ‘matuwid na daan’ umano ng 

gobyerno. Tumanggi si Aquino na 

tanggalin ang presidential pork 

barrel habang patuloy na nailalantad 

ang mga pulitiko at personalidad na 

nakikinabang sa mga ito. Patuloy 

ang pag-iwas ni Noynoy Aquino sa 

isyu ng korupsyon kaya nananahimik 

ito pagdating sa pagpapanagot 

kay Janet Lim Napoles at sa mga 

kaugnayan nitong mga sendaor at 

kongresista. Sa halip na tutukan at 

magsalita hinggil sa mga paglilitis 

ng Senado, pilit pang binabaon ng 

administrasyong Aquino ang isyu 

ng pork barrel at nililito ang mga 

mamamayan. Patunay din ang isyung 

ito ng mas matinding pagkakabitakbitak 

ng mga naghaharing-uri sa 

gobyerno. 

4 

KRIMINAL NA 

PAGPAPABAYA SA 

BIKTIMA NG KALAMIDAD 

Sunud-sunod ang mga kalamidad 

ang pinagdaanan ng ating bansa sa 

panahon ng panunungkulan ni Pnoy. 

Ang hagupit ng Habagat sa Metro 

Manila, ang pananalanta ng bagyong 

Pablo sa Mindanao, ang mga lindol 

sa Cebu at Bohol, ang bagyong Santi 

sa Gitnang Luzon at ang pinakahuli 

ay ang delubyong hatid ng bagyong 

Yolanda sa Kabisayaan. Aabot sa 

daan-daan libong mga mamamayan 

ang apektado sampu ng kanilang 

mga kabuhayan. 

Sa lahat ng ito, napakainutil ng 

pagtugon ng goyernong Aquino na 

higit na nagpalubha sa kalagayan 

ng mga nasalanta. Sa kabila ng 

nakapakalaking donasyon na 

dumating o ipinangako sa Pilipinas, 

nananatiling di sapat para sa relief at 

rehabilitasyon ang inilalan ng tulong 

ng gobyerno. Walang makabuluhang 

tulong ang inilaan para sa mga

magsasakang tinamaan ang 

kabuhayan. Kalakhan sa mga 

tulong ay kinurakot na ng gobyerno. 

Ginamit pa ng gobyerno ang 

mga kalamidad na ito para 

patindihin ang kampanyang 

panunupil at interbensyong 

militar ng US sa Pilipinas. Sa 

kasalukuyan, nag-ooperasyon 

ang mga sundalo ng AFP sa mga 

maituturing na pinakamalalakas na 

rebolusyonaryong base sa Visayas 

at Mindanao pero patuloy itong 

binibigo ng mga mamamayang 

lumalaban. 

5PAGTATAKSIL SA 

BAYAN AT LABIS NA 

PAGPAPAKATUTA SA US 

Sobra-sobrang pagpapakatuta ang 

ipinamalas ni Aquino sa pagpasok 

nito sa panibagong kasunduang 

militar kasama ang gobyerno ng 

US, ang EDCA. Kung matatandaan, 

sa mga unang taon ng kaniyang 

panunungkulan makailang 

beses na sinalubong ni Aquino 

ang pagpasok ng mga barkong 


pandigma ng US. Ilang beses itong 

nagpakita ng suporta sa US sa mga 

planong pang-ekonomiya nito sa 

Asya kaya naman lubus-lubos ang 

pagpapatupad ni Aquino ng Public- 

Private Partnerships kasama ang 

mga imperyalistang bayan. 

Ngayon, muli na namang 

pinagtaksilan ni Aquino ang 

sambayanang Pilipino sa pagpasok 

sa EDCA. Malaking banta ito sa ating 

pambansang kalayaan, sa likas na 

yaman ng ating bansa, at maging 

sa kabuhayan at karapatang pantao 

ng mamamayan. 

obra na. Tama na. Ang apat 

Sna taong panunungkulan ni 

Noynoy Aquino ay apat na taong 

pagpapatindi ng pagsasamantala, 

pagpapahirap at pandarahas sa 

sambayanang Pilipino. Dapat na 

siyang patalsikin ng sambayanang 

Pilipino kasabay ng patuloy na 

pagsusulong ng demokratikong 

rebolusyong bayan upang ibagsak 

ang kasalukuyang sistema at itayo 

ang isang sosyalistang lipunan. 

7

8 


Mga unang hakbang sa proyektong CLLEx, inumpisahan 

Pagtutol sa makadayuhan at 

kontra-mamamayang programa, 

umiigting 

atuloy na lumalaki ang banta 

Plaban sa kabuhayan at tirahan 

ng mga mamamayang apektado 

ng proyektong Central Luzon Link 

Expressway (CLLEx). Ipinabatid 

sa mga apektadong mamamayan 

sa Nueva Ecija na patatapusin 

na lamang ang anihan ng palay 

ngayong tag-araw at sisimulan na 

ang pagtatambak sa mga lugar na 

dadaanan ng naturang proyekto. 

Namataan sa bandang Hacienda 

at Sta Monica ng Aliaga ang kada 

tatlong araw na pagtatayo ng 

mga pananda sa mga bukid na 

tatamaan ng CLLEx. Bukod rito, 

nito lamang Marso ay ipinatawag 

na rin ng DPWH at ECOSYSCORP, 

Incorporated ang mga kapitan 

ng mga barangay sa Aliaga at 

Zaragosa para sa diumanong 

paglulunsad ng mga pagpupulong 

at konsultasyon. Lahat ng ito ay 

hudyat na ng pagsisimula sa unang 

yugto ng proyektong CLLEx. 

Proyektong Kontra-Mamamayan 

Magdudulot ang CLLEx ng pinsala sa 

hindi bababa sa 23 barangays mula 

Tarlac City, La Paz, Zaragosa, Aliaga 

at Cabanatuan City. Permanenteng 

mawawalan ng pagkukunan ng 

kabuhayan ang mga magsasaka sa 

kanilang lupang binubungkal kung 

saan aabot ng 184.2 ektarya (30.7 

kilometro x 60 metro) ang saklaw 

ng unang yugto ng naturang 

proyekto. Hindi pa kasama rito ang 

mga lupa na masasagasaan ng 

apat na interchange na itatayo sa 

Amucao, La Purisima, San Juan- 

San Felipe at Caalibangbangan. 

Magdudulot rin ito ng pagkasira 

ng mga sistema ng patubig o 

irigasyon tulad ng sa GAPOMACA, 

sa barangay ng Pantoc at Umangan 

ng Aliaga at iba pa. Dagdag pa rito 

ay malaki ang magiging epekto 

nito sa produksyon ng palay kung 

saan sa Cabanatuan pa lamang ay 

tinatayang 35,000MT produksyon 

ng palay na ang mawawala. 

Maging ang mga tahimik na mga 

pamayanan ay mabubulabog tulad 

nang sa Sitio Putot, Barangay Bucot, 

sa Purok1 ng Barangay Umangan, 

sa Sitio Pulo ng Caalibangbangan 

at sa iba pa kung saan mismong 

mga tahanan ng mga residente ang 

tiyak na madedemolis. 

Bukod sa mga direktang 

mawawalan ng tirahan at maalisan 

ng karapatang magbungkal sa 

kanilang mga bukid, isa pang 

malubhang epekto nito ay 

ang paglala ng pamalagian at 

pangmatagalang pagbaha sa mga 

bayang sasagasaan ng CLLEx. 

Proyektong Makadayuhan 

Ang CLLEx ay bahagi lamang ng 

programa ng reaksyonaryong 

gobyerno na magsisilbi sa 

malalaking lokal at dayuhang 

negosyo. Ang naturang expressway 

ay nakadugtong sa mga samu’t 

saring proyektong highway sa loob


9 

KONTRA-KARATULA 

Nagsabit ang mga 

magsasaka ng 

isang malaking 

karatula para 

ipabatid ang 

kanilang mariing 

pagtutol sa 

iba’t ibang porma 

ng pagpapalayas 

at pangangamkam 

ng lupa sa 

buong probinsya. 

MATUWID NA DAAN 

Napakaraming 

mga proyektong 

expressway at 

highway ang nais 

ipatupad ng 

gobyernong Aquino 

na ang pangunahing 

makikinabang 

ay pawang malalaking 

negosyo at 

dayuhan lamang.

10 


ng 200 kilometrong erya palibot 

ng Metro Manila. Sa partikular 

ay pagdurugtungin ng CLLEx ang 

Kanluran at Hilagang Gitnang 

Luzon at mga dagat nito na West 

Philippine Sea at Dagat Pasipiko. 

Layon ng lahat ng ito na mapabilis 

ang daloy ng mga negosyo tulad ng 

pagmimina, paghahakot ng likas na 

yaman at hilaw na materyales at 

transportasyon ng mga produktong 

pang-eksport at imported kasama 

na ang smuggling. Magsisilbi 

rin umano ito sa turismo ngunit 

kaakibat din nito ay paglala ng 

human trafficking, drug trafficking, 

at prostitusyon. 

Titiyakin ng proyekto ang mabilis 

na transportasyon ng mga 

lokal at dayuhang malalaking 

mamumuhunan tulad ng : 

• APECO, Food basket at Coconut 

Plantation ng mga Angara; at Ben 

Ham Rise sa Aurora; 

• Minang ginto ng Canadian na 

Oceana Gold sa Nueva Vizcaya; 

• Bio-Ethanol ng Hapon sa Isabela 

• Casecnan Hydro Power ng 

California Energy sa lugar ng 

katutubong Bugkalot; 

• Limang libong ektaryang Wind 

Farm sa Caranglan; 

• Pantabangan at Aulo Dam Water 

Sports; 

• Smuggling sa Dingalan 

International Free Port; 

• Retirement Village sa Gabaldon at 

marami pang iba. 

Lahat ng mga ito ay matitiyak na 

maiuugnay sa Hacienda Luisita 

Incorporated; sa Metro Clark/Green 

City Project sa mga reserbasyong 

militar sa Capas-Mabalacat/ 

Angeles; Manila Bay Coastal City 

sa bunganga ng Pampanga River; 

Subic Free Port; Bataan Export 

Processing Zone sa Mariveles at 

iba pa. 

Nakabalangkas rin ang naturang 

proyekto sa paglilingkod sa 

mga tropang Amerikano sa 

pamamagitan ng kasunduang 

EDCA. Titiyaking may mahusay 

na daanan ang mga sundalong 

Amerikano para sa mas mahusay 

nitong interbensyong militar sa 

bansa. Kaya naman malaki ang 

pakinabang ng pwersang miitar ng 

Estados Unidos sa SCTEx, TPLEx, 

CLLEx 1 & 2 at NLEx upang mabilis 

na matahi ang Subic-Clark-Fort 

Magsaysay/Dinggalan Bay-Poro 

Point at NCR. 

Umiigting na pakikibaka ng 

mamamayan 

Tunay ngang palalalain lamang 

ng proyektong ito ang dayuhang 

pandarambong sa likas na yaman 

at dayuhang panghihimasok sa 

ating bansa, kapalit ang pagkawala 

ng tirahan at kabuhayan ng libulibong 

mamamayan. Ngayon pa 

lang ay malawak na pagkakaisa na 

ang binubuo ng mga mamamayan 

ng Nueva Ecija at gayundin 

ng iba pang probinsya para sa 

panawagang pagtutol sa kontramamamayan 

at makadayuhang 

proyektong CLLex. Ang paglabang 

ito ay siya ring bibitbitin na 

panawagan ng mga mamamayang 

apektado sa kanilang paglahok 

sa Lakbayan ng mga Magbubukid 

ngayong Hunyo kasama ang libulibong 

magbubukid sa buong bansa 

na nagkakaisa para ipanawagan 

ang tunay na reporma sa lupa 

at ang pagpapatalsik sa kontramagsasakang 

pangulong Noynoy 

Aquino.

ariing kinundena ng mga 

Msamahang magsasaka ang 

panibagong pandarahas sa loob 

ng Hacienda Dolores sa Porac, 

Pampanga. Si Menelao Barcia, 

isang lokal na lider at kagawad 

ng barangay ay walang awang 

pinagbabaril kasama ang kaniyang 

asawa noong Mayo 2 ng mga 

hinihinalang tauhan ng sabwatang 

Leonardo-Lachenal Holdings, 

Inc. , FL Property Management 

Corporation at Ayaland sa Hacienda 

Dolores. Bagamat sugatan ay 

naisalba ang buhay ng asawa 

nitong si Maria samantalang si 

Menelao ay hindi na umabot nang 

buhay sa ospital. 

Si Barcia ay pangalawa na sa 

mga pinatay na lider magsasaka 

sa naturang Hacienda ngayong 

taon. Nauna rito ang kaso ni 

Arman Padino noong Enero na 

pinagbabaril kasama ang dalawa 

pang magsasaka habang patungo 

sila sa kanilang bukid. 

Ang naturang pangyayari ay 

bahagi pa rin ng pananakot ng 

mga naturang kumpanya sa 

mga magsasakang nananatili 

at nakikibaka para sa kanilang 

karapatan sa lupang sakahan sa 

Hacienda Dolores. Dagdag ito sa 

napakarami nang naunang mga 

kaso ng pananakot gaya ng paninira 

ng mga ari-arian at pananim, 

pagdakip at iligal na pagkulong, 

sapilitang pagpapapirma sa mga 

waiver at maging pagpapaulan ng 

mga bala. 


11 

Sa nagpapatuloy na pakikibaka para sa lupa, 

Lider magsasaka sa Hacienda 

Dolores, pinaslang 

Ang Hacienda Dolores ay 2,000 

ektaryang lupain sa Porac na 

malapit sa Subic-Clark-Tarlac 

Expressway na ngayon ay inaangkin 

ng Leonardo-Lachenal Holdings, 

Inc. at FL Property Management 

Corporation, pawang may ugnayan 

sa Ayaland, at may planong magtayo 

ng 1,125 ektaryang pang-idustriya, 

panturismo, pangkumersyal at 

pangresidensyal na Alveria estate. 

Noong 2005 naglabas ang 

Department of Agrarian Reform 

ng kautusan na bakuran na ang 

humigit kumulang 750 ektaryang 

lupain kung saan kabilang ang 

mga sakahan ng mga magsasaka. 

Bagamat ang mga lupaing ito ay 

sinasaka na ng mga magsasaka 

simula pa noong panahon ng mga 

Kastila noong 1830’s, ginagamit 

ng gobyerno at ng mga kapitalista 

ang hungkag na batas na CARP 

para alisan ng karapatan ang mga 

magsasaka sa lupa. 

Sa kabila ng mga pandarahas at 

pananakot, matibay pa rin ang 

paninindigan ng mga magsasaka 

na ipagtanggol ang kanilang mga 

lupang sakahan. Sa kasalukuyan, 

ang mga samahang magsasaka ng 

Hacienda Dolores ay naka kampo 

sa harap ng DAR sa San Fernando 

bilang protesta at sila ay mananatili 

doon hanggang sa darating na 

Lakbayan sa huling linggo ng Hunyo 

kung saan sila ay aanib sa iba 

pang mga magsasaka sa rehiyon 

sa isang martsang magbubukid 

patungong Maynila.


12 

Kilos-protesta sa Araw ng Paggawa, 

nilahukan ng mamamayan 

aan-daan libong manggagawa 

Dsa buong kapuluan ang 

nagmartsa at nagprotesta 

sa nakaraang ika-128 taong 

pagdaraos ng Pandaigdigang 

Araw ng Paggawa noong Mayo 1. 

Nagkaroon ng mga kilos protesta 

sa iba’t ibang bahagi ng bansa 

kabilang na sa mga sentrong bayan 

sa Gitnang Luzon tulad ng Angeles 

City sa Pampanga at Tarlac City sa 

Tarlac. 

Sa pangunguna ng mga tunay, 

palaban at makabayang unyon at 

pederasyon ng mga manggagawa, 

lumahok sa pagkilos ang iba’t 

ibang sektor katulad ng mga 

manggagawang pang-agrikultura, 

mga magsasaka, mga maralita, 

mga guro, mga kawani ng 

gobyerno, mga pari at iba pang 

taong simbahan, mga kababaihan, 

mga estuyante’t kabataan at 

marami pang iba. 

Mariing kinundena ng mga 

manggagawa ang papatinding 

pagsasamantala sa mga 

manggagawang Pilipino kabilang 

na ang patuloy na panggigipit ng 

gobyerno at ng mga malalaking 

negosyante sa murang pasahod sa 

paggawa, kontraktwalisasyon, at 

karahasan sa mga manggagawa. 

Tiyak pa itong palalalain ng 

pagpasok ng gobyernong Aquino 

sa kasunduang EDCA at ang 

nakaambang pagraratsada sa 

Charter Change. Ang mga batas 

at kasunduang ito ay magdudulot 

ng mga sumusunod : a.) Todong 

presyur at todong pagpiga sa dati 

nang binabarat na lakas paggawa. 

Ibayong pag-atake sa sahod, 

seguridad sa trabaho at mga 

benepisyo, b.) Mas masahol na 

pagwasak sa kapaligiran alangalang 

sa tubo, c.) Mas masahol 

na pangangamkam at pagkakait 

ng lupa sa mga magsasaka 

at pambansang minorya at d.) 

Tahasang dayuhang pag-aari at 

pagkontrol sa mga negosyo, lupain, 

public utilities, mass media at iba 

pang serbisyo. 

Ipinanawagan din ng mga 

manggagawa ang pagtatakwil 

at pagpapatalsik sa rehimeng 

US-Noynoy Aquino sa batayang 

wala itong makabuluhang 

ginawang pagbabago sa buhay ng 

mamamayan sa nakalipas na unang 

hati ng termino nito. At sa halip ay 

nagpatupad ng mga patakaran at 

programa na lalong nagpasidhi sa 

kalagayan ng mga manggagawang 

Pilipino. 

Naglunsad naman ang 

rebolusyonaryong konseho ng mga 

unyon, ang Revolutionary Council of 

Trade Union (RCTU), ng mga oplanpinta 

at mga pagtitipon bilang 

pakikilahok at pakikiisa sa mga 

manggagawa ng buong daigdig. 

Nagkaroon din ng mga katulad na 

pagtitipon at mga martsa sa iba 

pang panig ng mundo tulad ng 

Japan, China, North Korea, India, 

Italy, France, at maging sa Estados 

Unidos kung saan lumahok rin ang 

mga migranteng manggagawang 

Pilipino roon.

URING 

MANGGAGAWA, 

HUKBONG 

MAPAGPALAYA! 


13


14 

Ika-41 taong pagkakatatag 

ng NDFP, ipinagdiwang 

pinagbunyi sa buong bansa 

Inoong buwan ng Abril ang ika-41 

taong pagkakatatag ng Pambansa 

Demokratikong Prente ng Pilipinas 

o National Democratic Front of the 

Philippines (NDFP).Naglunsad ang 

mga rebolusyonaryong pwersa 

ng iba’t ibang klase ng pagtitipon, 

pangkulturang aktibidad, mga 

raling iglap, mga operasyonpinta 

sa kalsada, at iba pa upang 

ipamalas ang kasalukuyang 

paglawak at paglakas ng NDFP. 

Ang NDFP ay ipinundar noong 

1973 at naitatag noong Abril 24. 

Mula noon, ito ay kumatawan sa 

milyun-milyong nagkakaisang 

mamamayan sa ilalim ng mga 

bandila ng mga itinatayong 

demokratikong gobyernong bayan 

o organo ng demokratikong 

kapangyarihan sa buong kapuluan. 

Sa pamumuno ng Partido Komunista 

ng Pilipinas –MLM, binibigkis ng 

NDFP batay sa saligang alyansa 

ng manggagawa at magsasaka, 

ang pinakamalawak na hanay ng 

mga progresibo at makabayang uri, 

sektor at pwersa ng sambayanang 

Pilipino at pinalalahok ang mga ito 

sa rebolusyon. 

Kumakatawan ang NDFP sa 

demokratikong gobyernong 

bayan pagdating sa mga usapang 

pangkapayapaan sa naghaharing 

estado o gobyerno at siyang 

nagtutulak sa pagsusulong ng 

mga pambansa demokratikong 

pagbabago sa lipunan upang 

tugunan ang ugat ng armadong 

tunggalian. Ito rin ay kumakatawan 

sa sambayanang Pilipino sa

pagbubuo ng diplomatikong 

relasyon sa iba pang mga gobyerno 

ng ibang bansa at pagbubuo 

ng internasyunal na antiimperyalistang 

pagkakaisa. 

Sa pagsulong sa panibagong 

taon ng NDFP, ipinanawagan 

nito ang ibayong pagkakaisa ng 

sambayanang Pilipino upang 

labanan ang papaigting na 

atake ng naghaharing-uri at ng 

imperyalistang US sa bansa sa 

pamamagitan ng EDCA at ng 

nakaambang Charter Change. 

Iginiit din nito ang pagpapalaya sa 

mga NDFP consultants kabilang na 

ang mag-asawang Benito Tiamzon 

at Wilma Austria at ipinanawagan 

ang muling pag-usad ng usapang 

pangkapayaapaan na ngayon ay 

tutuntong na dapat sa pagbubuo 

ng kasunduan para sa mga sosyoekonomikang 

usapin. Idiniin nito 

ang pagsusulong sa 12 Puntong 

Programa ng NDFP para sa tunay 

na panlipunang pagbabago at 

kapayapaang nakabatay sa 

katarungang panlipunan. 

Sa kasalukyan, ang NDFP 

ay binubuo ng 18 alyadong 

reboluysonaryong organisasyon 

kabilang na ang Partido Komunista 

ng Pilipinas at ang Bagong 

Hukbong Bayan. Pinakabago 

sa mga ito ang LUMABAN na 

rebolusyonayong organisasyon ng 

mga abogado at manananggol, 

at ang COMPATRIOTS ang 

rebolusyonaryong organisasyon 

ng mga migranteng Pilipino 

(mamamayang nagtatrabaho o 

naninirahan sa ibayong dagat). 


15 

ANG MGA ALYADONG 

ORGANISASYON NG NDFP : 

• Artista at Manunulat ng 

Sambayanan (ARMAS) 

• Christians for National Liberation 

(CNL) 

• Cordillera People’s Democratic 

Front (CPDF) 

• Katipunan ng mga Gurong 

Makabayan (KAGUMA) 

• Kabataang Makabayan (KM) 

• Katipunan ng Samahan ng mga 

Manggagawa (KASAMA) 

• Makabayang Kawaning Pilipino 

(MKP) 

• Liga ng Agham Para sa Bayan 

(LAB) 

• Revolutionary Organization of 

Lumads (LUMAD) 

• Lupon ng Manananggol para sa 

Bayan (LUMABAN) 

• Makabayang Kilusan ng Bagong 

Kababaihan (MAKIBAKA) 

• Makabayang Samahang 

Pangkalusugan (MASAPA) 

• Moro Resistance and Liberation 

Organization (MRLO) 

• Pambansang Katipunan ng mga 

Magbubukid (PKM) 

• Revolutionary Council of Trade 

Unions (RCTU) 

•Revolutionary Movement of our 

Compatriots Abroad and their 

Families (COMPATRIOTS) 

• Partido Komunista ng Pilipinas 

(PKP-MLM) 

• Bagong Hukbong Bayan 

(BHB / NPA)


20 

NANG 

MAGBANGON 

ANG MGA 

API 

MAIKLING KUWENTO 

NI KA YUHUM 

ulang pula at sumisingasing sa 

Pgalit ang mukha ng panginoon. 

Pero nang mga sandaling iyon, 

walang maibulalas na katapangan 

ang kanyang bibig. Hawak ang 

kapirasong papel at bolpen ay 

nanginginig pa ang kamay na isaisa 

nyang inilista ang mga pangalan 

ng mga lider magsasaka na walang 

pag-aatubiling nagpakilala pa 

sa kanya. Nagmistulang estatwa 

naman ang kanyang mga disipolong 

maton habang inaantay ang 

imamando ng kanilang panginoon. 

Patirik pa lang ang araw noon. 

Sinorpresa ng hindi bababa sa 

40 masang katutubo mula sa 3 

tribu ang panginoong maylupa 

na si Mr. Onyok at ang kanyang 

mga maton. Walang sabi-sabing 

winasak nila ang mga bakod at 

pinagbubunot ang mga poste. 

Tinangka niyang pigilan ang mga 

ito. “Hoy, hoy, mga baluga! Anong 

ginagawa nyo Tigilan nyo yan! 

Tigilan nyo yan!” Pero tila bingi ang 

mga masang katutubo sa kanyang 

dumadagundong na boses. Habang 

abala ang karamihan, hinarap siya 

ng mga lider katutubo. “Sa amin 

ang lupang ito. Kaya sa araw na 

ito ay aming binabawi ang lupang 

iyong kinamkam.” Walang naisip 

na isagot ang panginoon. Sa dako 

roon, kanyang namataan ang ilang 

mga katutubong nakayukod sa 

mga pilapil na may dala-dalang 

bonghat. “Ayaw ko ng away. 

Kunin ko na lang ang inyong mga 

pangalan,” ang tanging naisambit 

ng panginoon sa boses na bgilang 

nabasag. 

Nayanig ang langit sa pagbabangon 

ng mga api. Itong panginoong 

natakot mapatalsik sa trono, agad 

naghanap ng kakampi at gagawing 

mersenaryo. Kumpare nyang si 

Kapitan ang agad na sumugod 

sa tribu. Kanyang nadatnan ang 

mga masang nagsisimula nang 

gumawa ng bahay. Naninikluhod 

ang kanyang boses na nakikiusap. 

“ Hinay-hinay lang mga mahal 

kong kababaryo. Tigilan muna 

ninyo itong trabaho. Ayusin natin 

ito sa mahinahong paraan para 

walang gulo. Ako na munang 

bahala, magtiwala sana kayo.” 

At napahinto nga mga masang 

katutubo. Itong nagsasalita’y 

kinikilala kasi nilang santo. Natapos 

ang usapan sa malalim na buntong


21 

hininga at taimtim na dasal. “Sya 

nawa, Amen.” 

Subalit, makalipas ang ilang araw, 

sumambulat na kulog itong balita. 

Ngalan ng mga lider katutubo’y 

nakatala sa Bibliya. Ang sabi, 

sila’y may sabpena. “Damage to 

Property” ika banggit ng nakasulat. 

“Pagkakasala’y matutubos ng 

dalawampung libong piso bawat 

isa. Kung hindi, kayong pinagpalang 

nakatala ay makukulong. Sa sala 

ng husgado kayo’y pumarito at 

kung hindi kayo’y ipapaaresto.” 

Ang mga tribu’y nagulantang. 

Hindi nila napaghandaan itong 

tusong hakbang. Saang sulok ng 

kabundukan nila makakalap ang 

halagang dalawampung libong 

piso Presyo ng puso ngayon ay 

singkwenta pesos lamang kada 

sako. Wala ng palay na mababayo. 

Halaga ng karne ng baboy dikut ay 

siento singkwenta pesos lamang 

kada kilo. Said na ang laman ng 

kamoteng kahoy. Lipas na ang 

mga pananim sa uma. Sandaling 

nagnilay-nilay ang mga masang 

nasasakdal. At sa huli’y umabot sa 

isang pagpapasya. 

Dumating na ang araw ng pagtutuos. 

Lulan ng isang dyip,mga masang 

katutubo’y sisksikan sa loob. Meron 

pang nakasabit at nasa taas ng 

bubong. Pagdating sa bulwagan ay 

agad nagpalinga-linga. Napurnada 

na! Pangakong abugado ng NCIP 

(ahensya ng gobyernong may 

responsibilad sa interes ng mga 

katutubo) ay wala pa. At wala na 

yatang balak magpakita kahit man 

lang bula. Sugod ang mga masa sa 

munisipyo! Si Mayor ng marinig ang 

kanilang kwento, napabilib sa mga 

katutubo. Itong mga kaharap niya’y 

may pinaglalabang prinsipyo. Ang 

lakas ng kanilang pagkakaisa ay 

nagbunga ng isang alyado. Kaagad 

silang binigyan ni mayor ng isang 

abogado. 

Walang bolahan o masikot-sikot 

pang usapan. Kaagad nilang 

inilahad ang aping kalagayan. 

Payak, matapat at matalas na 

propaganda-ahitasyon ang umantig 

sa damdamin ng abugadong petiburges. 

Nakabig ang kanyang 

simpatya at nanindigan sa panig 

ng mga api. Kaagad ay nangakong 

ipagtatanggol sila sa hukuman ng 

mga poon. 

Nagmartsa na sila ngayon 

patungong sala ng hukom. Sa 

loob ng malamig na kwarto, nasa 

sentro ang hukom at sa isang tabi, 

naroroon ang panginoong si Onyok. 

Posturang mayabang, nakataas 

pa ang noo. Pero nang makitang 

sumisikip na ang kwarto sa dami 

ng mga katutubo ay nagbago ang 

anyo. Butil-butil ang pawis, sapusapo 

ang dibdib. 

Napansin ng hukom ang kalagayan 

ng panginoon. “Lumabas muna 

kayo’t maghintay ng tawag. Huwag 

kayong tatakas kung ayaw n’yong 

makulong.” 

Pansamantalang nilisan ng mga 

masa ang kwarto ng hukom. Sa 

labas tahimik ang lahat. Ang ilang 

nasasakdal ay nangangatog na 

ang tuhod – malamig kasi doon 

at hindi pwedeg magdapog. Ang 

iba naman’y pinagpapawisan na 

ng malapot – masikip kasi ang 

lugar, sa dami nila ay kulang ang 

espasyo. Ang lider ang bumasag sa 

katahimikan. “Kung makukulong 

tayong lahat, ipapakiusap ko sa


22 

hukom na pauwiin kayo at ako 

na lang ang ikulong.” Kaagad na 

sumagot ang isa. “ Hindi! Kung ang 

mga lider ay ikukulong, pakukulong 

na tayong lahat!” Agad namang 

sumigunda ang iba pa. “Wa, wa! 

Pitig ya habain. Pakukulong na 

tayong lahat!” “Naku, ako na 

lang!,” banggit uli ng lider. “Kasi 

pag ako lang mag-isa ang nakulong 

at kayo ay malaya, marami 

kayong maghahanap ng aking 

pampyansa!” Tawanan na ang 

lahat. Natigil lamang ang kasiyahan 

nang muli na silang ipatawag. 

Tinawag ang mga nasasakdal. 

Kahit kinakabahan ay pumaroon sa 

harapan ang mga lider. At sinimulan 

na ang padasal. Oops, ingles ang 

litanya. Matapat na nagsalita 

ang mga katutubo. “Pasensya na 

kagalang-galang na hukom. Kami 

po’y hindi nakapag-aral dahil sa 

matinding kahirapan. Salitang 

banyaga, di namin maintindihan.” 

“Sige,sige! Ano palang gusto 

nyong lenggwahe Tagalog o 

kapampangan” tanong ng hukom. 

“Kapampangan!,” sabay-sabay 

pang sagot ng mga katutubo. Kaya 

ang nangyari, naging kapampangan 

ang usapan sa hukuman. 

Sinimulan na ang paglilitis. “Tutu 

pen a makabonet kayu enyang 

minta keng bale ni Mr. Onyok,” 

tanong sa lider. “Ali pu. Misabi kami 

pen!” At parang nagrorosaryong 

tumugon ang iba pa. “Wa! Wa! Pitig 

ya habain! Pitig ya habain” At ganon 

na nga ang nangyari. Sa bawat 

tanong, di lang lider ang sumasagot. 

Hindi mapigil ng hukom maging 

ng tagapamayapa ang mga masa 

na magsalita kahit hindi sila ang 

nasasakdal. Sa paglilitis na iyon, 

binigyang linaw ng mga masang 

katutubo ang misteryo ng kanilang 

kahirapan at pagpapakasakit. 

Pangangamkam ng lupa ni Onyok, 

sa korte nabulgar! 

Sapu ang dibdib na para bang 

aatakehin ng sakit sa puso, 

nagmistulang impyerno para kay 

Onyok ang mga sandaling iyon. 

Bigo ang panginoong turuan ng 

leksyon itong matatapang na mga 

katutubo. At para naman hindi 

tuluyang magdilim ang langit, 

itong hukom nagbaba na ng hatol. 

“O sige, eh dako kayu pakulong 

ngeni pero pag inulit nyo pa ing 

panira ing ari-arian, pakulong da 

kayu. Nung ke kayu ya ing gabon, 

magdemanda kayu!” 

Pinagbunyi ng mga masang 

katutubo ang di nila pagkakulong. 

Pero itong babala sa isip nila ay 

nagmarka. Paano na ngayon 

Paano na nila mababawi ang lupang 

kinamkam Alam nilang hindi 

sapat na may abogado na silang 

kaibigan para ilaban ang kaso 

sa korte. Naalala nila ang sabi ng 

mga kasama noon. “Kilusang masa 

lamang ang makakapagpanalo ng 

laban na ito.” Pero paano nga ika 

kung gagamitan na sila ng batas 

Kaya ganon na lang ang kanilang 

tuwa nang ang kanilang hukbo’y 

dumating na. “Bakit ngayon 

lang kayo abe” ang kanilang 

bungad kasabay ng mahigpit na 

pakikipagkamay. Nagmistulang 

piging kaagad ang pagkikita kahit 

murang saging lamang na nilaga 

ang kanilang pinagsaluhan. At 

kahit walang kapeng pampainit 

sa sikmura, nagliliyab na dapog 

ang nagdagdag init sa maalab na 

balitaan. Nang gabing iyon, ang 

hukbo at masa ay magkasanib 

na nag-aral ng rebolusyonaryong 

karanasan. Sa pamumuno ng


23 

Partido, matalas na nalagom ang 

mga aral sa pakikibaka. 

Binati ng Partido at hukbo ang mga 

masa sa kanilang matagumpay na 

pagkilos. Nang magbangon ang 

mga api, nayanig ang langit at 

nangatog ang tuhod ng panginoon. 

Ang pagdulog sa korte ni Onyok at 

paggamit ng reaksyonaryong batas 

ay patunay lamang sa pagkilala 

ng panginoon sa kapangyarihan 

ng nagkakaisang lakas ng mga 

katutubo. Ang pagkakaisa ding 

ito ang nakahamig ng suporta 

ng ilang pulitiko at abogado. Ito 

rin ang naging makapangyarihan 

nilang sandata sa pagharap sa 

husgado. Kaya may dapat pa bang 

ipag-alinlangan Pinatunayan 

ng mismong rebolusyonaryong 

karanasan nila kung gaano kalakas 

na sandata ang sama-samang 

pagkilos. Muli silang tinanong ng 

mga kasama. “ Kayo ba’y pursigido 

pang bawiin ang lupang kinamkam 

ni Onya” Iisa ang tono at sabaysabay 

pa ang kanilang sagot. “Wa! 

Wa! Ipaglaban tamu ing luta tamu!” 

Sa pamumuo ng Partido ang hukbo 

at masa ay nagkunot ng noo, 

nagsunog ng kilay sa pagbubuo 

ng pagkakaisa. Tinanglawan sila 

ng rebolusyonaryong teorya ng 

Marxismo-Leninismo-Maoismo 

sa pagbalangkas ng plano sa 

pagkilos. At ito na ang kanilang 

mga napagkaisahan. 

Pulungin uli ang mga tribu at 

ipamalita aang ating tagumpay! 

Ihandang muli ang mga masa sa 

gagawing pagbawi. Mas maraming 

mgatribu ang kalahok, kasama ang 

mga kababaihan at kabataan. Mas 

matatag at malakas na kilusang 

masa ang ating katugunan 

sa anumang panggigipit ng 

reaksyonaryong batas. Armadong 

pakikibaka ang katapat ng 

reaksyonaryong pandarahas. 

At bilang suporta sa pakikibaka ng 

mga masang katutubo, ginawaran 

ng Demokratikong Gubyernong 

Bayan sa papamagitan ng Bagong 

Hukbong Bayan ng ‘babala’ 

ang panginoong si Onyok sa 

kasong pangangamkam ng lupa 

at panggigipit sa mga masang 

katutubo. Ano pa mang kontramamamayang 

kanyang gagawin ay 

tiyak na kanyang pananagutan sa 

mamamayan at rebolusyonaryong 

kilusan.

24 lakas ng masa | ABRIL-HUNYO 2014 Buhay na biyaya, galing sa maykapal 

BATAS AT 

KASUNDUAN 

ni Ka Winn 

Sa lupang reserba sa Capas 

Anim na baryo’y mawawasak 

Kampo militar, itatayo 

Palalayasin, katutubo 

SA BCDA na pinataw 

Mga bukirin masasaklaw 

Sa magsasaka, aagawin 

Likas na yaman kakamkamin 

EDCAng Aquino at Obama 

Labag sa ating soberanya 

Pambabastos na kasunduan 

Mamamayan, niyuyurakan 

Sambayanan, tuloy ang laban 

Palayasin sa Malacanang 

Mga buwaya sa gobyerno 

Patalsikin, Noynoy Aquino! 

! 

LIMANG TULA 

HINGGIL SA 

PAGPAPATALSIK 

KAY NOYNOY 

AQUINO 

TALS IK 

ANG HUKBO 

AT ANG MASA 

ni Ka Mark 

Dapat bigyang pansin, halawan ng aral 

Pano na ang buhay kung wala tong kulay 

Magsilbi sa masa, tanggi at siyang tunay 

Sarili’y hubugin, matuto sa masa 

Maling kinagisnan aking itatatwa 

Mithiin ng masa’y aking isusulong 

Matitipong lakas tungo sa daluyong 

Ituon ang galit, sa papet-pasista 

Yaman nating likha, siya ang nag-pasasa 

Siyang nagpapahirap, ating patalsikin 

Baya’y palayain, demokrasya’y kamtin

SAPAGKAT 

SILA’Y API 

ni Ka Inyang 

Sapagkat sila ay api at dukha 

Sa kayamanang ikaw ang lumikha 

Ngunit di ikaw ang tinitingala 

Niyuyurakan mga manggagawa 

Maso mo ay malaki ang magagawa 

Sapagkat ika’y busabos at mang-mang 

Sa pagbungkal ay halos gumagapang 

Ngunit, di iyo ang mahal na lupa 

Ninanakawan mga magsasaka 

Karet mo’y papatid sa tanikala 

Sapagkat sila ay iilan lamang 

Ang marami ay ginagawang mang-mang 

Gintong palasyo kayo ang gumawa 

Ngunit, kayo lang nagpapakasasa 

Ganid, buktot at walang kasinsama 

Sapagkat kayo’y babangon, lalaban 

Mula sa kumunoy ng kahirapan 

At dudurugin ng ngitngit ng bayan, 

Ng lakas ng manggagawa’t magsasaka 

Ang sandata’t kalasag ng pasista 


25 

DALUYONG NG 

MAGBUBUKID 

ni Ka Niel 

Pagsilip pa lang ng araw papunta na sa bukirin 

Tigang na lupaing sakahan, akin nang pagyayamanin 

Puhunang bisig at karit, panahon ay ibubuhos 

Butil ko na aanihin, pamilya’y mairaraos 

Subalit bakit ganito ang panginoon kong amo 

Sa matagal nang panahon, siya lang ang naniniguro 

Sa utang kami’y ginapos, hatian ay hindi pantay 

Buhay nami’y sinangla sa dayuhan na papatay 

Nagtatayugang gusali, malawak na subdibisyon 

Sa turista’y paraiso, sa masa ay konsumisyon! 

Kapamilya’t kababaryo, maramihang pinalayas 

Ang lider sa Malakanyang lumantad ang pagkaahas 

Halina mga kasama, kapwa ko nagtatanim 

Lupaing kanilang ninakaw, muli nating babawiin 

Sumama sa manggagawa, mamamayang inalipin 

Sumulong parang daluyong, ang papet ay patalsikin! 

ANG HUKBO’T 

MAGSASAKA 

ni Ka Chris 

Ang punong nagbigay silong 

Na pinatatag ng panahon 

Tulad ng masang nagbabangon 

Bagong Hukbong Baya’y kinanlong 

Magsasaka ay susulong 

Prinsipyo’t lakas ang baon 

Ang mapang-aping panginoon 

Lubusan nang maibabaon 

Sa mga marahas na hamon 

Punglo ang tanging itutugon 

Ang matagalang digmang bayan 

Ay tutungo sa kalayaan.


26 

Mula sa 

MAIKLING 

KURSO SA 

LIPUNAN AT 

REBOLUSYONG 

PILIPINO 

Unang Bahagi : 

Mayaman ang Pilipinas 

Ngunit Bakit 

Naghihirap ang 

Sambayanang 

Pilipino 

ng Maikling Kurso sa Lipunan 

Aat Rebolusyong Pilipino ay 

naglilinaw sa kalagayan ng 

Pilipinas at mamamayang Pilipino, 

tatlong pundamental na problema 

ng lipunang Pilipino, kasaysayan 

ng sambayanang Pilipino, at 

demokratikong rebolusyong 

bayan. Sinasagot nito ang mga 

kwestyong: Ano ang kalagayan at 

mga problema ng sambayanang 

Pilipino, Ano ang mga pinagmulan 

sa kasaysayan ng mga problemang 

ito, at Paano natin babaguhin ang 

kasalukuyang lipunang Pilipino 

Ang kursong ito ang nagsisilbing 

pangkalahatang kursong masa at 

pinag-aaralan bago o pagkatapos 

ng espesyal na kursong masa. 

Tinatalakay ng espesyal na kursong 

masa ang mga problemang 

partikular sa uri o sektor na ating 

inoorganisa, ang kasaysayan ng at 

rebolusyonaryong solusyon sa mga 

problemang ito.


27 

ANG BAYANG PILIPINAS AT 

MAMAMAYANG PILIPINO 

1. Anu-ano ang mga katangian ng 

Pilipinas 

Ang Pilipinas ay isang kapuluang 

may klimang tropikal at mabundok 

na kalupaan. Mayroon itong 30 

milyong ektaryang sukat ng lupain. 

Binubuo ito ng 7,100 pulo. Tatlo rito 

ang malalaking grupo ng mga pulo: 

Luzon, Visayas at Mindanao. 

Ang Pilipinas ay nasa Timog- 

Silangang Asya. Napapaligiran ito 

ng Karagatang Pasipiko, Dagat 

Tsina at Dagat Celebes. Nasa 

bandang hilaga nito ang Tsina 

at bandang timog naman ang 

Indonesia at Hilagang Borneo. 

Ang populasyon ng Pilipinas ay 

mahigit 90 milyon. Pitumput limang 

porsyento (75%) ang naninirahan 

sa kanayunan at 25% ang nasa 

kalunsuran. 

May ilang lahing pinagmulan ang 

mga Pilipino. Pangunahin sa mga ito 

ang lahing Malayo. Makabuluhang 

ambag sa makalahing komposisyon 

ng mamamayan ang Indones at 

Tsino. Mayroon ding halong mga 

lahing Arabe, Indian, Espanyol, 

Amerikano at Negrito, pero maliit 

na porsyento lamang ang mga ito. 

Pambansang minorya ang di bababa 

sa 14% ng populasyon. Kabilang sa 

kanila ang mga unang nanirahan 

sa kapuluan sa loob ng ilampung 

libong taon bago dumating ang 

mga kolonyalistang Espanyol. 

Hanggang nitong ilampung taong 

nagdaan, sila ang naninirahan sa 

mas malaking bahagi ng kapuluan 

bago sila itinaboy at inapi ng mga 

mang-aagaw ng lupa. 

Mahigit 100 lenggwahe at diyalekto 

ang sinasalita ng mga mamamayan. 

Ang limang lenggwaheng sinasalita 

ng nakararami ay Tagalog, Cebuano, 

Iloko, Hiligaynon at Waray. Ang 

Tagalog ang pangunahing basihan 

ng pambansang wika. Sinasalita 

ito ngayon ng mamamayan sa ibat 

ibang katatasan. 

2. Anu-ano ang likas na yaman ng 

Pilipinas 

Sagana sa likas na yaman ang 

Pilipinas. Dahil sa mga kabundukan 

na karamihay dating bulkan, sa 

maraming ilog at sa klimang 

tropikal, matabang-mataba ang 

lupaing pang-agrikultura ng 

Pilipinas. Bagay ito sa maraming 

klase ng pananim na makakain 

tulad ng palay, mais, gulay, prutas 

at halamang-ugat, at iyong 

magagamit sa industriya tulad ng 

abaka, goma, niyog, tubo at iba pa. 

Malawak ang kagubatan ng 

Pilipinas. Sagana ito sa mga 

kahoy at iba pang yamang-gubat 

na magagamit sa ibat ibang 

pangangailangan ng mamamayan. 

Sa mga kabundukan at kapatagan, 

makukuha ang maraming mineral 

tulad ng ginto, tanso, langis, 

pilak, karbon, bauxite, uranyum 

at nikel. Sapat ang mga ito para 

makapagsarili ang Pilipinas sa 

pagpapaunlad ng mga industriya. 

Sagana sa isda at iba pang yaman 

ang mga ilog, lawa, look at dagat. 

Maaaring kontrolin ang prinsipal 

na mga ilog para mapatubigan 

ang mga sakahan at mabigyan


28 

“Habang may tatsulok, at 

sila ang nasa tuktok, hindi 

matatapos itong gulo.” 

-mula sa isang rebolusyonaryong awitin


29 

ng kuryente ang bawat parte 

ng bayan. Ginagamit din para 

sa transportasyon ang mga ilog, 

lawa, look at dagat. Marami ring 

mahuhusay na daungan ang 

Pilipinas. 

Kung ang mamamayang Pilipino 

mismo ang gagamit at lilinang sa 

likas na yaman ng Pilipinas para 

sa sariling pakinabang, sobrasobra 

pa ito para sustinihin ang 

populasyong makailang beses ang 

laki kaysa kasalukuyan. Gayunman, 

ang mamamayang Pilipino ay 

pinipigilan ng imperyalismong 

United States, katutubong 

pyudalismo at burukratang 

kapitalismo na gamitin ang likas 

na yaman ng Pilipinas para sa 

sariling bentahe. Sa ngayon, ang 

likas na yamang ito ay nililinang 

ng imperyalismong US at lahat ng 

alipuris nito para sa sarili nilang 

ganansya at ayon sa makikitid 

nilang pakana na nakapipinsala sa 

masang anakpawis. 

NAHAHATI SA IILANG 

NAGHAHARING URI AT 

NAKARARAMING 

PINAGSASAMANTALAHAN AT 

INAAPI ANG LIPUNANG PILIPINO 

1. Sinu-sino ang kumokontrol 

at nagpapasasa sa yaman ng 

Pilipinas 

Ang kumokontrol at nagpapasasa 

sa yaman ng bayan ay ang 

imperyalistang US at iba pang 

dayuhang imperyalista, at ang 

kasabwat nilang lokal na mga 

naghaharing uri na malaking 

burgesyang kumprador at 

panginoong maylupa. Isang 

porsyento (1%) lamang sila ng 

populasyon ng Pilipinas. 

Sila ang lubos na nakikinabang 

sa likas na yaman ng bayan, sa 

pwersang paggawa at sa likhang 

yaman ng mamamayang Pilipino. 

Kontrolado nila ang reaksyunaryong 

gubyerno at reaksyunaryong 

armadong pwersa sa Pilipinas. 

Sila ang mga naghaharing uri na 

nang-aapi at nagpapahirap sa 

sambayanang Pilipino. 

2. Ano ang kalagayan ng 

sambayanang Pilipino 

Binubuo ang sambayanang Pilipino 

ng mga manggagawa, magsasaka, 

mala-proletaryado, petiburgesya 

at pambansang burgesya. Binubuo 

nila ang 99% ng populasyon ng 

Pilipinas. 

Ang sambayanang Pilipino ay isang 

makapangyarihang pwersa para 

sa pag-unlad. May angkin silang 

lakas at talino para magpakahusay 

sa ibat ibang larangan ng gawain 

sa lipunan at may dakilang 

tradisyon ng magiting na 

paglaban sa dayuhan at lokal na 

pagsasamantala at pang-aapi. 

Kaya nilang magtayo ng lipunang 

nagkakaisa, makatarungan at 

maunlad. 

Sa lakas at talino ng sambayanang 

Pilipino, naipundar ang malawak na 

agrikultura, mga pabrika, minahan, 

transportasyon at komunikasyon 

na bumubuhay sa lipunan. Dapat 

sanay sila ang nagtatamasa sa 

mga biyaya ng mga ito. Pero 

sila ang naghihirap at matinding 

pinagsasamantalahan at inaapi 

ng mga dayuhan at lokal na 

naghaharing uri. 

Pinipiga ng iilang imperyalistang 

dayuhan at mga lokal na


30 

naghaharing uri ang lakas at talino 

ng mamamayan para sa kanilang 

pakinabang. Kaya, mayaman 

man ang Pilipinas, dumaranas 

ng sobrang kahirapan ang 

sambayanang Pilipino. 

Naghihirap ang mga manggagawa 

dahil wala silang pag-aaring 

mga kagamitan sa produksyon 

at nagbebenta ng kanilang 

lakaspaggawa upang lumikha 

ng tubo para sa mga kapitalista 

kapalit ng napakababang sahod, di 

makataong kalagayan sa paggawa 

at kawalan ng seguridad sa trabaho. 

Pinagsasamantalahan sila ng mga 

kapitalistang dayuhan at lokal. 

Ang mga magsasaka, na ang 

mayorya ay wala o kulang ang lupa 

ay inaapi at pinagsasamantalahan 

ng luma at bagong tipong mga 

panginoong maylupa. Pasanin 

nila ang mataas na upa sa lupa, 

mababang sahod at usura. Patuloy 

silang inaagawan ng lupa ng mga 

panginoong maylupa, burukratang 

kapitalista at korporasyong 

dayuhan. Marami sa kanila, laluna 

ang saray ng maralita at mababang 

panggitnang magsasaka ay 

napipilitang magbenta ng kanilang 

lakas-paggawa sa isang takda 

o mahabahabang panahon para 

sa kanilang ikabubuhay. Sila ang 

malaproletaryado sa kanayunan. 

Bukod sa malaproletaryado 

sa kanayunan, may iba pang 

seksyon ng malaproletaryado na 

bumubuo ng malaki-laking parte 

ng populasyon. Pinakamarami 

sa kanila ang mga maralitang 

mangingisda at yaong mga nasa 

kabayanan at kalunsuran tulad ng 

mga kargador, karpintero, kantero, 

katulong sa tindahan, drayber sa 

traysikel, maglalako at iba pang 

wala ring sapat na kagamitan sa 

produksyon. Dahil sa malakolonyal 

at malapyudal na kondisyon, hindi 

sapat ang kanilang sahod, hindi 

regular at kulang ang kanilang kita, 

at wala silang tiyak na trabaho. 

Dumadausdos naman ang 

kabuhayan ng petiburgesya. 

Pababa nang pababa ang tunay 

na halaga ng maliit nilang kita. 

Namemeligro ang seguridad nila 

sa trabaho. Bumabagsak din ang 

maliliit nilang negosyo dahil sa taas 

ng interes sa utang, taas ng buwis, 

at mga kabulukan sa burukrasya. 

Ginigipit ang pambansang burgesya 

ng malalaking kapitalistang 

dayuhan na nagtatambak ng 

yaring produkto sa Pilipinas at 

nagmamanipula sa mga saligang 

patakaran ng reaksyunaryong 

gubyerno kaugnay ng ekonomya, 

pananalapi, taripa at pagbubuwis 

at lokal na pagbebenta ng mga 

kalakal. Nasasagkaan din ng 

pyudalismo ang kanilang pagnanais 

na paunlarin ang kapitalistang 

produksyon. Dahil sa mga ito, 

may panganib at nangangamba 

silang mabangkrap. Nauunsyami 

ang kanilang ambisyong maging 

malaking burgesya at magtayo ng 

estadong kapitalista sa ilalim ng 

paghahari ng uri nila. 

ABANGAN SA SUSUNOD NA ISYU 

IKALAWANG BAHAGI : 

ANG KASAYSAYAN NG PILIPINAS AY 

KASAYSAYAN NG TUNGGALIAN NG 

IILANG NAGHAHARING URI AT NG 

MALAWAK NA MASANG INAAPI AT 

PINAGSASAMANTALAHAN


31 

PALAISIPAN 

REBOLUSYONARYONG 

GABAY SA 

REPORMA SA LUPA 

Gamitin ang mga mata at 

isip sa paghahanap ng mga 

salita na nakasulat sa ibaba 

at punan ang mga kulang 

nilang letra. 

1. Manggagawang _ _ kid 

2. Reporma sa Lu_ _ 

3. Na_ _ _nalisasyon 

4. Int_ res 

5. Agri_ _ltu_a 

6. Pr_du_to 

7. Us_ra 

8. Itaas ang S_hod 

9. Pangi_ _ _ng Maylupa 

10. Kom_ _ _kasyon 

11. Monopol_ _ 

12. Ko_ _ _ syante 

13. Im_ _ _yalismo 

14. Kapita_ _ _ta

201404-06pi

You also want an ePaper? Increase the reach of your titles

Delete template?

Save as template?