201410-12pi

TOMO 36 BILANG 4 BASAHIN AT TALAKAYIN 

OKTUBRE-DISYEMBRE 2014 

Opisyal na Pahayagan ng Rebolusyonaryong Mamamayan ng Timog Katagalugan 

E D I T O R Y A L 

Paigtingin ang rebolusyonaryong pakikibaka 

laban sa bagong nagbabangong diktadurang US-BS Aquino 

W 

alang nagawa ang rehimen ni Benigno S. Aquino III kundi bawiin ang pahayag nitong bukas ang kanyang 

rehimen sa pagpapalawig ng kanyang termino. Ibinunsod ito ng maingay na pagtatambol ng mamamayang 

Pilipino sa kanilang panawagang pigilan ang anumang pagtatangka ng rehimeng Aquino na makapanatili sa pwesto 

nang lagpas sa taong 2016. Subalit, hindi ito nangangahulugang dapat nang magluwag ang sambayanan. Hangga’t 

nananatili si Aquino sa estado poder, tiyak na gagawin ng kanyang rehimen ang lahat ng marurumi at mararahas na 

pagmamaniubra para lamang makuha ang kanyang gusto at maiwasan ang anumang pananagutan sa mga krimen 

nito laban sa mamamayan. 

Sa kasalukuyan, iwinawasiwas ni Aquino ang 

mahigpit na kontrol ng kanyang rehimen sa larangan 

ng ekonomya, pulitika at militar kung saan tanging 

mga kapanalig niya at ang among imperyalismong US 

ang nakikinabang. Walang lugar sa reaksyunaryong 

gubyerno ang mamamayang 

Pilipinong nakararanas ng 

gutom at labis na kahirapan. 

Inilalantad ng pangkating 

Aquino ang pagbabagong-bihis 

bilang panibagong diktador. 

Sa larangan ng ekonomya, 

patuloy na pinaiingay ng 

mga kaalyado ni Aquino sa 

kongreso at sa Department of 

Energy ang nilikhang krisis ng 

reaksyunaryong gubyerno sa 

enerhiya. Kaakibat nito ang 

paghahabol sa emergency 

powers upang bigyang 

kapangyarihan si Aquino na 

kontrolin at lustayin ang bilyunbilyong 

pondo ng Malampaya 

at iba pa. Ang paggawad 

ng emergency powers ay 

katumbas ng lantarang pagaalok 

sa mga dayuhang 

korporasyon na pagharian at 

pagkakitaan ang sektor ng enerhiya sa bansa tulad na 

lamang ng ginawa ni Fidel Ramos noong Abril 1993. 

Samantala, nagkukumahog ang mga alipures ni 

Aquino sa kongreso sa pagsusulong ng Charter Change 

upang tanggalin ang mga hadlang na pang-ekonomikong 

probisyon sa reaksyunaryong 

konstitusyon. Tatanggalin 

ang mga limitasyon at 

restriksyon upang ibukas 

ang ekonomya ng bansa sa 

balangkas ng Trans-Pacific 

Partnership Agreement ng 

imperyalismong US. Tampok 

dito ang pagbibigay ng 100 

porsyentong pagmamay-ari ng 

mga dayuhang korporasyon 

sa mga negosyo, empresa at 

lupain sa bansa upang akitin 

ang mga mamumuhunan at 

palakihin ang foreign direct 

investments sa bansa. Ito ay 

katumbas na ng buu-buong 

pagbebenta ng mga yaman 

ng bansa sa mga dayuhan. Sa 

halip na paunlarin ang lokal na 

ekonomya, plano ni Aquino na 

ganap na itali ang ekonomya 

ng Pilipinas sa ekonomya ng

NILALAMAN 

1 Editoryal 

4 Nasyunalisasyon, hindi emergency powers, 

ang sagot sa suliranin sa industriya ng enerhiya 

6 DAP ni Aquino: ang ninakaw na kinabukasan 

mula sa mamamayan 

8 Ganap na kabiguan ang tinatahak na landas 

ng Oplan Bayanihan 

10 Kabataang Makabayan: dakilang pamana sa 

bago at susunod na mga henerasyon 

2 KALATAS 


Tomo 36 Bilang 4 

12 Inspirasyon ang buhay at pakikibaka 

ng mga dakilang martir sa pagsulong 

ng gawaing propaganda at kultura 

15 Balitang TO 

17 Dagdag sahod at benepisyo, iginiit ng mga guro 

Lupa at hustisya, sigaw ng mamamayan sa 

Linggo ng mga Magbubukid 

18 Kaarawan ni Andres Bonifacio, ginunita 

Anibersaryo ng Kabataang Makabayan, ipinagdiwang 

19 Araw ng mga Bilanggong Pulitikal, ginunita 

Bantay Karapatan 

20 Araw ng Karapatang Pantao, ginunita 

21 CIA torture report, umani ng pagkundina 

PKP, umagapay sa mga biktima ng bagyong Ruby 

22 Ika-46 Anibersaryo ng PKP, ipinagdiwang sa TK 

23 Kultura 

Ang KALATAS ang opisyal na pahayagan ng 

rebolusyonaryong mamamayan ng Timog 

Katagalugan. Pinapatnubayan ito ng Marxismo- 

Leninismo-Maoismo. Inilalathala ito ng Partido 

Komunista ng Pilipinas (MLM) at ng Bagong 

Hukbong Bayan ng Timog Katagalugan. 

Inaanyayahan ng Pamatnugutan ang mga 

mambabasa na mag-ambag sa pagpapahusay ng 

ating pahayagan. Magpadala ng mga komentaryo 

at mungkahi, balita at rebolusyonaryong 

karanasan na maaaring ilathala sa ating 

pahayagan. 

Ito ay tumatanggap ng mga liham sa: 

kalatastk@gmail.com 

mga dayuhang bansa, partikular na ng imperyalismong US 

na pasimuno ng imperyalistang globalisasyon. Nilalayon 

ng mga imperyalistang bansa na isalba ang kani-kanilang 

mga ekonomya mula sa krisis ng kapitalismo. 

Sa balangkas ng imperyalistang globalisasyon at ng 

mga patakarang neoliberal na deregulasyon, liberalisasyon 

at pribatisasyon, lalo nang nawalan ng puwang ang mga 

lokal na negosyo at empresa sa pambansang ekonomya. 

Ibubunsod nito ang pandarambong ng mga dayuhang 

korporasyon at mga lokal na kasapakat nila sa likas na 

yaman ng bansa at ang labis na pagsasamantala sa lakaspaggawa 

ng mamamayang Pilipino. Ang tunguhin ng 

programang pang-ekonomya ng rehimeng US-BS Aquino 

ay pahigpitin ang kontrol ng mga naghaharing uri sa bansa 

at igapos ang ekonomya ng bansa sa imperyalismong US. 

Bago pa man ang taong 2010, puspusan ang 

paghahanda ng pangkating Aquino at ng Partido Liberal 

sa panliligaw sa imperyalismong US upang matiyak na 

madodomina nila ang buong lehislatura at makukuha ang 

pinakamataas na pwesto sa ehekutibo. Sa unang araw 

pa lang ng pag-upo ni Aquino sa pagkapangulo, tinrabaho 

na ng kanyang rehimen ang pagpapatalsik sa dating 

punong mahistrado ng hudikatura na si Renato Corona, 

midnight appointee ni Gloria Arroyo. Hindi nag-aksaya ng 

panahon ang rehimeng US-BS Aquino upang maipusisyon 

ang kanyang alipures at makontrol ang lahat ng sangay 

ng reaksyunaryong gubyerno. Kaya ganoon na lamang 

kahigpit ang paghawak ni Aquino sa pondo ng bayan. 

Binubusog at pinoprotektahan niya ang masusugid niyang 

tagasuporta kahit na yaong mga batbat na ng anomalya 

tulad nina Florencio Abad, Proceso Alcala at Alan Purisima. 

Ang mga pumapalag naman ay tinatakot niyang gigipitin 

ang pondo tulad na lamang ng kasalukuyang punong 

mahistrado ng Korte Suprema na si Ma. Lourdes Sereno 

na nagdesisyon laban sa Disbursement Acceleration 

Program (DAP) at Priority Development Assistance Fund 

(PDAF) na kapwa mga anyo ng pork barrel. 

Mula 2011, aabot sa P177 bilyon ang nakopo ng 

pangkating Aquino sa pamamagitan ng DAP. Iba pa rito 

ang ilang trilyong pondo na ang paggastos ay nasa solong 

diskresyon ni Aquino. Ginagatasan ng mga burukratakapitalista 

ang pondo ng bayan sa pangunguna ng 

pangkating Aquino—ang nuno ng korapsyon at katiwalian 

sa reaksyunaryong gubyerno. Ginagamit nila ito para 

bumili ng impluwensya na lalo lamang nagpatigas sa 

kultura ng pampulitikang padrino sa reaksyunaryong 

pulitika. Sa nakaraang deliberasyon ng pambansang 

badyet, tiniyak na malalaking halaga ang makukuha ng 

OKTUBRE-DISYEMBRE 2014

mga kapanalig ni Aquino. Maliban dito, kumukuha ng 

suporta ang rehimeng Aquino sa imperyalismong US 

at sa malalaking burgesya kumprador at panginoong 

maylupa habang nagbibigay ng konsesyon sa kanila. 

Tampok na halimbawa nito ang programang Public- 

Private Partnership kung saan sina Henry Sy, Manny 

Pangilinan, Danding Cojuangco, Lucio Tan at mga 

pamilyang Ayala at Lopez ang mga paboritong gawaran 

ng mga proyektong gatasan. Sila rin ang nagbigay ng 

pinakamalaking kontribusyon sa kampanya ni Aquino sa 

pagkapangulo. 

Bilang isang diktador, pangunahing sinasaligan ng 

rehimeng US-BS Aquino ang lakas-militar nito. Nasa 

prayoridad ng rehimeng US-BS Aquino ang pagbili 

ng mga armas, sasakyang-pandigma at iba pang mga 

kagamitang militar. Katunayan, pagkalaki-laking P144 

bilyon ang hinihinging badyet ng Department of National 

Defense at Armed Forces of the Philippines para sa 

taong 2015. Matapos ang karumaldumal na pagpaslang 

kay Jeffrey “Jennifer” Laude 

noong Setyembre 2014, buong 

kagarapalan pang ibinida ni 

Heneral Gregorio Catapang, 

chief-of-staff ng AFP ang 426 

joint activities ng mga tropang 

Pilipino at Amerikano dito sa 

bansa. 

Sa balangkas ng Oplan 

Bayanihan, nagpapatuloy 

ang lipas-nang-taktika ng 

pagsasampa ng gawa-gawang 

kaso sa mga lider-aktibistang 

kritikal sa reaksyunaryong 

gubyerno. Patuloy ang 

panunugis sa mga organisador, pagpaslang, pagdukot, 

tortyur at panggigipit. Sa kanayunan, mas pinasidhi 

ang kampanyang supresyon laban sa rebolusyonaryong 

kilusan. Sa kasalukuyan, pokus ng atake ng pasistang 

militar ang Mindanao. Mula sa 48 batalyon noong Mayo 

2014, aabot na sa 55 kabuuang bilang ng batalyon ang 

naghahasik ng lagim sa iba’t ibang rehiyon sa Mindanao. 

Sa Timog Katagalugan, lagpas 29 na batalyon ng 

pinagsanib na pwersa ng AFP-PNP-CAFGU ang nakakalat 

sa kabuuang 266 kampo at ditatsment sa buong 

rehiyon. Samantala, 13 batalyon ang panagupang 

pwersang gamit sa kombat at operasyon sa pagtugis 

sa Bagong Hukbong Bayan at mga rebolusyonaryo sa 

kanayunan. Bagamat papatindi ang pasistang atake ng 

“Sapat ang puhunang 

naipunla ng 

rebolusyonaryong kilusan 

sa buong rehiyon upang 

makabuluhang mag-ambag 

sa pambansang pagsisikap 

na umigpaw sa mas mataas 

na antas ng digmang 

bayan” 

rehimeng US-BS Aquino laban sa mamamayan, hindi 

ito nangangahulugang papalakas ang reaksyunaryong 

armadong pwersa. Ang pagtindi ng pasismo ay 

nangangahulugang hindi na makapaghari sa dating 

paraan ang reaksyunaryong rehimen. Hindi na umuubra 

ang mabubulaklak na pananalita upang linlangin ang 

mamamayan at ilihis ang kanilang atensyon sa tunay na 

problemang kinakaharap ng lipunan kaya tinatapatan 

na ng bala ang makaturangang mga panawagan at 

pakikibakang masa ng sambayanan. 

Sa gitna ng napakaraming isyung panlipunang 

kinakaharap ng mamamayan, dapat magpakahusay 

sa pagtatahi ng mga ito at maidireksyon sa malakas 

at maigting na panawagan sa pagpapabagsak sa 

nagbabangong diktadurang US-BS Aquino. Hinog na 

hinog ang mga panlipunang kundisyon upang ganap 

na maihiwalay sa mamamayan ang pangkating Aquino 

hanggang sa pagpapatalsik sa rehimen. Nasa bentaheng 

pusisyon ang rebolusyonaryong kilusang masa kapwa 

sa kalunsuran at kanayunan 

upang magkamit ng tagumpay 

sa pulitika at organisasyon, 

at ibunsod ang daluyong ng 

mga pakikibakang bayan at 

protestang masa sa iba’t ibang 

bahagi ng rehiyon at ng buong 

bansa. 

Upang ganap na pilayan 

hanggang sa maibagsak ang 

naghaharing rehimeng US-BS 

Aquino, dapat paigtingin ang 

pagsusulong ng armadong 

pakikibaka sa kanayunan. 

Ilunsad ang paparaming bilang 

ng mga anihilatibo at atritibong aksyong militar laban sa 

mersenaryong tropa ng kaaway tulad na lamang ng 

matagumpay na reyd ng mga Pulang mandirigma sa 

ilalim ng Lucio de Guzman Command-NPA Mindoro sa 

istasyon ng pulisya ng Paluan sa Occidental Mindoro 

noong Nobyembre 2014. Gawin itong inspirasyon ng 

iba pang mga kumand ng BHB sa buong rehiyon upang 

birahin ang kaaway at magdulot ng maririing patama sa 

ulo at katawan nito. Sapat ang puhunang naipunla ng 

rebolusyonaryong kilusan sa buong rehiyon upang 

makabuluhang mag-ambag sa pambansang pagsisikap 

na umigpaw sa mas mataas na antas ng digmang bayan 

at mailatag ang mga rekisitos sa pagkakamit ng 

estratehikong pagkapatas sa susunod na mga taon. 


3 KALATAS

PANGUNAHING LATHALAIN 

Nasyunalisasyon, hindi emergency powers, 

ang sagot sa suliranin sa industriya ng enerhiya 

Ilang buwan bago matapos ang taong 2014, naghahabol na ang mga alipures ni Benigno S. Aquino sa kamara 

upang aprubahan ang hinihingi niyang emergency powers para sa napipinto diumanong kakulangan sa 

suplay ng enerhiya sa susunod na taon partikular sa mga buwan ng Marso hanggang Mayo. Matapos ang mahigit 

apat na taon na paghahari sa bansa, walang anumang ginawang mapagpasyang hakbangin ang rehimen upang 

paunlarin ang sektor ng enerhiya. Bagkus, gagawin lamang itong gatasang baka upang pagkakitaan ng rehimen 

at ng malalaking burgesyang kumprador na malapit sa kanya. 

Ang suliranin sa sektor ng enerhiya ay idinulot ng 

matagal na panahon ng pagpapabaya ng mga nagdaang 

rehimen sa pagbubuo ng kumprehensibong plano sa 

pagpapaunlad nito. Mula noon hanggang 

ngayon, lahat ng mga batas na inaprubahan 

sa power industry ay pawang nagbigay daan 

sa monopolyo ng iilang malalaking burgesya 

kumprador tulad ng San Miguel Corporation 

ni Danding Cojuangco, Meralco at First Gen. 

Corporation, at ng Aboitiz Power Corporation. Sa loob 

ng napakahabang panahon, pinagkakitaan ng mga 

kumpanyang ito ang mga prosesong dinaraanan ng 

kuryente mula sa generation, transmission hanggang 

sa mismong distribusyon nito sa mga konsyumer. 

Hindi solusyon ang pagbibigay ng emergency 

powers kay BS Aquino. Bagkus, panganib ang hatid 

nito sa mamamayang Pilipino. Una na rito ang 

pagpapaubaya ng reaksyunaryong gubyerno sa 

malalaking korporasyon na dambungin ang likas na 

yaman ng bansa nang walang pagpapanagot. Upang 

makuha ang pinakamaraming kontrata bago pa 

ang panahon ng tag-init sa taong 2015, mamadaliin 

ng rehimen ang pagpapasok ng mga kumpanyang 

ito nang walang malinaw na pagsisiyasat kung 

anu-ano ang maaaring maging implikasyon ng 

mga itatayong imprastraktura sa 

kalikasan at sa kabuhayan 

ng mamamayan. 

Pangalawa, magdudulot 

ito ng papataas na halaga ng 

kuryente dahil sa pagpasok 

ng mga independent 

power producers (IPP) na 

ang pagtingin sa enerhiya 

ay isang negosyong 

pagkakakitaan at hindi 

batayang serbisyong 

panlipunan na dapat 

ay natatamasa ng 

mamamayan. Buhay 

na karanasan ng mga 

konsyumer ang paglobo ng 

bayarin sa kuryente matapos igawad ang 

emergency power kay Fidel Ramos noong 1993. Labis 

na pahirap ang idinulot nito sa mamamayan. 

Pangatlo, naglalaway ang rehimeng US-BS 

Aquino na makopo ang 140 bilyong pisong pondo ng 

Malampaya. Gagamitin ito diumano upang saulian 

ang mga gagastusin sa pagpapaandar ng generator 

sets ng mga industriya at empresang papasok sa 

Interruptible Load Program (ILP). Habang ang 

malalaking korporasyong ay may paniyak na kita, 

walang katiyakan ang mamamayan sa serbisyong 

4 KALATAS OKTUBRE-DISYEMBRE 2014

panlipunang dapat na libreng 

natatamasa ng ordinaryong 

mamamayan. 

Simula nang maupo sa pwesto 

si BS Aquino, aabot na sa 15 bilyong 

piso mula sa pondong Malampaya 

ang ginastos ng rehimen hindi 

para paunlarin ang sektor ng 

enerhiya. Halos kalahati o 6.258 

bilyong piso nito ay inilaan para sa 

Armed Forces of the Philippines 

at Department of National 

Defense. Kung sa nakaraang taon 

ay nagamit ng rehimeng US-BS 

Aquino ang pondong Malampaya 

batay sa sarili nitong diskresyon, 

ang paggawad kay BS Aquino 

ng emergency power ay 

lalong magbibigay sa kanya 

ng di nahahangganang 

akses sa pondo upang 

malustay sa pansarili nitong 

interes. Sa pamamagitan 

ng kapangyarihang ito, 

maiisantabi ang mga 

batas na nagtitiyak ng 

regulasyon at maaaring 

laktawan ang mga proseso 

ng paniyak ng gubyernong 

mapapangalagaan ang kalikasan 

at mga mamamayan. 

Ang pagpapapasok ng IPP 

sa power industry at paggastos 

ng pondong Malampaya upang 

bigyang kompensasyon ang mga 

papasok sa ILP ay hindi lamang 

mga simpleng pagbibigay ng 

insentibo sa malalaking burgesya 

kumprador. Maaalalang ang 

malalaking negosyanteng ito ang 

nagbigay ng pinakamalalaking 

halaga sa kampanya sa 

pagkapangulo ni BS Aquino noong 

2010. Sa ganitong kaayusan, tiyak 

na ang kapalit ng bawat pabor 

mula kay BS Aquino ay suporta 

para sa naghaharing pangkatin. 

Malinaw na ang pangunahing 

motibasyon ni BS Aquino ay ang 

pagpapalakas ng impluwensya 

upang makapanatili sa estado 

poder. 

Ang paglutas sa malaon 

nang problema sa sektor ng 

enerhiya ay dapat magmula sa 

saligang katangian nito bilang 

isang batayang serbisyong 

panlipunan. Dapat nang ibasura 

ang mga polisiyang ibinunsod ng 

“Ang paglutas sa malaon 

nang problema sa sektor 

ng enerhiya ay dapat 

magmula sa saligang 

katangian nito bilang isang 

batayang serbisyong 

panlipunan.” 

mga patakarang pribatisasyon, 

deregulasyon at liberalisasyon na 

naglalayong dambungin ang mga 

likas na yaman ng bansa at gawing 

negosyo ang mga serbisyong 

panlipunan tulad ng enerhiya. 

Sa halip na emergency powers 

ang pagkaabalahan ng kongreso 

at Malakanyang, dapat nitong 

pagtuunan ang pagbabalangkas 

ng batas na magpapawalang bisa 

sa inutil na Electric Power Industry 

Reform Act (EPIRA) na naging 

sanhi ng malalaking suliranin sa 

industriya at mataas na presyo ng 

kuryente sa bansa. 

Isinusulong ng 

rebolusyonaryong kilusan ang 

nasyunalisasyon ng enerhiya 

bilang isang mahalagang industriya 

sa pagpapaunlad ng ekonomya 

ng bansa. Dapat isabansa ang 

mga likas na yamang maaaring 

maksimisahin para makalikha 

ng enerhiya tulad na lang ng 

mga geothermal at hydropower 

plant. Sa lahat ng pagkakataon, 

dapat iuna ang kapakanan ng 

mamamayan at tiyaking hindi 

mapipinsala ang kanilang buhay 

at kabuhayan. Gayundin, dapat 

tiyaking hindi ito magdudulot 

ng polusyon at pagwasak ng 

kalikasan. 

Kailanman, hindi 

mapagkakasundo ang interes 

ng masang anakpawis at ng 

rehimeng US-BS Aquino at 

mga kapanalig nito. Ang nais 

ng rehimen ay panatilihin ang 

kasalukuyang sistemang 

panlipunan kung saan malaya 

nilang dambungin ang mga 

yaman ng bansa at gawing 

negosyo ang mga serbisyong 

panlipunan. Sa kabilang banda, 

ang nais ng malawak na hanay ng 

sambayanan ay isang lipunang 

may pagkalinga sa kagalingan ng 

mamamayan. Matibay ang 

paninindigan ng rebolusyonaryong 

mamamayan na ibagsak na ang 

rehimeng US-BS Aquino at isulong 

ang demokratikong rebolusyong 

bayan upang itayo ang isang 

gubyerno kung saan matiwasay at 

masagana ang pamumuhay ng 

mamamayan. 


5 KALATAS

DAP ni Aquino: ang ninakaw na kinabukasan 

mula sa mamamayan 

Sa pagkabunyag ng sagad-sa-butong “pambababoy” ng rehimen sa kaban ng bayan sa pamamagitan ng 

Disbursement Acceleration Program o DAP, nagngingitngit at nagpupuyos ang kalooban ng mamamayang 

nagnanais na wakasan ang katiwalian ng reaksyunaryong gubyerno at patalsikin na ang magnanakaw na rehimeng 

BS Aquino sa poder. 

Ginamit ni Aquino ang DAP upang patuloy na 

makapagkulimbat ng daang bilyong pondo mula sa 

kaban ng bansa. Maanomalyang idineklara ni Aquino 

bilang diumano’y “savings” ang laang badyet sa 

iba’t ibang ahensya’t programa ng reaksyunaryong 

gubyerno at isinentralisa ito sa ilalim ng presidential 

pork barrel na kinaratulahang DAP. Ginamit ng 

rehimen ang DAP upang palawigin ang impluwensya 

at kapangyarihan nito sa reaksyunaryong gubyerno 

sa kabi-kabila nitong pagbibigay ng mga suhol 

sa mga kaalyado sa kongreso at mga lokal na 

pamahalaan. Itinago ng rehimen sa mamamayan 

ang paglulustay hanggang sa mabunyag ito at ngayon 

nga ay kinaratulahang DAP. Hanggang sa kasalukyan, 

hindi maipaliwanag ng Department of Budget and 

Management (DBM) ang ginawang paglulustay at 

nagsasabwatan ang lahat ng ahensya ng gubyerno 

upang pagtakpan at bigyang matwid ang baluktot na 

DAP at ang pagnanakaw ng gubyerno sa pondo ng 

bayan. 

Nang idineklara ng Korte Supremang iligal ang DAP, 

halos baligtarin ni Aquino ang langit at 

lupa upang depensahan ang paggamit 

nito ng pondo ng bayan para sa 

DAP. At tulad ng isang sindikadista, 

ginipit ni Aquino sa pamamagitan 

ng sunud-sunurang kongreso ang 

Korte Suprema upang mapilitan 

itong baligtarin ang kanyang pasya 

at paburan ang patuloy na pag-iral 

ng DAP. Upang bigyang matwid ang 

baluktot na DAP, ipinangalandakan 

ni Aquino na isa diumanong 

matagumpay na programa ng 

kanyang rehimen ang DAP at 

kung gayon ay inaabswelto nito sa 

anumang pananagutan si Florencio 

“Butch” Abad, ang kalihim ng DBM. Ipinagmalaki rin 

ng inutil na rehimen na ang tanging hangarin nila sa 

pagpapatupad ng DAP ay ang diumano’y pagpapalago 

ng ekonomya para sa pagpapabuti ng kalagayan ng 

maraming naghihirap na mamamayan sa bansa. 

Ngunit saan nga ba ginamit ng gubyernong 

BS Aquino ang ninakaw nitong DAP Taliwas 

sa mga nais palabasin ng rehimeng BS Aquino, 

walang makabuluhang epekto ang DAP sa paglago 

ng ekonomya at lalong hindi ito nakatugon sa 

pangangailangan ng mga mahihirap. Walang ibang 

nakinabang dito kundi ang magnanakaw na rehimen 

ni Aquino at mga alipures niya. Ginawa itong 

karagdagang pork barrel at ginamit na panuhol sa 

kongreso at iba pang upisyal ng gubyerno. 

Ang mga pangunahing nagpasasa sa bilyunbilyong 

pondo ng DAP ay pangunahing mga alyado 

ni Aquino. Sa Timog Katagalugan, nangunguna sina 

Joseph Emilio Abaya, dating kinatawan ng unang 

distrito ng Cavite at ngayon ay kalihim ng Department 

of Transportation and Communication (DOTC) at 

Elpidio Barzaga Jr., kasalukuyang kinatawan ng ikaapat 

na distrito ng Cavite. Tumanggap si Abaya ng 

hindi bababa sa P281 milyong pondo habang si 

Barzaga naman ay tumanggap ng hindi bababa 

sa P60.5 milyong pondong nagmula sa DAP. 

Si Abaya ang dating tagapangulo ng House 

Committee on Appropriations noong ika- 

15 Kongreso habang naging myembro 

naman ng House prosecution 

panel si Barzaga noong 

panahon ng impeachment ni 

Renato Corona. 

Ang lalawigan ng Cavite 

ay pumapangalawa sa mga 

probinsyang nakatanggap 

6 KALATAS 


ng pinakamalaking pondong nagmula sa DAP. 

Tumanggap ang lalawigan ng hindi bababa sa P492.8 

milyong pondo mula noong taong 2011. Gayunman, 

sa kabila ng pagbuhos ng pondo sa lalawigan, walang 

naramdamang kabutihan at alwan ang mamamayang 

Caviteño at nanatiling kulang ang mga ospital at 

pasilidad medikal at napakababa din ng badyet 

na inilalaan para sa mga paaralan, pampublikong 

pamantasan at suporta sa agrikultura sa lalawigan. 

Nagkamal din ng napakalaking pondo mula sa 

DAP ang mga pinakamasusugid na alipures ni Aquino 

tulad ni Proceso Alcala, ang kasalukuyang kalihim ng 

Department of Agriculture (DA). Tumanggap ang 

ahensyang pinamumunuan ni Alcala ng hindi 

bababa sa P4.4 bilyong pondo. Samantala, 

ang DOTC na pinamumunuan 

ngayon ni Abaya ay tumanggap 

naman ng pondong hindi bababa 

sa P4.5 bilyon mula din sa 

maanomalyang DAP. 

Karamihan sa mga 

proyektong pinaglaanan ng 

pondo ay walang kinalaman 

sa kaunlaran at kagalingan ng 

mamamayan tulad ng sinasabi 

ni Aquino. Sa halip na ilaan ang pondo sa 

mga kagastusang makapagbibigay ng karagdagang 

trabaho sa mga manggagawa, makakapagpataas ng 

kanilang sahod at produktibidad at mga serbisyong 

panlipunan, kalakhan ay napunta sa pagpapautang 

sa mga negosyante, panginoong maylupa at mga 

institusyong pampinansya tulad ng Bangko Sentral 

ng Pilipinas (P49.8B o 33.2% ng DAP). Mahigit P4 

bilyon ang ibinigay sa mga kumpanyang nakakuha 

ng kontrata sa mga proyektong PPP. Labing-pitong 

bilyong piso (P17 bilyon) ang napunta sa ibinayad sa 

mga dayuhang media at consultants at P7.6 bilyon para 

sa pagpapaganda ng mga opisina ng mga ahensya ng 

gubyerno. Ginastusan din ng DAP ang global media 

campaign ng gubyerno sa halagang P500 milyon 

at nagbayad ng P450 milyon sa isang kumpanyang 

Koreano para lamang sa disenyo ng Jalaur River 

Multipurpose Project. Ginamit rin ang P571 milyon 

para sa pagpapaganda ng mga opisina ng DILG, 

Kongreso, Department of Tourism at ng Malakanyang 

habang ang P35.2 bilyon ay pondong lumpsum na 

inilagay sa iba’t ibang proyektong mapipili. 

Tulad ng PDAF, ang DAP ang pinakamalaking 

pinagkukunan ni Aquino at mga kasapakat ng 

kulimbat. Ginawa ito ng rehimen sa kapinsalaan 

ng mamamayan. Pinasimunuan ni Butch Abad ang 

pagdaloy ng pondo sa sariling bulsa ng mga tiwaling 

pulitiko sa pamamagitan ni Napoles at iba pang mga 

dummy. Dagdag pa rito, nalantad rin na ang mahigit 

P4 bilyon para sa rehabilitasyon ng MRT at LRT ay 

napunta rin sa DAP ni Aquino kung kaya’t ngayon, 

pinababalikat sa sambayanan ang sakripisyo at bigat 

ng pagsasaayos ng serbisyo ng riles. 

Sa inaprubahang 2015 

badyet, higit na pinalala ng 

rehimen ang matagal nang 

nagaganap na katiwalian sa 

reaksyunaryong gubyerno. 

Malisyosong binago ng kongreso 

ang depinisyon ng “savings” 

upang ikutan ang desisyon ng Korte 

Suprema at gawing ligal ang pagkuha 

ng pondo ng mga ahensya ng gubyerno 

at ilaan ito para maging presidential pork 

barrel. Sa nasabing pambansang pondo, 

P500 bilyon rito ay presidential lumpsum 

at malalaking tipak ng pondo para sa mga 

ahensyang batbat ng katiwalian – DOH, DSWD, 

DPWH, DOLE at CHED sa halagang P35.5 bilyon. Hindi 

kailanman, isusuko ng mga naghaharing uri ang lahat 

ng oportunidad upang makapagnakaw sa kaban ng 

bayan at patuloy na magpasasa dito. 

Ang hangarin ng mamamayan para sa tunay na 

pagbabagong panlipunan ang tiyak na bibigo sa 

pandarambong ng rehimeng BS Aquino sa bayan 

hanggang sa tuluyan nang mapatalsik ang tiwali at 

anti-mamamayang rehimen. Ang sama-samang 

pagkilos ng mamamayan sa balangkas ng 

demokratikong rebolusyon ng bayan laban sa 

nabubulok na sistemang umiiral ang siyang patuloy 

na magpapaikot sa gulong ng rebolusyon. 

Magpapatuloy ito hanggang sa tuluyan nang makamit 

ng mamamayan ang matagal na nilang inaasam na 

tunay na pagbabago na ipapatupad ng isang 

rebolusyonaryong gubyernong tunay na kumakalinga 

sa mamamayan. 


7 KALATAS

Ganap na kabiguan ang tinatahak na landas 

ng Oplan Bayanihan 

S 

entro ng kahihiyan ang rehimeng US-BS Aquino at mersenaryong tropa ng Armed Forces of the 

Philippines (AFP) sa kabiguan nitong abutin ang sariling target na kakayanin nitong durugin at wasakin 

ang rebolusyonaryong kilusan sa buong bansa bago matapos ang 2016. Mula sa unang paghahambog na ng 

rehimen at ng AFP na magiging isang “inconsequential force” na lamang diumano ang Communist Party of the 

Philippines-New People’s Army-National Democratic Front (CPP-NPA-NDF) bago matapos ang termino ni BS 

Aquino sa 2016, pinalawig pa ito hanggang 2019. 

Naglulubid ng kasinungalingan 

at nangangarap ang mersenaryong 

AFP sa pagyayabang nito na 

diumano’y kontrolado na nila ang 

Kabikulan; habang ipapasa na 

lamang sa PNP ang mga erya sa 

Hilagang Luzon; na naabot na ang 

“katahimikan” sa Gitnang Luzon at 

Timog Katagalugan, at napahina na 

umano nila ang rebolusyonaryong 

kilusan sa Compostella Valley, 

Samar at Negros. Pawang 

pagdedeliryo lamang ito ng 

rehimeng US-BS Aquino at 

ng mersenaryong AFP upang 

pagtakpan ang katotohanang 

patuloy na lumalakas at 

lumalawak ang rebolusyonaryong 

kilusan sa kabila ng todong pagatake 

ng pasistang pwersa ng 

reaksyunaryong gubyerno. 

Desperasyon ang nagtulak 

sa rehimeng US-BS Aquino para 

ikonsentra nito ang 55 batalyon 

ng AFP sa Mindanao, laluna sa 

mga erya ng Southern Mindanao 

Region (SMR), North-Eastern 

Mindanao Region (NEMR) at 

North-Central Mindanao Region 

(NCMR). Itinakda nila bilang 

pambansang prayoridad ang 

pagwasak sa rebolusyonaryong 

kilusan sa Mindanao. 

Sa Timog Katagalugan, 

mahigit 29 batalyong pwersa ng 

AFP-PNP-CAFGU ang nakapakat 

sa iba’t ibang panig ng rehiyon. 

Kung aalisin ang mga yunit 

na hindi aktwal na kasama sa 

mga operasyong militar, aabot 

sa mahigit 13 batalyon ang 

pwersang panagupa ng mga 

pasista sa rehiyon. Nakalatag 

ang walong (8) panagupang 

batalyon sa Region IV-A at anim 

(6) sa Region IV-B. Nakapaloob 

ang kabuuang pwersa ng mga 

mersenaryong tropa sa ilalim 

ng Southern Luzon Command 

(SOLCOM) na sumasaklaw sa 

erya ng Cavite, Laguna, Batangas, 

Rizal at Quezon (CALABARZON) at 

Mindoro, Marinduque, Romblon 

(MIMARO); at Western Command 

na sumasaklaw sa Palawan at 

West Philippine Sea. Mapapansin 

din ang mahigpit na ugnayan ng 

mga brigada at batalyon ng AFP sa 

mga hangganan ng Quezon-Bicol 

at TK-Gitnang Luzon. 

Makikitang lampas-lampas 

na sa target ng Oplan Bayanihan 

ang pakat ng kaaway sa rehiyon. 

Nagpapatuloy na diin ng pokus ng 

kaaway sa bigat ng deployment ng 


mga pwersa nito sa hangganang Rizal-Laguna-Quezon 

at sa South Quezon-Bondoc Peninsula (SQBP). Sa mga 

ito, nakapakat ang aabot sa tig-pitong (7) batalyon na 

mayroong pwersang pangkombat na mahigit apat 

(4) na batalyon bawat isa. Pangalawa rito ang isla ng 

Mindoro na may nakapakat na anim (6) na batalyon 

kung saan ang pwersang pangkombat ay lagpas 

ng dalawa (2) batalyon. Pangatlo ang lalawigan ng 

Batangas na may nakapakat na lagpas tatlong (3) 

batalyon kung saan mahigit dalawang (2) batalyon 

ay pwersang pangkombat. Samantala, limang (5) 

batalyon ang nakapakat sa isla ng Palawan kung 

saan higit sa dalawang (2) batalyon ang pwersang 

pangkombat. 

Desperado ang kaaway na ilatag ang kanyang 

pwersa sa rehiyon upang abutin ang balangkas ng 

one-on-one na taktika sa bawat larangan sa isang 

takdang panahon. Tampok dito ang karanasan 

ng SQBP sa kasagsagan ng pananalasa ng Oplan 

Bayanihan noong 2012. Umabot noon sa apat (4) na 

panagupang batalyon, humigit-kumulang sa tatlong 

(3) batalyon ng CAFGU at dalawang (2) kumpanya 

ng Public Safety Management Company (PSMC) ang 

nakakalat sa SQBP. Hindi pa kasama rito ang mga 

taktikal na deployment ng Division Reconnaissance 

Company (DRC) ng 2nd IDPA. Mahigit 100 baryo ang 

sabay-sabay na sinaklaw ng operasyon ng kaaway. 

Gayunman sa kabila ng katangian at deployment 

ng kaaway sa mga lokalidad ng rehiyon, hindi 

nawalan ng inisyatiba sa pulitika at militar ang mga 

rebolusyonaryong pwersa. Nananatiling nakatindig, 

lumalakas at lumalawak ang rebolusyon sa rehiyon 

dahil sa umaapaw na suporta at pagtangkilik ng masa. 

Ang rebolusyonaryong kamalayan ng mamamayan 

sa rehiyon ay may naabot nang antas ng tatag at 

kahinugan na hinubog ng kanilang buong pusong 

paglahok sa demokratikong rebolusyong bayan. Ang 

mga pasistang atake ay napangibabawan ng puspusan 

at pursigidong pagsusulong ng rebolusyonaryong 

mamamayan ng digmang bayan. Bagaman sinubok 

ng matitinding dagok, nananatiling buhay at 

nagpapanibagong sigla ang mga rebolusyonaryo at 

masa upang sumulong sa mas mataas na yugto ng 

rebolusyon. 

Pinanday ang rebolusyonaryong kilusan ng 

halos kalahating siglo ng buhay at kamatayang 

rebolusyonaryong pakikibaka. Binigo nito lahat ng 

kampanyang supresyon ng mga nagdaang rehimen— 

Oplan Katatagan mula sa prototype na nakilala 

sa tawag na Oplan Cadena de Amor (OCDA) ng 

diktadurang US-Marcos; Oplan Lambat Bitag I, II, 

III at IV ng rehimeng US-Aquino I at rehimeng US- 

Ramos; Oplan Makabayan ng rehimeng US-Estrada; 

Oplan Balangai, Oplan Guardian Knot, Oplan Bantay 

Laya I at II ng rehimeng US-Macapagal Arroyo at ang 

kasalukuyang Oplan Bayanihan ng rehimeng US-BS 

Aquino. 

Sa kabila ng mga nakamit na pinsala sa pakikipagtuos sa 

kaaway, ito ay pansamantala lamang. Naipreserba ang 

lakas ng rebolusyon at nagkamit ng mga dramatikong 

pagsulong at tagumpay ang rebolusyonaryong kilusan 

at mamamayan. Sa kanayunan tinatamasa ang 

produkto ng puspusang pagsusulong ng rebolusyong 

agraryo. Patuloy na lumalawak at tumatatag ang 

mga baseng masa—ang di natutuyuang balon ng 

suporta para sa armadong pakikibaka. Lumalakas 

ang kilusang masa at patuloy na sumusulong ang mga 

pakikibakang antipyudal at antipasista. Ang BHB ay 

nakapaglunsad ng matatagumpay na mga taktikal na 

opensiba (TO) na nagdulot ng mariing patama sa ulo 

at katawan ng pasistang kaaway. Tampok dito ang 

matagumpay na TO noong Nobyembre 7 sa Paluan, 

Occidental Mindoro ng Lucio de Guzman Command- 

BHB Mindoro kung saan nasamsam ng mga Pulang 

mandirigma ang 23 armas. Ikinasawi ito ng hindi 

bababa sa pitong elemento ng kaaway at ikinasugat 

ng apat na iba pa. 

Nakahukay na ang libingan ng Oplan Bayanihan 

tungong ganap na kabiguan. Nasa paborableng 

kalagayan ang rebolusyonaryong kilusan upang 

sumulong sa kalitatibong igpaw sa susunod na mga 

taon. Mataas and diwa at optimismo ng mga kadre at 

kasapi ng Partido, kumander at mandirigma ng BHB at 

lahat ng rebolusyonaryong mamamayan na 

magpunyaging sumulong sa estratehikong 

pagkakapatas tungong ganap na tagumpay. 


9 KALATAS

Kabataang Makabayan: dakilang pamana 

sa bago at susunod na mga henerasyon 

“Itinuturo ng katwiran ang tayo’y umasa sa ating sarili at huwag antayin sa iba ang ating kabuhayan. 

Itinuturo ng katwiran ang tayo’y maglakas na maihapag ang naghaharing kasamaan sa ating bayan. 

Panahon na ngayon…dapat nating ipakilala na tayo’y may sariling pagdaramdam, may puri, may hiya at 

pagdadamayan. Ngayon ay panahong dapat simulan ang pagsisiwalat ng mga mahal at dakilang aral na 

magwawasak sa masinsing tabing na bumubulag sa ating kaisipan; panahon na ngayong dapat makilala ng 

mga Pilipino ang pinagbuhatan ng kanilang mga kahirapan. 

Kaya, mga kababayan, ating idilat ang bulag na kaisipan at kusang igugol sa kagalingan ang ating lakas sa 

tunay at lubos na pag-asa na magtagumpay sa nilalayong kaginhawahan ng bayang tinubuan.” 1 

Ito ang tinuran ni Kasamang Jose Maria Sison, 

ang tagapangulong tagapagtatag ng Kabataang 

Makabayan (KM) noong ika-30 ng Nobyembre 1964. 

Limampung taon makalipas ang makasaysayang 

araw na ito, binibigyang pugay ng sambayanan ang 

libu-libong kabataang Pilipinong inialay ang kanilang 

talino at buhay upang paglingkuran ang sambayanan 

at isulong ng demokratikong rebolusyon para sa 

pagkakamit ng tunay na kalayaan at pambansang 

demokrasya. 

Ang KM ang naging talibang organisasyon ng 

kabataang Pilipino. Puspusan itong nakibaka kasama 

ang malawak na hanay ng sambayanan para makamtan 

ang ganap na kalayaan laban sa imperyalismong US, 

burukrata-kapitalismo at pyudalismo. Naipamalas ng 

mga kabataan ang walang kaparis na pagtataguyod 

sa makatarungang adhikain ng masang api at buong 

pusong tinanganan ang makauring prinsipyo ng 

demokratikong rebolusyon. 

– Andres Bonifacio 

ang mga welga sa loob at labas ng pamantasan. 

Noong Pebrero 1969 inilunsad ang welga sa UPLB 

upang ipaglaban ang kalayaang pang-akademiko. Ang 

mga putok ng welga at mga pakikibakang inilunsad 

rito ay lumaganap at naipunla ang mga makabayan at 

progresibong ideya na siyang nagtulak hindi lamang sa 

mga kabataan na kumilos laban sa mga naghaharing 

rehimeng kontrolado ng imperyalismong US. Ang 

paglaganap ng progresibo at makabayang kamalayan 

ay mga diklap na tutungo sa Sigwa ng Unang Kwarto 

(First Quarter Storm o FQS). Lumahok ang maraming 

kabataan mula sa rehiyon sa FQS upang igiit ang 

pambansang demokrasya at kalayaan. Sa pagtatapos 

ng dekada 1970, nakalatag na ang mga balangay ng 

KM at SDK sa iba’t ibang pamantasan at komunidad ng 

mga magsasaka, mangagawa at maralitang lungsod sa 

iba’t ibang lalawigan sa rehiyon. 

Sa Timog Katagalugan, ang mga unang balangay 

ng KM ay ipinundar mula sa mga binuong sirkulo ng 

mga makabayang guro at mag-aaral ng Unibersidad 

ng Pilipinas-Los Baños (UPLB) noong kalagitnaan 

ng dekada 1960. Nagmula rin dito ang mga unang 

balangay ng Samahan ng Demokratikong Kabataan 

(SDK). Magkatuwang ang KM at SDK na nagtayo ng iba’t 

ibang progresibong organisasyon ng mga kabataan sa 

iba’t ibang bahagi ng rehiyon at pinamuan nila kasama 

ng mga aktibistang estudyante, guro at mga kawani 

________________ 

1 Mula sa Talumpati sa Pagtatatag ng Kabataang Makabayan ni Kasamang Jose Maria Sison na inilathala sa Makibaka 

para sa Pambansang Demokrasya. 

10 KALATAS 


Malaki ang papel na ginampanan ng KM sa 

paglalatag ng paborableng kundisyon para sa 

pagsusulong ng demokratikong rebolusyon at 

pagpapalakas ng Partido Komunista ng Pilipinas sa 

Timog Luzon. Kabilang sila sa mga unang nagtayo ng 

mga larangang gerilya sa bahaging ito at isinulong ang 

pakikidigmang gerilya noong 1971 sa hilagang bahagi 

ng Bundok Banahaw (Nagcarlan, Laguna), ibabang 

Sierra Madre (Sampaloc at Atimonan sa Quezon), 

hangganang Quezon-Bikol (Tagkawayan, Quezon), at 

Batangas (San Juan, Tuy at Nasugbu). Maraming mga 

kabataan ang buong panahong sumapi sa Bagong 

Hukbong Bayan at lumahok sa armadong pakikibaka 

sa kanayunan. 

Walang kapagurang nilabanan ng KM ang mga 

nagdaang makadayuhan at antimamamayang 

rehimen. Iminulat nila ang mga kabataan hinggil 

sa mga batayang suliranin ng lipunang Pilipino at 

kung paano baguhin ito. Pinangunahan nila ang 

hanay ng sektor sa mga pagkilos upang ibagsak ang 

naghaharing diktadurang US-Marcos. Aktibo silang 

lumahok sa pakikibaka para palayasin ang mga 

base militar ng US sa Pilipinas noong pahanon ng 

rehimeng US-Corazon Aquino. Nilabanan nila ang 

mga neoliberal na polisiya ng rehimeng US-Ramos 

na lubusang nagpahirap sa sambayanan. Kabilang 

sila sa nagpatalsik sa sindikatong rehimeng US- 

Estrada at lumaban sa rehimeg US-Arroyo na labis na 

nagpakatuta sa imperyalimong US. Sa kasalukuyan, 

nagpapatuloy ang pakikibaka ng mga kabataan kasama 

ang malawak na hanay ng sambayanan sa tuluyan 

nang pagpapatalsik sa nagbabangong diktadurang 

US-BS Aquino na sukdulan nang nagpapahirap sa 

mamamayang Pilipino. 

Ani Kasamang Jose Maria Sison, sa paglahok ng 

kabataan sa pakikibaka ng sambayanan, nahuhubog 

ang kanilang isipan para sa pambansa-demokratikong 

adhikain ng mamamayan. Namumulat ang kabataan 

sa kalagayan ng lipunan kaya’t nauunawaan niya na 

tanging sa pamamagitan ng demokratikong rebolusyon 

malulutas ang mga suliranin ng mamamayan. Nakikita 

nila na nararapat lumahok sa armadong pakikibaka 

ang paparaming bilang ng mga kabataan at dapat 

sumapi sa Bagong Hukbong Bayan. 

Sa pagtanggap sa hamon ng panahon, libu-libong 

kabataan na ang tumutungo sa kanayunan upang 

sumapi sa BHB at lumahok sa digmang bayan at 

mga nangagsipag-organisa hindi lamang sa hanay ng 

sektor kungdi maging sa hanay ng mga manggagawa, 

magsasaka at mga maralitang komunidad. Marami 

sa kanila ang naging mga Pulang kumander at 

mandirigma ng BHB na walang pag-iimbot na nag-alay 

ng kanilang mga buhay para sa dakilang adhikain ng 

rebolusyon. Sinuong nila ang bawat hirap at sakripisyo 

upang paglingkuran ang sambayanang Pilipino at 

labanan ang mga nagpapahirap dito. Kasama sila ng 

mga manggagawa sa mga welga sa mga pagawaan. 

Kasama sila sa pagsusulong ng rebolusyong agraryo sa 

mga kanayunan upang lutasin ang dantaong 

kahilingan ng magsasaka para sa lupa. Sila’y 

nagmumulat at nag-oorganisa upang tuparin 

ang tungkuling gapiin ang kaaway sa lahat ng 

larangan ng digma. 

Sa gabay ng Partido Komunista ng 

Pilipinas, patuloy na magagampanan ng mga 

kabataan ang kanilang tungkuling baguhin 

ang lipunan. Kakapit bisig ng iba pang 

kilusan para sa pambansang pagpapalaya at 

sosyalistang hinaharap sa malawak na 

Pambansang Demokratikong Prente ng 

Pilipinas (NDFP) patuloy silang magsisilbing 

inspirasyon sa milyun-milyong kabataan sa 

dantaon pang hinaharap. Ang landas na 

kanilang tinalunton at hinawan ay patuloy na 

susundan upang isulong ang digmang bayan 

hanggang sa tagumpay. 


11 KALATAS

Inspirasyon ang buhay at pakikibaka ng mga dakilang martir sa 

pagsulong ng gawaing propaganda at kultura 

Integral na bahagi ang gawaing propaganda at kultura sa kabuuan ng rebolusyonaryong gawain. 

Napakahalagang maiparating sa malawak na hanay ng masa ang linya, programa, pagsusuri at patakaran 

ng rebolusyonaryong kilusan. Sa pamamagitan nito napag-iisa ang isip, damdamin at pagkilos ng mamamayan 

upang aktibong lumahok sa rebolusyon. Ayon kay Kasamang Mao, “kapag ang masa ay may iisang puso ang 

lahat ay nagiging madali. Isang batayang prinsipyo ng Marxismo-Leninismo ang tulungan ang masang makita 

ang kanilang sariling interes at magkaisa upang ipaglaban ang mga ito” 1 . 

Nararapat na alalahanin at bigyang pagpupugay 

ang mga dakilang martir na puspusan at buong pusong 

tinanganan ang tungkulin sa gawaing propaganda 

at kultura. Ilan sa kanila si Emmanuel Delos Reyes 

o Ka Wendy, Renante Medina o Ka Luis at Racquel 

Aumentado o Ka Nica. 

Ka Wendy: mahusay na lider at propagandista 

Masinop at masigasig sa paggampan ng gawain si 

Emmanuel Delos Reyes o mas kilala bilang Ka Wendy. 

Nagtapos sya ng AB Political Science sa Divine World 

College of Calapan (DWCC) bilang isang iskolar. 

Naging manunulat din sya sa pahayagan ng mga 

estudyante ng DWCC. Makikitaan si Ka Wendy ng 

mga katangian ng isang mahusay na lider, ahitador at 

propagandista. Naging tagapagsalita sya ng Bagong 

Alyansang Makabayan-Mindoro Oriental (BAYAN- 

Mindoro Oriental). 

Nang magdesisyon si Ka Wendy na buong 

panahong maglingkod sa sambayanan, gumampan 

sya ng iba’t ibang gawain sa rebolusyonaryong 

kilusan. Isa sa puspusan nyang tinanganan ang 

gawaing propaganda at naitalaga sya bilang istap ng 

Kalatas, ang rebolusyonaryong pahayagan ng Timog 

Katagalugan. 

Bilang manunulat ng rebolusyon, inilarawan 

ni Ka Wendy ang buhay at pakikibaka ng masa. 

Ginamit nya ang lenggwahe ng masa at ipinarating 

ang mga pahayag ng rebolusyon sa pinakamabilis 

at pinakamaagap na panahon upang makarating ito 

sa malawak na hanay ng mamamayan. Mahigpit 

na tinanganan ni Ka Wendy ang linyang masa sa 

paggampan ng kanyang tungkulin. Malinaw sa kanya 

na nakaugat sa kongkretong kalagayan ng masa ang 

istilo at nilalaman ng propaganda ng rebolusyon. 

Nasawi si Ka Wendy sa isang labanan sa Tiaong, 

Quezon noong 2005 habang gumagampan ng gawain 

bilang war correspondent. 

Ka Luis: mandirigmang manunulat 

Tubong Batangas si Renante Medina o mas kilala 

bilang Ka Luis. Nag-aral sya ng kolehiyo sa University 

of the Philippines-Los Baños (UPLB) at naging aktibo sa 

mga isyu na kinakaharap ng mga estudyante. Naging 

bahagi sya ng publikasyon ng mga estudyante at naging 

kasapi ng Epsilon Chi Fraternity. Habang nag-aaral, 

________________ 

1 Mula sa Pananalita sa Istap sa Patnugutan ng Pahayagang Shansi-Suiyan (Abril 2, 1948), MZD, MPAMTT, Bolyum 

IV, 241. 

12 KALATAS 


nag-aalab ang aktibismo sa puso ni Ka Luis. Madalas 

syang ilarawan na matalino, mahusay magsulat, 

magiliw at masayang kasama. Maalalahanin sya at 

madaling makitungo sa lahat. Simple lamang syang 

manamit na kadalasan ay t-shirt, maong, tsinelas o 

sandals na modjo at sombrero. 

Nagdesisyon si Ka Luis na kumilos nang buong 

panahon at iambag ang buong lakas at talino sa 

kanayunan at sumapi sa Bagong Hukbong Bayan (BHB). 

Panahon din ito ng paglulubos ng IDKP sa Kilusang 

Kabataang Estudyante, kung saan malakas ang 

panawagan na isanib at iambag ang lakas ng kabataan 

sa batayang sektor na inaapi’t pinagsasamantalahan. 

Isa sa malugod na tumugon sa panawagang ito si 

Ka Luis. Walang pag-aalinlangan, hindi nya tinapos 

ang kanyang kurso sa pamantasan at buong pusong 

tinahak ang landas patungo sa kanayunan. 

Gumampan ng gawain si Ka Luis bilang 

mandirigmang manunulat. Taglay ang mga aral 

ng kilusang pagwawasto, bilang manunulat ng 

Kalatas, mahigpit syang lumalahok sa gawain ng 

SYP (sandatahang yunit pampropaganda) upang 

mag-gawaing masa at makipamuhay sa masang 

pinagsasamantalahan. Sa ganito, nagiging buhay 

sa kanyang panulat ang karanasan at pakikibaka 

ng masang pinagsasamantalahan sa kanayunan. 

Inilathala nya sa Kalatas ang mayaman at hindi 

maiigang istorya ng buhay at paglaban ng masa. 

Umikot sya sa iba’t ibang larangang gerilya sa rehiyon 

upang mabuo ang mga kwento ng magiting na 

pakikibaka ng mamamayan katuwang ang BHB at sa 

pangunguna ng Partido. 

Inalay ni Ka Luis ang kanyang buhay sa isang 

labanan sa Quezon noong 2006. 

Ka Nica: rebolusyonaryong kadre, ina at 

mandirigmang pangkultura 

Nagtapos si Racquel Aumentado o mas kilala 

bilang Ka Nica ng kursong Forestry sa UPLB. Nang 

matapos ang kanyang pag-aaral, naorganisa si Ka Nica 

sa kanilang baryo sa Infanta, Quezon. Namulat sya sa 

tunay na kalagayan ng mamamayan at naging aktibo 

sya sa gawaing pangkultura sa kanilang komunidad. 

Pinangunahan nya ang pagtatatag sa grupong 

pangkultura na TEKA MUNA na naglalayong itaas 

ang kamulatan at organisahin ang masa upang samasamang 

kumilos. 

Nagpasya si Ka Nica na buong panahong kumilos sa 

sonang gerilya bilang kasapi ng BHB na nasa gawaing 

pangkultura. Masasabi ng sinumang nakakilala kay Ka 

Nica na isa syang huwarang rebolusyonaryong kadre, 

ina at mandirigmang pangkultura. 

Sa kanyang panahon, naging masigla ang mga 

proyektong pangkultura gaya ng paglalabas at 

pagtatanghal ng album ng mga rebolusyonaryong 

awitin ng ARMAS-TK at paglalathala ng Dagitab, ang 

rebolusyonaryong magasin ng TK. Nag-organisa din 

siya sa kanayunan nang siya ay maging bahagi ng 

iskwad sa kultura. Tangan ang kanyang baril, sukbit 

ang gitara at dala ang lapis at papel, tumungo sya 


13 KALATAS

sa masa upang tumulong sa pagpapapalakas ng 

pagtatayo ng base, repormang agraryo at pagbubuo 

ng grupong pang-organisa hanggang maging ganap 

na samahang masa. Ipinamalas ng iskwad sa kultura 

na malaki ang ambag ng gawaing pangkultura sa pagoorganisa 

at pagbubuklod sa masa. Dahil turol ang 

halaga ng gawain sa propaganda at sining, nag-aral 

na gumuhit si Ka Nica upang makapag-ambag ng mga 

sining biswal sa mga publikasyon tulad ng Kalatas at 

Dagitab. May ambag din siyang mga tula at minsang 

nagboses sa mga tulang nilalapatan ng musika. Ang 

magandang tinig ni Ka Nica ay maririnig sa mga 

rebolusonaryong awiting nasa album ng Dakilang 

Hamon, Martsa Kan Bicolandia at Alab ng Digmang 

Bayan—mga awiting naghahatid ng inspirasyon sa 

buhay at pakikibaka ng masang inaapi. Kasama si Ka 

Nica sa nagbigay ng mga palihan sa sining at kultura 

sa mga kasamang mandirigma at maging sa masa. 

Masigasig siyang nagturo at nag-ambag ng kanyang 

kaalaman at kung paano gagamitin ang sining sa 

pagsusulong ng matagalang digmang bayan. 

Mapagmahal at matatag na ina si Ka Nica. 

Pinangarap nya ang isang rebolusyonaryong pamilya 

upang makapag-ambag sa rebolusyon. Bagama’t 

hindi nawala ang damdamin at hangaring mapalapit 

sa kanyang nag-iisang anak, sinikap niyang maging 

matatag at labanan ang pangungulila. Napakatibay 

ng kanyang katatagan at sakripisyo upang iambag 

nang buung-buo ang kanyang sarili sa armadong 

pakikibaka. 

Inialay ni Ka Nica nang walang pag-aalinlangan 

ang kanyang buhay sa isang labanan sa Quezon noong 

2006. Sinalo niya ang unang hudyat ng mga putok ng 

kaaway na nagsilbing senyales sa mga kasama upang 

maghanda sa isa na namang labanan. 

Pag-alabin ang gawaing propaganda at kultura 

Mabibigyan lamang ng pinakamataas na 

pagpupugay at parangal ang mga dakilang martir ng 

rebolusyon tulad nina Ka Wendy, Ka Luis at Ka Nica sa 

pamamagitan ng matapat, puspusan at buong pusong 

paggampan ng rebolusyonaryong gawain ng bawat 

rebolusyonaryo. Dugo at sakripisyo ng mga dakilang 

martir ang naghawan ng daan sa mga nakamit na 

tagumpay ng rebolusyonaryong kilusan. Sa tuwing 

mababasa natin ang Kalatas at Dagitab at maririnig 

ang mga rebolusyonaryong awitin, alalahanin natin 

sina Ka Wendy, Ka Luis at Ka Nica. Alalahanin natin 

kung paano sila lubos na nagtiwala at sumandig sa 

masa, naghubog ng proletaryong paninindigan at 

kamalayan bilang mga rebolusyoaryo at kung paano 

ito naging patnubay sa gawaing propaganda at kultura 

at sa kabuuan ng rebolusyonaryong gawain. 

Inspirasyon ang buhay at pakikibaka nina Ka 

Wendy, Ka Luis at Ka Nica sa mga bagong usbong na 

rebolusyonaryo na tanganan ang hamong pag-alabin 

ang gawaing propaganda at kultura at kung paano 

higit na makakapag-ambag sa kabuuang 

rebolusyonaryong adhikain. Puno ng optimismo ang 

kinabukasan ng rebolusyon. Mahalagang armado ang 

bawat rebolusyonaryo ng wastong pananaw, 

pagsusuri at aktitud upang ibigay ang ganang-kaya sa 

pag-abot ng mga rekisitos tungong estratehikong 

pagkapatas hanggang ganap na tagumpay. 

14 KALATAS 


BALITA 

Balitang TO 

Sunud-sunod na aksyong militar sa isla ng Mindoro, 

matagumpay 

Dalawampu’t isang (21) matataas na kalibre 

ng baril at iba pang mga kagamitang militar 

ang nakumpiska ng mga Pulang gerilya sa ilalim ng 

Lucio de Guzman Command-Bagong Hukbong Bayan 

Mindoro sa reyd na isinagawa sa munisipyo ng Paluan, 

Occidental Mindoro noong Nobyembre 7, 2014. 

Nasamsam ng mga Pulang mandirigma ang pitong 

(7) M14, labing-tatlong (13) M16, isang 12-gauge 

shotgun, dalawang pistol, mga bala at iba pang gamitmilitar. 

Napatay ang pitong sundalo at nasugatan ang 

apat na kabilang sa abusadong 76th Infantry Battalion 

(IB), PNP-Public Safety Battalion at PNP-408th Public 

Safety Maneuver Forces sa labanang tumagal lamang 

ng 20 minuto. Samantala, dinala ng mga Pulang 

mandirigma sa pag-atras ang mayor ng Paluan na si 

Carl Michael Pangilinan at ang kanyang municipal 

administrator upang babalaan sa pang-aabuso sa 

maralitang mamamayan ng Paluan, pagsangkot at 

pagkandili sa mga iligal na pagtotroso, iligal na droga 

at iba’t ibang sindikatong nag-oopereyt sa kanyang 

bayan sa Occidental Mindoro. Si Pangilinan ay isang 

sindikadistang pinoprotektahan ng mga pasista at 

reaksyunaryong militar 

mula 76th IB at 408th 

PNP. 

Ang matagumpay 

na TO ay tanda ng 

mahigpit na pagkakaisa 

ng masa at hukbong 

bayan. Nagbunyi ang 

mamamayan ng Paluan 

at mga karatig-lugar sa 

pagpaparusa ng LdGC– 

BHB Mindoro sa palalo, 

mabangis at kawatang 

76th IB at abusadong 

PNP. Makabuluhan ang 

ginampanang papel ng 

masang Mindoreño sa 

pagtitiyak ng tagumpay 

ng opensiba mula sa paghahanda, sa aktwal na 

opensiba hanggang sa ligtas na pag-atras ng BHB. 

Buhay na patotoo ito na hindi kailanman masasaid ang 

malalim na balon ng suporta ng mamamayan sa BHB at 

rebolusyon na ipinuhunan ng mga rebolusyonaryong 

nauna nang nag-organisa sa isla. 

Makasaysayan ang araw ng paglulunsad ng 

TO sapagkat tuwing Nobyembre 7, inaalala ng 

rebolusyonaryong mamamayan sa TK ang buhay 

at pakikibaka ng magigiting na kadre ng Partido 

Komunista ng Pilipinas at BHB na sina Ka Armando 

Teng at Ka Lucio de Guzman. Kabilang sila sa mga 

kapita-pitagang haligi ng rebolusyonaryong kilusan 

na namuno sa pagpupunla at pagpapayabong ng 

rebolusyonaryong pakikibaka ng mamamayan sa 

Mindoro. Ang tagumpay na ito ay alay sa kagitingan ng 

lahat ng mga rebolusyonaryong martir na naghawan 

ng landas para sa pagsulong at patuloy na pagliliyab 

ng apoy ng pakikibaka. 

Nauna pa rito, naging matagumpay ang 

operasyong isnayp ng isang tim ng BHB Mindoro sa 

nakakampong mga sundalo ng 4th IB at paramilitar sa 

Sityo Anahaw, Brgy. Panaytayan, Mansalay, Oriental 

Mindoro noong Oktubre 25, 2014, ganap na ika-7 ng 

umaga. Nasugatan ang 

isang trainee na CAFGU 

sa nasabing operasyon. 

Target ng operasyon 

ng BHB ang Peace and 

Development Teams 

(PDTs) ng militar sa 

lugar na tuluy-tuloy na 

sangkot sa mga kaso ng 

panggigipit, pananakot, 

iligal na pag-aresto at 

sapilitang pagrerekluta 

sa CAFGU sa mga 

katutubong mangyan at 

mga magsasaka. 

Isang araw matapos 

ang isnayping, hinaras 

naman ng isang tim 


15 KALATAS

ng BHB ang isang impormer ng militar sa parehong 

barangay. Mula nang matagumpay na nadurog 

sa ambus ng BHB ang isang platun ng 23rd DRC 

sa Panaytayan, Mansalay noong Marso 6, 2010, 

kinampuhan at pinaglunsaran ng mga PDTs ng 4th 

IB ang mga sityo at pamayanan ng mga katutubong 

mangyan sa nasabing barangay. 

Noong Oktubre 7, 2014 naman ay inisnayp ng 

isang tim ng BHB ang higit isang platun ng 4th IB 

na kabilang sa laking kumpanyang reaksyunaryong 

pwersa na nag-operasyon sa So. Alyanon, Brgy. 

Lisap, Bongabong, Oriental Mindoro. Sa isang putok 

na umalingawngaw, nagkagulo ang mga sundalong 

pauwi na sana sa kanilang kampo matapos ang isang 

linggong operasyon. 

Noong Oktubre 10 naman, naglunsad ng 

magkasabay na reyd ang mga Pulang mandirigma 

sa pastuhan-asyenda ni Tamayo sa So. Sigman, Brgy. 

Camurong at ang bahay ng drug lord na si Antonio 

Roy Montenegro sa Brgy. Wawa, parehong sa Abra 

de Ilog, Occidental Mindoro. Nasamsam ng BHB ang 

isang carbine, isang 12-gauge shotgun at isang cal.22 

rifle with scope. 

Si Montenegro ay kapatid ng isang heneral sa PNP, 

kapatid ng dating mayor at bayaw ng kasalakuyang 

mayor ng Abra de Ilog. Ginagamit niya ang koneksyon 

sa reaksyunaryong gubyerno upang tuluy-tuloy na 

makapagkalat ng droga sa lugar sa kabila ng malawak 

na pagtutol ng mamamayan. Si Tamayo naman ay 

gumagamit ng armadong grupo upang linlangin at 

palayasin ang mga katutubong Iraya para palawakin 

ang saklaw ng kanyang lupain. Labis ang kagalakan ng 

mamamayan ng Mindoro dahil sa matatagumpay na 

operasyon ng BHB. 

Pamamarusa sa operatibang paniktik ng kaaway sa 

Quezon, matagumpay 

Ginawaran ng rebolusyonaryong hustisya ng isang 

yunit ng Apolonio Mendoza Command - BHB Quezon 

si Lamberto “Berting” Segui sa Veronica, Lopez noong 

tanghali ng Nobyembre 14. Si Berting ang salarin sa 

tatlong magkakaibang kaso ng pamamaslang mula pa 

noong 1984 hanggang sa pinakahuling biktima nito 

noong 2013. Si Lamberto ay isang asset at paniktik ng 

kaaway na bumiktima sa tatlo nitong kaanak. Una rito 

ang pagpatay niya kay Antonio “Onyok” Segui noong 

1984. Pangalawa ang pagpaslang sa kanyang kapatid 

na si Francisco “Pangki” Segui noong Marso 24, 

1995. Nitong nakaraang taon, si Berting at ang anak 

nitong si Bryan ang mga salarin sa karumal-dumal na 

pagpaslang sa kapatid ng una na si Carlos Segui noong 

Marso 28, 2013. 

Samantala, matagumpay na isinagawa ng isang tim 

ng AMC-BHB Quezon ang pag-isnayp sa ditatsment ng 

CAFGU sa San Isidro, Lopez noong Nobyembre 9 kung 

saan sugatan ang isang elemento ng kaaway. 

Ayon kay Ka Armine de Guia, tagapagsalita ng BHB 

Quezon, paggawad ng rebolusyonaryong hustisya sa 

mga biktima ng karahasang militar at paglabag sa 

karapatang pantao ang mga isinagawang aksyong 

militar at pamamarusa ng BHB. Indikasyon din ito ng 

muling paglakas ng BHB at buong rebolusyonaryong 

kilusan sa ilalim ng pamumuno ng Partido Komunista 

ng Pilipinas. 

“Determinado ang mga Pulang kumander at 

mandirigma ng bawat yunit ng BHB na iabante sa mas 

mataas na antas ang digmang bayan sa 

pamamagitan ng pagpapahusay sa 

taktika at teknika. Makaaasa tayo ng 

ibayong pagsigla ng armadong 

pakikibaka at mas maunlad na 

pakikidigmang gerilya ng masa sa mga 

darating na taon bilang panalubong na 

putok sa tarangkahan ng estratehikong 

pagkapatas tungong ganap na 

tagumpay ng digmang bayan,” 

pagtatapos ni de Guia. 

16 KALATAS 


Dagdag sahod at benepisyo, 

patuloy na iginiit ng mga guro 

Sinalubong ng mga guro at mga kawani sa sektor 

ng edukasyon ang Pandaigdigang Araw ng mga 

Guro noong Oktubre 5 sa pamamagitan ng paglulunsad 

ng mga kilos-protesta sa iba’t ibang panig ng bansa. 

Iginiit nila ang pagtataas ng kanilang sweldo, pagdagdag 

ng mga benepisyo at paglaban sa mga antimamamayang 

polisiya at programa ng rehimeng BS Aquino sa sektor 

ng edukasyon. Hinamon ng mga guro ang rehimeng BS 

Aquino na kung hindi ito natitinag sa mga kilos-protesta 

para bigyang-pansin ang kanilang matagal nang mga 

panawagan, nakahanda silang itaas ang kanilang laban 

at ihantong ito sa malawakang pagliban o mass leave. 

Matapos ipatupad ang Salary 

Standardization Law noong 

panahon ng rehimeng Arroyo, 

hindi na nadagdagan pa ang 

sahod ng mga guro at mga kawani 

sa sektor ng edukasyon at ngayon 

patuloy na pinipigilan ng inutil na 

rehimeng BS Aquino ang pagsasabatas 

ng House Bill 245 na may layuning itaas 

ang sweldo ng isang guro mula sa P18,549 kada buwan 

tungong P25,000 kada buwan at sweldo ng mga kawani 

mula P9,000 kada buwan tungong P15,000 kada buwan. 

Iginiit din ng mga guro ang kagyat ng pagbabasura ng 

programang K-to-12. Daing nila ang kawalan ng 

kahandaan ng gubyerno sa ipinatupad na sistema. 

Habang ipinatutupad ito, wala namang maibigay na mga 

gagamiting libro at modyul sa pagtuturo at 

kumprehensibong treyning para sa pagpapatupad ng 

bagong kurikulum. Nananatiling kulang na kulang ang 

mga pasilidad at kagamitan para sa implementasyon ng 

programa. Nagdurusa ang mga batang estudyante sa 

kawalan ng mga libro. Dulot rin ng sistemang ito, 

napipintong mawalan ng trabaho ang higit sa 85,000 

guro sa mga kolehiyo at unibersidad sa taong 2016 

hanggang 2017. Sa ilalim ng K-to-12, ang mga General 

Education subjects o GE ay ituturo na sa hayskul at 

tatanggalin na sa kurikulum sa kolehiyo. Anila, mas 

makabubuting ilaan ang badyet ng programang K-to-12 

sa pagpapaunlad ng mga pasilidad at kagamitan ng mga 

pampublikong paaralan sa buong bansa. 


Lupa at hustisya, 

sigaw ng mamamayan sa 

Linggo ng mga Magbubukid 

Pinangunahan ng Katipunan ng mga Samahang 

Magbubukid sa Timog Katagalugan (KASAMA- 

TK) ang pagkilos ng mamamayan sa rehiyon bilang 

pagsalubong sa Linggo ng mga Magbubukid. Sinimulan 

ang iba’t ibang mga pagkilos sa TK noong Oktubre 15 

upang padagundungin ang laban ng mga magbubukid 

para sa tunay na repormang agraryo at hustisyang 

panlipunan. Sa harap ng Kongreso, nagkampo sila 

upang ipanawagan ang pagsasabatas ng House Bill 252 

o ang Genuine Agrarian Reform Bill (GARB). Pagsapit ng 

Oktubre 21, nagmartsa sila kasama ang iba pang sektor 

patungong Department of Agrarian Reform hanggang sa 

Mendiola. Ipinakita ng mamamayan ng TK ang naging 

kainutilan ng DAR at Malakanyang sa pagtugon sa 

dantaong kahingian ng anakpawis at ang kahungkagan 

ng pekeng CARP/CARPER ng gubyerno. Muli nilang 

iginiit ang kanilang karapatan sa lupa at pinagtibay ang 

pakikibaka laban sa asyenderong rehimeng BS Aquino. 

Nanindigan ang mga nagmartsang magbubukid na 

dapat nang patalsikin ang makapanginoong maylupa at 

antimamamayang rehimeng BS Aquino at labanan ang 

anumang balak nito na magpalawig ng panunungkulan 

lagpas sa taong 2016. 

Mananatiling matibay na batayan ng kagyat 

na pagpapatalsik sa rehimeng BS Aquino ang hindi 

nito pagtugon sa matagal nang kahilingan ng mga 

magbubukid para sa tunay na repormang agraryo. 

Pinatutunayan lamang ng rehimeng BS Aquino na 

kailanma’y hindi ito pumanig sa mamamayan at bagkus 

pinaninindigan nito ang pagkatig sa kanyang mga 

kauring mapagsamantala. 

Sinamantala na rin ng nagtipong mamamayan ang 

pagbibigay ng suporta kina Benito Tiamzon at Wilma 

Austria sa inilunsad nitong piket at kilos-protesta sa 

harap ng Quezon City Hall of Justice. Sina Tiamzon at 

Autria ay mga bilanggong pulitikal at tagapagtaguyod 

ng karapatan ng mga magbubukid. Kasabay ng kanilang 

panawagan para sa tunay na reporma sa lupa at 

hustisyang panlipunan, ang kagyat na pagpapalaya sa 

lahat ng bilanggong pulitikal na nakapiit sa iba’t ibang 

kulungan sa buong bansa. 

17 KALATAS

Kaarawan ni Andres Bonifacio, 

ginunita 

Ginunita sa iba’t ibang bahagi ng bansa ang ika- 

151 anibersaryo ng kapanganakan ni Andres 

Bonifacio sa pamamagitan ng mga kilos-protesta. Mula 

Liwasang Bonifacio hanggang Mendiola, sama-samang 

nagmartsa ang mga progresibong organisasyon at 

mamamayan mula sa Timog Katagalugan at mga kalahok 

sa Manilakbayan 2014. 

Malakas ang panawagan ng iba’t ibang progresibong 

organisasyon sa pagpapatalsik sa korap at tiwaling 

rehimeng BS-Aquino. Binatikos ang nagpapatuloy na 

karahasan sa bansa na dulot ng Oplan Bayanihan ng 

rehimen. Mariing iginiit ang kagyat na pagpapalayas 

sa militar sa Mindanao na siyang dahilan ng talamak na 

paglabag sa karapatang pantao 

sa isla. 

Kinundena nila ang sukdulang 

pagtataksil ng rehimeng BS- 

Aquino sa bayan at sa dakilang 

hangarin ng Katipunan na 

pinamunuan noon ni Andres 

Bonifacio. Tinuligsa nila ang 

sagadsaring pagpapakapapet ni 

Aquino sa imperyalismong US sa 

pagpapatupad nito ng Enhanced 

Defense Cooperation Agreement 

na nagpapahintulot lalo sa US na 

mag-istasyon ng mga sundalong 

Amerikano at magtayo ng mga 

base militar sa bansa. 

Samantala, naglunsad naman 

ng mga kilos-protesta ang mga 

maralitang lungsod sa paggunita 

sa Linggo ng mga Maralitang Lungsod. Iginiit rin nila ang 

tuluyan nang pagpapatalsik sa rehimeng US-BS Aquino 

na dahilan ng talamak na demolisyon sa mga komunidad 

ng mga maralitang lungsod. Sa Tondo, kung saan lumaki 

si Bonifacio, nagrali ang mga residenteng maaapektuhan 

ng mga nakatakdang demolisyon sa lugar. Anila, dapat 

tularan ng sambayanang Pilipino si Andres Bonifacio na 

walang pag-iimbot na inialay ang kanyang buhay sa 

paglaban sa mga dayuhang mananakop upang makamit 

ang pambansang kalayaan at demokrasya. 

Anibersaryo ng Kabataang 

Makabayan, ipinagdiwang 

Mainit na ipinagdiwang ng mga 

rebolusyonaryong kabataan at 

mamamayan ang ika-50 taong anibersaryo ng 

pagkakatatag ng Kabataang Makabayan nitong 

ika-30 ng Nobyembre. Ginunita at pinagpugayan 

ng KM, NDFP, CPP at NPA ang libu-libong mga 

kabataang martir na nag-alay ng kanilang buhay 

upang paglingkuran ang sambayanan at isulong 

ang demokratikong rebolusyon. 

Ani Armando Sumulong, tagapagsalita ng 

KM-Timog Katagalugan, ang pagkakatatag ng KM 

sa mismong kaarawan ni Gat Andres Bonifacio 

ay nangangahulugan ng kanilang pagyakap at 

komitment na ipagpatuloy 

ang kasalukuyang bagong tipo 

ng pambansa-demokratikong 

rebolusyon. Nasa hustong 

edad ang kabataan, na nasa 

kasibulan ng kanilang buhay, 

para iambag ang kanilang talino, 

husay, panahon at buhay sa 

pagsusulong ng digmang bayan. 

Ang hinahangad na 

masaganang buhay ng mga 

kabataan ay matutupad lamang 

sa pagyakap sa masalimuot at 

puno-ng-sakripisyong buhay sa 

pagrerebolusyon. Kailangang 

maramihang tumungo ang 

mga kabataan sa kanayunan, 

humawak ng sandata at 

makisalamuha, magmulat, 

mag-organisa at kapit-bisig na 

makibaka kahanay ng masang anakpawis. 

Inilunsad ng mga balangay ng Kabataang 

Makabayan ang mga programa at aktibidad sa 

pagdiriwang sa iba’t ibang bahagi ng rehiyon. 

Samantala, naglunsad ng isang kulturang 

pagtatanghal ang mga mag-aaral ng Unibersidad 

ng Pilipinas-Los Baños bilang pagpupugay sa 

dakilang ambag ng KM sa pagsusulong ng 

pambansang demokrasya at kalayaan. 


Pandaigdigang Araw ng Pakikiisa sa mga Bilanggong Pulitikal, 

ginunita 

Pitong araw na pag-aayuno ang isinagawa 

ng mga bilanggong pulitikal sa iba’t ibang 

piitan ng bansa bilang paggunita sa Pandaigdigang 

Araw ng Pakikiisa sa mga Bilanggong Pulitikal 

noong Disyembre 3 hanggang Disyembre 10. 

Bilang protesta laban sa persekusyong pulitikal ng 

rehimeng US-BS Aquino, nais nilang ipahayag na 

ang maghimagsik laban sa isang mapagsamantalang 

rehimen at sistema ay makatarungan. Sila ay ipiniit 

sa bisa ng mga inimbentong mga kasong kriminal sa 

pag-aakalang sa pamamagitan nito ay kaya silang 

busalan at itali ang mga kamay. Ngunit nagkakamali 

ang rehimen sapagkat ang kanilang paniniwala at 

pakikibaka ay di kailanman kayang hadlangan ng 

rehas na bakal. 

ipinanganak ni Andrea Rosal bunga ng matinding 

hirap sa kundisyon sa Camp Bagong Diwa sa Taguig 

habang sa kasalukuyan, si Miradel Torres ay 

kasisilang pa lamang sa isang sanggol. Patuloy 

silang ipinipiit ng rehimeng BS Aquino. 

Nagsagawa rin ng serye ng mga protesta ang 

mga kaanak ng mga bilanggong pulitikal, mga 

organisasyong masa at mga delegasyon mula 

sa Manilakbayan at Timog Katagalugan. Mula 

Liwasang Bonifacio nagtungo sila sa Manila Trial 

Court upang suportahan ang mag-asawang Benito 

at Wilma Tiamzon na pawang mga konsultant 

sa usapang pangkapayapaan. Nagmartsa sila 

patungong Department of Justice at kinundina 

ang kawalan nito ng aksyon sa kriminalisasyon ng 

mga pulitikal na aktibidad. Nagsagawa din ng kilosprotesta 

sa harap ng Philippine General Hospital 

upang ipanawagan ang pagpapalaya kay Miradel 

Torres na noo’y kapapanganak lamang. 

Samantala, ang mga bilanggong pulitikal na 

nakapiit sa New Bilibid Prison ay nagmartsa at 

kinundina ang mga gawa-gawang kasong kriminal 

na isinampa sa kanila. 

Ayon sa Karapatan, sa kasalukuyan ay mayroong 

491 bilanggong pulitikal sa buong bansa, 220 ang 

inaresto sa termino ni BS Aquino. Sa bilang na ito, 

mayroong 43 na babae, 42 na matanda, 53 na 

maysakit at 6 na menor de edad. Sa Timog 

katagalugan, mayroong kasalukuyang 24 bilanggong 

pulitikal kung saan ang 7 dito ay iligal na inaresto at 

ipiniit sa panahon ni BS Aquino. Dalawa sa kanila ay 

iligal na inaresto at kinasuhan habang nagdadalantao. 

Matatandaang pumanaw ang sanggol na 


Bantay Karapatan 

Mamamayan sa Mindoro, 

ginipit at tinakot 

Dalawang insidente ng panggigipit at pananakot 

ng pinagsanib na pwersa ng pulis at militar ang 

naganap sa isla ng Mindoro. Unang sinaklot ng 

takot ang mamamayan sa mga bayan ng Rizal at San 

Jose sa Occidental Mindoro. Hinalughog ang 

kanilang mga kabahayan at pinagbantaan ang mga 

naninirahan doon. Nagdulot ito ng takot sa 

mamamayang nakatira sa komunidad. Ganito ang 

dinanas ng mga taumbaryo sa Rumbang, Rizal nang 

lusubin ng mga pasista ang kanilang barangay noong 

Nobyembre 16. 

19 KALATAS

Pandaigdigang Araw ng Karapatang Pantao, 

ginunita 

Inilunsad ng mamamayan 

ng Timog Katagalugan 

sa pangunguna ng Bagong 

Alayansang Makabayan- 

Southern Tagalog (BAYAN-ST) 

ang serye ng mga protesta at 

aktibidad bilang paggunita sa 

ika-66 taon ng deklarasyon 

ng Pandaigdigang Araw ng 

Karapatang Pantao. Magkasanib 

ang mamamayan ng TK at 

Manilakbayan 2014 ng Mindanao 

sa kanilang panawagang wakasan 

ang pasismo sa kanayunan, 

papanagutin ang malalaking 

korporasyon sa pinsalang hatid sa 

kalikasan at patalsikin ang pasista, 

tuta at asyenderong rehimeng BS 

Aquino. 

Sa apat na taon ni BS Aquino 

sa pwesto (2010-2014) naitala 

ng KARAPATAN, ang alyansang 

nagsusulong sa karapatang 

pantao ang 226 kaso ng 

pampulitikang pamamaslang, 

26 kaso ng pagdukot, 104 kaso 

ng tortyur at 900 kaso ng iligal 

na pag-aresto. Maging ang 

matataas na opisyal ng militar na 

sangkot sa mga karumaldumal na 

kaso ng paglabag sa karapatang 

pantao tulad nina Gen. Aurelio 

Baladad at Gen. Edgardo Año ay 

idinestino sa Mindanao kasama 

ng 55 batalyong pwersa ng Armed 

Forces of the Philippines (AFP). 

Samantala si General Visaya na 

tigmak ang kamay sa dugo ng 

kanyang mga biktima sa Northern 

Mindanao Region ay itinalaga 

sa rehiyong TK bilang pinuno ng 

Southern Luzon Command. Ang 

29 batalyon ng AFP, PNP at CAFGU 

ang pangunahing tagapaghasik 

ng pasismo sa mga kanayunan, 

kabayanan at kalunsuran ng 

rehiyon. 

Kinundina ng mamamayan 

ang patuloy na pangangayupapa 

ng rehimen sa imperyalistang 

kapangyarihan ng US at 

ipinanawagan ang pagpapalayas 

sa tropang militar ng Estadong 

Unidos. Ang pananatili ng 

tropang militar ng US sa bansa 

ay magdudulot lamang ng 

ibayong paglala ng mga kaso ng 

paglabag sa karapatang pantao at 

pagyurak sa soberanya ng bansa. 

Sa isiniwalat ng US Congress na 

karumaldumal na paggamit ng 

mga pwersang panseguridad 

ng US at CIA ng makahayup na 

tortyur sa mga bilanggo nito, 

hindi nakapagtatakang ito rin ang 

“kasanayang” isinasalin nila sa 

mga pasistang AFP sa mga 

Balikatan Exercises at 

counter insurgency 

program ng 

rehimen at 

militar. 

Mula sa kampuhan ng 

Manilakbayan 2014 sa Liwasang 

Bonifacio, libu-libong mamamayan 

kabilang ang mula TK at Mindanao 

ang nagmartsa tungong Mendiola 

upang ipahayag sa tarangkahan 

ng Malakanyang ang kanilang 

panawagan para sa kapayapaan, 

pagkain at katarungan para 

sa mga biktima ng mga 

paglabag sa kaparatang pantao. 

Dumagundong ang kanilang mga 

sigaw sa pagkundena sa rehimeng 

US-BS Aquino at ang panawagan 

sa buong sambayanang dapat 

nang patalsikin si BS Aquino sa 

pwesto. Si BS Aquino ay larawan 

ng isang halimaw na nakakubabaw 

sa sambayanan at nirerendahan 

ng among imperyalismong US. 


CIA torture report, umani ng pagkundina 

Umani ng pagkundina hindi lang sa Pilipinas kundi maging sa ibang bansa ang CIA torture report 

na nagsasalarawan sa brutal at walang kaparis na pagpapahirap sa mga pinaghihinalaang may 

kaugnayan sa grupong Al-Qaeda at kay Osama Bin Laden. Namimilipit sa pagpapaliwanag ang CIA at ang 

mga pwersang panseguridad ng US kung papaanong bibigyang-matwid ang brutalidad at kayahupang 

ginawa nila sa kanilang mga biktima. 

Ilan sa mga idinitine ng CIA at tinortyur ay mga 

sibilyang walang kaugnayan sa kahit anumang 

grupo. Ang iba ay mga inosenteng naituro 

lamang ng taong sumailalim sa tortyur para 

maibsan ang pagpapahirap sa kanya. Tampok 

sa mga isinagawang pagpapahirap ang hindi 

pagpapatulog sa pamamagitan ng malalakas na 

ilaw, nakabibinging tunog o di kaya ang pagbitin 

habang nakatali ang mga kamay sa ibabaw ng 

ulo, pananakit sa katawan, pagsampal sa mukha, 

pag-uuntog sa pader, paggamit ng mga insekto, 

pagpapaligo ng yelo, paglulublob sa tubig, 

rectal feeding at rectal rehydration. Ang iba ay 

nakaranas ng waterboarding na nagdudulot ng 

pagkalunod sa biktima – mga pamamaraang 

brutal at makahayup. Napakabrutal at hindi 

makatao ang mga pamamaraang ito. 

Ang mga pamamaraang ito sa pagtortyur para 

makakuha ng impormasyon ay isinasagawa rin ng 

mga elemento ng Armed Forces of the Phiippines 

na sumailalim sa pagsasanay ng tropang 

Amerikano. Bahagi ito ng mga ehersisyong 

militar sa pagitan ng US at Pilipinas sa bisa ng mga 

kasunduan tulad ng Visiting Forces Agreement. 

Tampok na halimbawa ang kaso ni Rolly Panesa, 

isang ordinaryong mamamayang pinaratangang 

lider diumano ng Partido Komunista ng Pilipinas 

sa Timog Katagalugan na dumanas nang labis na 

pagpapahirap sa kamay ng militar. 

Matapos lagdaan ang Enhanced Defense 

Cooperation Agreement (EDCA) ng gubyernong 

Obama at BS Aquino, higit na maiinstitusyonalisa 

sa AFP ang mga karumal-dumal, makahayop at 

barbarong pamamaraan at katangian ng 

pakikitungo nito sa mamamayan. 

PKP, umagapay sa mga biktima ng bagyong Ruby 

Mabilis na tumalima ang mga 

rebolusyonaryong pwersa upang 

alalayan ang mga biktima ng bagyong Ruby 

partikular na sa Eastern Visayas, Panay, Central 

Visayas, Negros, Bicol at Southern Tagalog. Sa 

direktiba ng Partido Komunista ng Pilipinas, 

naglunsad sila ng iba’t ibang tipo ng mga relief 

operations para makapagbigay kaagad ng tulong 

sa mga nasalanta ng bagyo. 

Bago pa manalasa ang bagyong Ruby, 

nagbigay na ng kautusan ang Partido Komunista 

ng Pilipinas sa lahat ng mga rebolusyonaryong 

pwersa na paghandaan ang kalamidad. Nagorganisa 

ng mga preventive evacuation ang mga 

komiteng rebolusyonaryo sa baryo para matiyak 

ang kaligtasan ng mamamayan, laluna sa mga 

nakatira sa mapanganib na erya. Inatasan ng 

PKP ang mga milisyang bayan na ihanda ang 

mga ligtas na evacuation centers, tiyakin ang 

mga iiwang tahanan, kagamitan, alagang hayop, 

at mga pinagkukunan ng kabuhayan ng 

mamamayan. Partikular na pinagtuunan ng 

pansin ang mga matatanda, bata, mga buntis at 

iba pang nangangailangan ng espesyal na 

atensyon. 


21 KALATAS

Ika-46 anibersaryo ng PKP, ipinagdiwang sa TK 

I 

pinagbunyi ng rebolusyonaryong mamamayan sa iba’t ibang bahagi ng rehiyong Timog Katagalugan ang 

ika-46 anibersaryo ng muling pagtatatag ng Partido Komunista ng Pilipinas. Naglunsad ng makukulay na 

programa sa loob at labas ng mga sonang gerilya na nilahukan ng daan-daang mamamayan. 

Mga pagdiriwang sa mga larangang gerilya 

Inilunsad sa iba’t ibang larangang gerilya ang 

pagtitipon ng mamamayan at Hukbong Bayan upang 

ipagdiwang ang anibersaryo ng Partido. 

Daan-daan ang dumalo sa pagtitipong isinagawa 

sa Quezon, Rizal, Mindoro, Batangas at Palawan. 

Dinaluhan ito ng masa at ng mga kasapi ng mga lokal 

na balangay ng MAKIBAKA, KM, RCTU, ARMAS at PKM. 

Sa programa, binalikan ang maningning na kasaysayan 

ng Partido at rebolusyonaryong kilusan. Itinanghal 

din ang malalaking tagumpay ng rebolusyong agraryo 

(RA) na inani at patuloy na pinakikinabangan ng 

mamamayan. Anang mga nagsidalo, kung wala 

ang pinakamamahal na Partido at hukbo, walang 

mailulunsad na kampanyang RA sa 

kanilang lugar at wala kahit na ano 

ang mamamayan. 

Nagtuwangan ang mga kasapi 

ng sangay ng Partido sa lokalidad 

at ang mga Pulang mandirigma sa 

paglulunsad ng mga programa mula sa 

pagdidisenyo ng entablado, pagluluto 

ng pagsasaluhang pagkain, pagtitiyak 

ng seguridad sa perimetro ng eryang 

pinaglunsaran, hanggang sa pagtatapos. 

Sama-sama at taimtim na pinakinggan 

ng lahat ang pahayag at pagbati ng 

Komite Sentral sa mga kadre at 

kasapi, mga Pulang kumander 

at mandirigma ng Hukbong 

Bayan at sa rebolusyonaryong 

mamamayan. Iginawad ang 

pinakamataas na pagpupugay 

sa mga mahal na kasamang 

nag-alay ng kanilang mga 

buhay para sa walang pagiimbot 

na paglilingkod 

sa sambayanan. Sila ang 

mga bayaning naghawan 

ng landas na tinatahak ng 

rebolusyon tungo sa pag-igpaw pasulong. Samantala 

ay nagsipagtalumpati ang mga kinatawan ng mga 

balangay ng KM, MAKIBAKA, RCTU, Compatriots, 

PKM, ARMAS at iba pang mga alyado. Ibinahagi nila 

ang mga naging rebolusyonaryong pagsulong sa kanikanilang 

sektor. Naging makulay at madamdamin ang 

mga pagdiriwang. Nagsagawa rin ng mass enlistment 

ng mga naghahangad na sumampa sa Bagong 

Hukbong Bayan. 

Mga pagkilos sa kalunsuran 

Inilunsad ng mga rebolusyonaryo mula sa 

Compatriots, MAKIBAKA, KM at ARMAS ang isang 

raling iglap noong Disyembre 23 sa sentrong bayan 

ng San Pablo City sa Laguna. Suot ang kanilang 

mga mao cap, binigyang pagpupugay nila ang 

Partido Komunista ng Pilipinas para sa 46 na 

taon ng matatag na pamumuno sa rebolusyon. 

Hinimok nila ang mamamayan na lumahok sa 

armadong pakikibaka. Ipinanawagan nila ang 

pagpapatatag ng baseng masa at pinagpugayan 

ang mga rebolusyonaryong martir. 

Samantala, sa Crossing Calamba, 

naglunsad din ng raling iglap ang RCTU-ST, 

KASAMA-NDF-ST at KM noong Disyembre 21. 

Bitbit ang mga balatenggang nagbibigaypugay 

sa Partido, nagmartsa sila sa 

lansangan habang nananawagan 

ng pagpapaigting ng digmang 

bayan sa rehiyon at buong 

bansa. Iwinagayway nila ang 

mga bandila ng PKP, BHB, NDF, 

RCTU, KASAMA-NDF-ST at 

KM. Umani ang aktibidad 

ng mainit na suporta 

mula sa mamamayan. 

Hinadlangan nila ang 

pagtatangka ng mga 

otoridad na tanggalin 

ang mga isinabit na 

balatengga. 


KULTURA 

Kabataan 

ni Lire Rosa 

Gumising ka kabataan 

Imulat ang mata sa karalitaan 

Na nararanasan ng mamamayan 

At ng ina mong bayan 

Ang lakas at enerhiya mo’y ialay 

Ibigay ang talino mong taglay 

Sa pakikibaka ng mga api 

Ang pwersang di pagagapi 

Kumilos ka kabataan 

Para sa isang malayang kinabukasan 

Tanganan ang hamon ng kasaysayan 

Kamtin ang pangako ng kalayaan 

Isanib ang iyong lakas at pakikibaka 

Sa pakikibaka ng batayang masa 

Sa kilusang masa sa kalunsuran 

Sa digmang bayan sa kanayunan 

Pulang bukas ay pangarapin 

Sosyalistang lipunan ay kamtin 

Iyong tanggapin ang imbitasyon 

Na lumahok sa 

rebolusyon 

Ikaw na nagdurusa 

Tulad ng duguang lupa 

Ng mga alipin sa sahod 

Ng maliliit na nakalugmok 

Maingay na hangi’y kumakaluskos 

Sa labas ng munting kubo 

Ang bintana’y humulagpos 

Mula sa pagkakakapit sa pako 

Binutas ng matalas na ulan 

Ang magkakapatong na anahaw 

Bumigay na ang kawayan 

At matatag na haligi’y bumitaw 

Nang masilayan ang taniman 

Luha’y nangilid sa nadatnan 

Mula noo’y mamimilipit ang kalamnan 

At tatanggap ng abuloy sa mamamayan 

Hagupit 

ni Ka Danaya 

Anong kalupitan ang humampas 

Daig pa ang bagyong lumipas 

Aming kagutuma’y kampanyahan 

Pinagkikitaan ang aming kahirapan 

Kaya sa susunod na hagupit 

Hawak sa itak ay hihigpit 

Di magdadalawang-isip ikalabit 

Ang gatilyo sa ngalan ng rebong galit 

Sa aming matibay na tindig 

Mula sa bagyong malupit 

Magandang bahaghari masisilip 

Bagong kinabukasa’y dadalit 


23 KALATAS

Ang buhay ng tao sa lipunang mapagsamantala 

ni Ka Karlos 

Ang buhay ng uring magsasaka 

Lupa nila’y inaagaw, kabuhayan nila’y ninanakaw 

Sila’y gutom, sila’y pagod, sila’y pinagkaitan 

Maghapong nasa ilalim ng nakakapasong init ng 

araw 

Bawat butil ng pawis mula sa kanilang pagal na 

katawan 

Nagmumula ang butil na pinakakain sa 

mamamayan 

Naturingang mga magsasakang nagpapakain 

Sa kanilang hapag walang maihain 

Walang bigas, walang prutas ni gulay 

Kanilang pamilya’y gutom 

Magdamag na kumakalam ang sikmura 

Habang nagpapasasa ang mga among panginoong 

maylupa 

Ang buhay ng uring manggagawa 

Nakasampung kahig na’y wala pa ring tuka 

Walang trabaho, mababang sahod 

Ito ang kapalit ng maghapo’t magdamag 

na pagod 

Karapatang regularisasyon sa kanila’y 

mailap 

Ang tugon ay 

kontraktwalisasyon sa kanilang 

hirap 

Ang unyong kanilang bisig at 

pagkakaisa 

Pilit na binubuwag ng mga kapitalista 

Tanggalan sa trabaho’y nagiging 

talamak 

Sila’y paulit-ulit na hinahamak 

Ang buhay sa lipunang 

mapagsamantala 

Kay hirap, kay pait, lumalala 

pa ang mga pasakit 

Bala ang tugon sa kahilingang 

lupa 

Pagkakaisa ng mga magsasaka’y pilit 

na pinupuksa 

Sa kanayunan at kalunsuran, reaksyunaryong 

gubyerno at sundalo 

Pasista, mga hayop at hindi makatao 

Mga lumalaba’y pinapaslang, masa’y kanilang 

minamaltrato 

Sila’y walang respeto sa mga kababaihan 

Imbes na igalang, kanila pang 

pinagsasamantalahan 

Sagot sa maralita’y demolisyon ng mga kabahayan 

Winawasak ang kabuhayan ng mamamayan 

Ang taumbaya’y kanilang pinapalikas 

Pinapaalis, pinapalayas 

Sa mga panginoong maylupa’t kapitalista’y sila’y 

nagsisilbing lakas 

Nabubuhay ang tao hindi upang apihin at gawing 

alipin 

Sila’y isinilang hindi upang tapakan at 

pagsamanatalahan 

Ang tao’y may karapatang mabuhay nang malaya 

Malayo sa pang-aabuso, malayo sa 

pagsasamantala 

May karapatan sa lupa, nakabubuhay 

na sahod at desenteng trabaho 

Karapatan nila ang abot kayang 

atensyong medikal, mag-aral at 

matuto 

Sa sama-samang paklios makakamit 

lamang ang pagkakapantay-pantay 

Isang lipunang walang inaapi at 

pinagsasamantalahan 

Ngayon natin tanganan ang 

karapatang lumaban 

Ipaglaban ang kalayaan, kamtin ang 

isang malayang lipunan 

Ang lipunang mapagsamantala at 

mapang-api 

Tanging sa digmang bayan lamang 

maiwawaksi 

Tanganan ang hamon ng 

kasaysayan 

Uring inaapi, panahon na upang 

lumaban! 


Alaala ng bisig na nagbubungkal 

ni Lire Rosa 

Muling binabaybay ng aking gunita 

Ang mga taong lumipas sa aking alaala 

Noon sa piling ng mga nagbubungkal 

Sa uring tila walang kapagal-pagal 

Sa pagsikat ng umaga at 

pagdating ng 

gabi 

Pakikibaka ang himig ng 

kanilang labi 

Sa kanilang mata’y walang 

maitatago 

Maningning ang malayang 

bukas na pangako 

Ang kanilang kamao’y nagpupuyos sa 

galit 

Kalayaan ng lupa tangi nilang giit 

Ang bawat hakbang ng putikang paa 

Ay pagbubuwis ng dugo sa ngalan ng 

lupa 

Uring magsasaka ikaw ay pag-asa 

Sa sambayanan ikaw ay mayorya 

Tuparin ang iyong rebolusyonaryong 

tungkulin 

Abutin ang mga 

demokratikong mithiin 

Ikaw ay balon ng hukbong bayan 

Pangunahing pwersa ng digmang 

bayan 

Katuwang ng manggagawa, uring 

nagpapanday 

Isanib ang higanteng lakas na taglay 

Sa kanilang piling, ang aral na 

tumimo sa akin 

Sa kamay ng anakpawis, ang 

mundo’y kayang angkinin 

Sa pulang silangan rebolusyon ang tanging 

sigaw 

Putok ng baril ang hudyat na aalingawngaw 

BIHAG-SALITA 

H U K B O Y D N E W 

Q A S V N P A I R P 

F Y B M K T P H K M 

K A R A P A T A N Z 

O N P J A L D B C X 

W I K U L T U R A E 

A B I L U M A D U L 

E M B S A U P G P U 

B S N O N R K D O I 

N I K A A J P B Q S 

Mga salita: 

Hukbo 

SQBP 

Nika 

Luis 

Wendy 

Kultura 

DAP 

KM 

Paluan 

Anib 

PKP 

NPA 

Lumad 

Sagot sa Crossword 

sa Hulyo-Setyembre 

2014 isyu ng Kalatas: 

Pababa: 

1. Martial Law 

2. Rebolusyon 

3. Oyster Bay 

4. Bayanihan 

5. Nawala 

Pahalang: 

1. Marcos 

2. EDCA 

3. BHB 

4. Ben 

5. New 


25 KALATAS

Sa Dakilang Araw ng iyong Pagkakatatag 

ni Ka Alex 

Sa ningning mong sikat dala ay liwanag 

Madilim na gabi sa lamig ng magdamag 

Ikaw ang nag-adya sa gabay ng iyong sinag 

Sila na lumitaw sa pag-asang inilatag 

Ngayon ang panahon ng kaaya-aya 

Sa pagsibol ng mga sangang pinanday sa 

pakikibaka 

Mamamayang lipos ng kadarilataan 

naghuhumiyaw ng pag-asa 

Noong una kang sumibol lahat ay sumaya 

Dumaan sa maraming pagsubok, sa masalimuot 

na labanan 

Ngayon ay humantong sa panahong binabakas 

Ang araw ng mga pangarap sa lundo ng 

pahimakas 

Ng mga mamamayang pag-asa ay lumakas 

Ngayon ikaw ay nakaharap sa bagong mga 

hamon 

Sa pagsasalba sa lipunang nabubulok 

Pinipihit ang sitwasyon, sa mga bagong pag-asa 

Pag-asang magiging inspirasyon sa pakikibaka 

Sa dakilang araw ng iyong pagsilang 

Hangad ay pagsulong sa bagong antas 

Sa nagbabagong sitwasyon ng ating panahon 

Tumatalas, lumiliwanag ang mga tunggalian 

Darating ang panahon, panahon para 

magtagumpay 

Ihanda ang sarili sa tumitinding pakikibaka 

Dahil ito ang susi sa minimithing tagumpay 

Mayabong ang tagumpay sa ika-46 na taon 

Pakikibaka’y nagpapatuloy sa pagdaragdag ng 

panahon 

Dumaraan sa mga prosesong humihigpit ang 

pagtuon 

Tinataya ang tagumpay sa loob ng limang taon 

Hinahangad na pagsulong, sa lumalakas na 

paglamon 

Sa dakilang araw ng iyong pagsilang 

Uring api tinipon pagdaka sa mahigpit na 

pagkakaisa 

Muling sumariwa, muling lumalakas dahil sa 

pag-aadya 

Ang mga tagumpay dahil sa tinipong karanasan 

Mga kasamang nanabik, naghihintay sa 

kaganapan 

Dahil ang umiiral na krisis, tumitindi, 

lumalaganap 

Na siyang nagbubunsod sa patuloy mong 

paglakas 

Upang matugunan ang dumaraming gawain 


Apatnapu’t anim na taon na ang nakaraan 

Ipinundar ang pinakadalisay na kilusan 

Pinanday ng sakripisyo at kahirapan 

Iginuhit ang wastong landas ng paglaban 

Inilatag ang mga batayang prinsipyo 

Tinanganan ang Marxismo-Leninismo-Maoismo 

Ginabayan ng wastong patnubay na teorya 

Nilapatan ng kongkretong taktika at estratehiya 

Masusing inaral ang kasaysayan 

At partikular na katangian ng digmang bayan 

Ipinagtagumpay ang dalawang dakilang kilusang 

pagwawasto 

Na lalong pinatibay ang taliba ng proletaryado 

Ang ating Partido Komunista 

Ang tunay na nagmamahal sa masa 

Nakikibaka para sa isang lipunan 

Na walang pinagsasamantalahan 

Taos-puso nitong pinaglilingkuran 

Ang malawak na sambayanan 

Isinusulong ang pakikibaka 

Na wawasak sa lahat ng 

mapagsamantala 

Sa anibersaryo ng Partido 

Ibigay ang pulang saludo 

Sa lahat ng mga kadre at kasapi 

Sa mga mandirigma ibigay ang pagbati 

Sa Anibersaryo ng Partido 

ni Ka Malema 

Sa anibersaryo ng Partido 

Itaas ang ang ating kamao 

Para sa sakripisyo ng lahat ng rebolusyonaryo 

Para sa mga dakilang martir, sa inalay na buhay 

at dugo 

46 Taon na ang PKP 

ni Regons JHA 

Ang paglakas ng hukbong mapagpalaya 

Patunay ito ng pagbabago ng bansa 

Ang pagtangkilik, pag-alala ng malawak na masa 

Sa hukbong bayan kanilang pinadarama 

Ang reaksyunaryong gubyerno ng imperyalismo 

Naghihikahos sa kanyang paglakas sa madilim na daan 

Ilang taon na ang Partido Komunista ng Pilipinas 

Ngayo’y ika-46 taon ng matatag na paglaban sa kaaway na pasista 


27 KALATAS

Ang Inabot ng aking Paglalakbay 

patungong Rebolusyon 

ni Ka Suyak 

Sa una, magaan naman ang aking pag-angkop sa mga mga paghahanda. 

Medyo kinapos lamang sa ilang gamit. Mangyari kasing hiram lamang 

ang aking badyet. Nagkaroon ng di birong byahe at lagay ng panahon 

papasok sa sonang gerilya. Sa kadiliman ng gabing maulan, binagtas 

namin ng mga kasama ang kasukalan. Tinawid ang pagragasa ng 

ilog at inakyat ang kagubatang kinaroroonan ng tunay na hukbo ng 

mamamayan, ang Bagong Hukbong Bayan. Kami'y naparito para makiisa 

sa pagdiriwang ng ika-46 anibersaryo ng Partido Komunista ng Pilipinas. 

Mainit ang pagtanggap sa amin ng larangan. Kami'y umikot sa buong 

bantayan, gumampan ng gawain sa kusina, naging tagapagbalita sa 

"Radyo Pakikibaka", nagtatanghal sa mga kapehan, at naging saksi sa 

mga rebolusyonaryong pag-iibigan. Nagbahagi din kami ng biswal na 

disensyo sa pagdiriwang ng anibersaryo ng Partido. Naranasan ko ring 

magpadaloy ng isang pag-aaral sa sining biswal. Dumalo ako sa mga 

pag-aaral at ehersisyo, nakapagpabunot ng ngipin at naging talabantay 

sa gabi. Salamat sa lahat ng natutunan namin sa larangang ito. Asahan 

ninyo ang aming pagbabalik nang mas madami at handang ibigay ang 

buong panahon sa pagsusulong ng Demokratikong Rebolusyong Bayan. 

Mabuhay ang ika-46 Anibersaryo ng Partido Komunista ng Pilipinas!

201410-12pi

You also want an ePaper? Increase the reach of your titles

Delete template?

Save as template?