20140707pi

ANG
Pahayagan ng Partido Komunista ng Pilipinas
Pinapatnubayan ng Marxismo-Leninismo-Maoismo
Tomo XLV Blg. 13
Hulyo 7, 2014
www.philippinerevolution.net
Editoryal
Panagutin si Aquino
at kanyang mga kasabwat
Tumiklop ang Korte Suprema sa dumadaluyong na paglaban ng
mamamayang Pilipino sa Disbursement Acceleration Program
(DAP) nang ideklara nito na labag sa konstitusyon ng Pilipinas
ang paggamit ng DAP.
Bagama't ang desisyon ay
binutasan upang malusutan ni
Benigno Aquino III ang kriminal
na pananagutan, di nito naiwasan
na mapatingkad kung papaanong
ang pondong publiko ay
ginagamit ng naghaharing rehimen
alinsunod sa kapritso at
pabor sa interes nito sa pulitika.
Ang gayong desisyon ay
magpapasikad sa pakikibaka ng
mamamayan para sa
ganap na pagtatanggal
ng
sistemang
pork barrel
at para panagutin
ang rehimeng
Aquino sa pandarambong
at korapsyon.
Ang DAP
ay isang
sistemang
inimbento
ng rehim
e n g
Aquino
na nagbibigay
kay
Aquino ng pribilehiyo na
mamudmod ng bilyun-bilyong
piso ng pondong
publiko ayon sa kanyang
sariling kapasyahan.
Sinimulan ang sistemang
DAP sa ilalim ng pamumuno ni
Department of Budget and Management
(DBM)
Sec. Florencio
"Butch"
Abad mula
2011. Lahat ng kautusan ng
DBM na naglabas ng umabot sa
P177 bilyon ay pinirmahan at
inaprubahan ni Aquino.
Iginigiit ng iba't ibang sektor
ang detalyadong pagtutuos ng
paggastos sa DAP. Ayon kay
Aquino, ginastos ito sa mga proyektong
para diumano sa “kaunlarang
pang-ekonomya.” Ang totoo,
inilaan ito ni Aquino sa mga
proyekto ng kanyang mga alipures
upang tiyakin ang kanilang
suporta at katapatan.
Sa disenyo ng desisyon ng
Korte Suprema, tinangka nitong
iabswelto si Aquino dahil “mga
ispesipikong bahagi” lang umano
ng DAP ang hindi konstitusyunal.
Dagdag pa'y di raw mananagot
ang sinuman sa mga nagdaang
pagdispalko sa kabangyaman
sa ilalim ng DAP. Bunga
nito, nabigyan ng butas si Aquino
para makaiwas sa posibleng
impeachment o pagsasakdal sa
Mababang Kapulungan ng Kongreso.
Bakit nga naman
siya isasakdal ng mismong
mga taong nakikinabang sa
DAP at PDAF.
Gayunman, ang pagsasampa
ng impeachment sa
Mababang Kapulungan ay
makatutulong para tukuyin
at ihiwalay ang mga
alyado ni Aquino sa Kongreso
na malaon nang nakikinabang
sa DAP at PDAF at
tumatangging panagutin

ang Hari ng Pork Barrel sa kanyang
mga krimen.
Ang desisyon ng Korte
Suprema at ang lumalakas na
sigaw ng bayan para panagutin
at patalsikin si Aquino ay
lalong magtutulak sa naghaharing
pangkating Aquino na
gawin ang lahat para makapanatili
sa poder lampas sa 2016
upang makaiwas sa kriminal
na kaso. Dahil dito, dapat todo-largang
ilantad, ihiwalay
at patalsikin ang rehimeng
Aquino bago ang eleksyong
2016.
Isang epektibong paraan ng
pagbubuo ng opinyong publiko
na lubusan nang maghihiwalay
sa pangkating Aquino ang paglulunsad
ng malawakang mga
asembliyang bayan sa mga komunidad,
paaralan, pabrika,
upisina, simbahan at kung saan-saan
pa. Sa gayong mga lugar
ay dapat maipahayag ng
mamamayan ang kanilang mga
hinaing laban sa rehimeng
Aquino at sa mga kasinungalingan
nito sa ilalim ng ilusyon
ng “matuwid na daan” at “mabuting
pamamahala.”
ANG
Taon XLV Blg. 13 Hulyo 7, 2014
Ang Ang Bayan ay inilalabas sa
wikang Pilipino, Bisaya, Iloko, Hiligaynon,
Waray at Ingles.
Maaari itong i-download mula sa
Philippine Revolution Web Central na
matatagpuan sa:
www.philippinerevolution.net
Tumatanggap ang Ang Bayan ng
mga kontribusyon sa anyo ng mga
artikulo at balita. Hinihikayat din ang
mga mambabasa na magpaabot ng
mga puna at rekomendasyon sa ikauunlad
ng ating pahayagan. Maaabot
kami sa pamamagitan ng email sa:
angbayan@yahoo.com
Dapat ditong tipunin ng
sambayanang Pilipino hindi lamang
ang kanilang galit sa
korapsyon ng rehimeng Aquino,
kundi ang kanilang disgusto sa
mga pananagutan nito sa malawakang
kawalang-trabaho,
mababang sahod, pagtaas ng
presyo ng pagkain at gamot, sa
kawalang-lupa at sa paparaming
mga kaso ng pangangamkam
ng lupa.
Dapat din itong managot sa
mga patakarang nagbubunsod
ng pagtaas ng matrikula sa
mga pribado at paaralang publiko,
kriminal na kapabayaan sa
milyun-milyong biktima ng kalamidad
at sa nagpapatuloy na
pagpapaluwas ng mga migranteng
mangggagawa, sa paparaming
bilang ng pang-aabusong
militar, at sa paglulunsad ng
todo gera laban sa masang
magsasaka. Dapat ding usigin
ang rehimeng Aquino sa pambansang
kataksilan nito nang
lagdaan nito ang Enhanced Defense
Cooperation Agreement
(EDCA) at pahintulutan ang todo-largang
presensyang militar
ng US sa bansa. ~
Nilalaman
Editoryal: Panagutin si Aquino
at kanyang mga kasabwat 1
DAP, PDAF, BUB: Pork barrel pa rin 2
Di nasisiyahan sa rehimen, dumarami 3
Planong terorismo sa Davao, pakana ng US 4
Bagong pakana ni Marañon sa Negros 4
Demolisyon sa Batangas, Cavite at QC 5
Lakbayan laban sa CARP, inilunsad 6
Pribatisasyon ng PCMC at BGH, tinutulan 7
AFP, nagtamo ng 29 kaswalti sa SMR 8
Inisyatiba sa digma, hawak ng BHB sa NEMR 8
4 sundalo, patay sa Bicol 9
Pambobomba sa Bayugan, kinundena 9
Isa pang buntis, inaresto 9
NGO sa Panay, niransak 9
Ang Ang Bayan ay inilalathala dalawang beses bawat buwan
ng Komite Sentral ng Partido Komunista ng Pilipinas
DAP, PDAF, BUB:
Pork barrel pa rin
Priority Development Assistance
Fund (PDAF), Disbursement
Acceleration Program
(DAP) at ngayo'y "bottomup
budgeting" (BUB). Anuman
ang pabagu-bagong tawag dito
ng naghaharing rehimeng Aquino,
iisa lang ito sa esensya—ang
maanomalyang paggamit ng
naghaharing pangkating Aquino
ng malalaking pondong publiko
para mabigyang-pabor ang mga
alyadong pulitiko at matiyak ang
kanilang katapatan.
Nang lumabas ang desisyon
ng Korte Suprema na nagdedeklarang
di konstitusyunal ang
ilang bahagi ng DAP, nagkumahog
ang Malacañang na sabihing
ginastos naman ang umaabot sa
P177 bilyong pondong nagmula
sa kaban ng bayan para sa mga
proyektong kapaki-pakinabang
sa mamamayang Pilipino.
Sa aktwal, hindi naresolba
ng DAP ang matitingkad na
problema ng disempleyo, mababang
pasahod, kawalang-lupa,
karalitaan at nagtataasang mga
presyo. Bagkus, lumala pa ang
mga ito sa ilalim ng rehimeng
Aquino.
Ang tanging nakinabang sa
DAP ay ang mga tagasuporta ni
Aquino, mga myembro at alyado
ng Liberal Party, kanyang mga
kaibigan at malalaking negosyante.
Ginamit ito para pondohan
ang mga proyekto ng mga
pinapaborang pulitiko ni Aquino
na nagbabando ng kanilang mga
pangalan, at malalaking proyekto
sa ilalim ng Public-Private
Partnership Program.
Kung tutuusin, mahigit 500
ulit na mas malaki ang pondong
inilihis ni Aquino kung ikukumpara
sa kasong korapsyon na isinampa
kay Gloria Arroyo matapos
niya gamitin ang P366 mil-
2 ANG BAYAN Hulyo 7, 2014

yong pondo ng Philippine Charity
Sweepstakes Office sa
bagay na wala sa badyet na pinagtibay
ng Kongreso.
Marami sa mga pinondohan
ng DAP ni Aquino ay kwestyunable,
tulad ng P4.5 bilyon para
sa "dagdag na mga bagon ng
tren" samantalang wala ito sa
programa ng DOTC; P1.82 bilyon
para sa maanomalyang
programang PAMANA na pangcounterinsurgency;
P6.9 bilyong
dagdag na alokasyon para
sa mga korporasyon ng gubyerno;
P8.5 bilyon para sa "stimulus
program" sa ARMM; P1.29
bilyon para sa mga Agrarian
Reform Community ng DAR; at
P625 milyon para sa sarbey na
isasagawa raw ng DAR at DA.
Mula nang ideklara ng Korte
Suprema na iligal ang PDAF
noong 2013 at may naisampang
petisyon dito hinggil naman
sa DAP, bumaling na ang
Malacañang sa bagong paraan
ng pamumudmod ng "pork barrel":
ang "bottom-up budgeting."
Alinsunod sa disenyo nito,
di na lamang mga kongresista
at senador ang maaaring
"magtukoy" ng mga programang
popondohan, kundi mga
upisyal ng mga lokal na gubyerno
at mga non-government organizations
(NGO) sa mga lokalidad.
Walang anumang pagkakaiba
sa sangkap ang PDAF, DAP
at BUB: sangkot pa rin dito ang
lihis na gamit ng pondong publiko,
mga ahensya ng gubyernong
daluyan ng pondo at mga
NGO na tagapagpatupad ng
proyekto.
Pero mas masahol
pa ang BUB
sa PDAF at DAP
dahil di hamak na
mas malawak at
mas malalim na
ang inaabot dito
ng sistemang padrino
sa reaksyunaryong
burukrasya. Mula
2013 ay lumobo rin ang pondong
hawak nito mula P8.4 bilyon
tungong P20.03 bilyon.
Bilang kalihim ng DILG, si
Mar Roxas ngayon ang pinakapangunahing
tagapamudmod
ng "pork barrel" ng BUB sa buong
Pilipinas. Garapalan niya
ngayong ginagamit ito para bilhin
ang suporta ng mga lokal
na upisyal bilang paghahanda
sa pagtakbo niya sa pagkapresidente
sa 2016.
Samantala, inianunsyo ng
blokeng Makabayan sa Mababang
Kapulungan ng Kongreso
na magsasampa ito ng kasong
"impeachment" laban kay
Aquino, matapos na ang DAP
ay ideklarang labag sa konstitusyon.
Anang mga progresibong
kinatawan, hindi pwedeng
magpalusot si Aquino sa pagsasabing
"malinis ang intensyon"
niya nang gamitin niya
ang DAP. Ang totoo, noong senador
pa lamang siya ay tutol
siya sa ginagawa ni Gloria Arroyo
na pagkontrol ng pondong
inilalaan para sa mga kagawad
ng Kongreso.
Ang pag-impeach o pagsasakdal
kay Aquino sa Kongreso
ay isasagawa ng Makabayan
kahit sadyang mahihirapan
itong bumwelo. Ang Mababang
Kapulungan ng Kongreso ay dinodominahan
ng mga kaalyado
ni Aquino at sila mismo ang tumatanggap
at nakikinabang sa
DAP at iba pang pondong hawak
ni Aquino. ~
Di nasisiyahan
kay Aquino, dumarami
PATULOY na dumarami ang mga
Pilipinong di nasisiyahan sa administrasyon
ni Benigno Aquino
III. Ito ay ayon sa pinakahuling
sarbey na isinagawa ng Ibon
Foundation noong Abril 24-30.
Ayon sa naturang sarbey,
umaabot na sa 47% ng mamamayan
ang "di nasisiyahan" sa pamamalakad
ni Aquino. Mas malaki
ito nang 4% kung ikukumpara
sa katulad na sarbey na isinagawa
noong Oktubre 2013.
Kumpara rin sa nagdaang
sarbey, bumaba nang 3% tungong
36% ang bilang ng mamamayang
kuntento sa gubyernong
Aquino.
Taliwas ang resulta na ito sa
ipinangangalandakan ng mga
propagandista at midyang maka-Aquino
na patuloy na itong
tumatamasa ng malawak na suporta
ng mamamayan. Ayon sa
Ibon, ang resulta ng kanilang
sarbey ay sumasalamin sa negatibong
sentimyento ng mamamaayan
sa harap ng kawalan ng
pagbabago sa ilalim ng gubyernong
Aquino.
Samantala, dumami rin ang
mga Pilipinong naniniwalang halos
walang nagbago sa kalagayan
ng korapsyon at karalitaan sa
bansa sa loob ng tatlong taong
panunungkulan ni Aquino. Tatlo
sa lima o 64.9% ang nagsabing
nananatili at walang positibong
mga resulta sa ekonomya ang
"kampanyang anti-korapsyon" ng
rehimen habang 23.9% lamang
ang naniniwalang nabawasan ang
korapsyon. Walo sa sampu ang
nagsabing lumalala ang karalitaan.
Pito sa bawat sampung Pilipino
ang nagsasabing mahirap ngayon
ang kanilang pamilya.
Ang Ibon Foundation ay
isang independyenteng institutusyong
nananaliksik sa mga
usaping sosyo-ekonomiko na kinakaharap
ng mamamayan. ~
ANG BAYAN Hulyo 7, 2014
3

"Planong terorismo"
sa Davao, pakana ng US
Pakana ng gubyernong US ang ginawang pag-anunsyo ni Benigno
Aquino III noong Hulyo 1 na may napipintong teroristang
atake sa Davao City. Malinaw na ang layunin ng gayong anunsyo
ay bigyang-matwid ang pagpapalakas ng presensya at panghihimasok-militar
ng US sa Davao City sa ilalim ng "gerang anti-terorismo."
Sinalubong ng batikos ang
ginawang anunsyo ni Aquino na
pasasabugan umano ng bomba
ng isang Abdul Basit Usman ang
mga instalasyon sa Davao City.
Sinundan ang anunsyo ni Aquino
ng malakihang pagpapakat
ng mga pwersang pulis at militar
sa palibot ng syudad at paghihigpit
sa kilos ng mga tao. Matapos
ang ilang araw, napilitan
ang Malacañang na bawiin ang
inianunsyong "planong teroristang
atake" nang aminin nitong
di kumpirmado ang impormasyon.
Ayon kay Kasamang Rubi del
Mundo, tagapagsalita ng National
Democratic Front-Southern
Mindanao Region, walang
ibang pakay ang ginawang anunsyo
ni Aquino kundi ang bigyang-matwid
ang paglulunsad
sa Davao City ng "gerang antiterorismo"
at ang pagpasok ng
mga dayuhang tropang Amerikano
sa ilalim ng Enhanced Defense
Cooperation Agreement
(EDCA).
Ang EDCA ay isang bagong
kasunduang militar na pinirmahan
ng US at rehimeng Aquino
upang pahintulutan ang militar
ng US na magtayo ng mga base
at pasilidad nito sa Pilipinas sa
loob ng mga kampo ng AFP. Binibigyan
nito ng karapatan ang US
na magtayo ng mga imprastruktura,
maglagak ng mga armas,
tumanggap ng kahit ilang sundalong
Amerikano, maglunsad ng
mga operasyong militar at iba
pa.
Sa pagpapakana ng huwad
na "planong teroristang atake"
sa Davao City, nais ng militar ng
US at ni Aquino na ipilit sa alkalde
nitong si Mayor Rodrigo
Duterte na pahintulutan ang
malakihang presensya ng mga
sundalong US sa syudad. Ilang
ulit nang nagpapahayag si Mayor
Duterte ng pagtutol sa pagpasok
ng mga tropang Amerikano
sa kanilang syudad at sa
pagtatayo nito ng mga pasilidad
at mga base militar sa ilalim ng
EDCA.
Bago ito, inianunsyo ng militar
ng US na isasara na nito ang
himpilan ng Joint Special Operations
Task Force-Philippines
(JSOTF-P) sa loob ng Camp
Navarro sa Zamboanga City.
Mula sa 700 pwersa, tinataya ng
militar ng US na maiiwan na lamang
doon ang 30 nitong tauhan
sa katapusan ng taon.
Ang totoo, sa ilalim ng EDCA
ay mas marami ngayong sundalo
ng US ang makapananatili sa Pilipinas
sa iba't ibang mga kampo
ng AFP sa buong bansa.
Samantala, nagrali noong
Hulyo 4 ang mga progresibong
grupo sa pamumuno ng BAYAN
sa harap ng embahada ng US sa
Maynila upang magprotesta laban
sa EDCA. Ang protesta ay
inilunsad sa araw ng "huwad na
kalayaan" ng Pilipinas at bahagi
ng lumalakas na pagtutol sa ED-
CA mula nang pirmahan ito noong
Abril.
Sa kasalukuyan, tatlong
magkakahiwalay na petisyon laban
sa kasunduan ang nakahapag
sa Korte Suprema. Hinihiling
ng mga nagpetisyon na kagyat
nang itigil ang implementasyon
ng kasunduan at ideklara
itong labag ito sa konstitusyon.
Kabilang sa mga inihapag nilang
dahilan ang pagiging tagibang
pabor sa interes ng US ng kasunduan
at paglabag nito sa soberanya
at mga batas at proseso
ng gubyerno ng Pilipinas. ~
“One Island, One Region”
Bagong pakana ni Marañon sa Negros
Isa na namang bagong pakana ang niluluto ni
Gov. Alfredo Marañon, Jr. ng Negros Occidental
para makapangamkam ng lupa para sa mga
proyektong agribisnes at mga plantasyon ng oil
palm tree, rubber tree, pinya, saging, kape at pastuhan
ng mga baka at tupa. Kakutsaba niya sa gayong
pakana si DILG Sec. Mar Roxas, na galing din
sa angkan ng malaking asendero.
Inilatag ni Marañon ang planong nagngangalang
"One Island, One Region" sa isang pulong ng
178 lokal na upisyal at sektoral na kinatawan ng
Negros Occidental at Negros Oriental noong Hunyo
24 sa Bacolod City. Alinsunod dito, pagdudugtungin
nina Marañon at mga dayuhang mamumuhunan
ang Canlaon City at Vallahermoso (Negros
Oriental) sa Sagay City, San Carlos City at Salvador
Benedicto ng Negros Occidental. Pinaglalawayan
din nila ang malalawak na katabing mga bayan
4 ANG BAYAN Hulyo 7, 2014

at barangay ng Hinobaan, Ilog
at Kabankalan City sa Negros
Occidental at mga bayan ng Basay,
Bayawan at Mabinay sa
Negros Oriental para sa agribisnes.
Sa ngayon ay nag-oopereyt
na at magpapalawak pa ang
Copper Development Corp., Goring
Mining and Exploration at
Eagle Cement Corp. sa mga
hangganan ng Basay at Hinobaan.
Magmimina na rin ang Epithermal
Gold Corp., Essence
Mining Corp. at Philmet Exploration
Corp. sa mga hangganan ng
Binalbagan at Himamaylan City
sa Negros Occidental at Tayasan,
Ayungon at Jimamalud sa
Negros Oriental.
Agad namang sinang-ayunan
ni Roxas ang plano, at sinabing
"executive order" lang mula sa
Malacañang ang kailangan para
maipatupad ito. Ang pagpapahintulot
sa "One Island, One Region"
ay karugtong ng pagsuporta
ni Roxas kay Marañon noong
eleksyong 2013 laban sa iba
pang elemento ng naghaharing
uri sa isla. Kapalit ng pagpabor
sa gobernador ang mahigpit na
suporta ni Marañon sa kandidatura
ni Roxas sa pagkapresidente
sa 2016.
Hindi naman agad mapasang-ayon
si Gov. Roel Degamu
ng Negros Oriental dahil batid
niya na pakana ito ng malalaking
reaksyunaryong uri sa Negros
Occidental para mapakinabangan
nila ang mga rekurso ng
magkakalapit na atrasadong bayan
at barangay sa hangganan
ng dalawang prubinsya. Dehado
ang mga naghaharing uri ng
Negros Oriental sa gayong areglo.
Ang Negros Occidental (populasyon:
2,907,859) ay bahagi
ng rehiyon ng Western Visayas.
Nasa timog-silangan nito ang
Negros Oriental (populasyon:
1,286,666) na saklaw ng Central
Visayas. ~
Demolisyon sa Batangas,
Cavite at QC
Magkakasunod na demolisyon ng mga tirahan ng mga maralitang
lunsod ang isinagawa ng gubyernong Aquino nitong
nagdaang mga araw. Pinakahuli ang naganap noong Hulyo
4, nang idemolis ang 277 bahay ng mga maralita sa Barangay
Laiya Aplaya, San Juan, Batangas. Bago ito, marahas ding dinemolis
ang mga bahay ng 77 pamilya sa Barangay Zapote III, Bacoor
City noong Hunyo 25. Kinabukasan, dinemolis naman ang mga tirahan
ng 70 pamilya sa K-9 St., West Kamias, Quezon City.
Sa Batangas, nagbarikada
ang Samahan ng Kabahayan at
Mangingisda ng Balabacan Laiya
para pigilan ang demolisyon,
ngunit ilang daang myembro ng
demolition team at mga armadong
pulis ang humarap sa kanila.
Planong gawing beach resort
ang 25-ektaryang lupain
sa tabing-dagat ng Sityo Balabacan
ng Laiya Development
Corp. at Macaria Development
Corp., parehong pag-aari ni
Federico Campos III, na siyang
umaangkin sa lupa.
Humiling sa korte ang mga
residente ng temporary restraining
order (TRO) matapos
ipaabot ni Sheriff Romeo Macaraig
at Senior Supt. Jireh Omega
Fidel, provincial director ng
PNP-Batangas ang kautusan ng
demolisyon na inilabas ng municipal
at mga regional trial
court noong Setyembre 2013.
Ayon sa kautusan, 1,000 residente
ang dapat lumisan
sa lugar.
Sa Cavite, sinalakay ng mga
tauhan ng David M. Consunji,
Inc. (DMCI), kasama ang 80
pulis at bumbero, ang barikadang
itinayo ng mga residente
ng Barangay Zapote III laban
sa demolisyon. Isang residente
ang nasugatan nang gibain na
ng demolition team ang mga
bahay. Wala man lamang inihandang
lugar ang lokal na pamahalaan
para sa kanilang relokasyon
at binigyan lamang ng
P5,000 ang kada pamilya.
Ang mga residente ay 20
taon nang naninirahan sa lugar.
Nais silang palayasin sa
pitong-ektaryang lupaing balak
tayuan ng kondominyum ng
DMCI, na pag-aari ng isang
malaking kumprador.
Sa Quezon City, sinalakay
din ng mga pulis at tauhan ng
lokal na gubyerno ang barikada
ng mga nagpoprotestang residente
sa West Kamias. Pinalalayas
sila sa kanilang komunidad
upang bigyang-daan
ang mga programa
sa ilalim ng Private-
Public
Partnership
ng rehimeng
Aquino. Ilang beses
nang tinangkang
idemolis ng
lokal na gubyerno
ang komunidad
pero ilang
beses din itong
ANG BAYAN Hulyo 7, 2014
5

nabigo dahil sa organisadong
paglaban ng mga residente.
Tinututulan ng mga residente
ang paglilipat sa kanila sa
Rodriguez, Rizal at Payatas,
Quezon City. Bukod sa malayo
ito sa mga pwesto nila tulad sa
palengkeng Nepa-Q Mart, ang
relocation site sa Rodriguez ay
nalubog sa matinding baha noong
2012. Tinatanggihan din nila
ang “murang pabahay” sa Payatas.
Bukod sa marami sa kanila'y
wala sa listahan ng mga
“benepisyaryo,” dagdag na pasanin
sa kanila ang buwanang
hulog na P950.
Bukod sa tatlong kaso ng demolisyon,
marami pang mga residente
ng maralitang mga komunidad
sa Sta. Mercedes, Maragondon,
Cavite ang nanganganib
na mapatalsik sa kanilang
mga tirahan para mabigyangdaan
din ang proyektong ekoturismo
ng MTV Investment
Properties Holding Corp. na
pag-aari ng mga Virata. Pinalalayas
na nga sila sa kanilang komunidad
ay sinisingil pa sila ng
P5,000 bawat buwan mula Enero
2014. Bahagi ito ng panggigipit
sa kanila para mapatalsik sa lugar.
Sa kaugnay na balita, hiniling
ng Alyansa Kontra Demolisyon
at KADAMAY sa Commission
on Audit na imbestigahan
ang paggastos sa Informal Settler
Fund (ISF). Sa partikular,
nais nilang ipasiyasat ang mga
transaksyon sa pagitan ng gubyernong
Aquino at mga kumpanya
sa konstruksyon ng mga resettlement
area tulad ng New
San Jose Builders na pag-aari ng
byenan ni Executive Secretary
Paquito Ochoa.
Taun-taon ay naglaan na ng
P10 bilyon sa ISF mula nang ianunsyo
ng rehimeng Aquino noong
2012 ang planong relokasyon
ng 20,000 pamilyang naninirahan
sa mga pangunahing estero
sa Metro Manila. ~
Lakbayan laban sa CARP,
inilunsad
Tatlong libong magsasaka at kanilang mga tagasuporta ang
nagmartsa sa Mendiola noong Hunyo 30 sa pagtatapos ng
isang-linggong lakbayan laban sa planong muli pang palawigin
ang huwad na Comprehensive Agrarian Reform Program (CARP).
Nanawagan silang tuluyan
nang wakasan ang CARP noong
Hunyo 30, ang nakatakdang
araw ng pagtatapos nito. “Sa
loob ng 26 na taon,” ani Rafael
Mariano, tagapangulo ng Kilusang
Magbubukid ng Pilipinas
(KMP), “bigo ang CARP na wasakin
ang monopolyo at kontrol
sa lupa ng mga asendero. Hindi
maaasahan si Aquino at ang
kanyang CARP na ipamahagi
ang lupa." Nanawagan si Mariano
sa mga magsasakang Pilipino
na maglunsad ng serye ng
mga aksyong protesta na maggigiit
ng libreng pamamahagi
ng lupa at pag-ibayuhin ang
mga kampanyang bungkalan sa
kanayunan.
Ang mga nagmartsang
magsasaka ay kasapi ng mga
samahang kaanib ng KMP sa
Central Luzon, Cagayan, Ilocos,
Southern Tagalog at Bicol.
Sa Central Luzon, nagsimulang
magtipon ang mga magsasaka
sa Angeles City at Porac,
Pampanga noong Hunyo 24 bago
tumulak papuntang Metro
Manila. Sumanib ang mga magsasaka
mula sa Tarlac, Panga-
“Lakbayan...,” sundan sa pahina 7
Tangkang pagtataas ng matrikula
sa PUP, napigilan
MATAGUMPAY na napatigil ng mga estudyante ng Polytechnic
University of the Philippines (PUP) ang tangkang pagtataas ng
matrikula sa ilang kampus nito. Nagkilos-protesta ang mahigit
1,000 estudyante sa upisina ng Commission on Higher Education
noong Hulyo 2 habang nagpupulong ang mga upisyal ng
nasabing pamantasan. Nag-walk out din at naglunsad ng iba
pang mga protesta ang mga mag-aaral noong Hulyo 1.
Sa hakbang na tinawag ng pamunuan ng PUP na “standardization,”
itataas sana mula sa dating P12 kada yunit tungong
P100 kada yunit (o 830%) ang matrikula sa mga kampus nito sa
Cabiao (Nueva Ecija), Sta. Maria at Pulilan (Bulacan), Gen. Luna
(Quezon), San Pedro at Sta. Rosa (Laguna) at San Juan City.
Itataas din ang mga laboratory fee, sports fee, library fee at iba
pa. Dahil dito, maaaring umabot sa P3,000 kada semestre ang
babayaran ng mga estudyante ng PUP mula sa dating halos P500
lamang kada semestre.
Binatikos din ng mga estudyante ang rehimeng Aquino na
siyang may basbas sa unti-unting komersyalisasyon ng mga
State Universities and Colleges (SUC). Alinsunod sa "Roadmap
to Public Higher Education Reform" ng rehimen, babawasan ang
subsidyo at badyet ng mga SUC kaya inoobligang magtaas ng bayarin
ang mga ito at maghanap ng iba pang mapagkakakitaan.~
6 ANG BAYAN Hulyo 7, 2014

mula sa pahina 7
sinan at Ilocos Sur. Nagkaroon din ng pagtitipon sa Cabanatuan
City ang mga magsasaka mula sa Nueva Ecija at Aurora na tutol
sa Aurora Pacific Economic Zone at Freeport Project (APECO).
Sumama rin ang mga magsasaka mula sa Barangay Matusalem sa
Roxas, Isabela.
Noong Hunyo 28-30, nagtipun-tipon at nagkampo ang mga
magsasaka mula sa iba't ibang bahagi ng Luzon
sa tapat ng Department of Agrarian Reform
(DAR) sa Quezon City. Noong Hunyo 30, binarikadahan
nila ang mga tarangkahan ng gusali
bago magmartsa patungong Mendiola.
Naglunsad din ng kilos-protesta noong
Hunyo 30 ang 400 magbubukid na
kabilang sa KMP-Negros at National
Federation of Sugar Workers sa upisina
ng DAR sa Bacolod City. Isinigaw nila
ang tuluyang pagwakas sa CARP. ~
Pribatisasyon ng PCMC at BGH, tinutulan
Nagsayaw-protesta ang mga kawani at pasyente
ng Philippine Children’s Medical Center (PCMC
o Lungsod ng Kabataan) noong Hunyo 28 para tutulan
ang planong paglilipat nito sa Lung Center of the
Philippines. Ang makulay na protesta, na pinamunuan
ng #SavePCMC Alliance ay laban sa komersyalisasyon
at pribatisasyon ng ospital.
Ang paglilipat ng ospital ng mga bata ay bahagi
ng planong Quezon City Business District
(QCBD), isang malawak na proyektong pang-imprastruktura
na sasaklaw sa lupa ng ospital, pati
na ang lupa ng katabing Philippine Science High
School. Kanugnog lamang nito ang Barangay San
Roque, kung saan ilanlibong pamilya na ang napalalayas
mula nang maupo si Aquino.
Sa balangkas ng Public-Private Partnership ni
Aquino, plano ng Department of Health na ipaubaya
sa mga pribadong mamumuhunan ang operasyon
ng ospital ng mga bata oras na matuloy ang
planong paglilipat nito.
Para bigyang-matwid ang relokasyon, sinisingil
ng pambansang gubyerno ang PCMC (na pag-aari
rin ng gubyerno) ng P1.3 bilyon bilang kabayaran
sa 34-na-taong pananatili nito sa 3.7-ektaryang
lupa ng gubyerno. Hindi ito kayang bayaran ng
PCMC dahil napakaliit ng subsibyong inilalaan ng
pambansang gubyerno at hindi rin kaya ng ospital
na lumikom ng pondo para rito. Iginigiit ng
#SavePCMC Alliance na dapat ibigay ng pambansang
gubyerno sa PCMC ang lupang kinatitirikan
nito.
Malaki ang epekto ng napipintong komersyalisasyon
at pribatisasyon ng PCMC sa serbisyong
pangkalusugan sa mga bata. Sa mahigit 130,000
pasyenteng sineserbisyuhan ng PCMC kada taon,
60% nito ay mula sa mahihirap.
Apektado rin ang 1,000 doktor, nars at kawani
kung matutuloy ang pribatisasyon ng PCMC. Sa
paglilipat ng pangangasiwa ng ospital sa pribadong
entidad, maaaring mawalan sila ng seguridad sa
trabaho o di kaya'y matanggal dito.
Samantala, nagrali ang mga kawani ng Baguio
General Hospital (BGH) noong Hunyo 27 para tutulan
ang nagaganap noon na pagpirma sa Memorandum
of Agreement sa pagitan ng maneydsment ng
ospital at ni Manny Pangilinan, kinatawan ng pribadong
Makati Medical Center. Ang MOA ay bahagi
ng mga hakbang para sa tuluyang pribatisasyon
ng BGH sa ilalim ng programang Public-Private
Partnership ng rehimeng Aquino.
Sa ilalim ng pribatisasyon, ituturing nang negosyo
ang lahat ng mga serbisyo ng ospital sa ngalan
ng modernisasyon. Mangangahulugan ito ng pagtatanggal
ng mga regular na kawani, at pagpalit sa
kanila ng mga kontraktwal. Sa ngayon, hawak na
ng mga ahensyang kontraktwal ang ilan sa mga
serbisyo ng ospital.
Ang BGH ang tanging pampublikong ospital sa
Baguio City. Ang pagsasapribado nito ay mangangahulugan
ng pagkawala ng isang batayang serbisyo
ng mga residente ng syudad at kalapit na mga
prubinsya. ~
ANG BAYAN Hulyo 7, 2014
7

AFP, nagtamo ng 29 kaswalti
sa Southern Mindanao
Labintatlong sundalo ang napatay at 16 ang nasugatan sa panig
ng Armed Forces of the Philippines (AFP) sa magkakasunod na
aksyong militar na inilunsad ng Comval-North Davao-South
Agusan Subregional Command at Comval-Davao East Coast Subregional
Command ng Bagong Hukbong Bayan (BHB) noong Hunyo 20, 22
at 30 sa Compostela Valley, Davao del Norte at Davao Oriental.
Davao del Norte. Binigo ng
mga Pulang mandirigma ng BHB
ang tangkang pagkubkob ng mga
tropa ng 72nd IB nang pasabugan
nito ng command-detonated
explosive (CDX) ang mga umaatakeng
sundalo sa Sityo Mabuhay,
Barangay Dacudao, San
Isidro bandang alas-6 ng umaga
noong Hunyo 22. Isang sundalo
ang napatay at tatlong iba pa
ang nasugatan. Isang kasapi ng
BHB ang namartir sa labanang
ito.
Compostela Valley. Dalawang
elemento ng 25th IB ang
napatay at isa ang nasugatan
nang pasabugan sila ng CDX ng
isang yunit ng BHB sa Sityo Saog,
Barangay San Isidro, Monkayo
noong Hunyo 20, mga alas-
5:30 ng umaga. Pagkalipas ng
apat na oras, dalawa pang tropa
ng nasabing batalyon ang nasugatan
sa operasyong pasabog ng
mga Pulang mandirigma sa Sityo
Anagase, Barangay Casoon,
Monkayo.
Alas-3 ng hapon ng Hunyo
22, naglunsad muli ng operasyong
pasabog ang mga Pulang
gerilya kung saan napatay ang
limang elemento ng 46th IB at
nasugatan ang apat na iba pa sa
Barangay Ampawid sa bayan ng
Laak.
Isinagawa ang mga aksyong
militar na ito sa harap ng mas
pinaigting na kontra-rebolusyonaryong
kampanya ng Eastern
Mindanao Command ng AFP nitong
ikalawang hati ng Hunyo sa
lugar. Nag-operasyon ang siyam
na platun sa Laak at anim na
platun sa Monkayo. Nagpakat
din ng pwersang militar sa halos
lahat ng barangay sa Veruela at
nagdeploy ng tatlong platun sa
Loreto sa Agusan Sur at tatlong
platun sa Kapalong, Davao del
Norte.
Ang pinaigting na operasyong
militar na ito ay kasunod
ng pagpaslang ng mga elemento
ng AFP sa mga sibilyang sina
Wilfredo Estrebillo at Flaviano
Morales sa Davao del Norte nitong
Hunyo.
Inisyatiba sa labanan,
hawak ng BHB sa NEMR
Davao Oriental. Limang sundalo
ng 67th IB ang napatay at
anim na iba pa ang nasugatan
nang pasabugan ng commanddetonated
explosive ng mga Pulang
mandirigma ng Comval-Davao
East Coast Subregional
Command habang nagpapatrulya
sa Barangay Aliwagwag, Cateel
nitong Hunyo 30, bandang
alas-10 ng umaga.
Ang mga abusadong tropa ng
67th IB ay protektor ng mga mapangwasak
na malalaking magtotroso
sa prubinsya. Sa kabila
ng matinding pagsalanta ng
bagyong Pablo noong 2012 sa
Davao Oriental, patuloy ang malakihang
pagtotroso sa nalalabing
kagubatan nito. Suportado
rin ng mga burukrata kapitalista
sa lugar na sina Gov. Corazon
Malanyaon at Kongresman Elmer
Dayanghirang ang malakihang
pagtotroso sa prubinsya at
mismong ang meyor ng Cateel
na si Camilo Nuñez ay isa ring
malaking magtotroso. ~
Patuloy na hinahawakan ng Bagong Hukbong Bayan (BHB) sa
Northeastern Mindanao Region (NEMR) ang inisyatiba sa
digma sa harap ng pinaigting na opensibang militar ng Armed
Forces of the Philippines (AFP) sa rehiyon mula Enero, kung saan
nagdagdag ang AFP ng tatlong batalyon sa dating limang batalyong
nakatalaga rito.
Ayon kay Ka Maria Malaya, tagapagsalita ng National Democratic
Front-NEMR, 44 sa 50 labanang naganap sa rehiyon mula
Enero hanggang Hunyo ay pinasimulan ng BHB at aanim lamang
ang nagmula sa inisyatiba ng kaaway.
Nagtamo ng 77 kaswalti ang kaaway sa mga labanang ito (39
ang napatay at 38 ang nasugatan). Sa kabilang banda, pito ang
namartir sa BHB at pito ang nasugatan.
Sa pinakahuling ulat mula sa NEMR, tatlong elemento ng
26th IB ang nasugatan sa magkahiwalay na operasyong harasment
ng dalawang tim ng BHB sa magkanugnog na mga
barangay ng Ararat at San Juan sa Bayugan City, Agusan del Sur
noong Hunyo 16 at 17. ~
8 ANG BAYAN Hulyo 7, 2014

4 sundalo, patay sa Albay
Apat na elemento ng 9th Infantry Division ng Philippine
Army ang napatay ng mga Pulang mandirigma ng
Bagong Hukbong Bayan (BHB) sa magkahiwalay na ambus
na inilunsad sa bayan ng Daraga at sa Ligao City. Nakasamsam
ang BHB ng dalawang kal .45 pistola.
Dalawang sundalo ng 9th ID Recon Coy ang napatay
nang tambangan ng isang tim ng BHB sa Barangay Busac,
Ligao City habang patungo sa kanilang kampo sa Barangay
Oma-oma sa naturang syudad noong Hunyo 28, alas-4 ng
hapon. Isang kal .45 pistola ang nakumpiska ng mga Pulang
mandirigma.
Bago ito, isang sarhento at isang sundalo ng 9th ID Civil
Military Operation (CMO) ang napatay nang ambusin ng
isang tim ng BHB sa Sityo Banasian, Barangay San Ramon,
Daraga noong Hunyo 16 kung saan nasamsam ang isang kal
.45 pistola.
Samantala, sa Sorsogon, nagtamo ng di bababa sa tatlong
kaswalti ang 31st IB nang pasabugan sila ng CDX ng
mga Pulang gerilya ng Celso Minguez Command sa
Barangay Fabrica, Barcelona noong Hunyo 21. ~
4-buwang buntis,
iligal na inaresto
Isang babaeng apat na buwang buntis ang iligal na inaresto
ng militar sa Barangay Ilayang Iyam, Lucena City sa
Quezon noong Hunyo 20. Si Maria Miradel Torres, 26 taong
gulang at kasapi ng GABRIELA-Mauban ay hinuli habang tumutuloy
sa kanyang kamag-anak dahil sa maselan niyang
kundisyon sa pagdadalantao.
Ayon sa KARAPATAN, inaresto si Torres ng mga elemento
ng Criminal Investigation and Detection Group (CIDG) at
Southern Luzon Command ng AFP at pinaratangan siyang
kasapi ng Bagong Hukbong Bayan. Ininteroga rin siya ng
isang "rebel returnee" at isang nagpakilala lamang na "PO2"
at sinabing siya ay may kasong pagpatay kahit walang maipakita
sa kanyang mandamyento de aresto. Nalaman na lamang
ng kanyang mga magulang ang kanyang kinalalagyan
nang dalhin siya sa Camp General Nakar Hospital dalawang
araw matapos siya arestuhin.
Hindi pinayagan ang kanyang ina na makita siya at makausap
habang nakadetine. Noong Hunyo 25 ay dinala siya
sa Camp Bagong Diwa sa Bicutan, Taguig na lalong nagpalala
sa kanyang kalagayan. Patuloy siyang dinurugo dahil
kinumpiska ang kanyang mga gamot at wala siyang pahinga.
Binatikos ng KARAPATAN ang CIDG at AFP sa pag-aresto
kay Torres. Nangangamba rin ang KARAPATAN na maaaring
sapitin ni Torres ang nangyari kay Andrea Rosal na
buntis din nang arestuhin at kalauna'y namatayan ng sanggol.
~
Pambobomba sa Bayugan City,
nagbunsod ng pagbakwit
SAPILITANG nagbakwit ang mga residente
ng Barangay Ararat at mga kanugnog
na baryo sa Bayugan City, Agusan
del Sur noong Hunyo 18 dahil sa
pambobomba at panganganyon ng 26th
IB sa kalapit na Mt. Ararat.
Nagdeploy ng dagdag na tropa ang
mga militar sa Sityo Lanao, Barangay
Magkayangyang at kinanyon nila ang
Mt. Ararat bandang alas-12:30 ng hapon,
gamit ang dalawang 105 mm howitzer.
Hindi pa nakuntento, naghulog din
ang militar ng siyam na bomba mula sa
dalawang eroplanong OV-10 mula alas-
2:30 hanggang alas-3 ng hapon. Wala
ring pakundangang inistraping ng kaaway
ang Mt. Ararat at isa pang burol
na malapit dito, gamit ang 50-kalibreng
masinggan. Ayon sa inisyal na mga ulat,
ilang bahay ng lokal na residente ang
bahagyang natamaan ng mga bomba at
bala ng masinggan.
NGO sa Panay, niransak
NIRANSAK ng tatlong hindi kilalang lalaki
ang upisina ng Panay Center for Disaster
Response (PCDR) sa Jaro, Iloilo
City bandang ala-una ng madaling araw
noong Hunyo 19. Ginapos, binusalan ng
packaging tape at ikinulong ang tatlong
babaeng relief workers ng PCDR.
Kinuha ng nakamaskarang mga lalaki
ang dalawang laptop computer, mga
flash drive, cellphone, logbook at ledger,
kamera at ilang litratong nagsadokumento
ng relief operations ng PCDR sa
buong isla ng Panay.
Ang PCDR ay isang non-government
organization (NGO) na nagbibigay ng
ayuda at rehabilitasyon sa mga biktima
ng kalamidad sa buong isla. Nitong nagdaang
mga buwan, natulungan nito ang
50,000 pamilya sa mga komunidad na
sinalanta ng bagyong Yolanda sa Northern
Iloilo, Capiz, Antique at Aklan. Katuwang
din ito ng Catholic relief agency
na Caritas International at Tulong Kabataan
Volunteer Network-Panay.
ANG BAYAN Hulyo 7, 2014
9

ANG
Pahayagan ng Partido Komunista ng Pilipinas
Pinapatnubayan ng Marxismo-Leninismo-Maoismo
Tomo XLV Blg. 13
Hulyo 7, 2014
www.philippinerevolution.net
Editoryal
Panagutin si Aquino
at kanyang mga kasabwat
Tumiklop ang Korte Suprema sa dumadaluyong na paglaban ng
mamamayang Pilipino sa Disbursement Acceleration Program
(DAP) nang ideklara nito na labag sa konstitusyon ng Pilipinas
ang paggamit ng DAP.
Bagama't ang desisyon ay
binutasan upang malusutan ni
Benigno Aquino III ang kriminal
na pananagutan, di nito naiwasan
na mapatingkad kung papaanong
ang pondong publiko ay
ginagamit ng naghaharing rehimen
alinsunod sa kapritso at
pabor sa interes nito sa pulitika.
Ang gayong desisyon ay
magpapasikad sa pakikibaka ng
mamamayan para sa
ganap na pagtatanggal
ng
sistemang
pork barrel
at para panagutin
ang rehimeng
Aquino sa pandarambong
at korapsyon.
Ang DAP
ay isang
sistemang
inimbento
ng rehim
e n g
Aquino
na nagbibigay
kay
Aquino ng pribilehiyo na
mamudmod ng bilyun-bilyong
piso ng pondong
publiko ayon sa kanyang
sariling kapasyahan.
Sinimulan ang sistemang
DAP sa ilalim ng pamumuno ni
Department of Budget and Management
(DBM)
Sec. Florencio
"Butch"
Abad mula
2011. Lahat ng kautusan ng
DBM na naglabas ng umabot sa
P177 bilyon ay pinirmahan at
inaprubahan ni Aquino.
Iginigiit ng iba't ibang sektor
ang detalyadong pagtutuos ng
paggastos sa DAP. Ayon kay
Aquino, ginastos ito sa mga proyektong
para diumano sa “kaunlarang
pang-ekonomya.” Ang totoo,
inilaan ito ni Aquino sa mga
proyekto ng kanyang mga alipures
upang tiyakin ang kanilang
suporta at katapatan.
Sa disenyo ng desisyon ng
Korte Suprema, tinangka nitong
iabswelto si Aquino dahil “mga
ispesipikong bahagi” lang umano
ng DAP ang hindi konstitusyunal.
Dagdag pa'y di raw mananagot
ang sinuman sa mga nagdaang
pagdispalko sa kabangyaman
sa ilalim ng DAP. Bunga
nito, nabigyan ng butas si Aquino
para makaiwas sa posibleng
impeachment o pagsasakdal sa
Mababang Kapulungan ng Kongreso.
Bakit nga naman
siya isasakdal ng mismong
mga taong nakikinabang sa
DAP at PDAF.
Gayunman, ang pagsasampa
ng impeachment sa
Mababang Kapulungan ay
makatutulong para tukuyin
at ihiwalay ang mga
alyado ni Aquino sa Kongreso
na malaon nang nakikinabang
sa DAP at PDAF at
tumatangging panagutin

Mga tuntunin sa paglilimbag
1. Ang sinundang pahina, na eksaktong kopya ng pahina 1 maliban sa mas
mapusyaw ang masthead o logo ay para sa mga gumagamit ng mimeo machine o
naglilimbag sa paraang v-type. Idinisenyo ito para hindi madaling makasira ng istensil.
2. Pag-print sa istensil:
a) Sa print dialog, i-check ang Print as image
b) Alisin ang check sa Shrink oversized pages to paper size
k) I-click ang Properties
d) I-click ang Advanced
e) Tiyaking naka-set sa 100% ang Scaling
d) Ituloy ang pag-print
3. Hinihikayat ang mga kasama na ipaabot sa patnugutan ng AB ang anumang
problema kaugnay ng paglilimbag sa pamamagitan ng v-type. Magpadala ng email sa
angbayan@yahoo.com