20140121pi

ANG 

Pahayagan ng Partido Komunista ng Pilipinas 

Pinapatnubayan ng Marxismo-Leninismo-Maoismo 

Tomo XLV Blg. 2 

Enero 21, 2014 

www.philippinerevolution.net 

Editoryal 

Ibasura ang EPIRA at wakasan 

ang rehimeng pahirap sa bayan 

Ang tuluy-tuloy na pagtaas ng presyo ng kuryente ay lalo pang 

nagpapabigat sa labis nang hirap na kalagayan ng mayorya ng 

mamamayang Pilipino. Mula noong Disyembre, ipinataw ng 

iba't ibang mga kumpanya sa kuryente ang malaking dagdag sa singil 

sa kuryente na labis na ikinagalit ng mamamayan. 

Pansamantala mang iniatras 

ang pagpapatupad ng malaking 

dagdag na singil sa bisa ng kautusan 

ng Korte Suprema, 

nananatiling banta sa kabuhayan 

ng mamamayan ang pagpapataw 

ng malaking dagdag na 

bayarin, hindi lamang sa kagyat, 

kundi maging sa malayo pang 

hinaharap. Habang umiiral ang 

batas na Electric Power Industry 

Reform Act (EPIRA), palagi 

na lamang pahihirapan ang 

mamamayan ng magkakakutsabang 

malalaking burgesya kumprador 

na kumokontrol sa 

produksyon, transmisyon at 

distribusyon ng kuryente. 

Nagkakaisa ang sigaw ng 

masang anakpawis: Ibasura 

ang EPIRA! Sa mahigit isang 

dekada ng pribatisasyon sa 

ilalim ng EPIRA, lalong nalugmok 

ang sambayanang Pilipino 

sa walang awat na 

pagtaas ng presyo ng kuryente. 

Ang pagsirit ng presyo 

ng kuryente ay bunga ng 

patakaran ng liberalisasyon 

na itinataguyod ng EPIRA. 

Mula nang ipatupad ang 

EPIRA, wala nang awat ang 

pagtaas ng singil sa kuryente. 

Noong 2001, ang singil ng 

Meralco ay `4.87 kada kilowatt 

hour (kwh). Pagsapit ng 2011, 

lagpas doble na ang itinaas nito 

(`10.35/kwh). Kung matutuloy, 

ang planong `4.15/kwh na pagtaas 

ng singil sa kuryente noong 

Disyembre ay magreresulta 

sa `900/buwan na karagdagang 

singil para sa pinakamabababang 

saray ng konsyumer 

ng kuryente. 

Ang singil sa kuryente sa 

Pilipinas ay kabilang sa sampung 

pinakamatataas sa buong 

mundo. 

Sa panahong ito, ginamit ang 

EPIRA upang bigyang-matwid 

ang pagpapakainutil ng reaksyunaryong 

gubyerno at ang pagtanggi 

nitong gumawa ng hakbangin 

upang ipagtanggol ang interes 

ng mamamayan laban sa 

Meralco at iba pang hayok sa tubong 

kumpanya sa kuryente. 

"Wala kaming magagawa" ang 

paboritong linya ng mga upisyal 

ni Aquino tuwing umaangal ang 

publiko sa mga petisyon ng Meralco 

para magtaas ng 

singil. 

Sa ilalim ng EPI- 

RA, pinagbabawalan 

ang gubyerno na mamuhunan 

sa pagpo-

prodyus ng kuryente. Ang presyo 

ng kuryente ay ganap na 

nasa kamay ng malalaking 

kumpanyang naghahari sa pamilihan. 

Walang saysay ang 

Department of Energy at ang 

Energy Regulatory Commission 

sa pagtatanggol sa interes at 

kapakanan ng mamamayang Pilipino. 

Ang totoo, ang mga 

ahensyang ito ng gubyerno ay 

ginagamit lamang ng mga kumpanya 

sa kuryente bilang tagapagtanggol 

ng mga hakbangin 

sa pagtataas ng singil. 

Ang pakikibaka para ibasura 

ang EPIRA ang nasa ubod 

ng pakikibaka ng mamamayang 

Pilipino laban sa dagdag 

na singil sa kuryente. Karugtong 

ito ng pakikibaka laban 

sa mga patakaran ng pribatisasyon, 

deregulasyon, liberalisasyon 

at denasyunalisasyon 

na ipinatutupad ng reaksyunaryong 

estado sa Pilipinas 

nitong nakaraang tatlong dekada 

sa utos ng International 

Monetary Fund at World 

Bank. 

Ang mga patakarang ito 

ang nasa likod ng tuluy-tuloy 

ANG 

Taon XLV Blg. 2 Enero 21, 2014 

Ang Ang Bayan ay inilalabas sa 

wikang Pilipino, Bisaya, Iloko, Hiligaynon, 

Waray at Ingles. 

Maaari itong i-download mula sa 

Philippine Revolution Web Central na 

matatagpuan sa: 


Tumatanggap ang Ang Bayan ng 

mga kontribusyon sa anyo ng mga 

artikulo at balita. Hinihikayat din ang 

mga mambabasa na magpaabot ng 

mga puna at rekomendasyon sa ikauunlad 

ng ating pahayagan. Maaabot 

kami sa pamamagitan ng email sa: 

angbayan@yahoo.com 

na pagtaas ng presyo ng langis, 

tubig, bigas at iba pang 

saligang bilihin. Ang mga patakarang 

ito ang pumipiga sa 

masang anakpawis. Pinapatay 

ng mga ito ang lokal na agrikultura 

at industriya na nagreresulta 

sa laganap na kawalan 

ng hanapbuhay at mababang 

sahod ng mga manggagawa. 

Dapat panagutin ang rehimeng 

US-Aquino sa patuloy na 

pagpapatupad nito ng mga patakarang 

nagpapahirap sa mamamayang 

Pilipino. Dapat 

itong singilin sa pagpapakainutil 

sa harap ng labis na 

pang-aapi sa mamamayang Pilipino 

ng hayok sa tubong malalaking 

burgesya kumprador 

at kasabwat nilang dayuhang 

malalaking kapitalista. 

Sa harap ng dinaranas nilang 

grabeng paghihirap, makatarungan 

ang pakikibaka ng 

mamamayang Pilipino na patalsikin 

mula sa poder si Aquino 

at wakasan ang kanyang 

batbat sa korapsyon, anti-mamamayan, 

makadayuhan at 

malupit na rehimen. ~ 

Nilalaman 

Editoryal: Ibasura ang EPIRA at wakasan 

ang rehimeng pahirap sa bayan 1 

Mga hari sa industriya ng kuryente 2 

Paghahari ni Cojuangco sa kuryente 3 

Paglamon ni Cojuangco sa ALECO 4 

Pagmimina sa Daguma 4 

“Power crisis” sa Mindanao 5 

Produksyon sa kabundukan 6 

Platung pamproduksyon sa SMR 8 

Kasigasigan ng kabataan 9 

6 na sundalo, patay sa Agusan del Sur 10 

Pang-aatake ng AFP sa Samar 10 

Puno na ang salop 11 

Taas-singil sa SSS at Philhealth 12 

Magsasaka, patay sa Pampanga 12 

Ang Ang Bayan ay inilalathala dalawang beses bawat buwan 

ng Komite Sentral ng Partido Komunista ng Pilipinas 

Ang malalaking 

kumprador na 

hari ng industriya 

ng kuryente 

Nasa kamay ng malaking 

kumprador na si Henry Sy 

ang negosyo ng transmisyon o 

pagdadala ng kuryente mula sa 

mga planta tungo sa mga kumpanya 

sa distribusyon o pagtitingi. 

Pag-aari ng pamilyang Sy 

ang mayorya ng mga sapi ng 

National Grid Corporation of 

the Philippines (NGCP). Ang 

40% naman ng NGCP ay hawak 

ng State Grid Industry Development 

Ltd, isang kumpanyang estado 

ng China. Mula 2008, hawak 

na ng NGCP ang 50-taong 

prangkisa sa transmisyon. Noong 

2013, kumita ito ng `44.5 

bilyon at `42.9 bilyon noong 

2012, alinsunod sa ipinahihintulot 

ng ERC. 

Ang limang pinakamalalaking 

prodyuser ng kuryente ay 

ang Aboitiz Power Corp. na may 

kakayahang lumikha ng 3,426 

Megawatt (Mw) ng kuryente; 

San Miguel Global Power Corp. 

(2,545 Mw); First Philippine 

Holdings Corp. ng mga Lopez 

(2,150 Mw); Global Power Corporation 

ng kapitalistang si 

George Ty ng Metrobank; at 

DMCI Power Corp. ng mga Consunji. 

Hawak ng limang pinakamalalaking 

prodyuser na ito ang 

halos 78% ng kabuuang produksyon 

ng kuryente sa Pilipinas. 

Epektibong nakokontrol ng 

pinakamalalaking prodyuser na 

ito ang suplay at presyo ng 

kuryente sa Pilipinas. Taliwas 

ito sa sinasabi ng mga tagapagtanggol 

ng EPIRA na magkakaroon 

ng kumpetisyon sa 

produksyon ng kuryente na siyang 

magtutulak sa presyo pababa. 

Dahil pinaghaharian ng 

2 ANG BAYAN Enero 21, 2014

iilang malalaking kapitalista ang produksyon ng 

kuryente, epektibo nilang nakokontrol ang presyo 

nito. Sa ilalim ng EPIRA, inalisan ng anumang 

kapangyarihan o lakas ang estado na epektibong 

kontrolin o impluwensyahan ang presyo ng kuryente. 

Naghahari rin ang malalaking kapitalista sa 

distribusyon ng kuryente. Ang pinakamalaki sa 

mga kumpanyang ito ay ang Meralco na nagmomonopolisa 

sa distribusyon ng kuryente sa buong National 

Capital Region, sa Bulacan, Rizal, Cavite, 

bahagi ng Pampanga at iba pang lugar. Ang benta 

ng Meralco ay bumubuo ng halos 60% ng kabuuang 

benta ng kuryente. 

Malaking bahagi ng Meralco (42.6%) ay pagaari 

ni Manuel V. Pangilinan sa pamamagitan ng 

Beacon Electric Asset Holdings. Ang kumpanyang 

ito ay nasa ilalim ng Metro Pacific Investments 

Corp. na pag-aari naman ng First Pacific Company 

Ltd ng grupong malalaking kumprador na Salim ng 

Indonesia. Ang kasunod na malaking bahagi ng 

Meralco (27.1%) ay nasa kontrol naman ng mga 

Gokongwei (JG Summit Holdings Inc.). 

Lumalaki taun-taon nang 56.3% ang kita ng 

Meralco nitong nagdaang anim na taon. Mula 

`2.6 bilyon noong 2008, lumaki ang tubo ng Meralco 

tungong `16.3 bilyon noong 2012, at tinatayang 

lalo pang lumago tungong `17.5 bilyon 

noong 2013. 

Ang distribusyon naman ng kuryente sa iba 

pang lugar ay karaniwang nasa kontrol ng tinaguriang 

mga kooperatiba. Mayroong humigit-kumulang 

120 kooperatiba na may bentang bumubuo ng 

20% ng kabuuan. Ang mga kooperatibang ito ay 

hawak sa leeg ng malalaking prodyuser ng kuryente 

na kumokontrol sa presyo ng kuryente. Marami 

sa mga kooperatibang ito ang baon sa utang. Karaniwang 

kontrolado ito ng mga lokal na pulitiko at 

madalas ay batbat din ng katiwalian. Isa sa pinakamalalaki 

rito, ang Albay Electric Cooperative, ay 

nilalamon ngayon ng San Miguel Global Power 

(tingnan ang kaugnay na artikulo). ~ 

Ang paghahari ni Eduardo “Danding” 

Cojuangco sa industriya ng kuryente 

Mula nang maupo sa poder si Benigno Aquino III, lumaki nang 

lumaki ang imperyong pangnegosyo ng tiyuhin niyang si Eduardo 

“Danding” Cojuangco. Si Cojuangco na ngayon ang isa sa pinakamalalaking 

kumprador na naghahari sa industriya ng kuryente. 

susuplay ng 28.1% ng 

kuryente sa Luzon at 21.4% 

sa buong bansa noong 2013. 

Pag-aari na ng San Miguel 

ang 1,000-megawatts (Mw) 

na planta sa Sual, Pangasinan, 

ang 345-Mw mula sa San 

Roque multipurpose hydro 

plant at ang 1,200-Mw Ilijan 

Combined Cy- 

Ang San Miguel Global Power, 

subsidyaryo ng San Miguel 

Corporation (SMC) na pag-aari 

ni Cojuangco, ang siya na ngayong 

pinakamalaking prodyuser 

ng enerhiya sa Luzon, at naghahabol 

na lagpasan ang mga 

Aboitiz bilang pinakamalaki 

sa buong 

Pilipinas. 

Ang San 

Miguel Global 

na ang nagcle 

Power Plant sa Batangas 

City. Tuluy-tuloy pa ang pamumuhunan 

ni Cojuangco sa industriya 

ng kuryente. Sinisimulan 

na niya ang pagtatayo ng 

coal-fired power plant (CFPP) 

sa Sityo Colaman, Barangay 

Poblacion, Malita, Davao Occidental 

na may kapasidad na 600 

Mw. 

Kaugnay nito, nagbuhos na 

rin ng puhunan si Cojuangco para 

magmina ng coal sa Daguma 

Range, kung saan matatagpuan 

ang pinakamalaking deposito ng 

coal sa Pilipinas. (Tingnan ang 

hiwalay na artikulo). Ang tatlong 

minahan sa Daguma Range ay 

may 426 milyon metriko tonelada 

at kaya nitong magpatakbo ng 

2,000 Mw na coal-fired power 

plant sa loob ng 25 taon. 

Bukod sa produksyon, namuhunan 

na rin si Cojuangco sa distribusyon 

distribusyon ng 

kuryente. Ang pagkuha ni Cojuangco 

kamakailan sa kooperatibang 

ALECO sa Albay ay pinangangambahang 

una pa lamang 

sa mga kooperatiba sa kuryente 

na kanyang lalamunin. ~ 

ANG BAYAN Enero 21, 2014 

3

Paglamon ni Cojuangco sa ALECO, tinutulan 

Nagrali ang mahigit 100 kasaping konsyumer 

ng Albay Electric Cooperative (ALECO) sa 

upisina nito noong Enero 6 para tutulan ang tuluyang 

paglamon ng San Miguel Energy Corporation 

(SMEC) sa naturang kooperatiba. Tinangka silang 

itaboy ng mga pulis sa pamamagitan ng mga 

truncheon, na ikinasugat ng marami. Ito na ang 

pangalawang kilos-protesta laban sa pagbebenta. 

Ang kilos-protesta ay inilunsad upang hadlangan 

ang pormal na paglilipat ng pangangasiwa ng 

ALECO sa SMEC na nakatakda noong Enero 7. Iginigiit 

ng mga konsyumer na dapat panatilihing 

pag-aaring publiko ang ALECO. Tinuligsa rin nila 

ang `2 kada kilowatt hour na pagtaas sa kanilang 

mga bayarin noong Disyembre na walang kaukulang 

pag-abiso at konsultasyon sa mga konsyumer 

ng kooperatiba. 

Binatikos din ng mga konsyumer ang paglilihim 

ng kasunduan ng konsesyon ng ALECO sa SMEC. 

Ang konsesyon ng San Miguel sa ALECO ay tatagal 

mula 25-50 taon. Tinutulan din nila ang pagtatanggal 

ng matitinong empleyado at pagpapanatili 

ng mga tiwali. 

Sa kabila ng mga nakaambang pahirap para sa 

mga Albayano at maanomalyang proseso, sinuportahan 

ng gubernador, karamihan ng mga pulitiko 

at simbahan ang pagsasapribado ng ALECO. Ang 

gayong pagsasapribado ay isinagawa alinsunod sa 

EPIRA. Laganap ang usap-usapan na ang iba pang 

kooperatiba sa Bicol ay lalamunin ni Cojuangco, 

alinsunod sa hatian ng malalaking kumprador. 

Sa ganitong kalagayan, wala nang maaasahan 

pa ang mga Albayano kundi ang kanilang sariling 

lakas upang mapigilan ang pakanang ito ng San Miguel 

Corporation. "Sa araw na ito, binabawi naming 

mga konsyumer ang ALECO. Konsyumer ang 

may-ari nito kaya konsyumer din ang dapat masunod 

kung papaano ibabangon ang kooperatiba." ~ 

Pagmimina sa Daguma, salot sa mamamayan 

Salot sa mamamayan ang Daguma Coal Project (DCP) na sumasaklaw 

sa Daguma Range, ang kabundukang nag-uugnay sa 

mga prubinsya ng Sarangani, South Cotabato, Sultan Kudarat 

at bahagi ng Maguindanao. Ang mga lugar na saklaw ng DCP ay mga 

reserbang watershed at pangunahing pinagkukunan ng tubig at irigasyon 

ng Allah Valley sa South Cotabato. 

Bukod sa masama ang magiging 

epekto ng pagmimina ng 

coal sa kalusugan, kapaligiran, 

at kabuhayan ng mga magsasaka, 

tiyak na magkakaroon ng 

matinding dislokasyon ang libulibong 

pamilyang Lumad at magsasaka 

sa naturang mga lugar. 

Sinimulan ang operasyon ng 

Daguma Agro-Minerals Inc. 

(DAMI) noong Nobyembre 2002 

at saklaw nito ang pitong coal 

block (umaabot sa 7,000 ektarya). 

Sa halagang $25 milyon, 

nabili ng San Miguel Energy 

Corp. (SMEC) ang DAMI at ang 

Bonanza Energy Resources Inc. 

Mas lumaki pa ang kontrol ng 

SMEC sa pagmimina ng coal 

nang mabili nito sa halagang 

US$14.5 milyon ang Sultan Energy 

Philippines Corp. (SEPC) na 

sumasaklaw sa minahan sa Sultan 

Kudarat at South Cotabato. 

Sa ngayon, 100% kontrolado 

na ng SMEC ang buong 

DCP na may tinatayang 

426 milyong 

metriko toneladang 

deposito. 

Sasaklawin 

nito 

ang 17,000 

ektarya ng 

mga lupaing 

ninuno 

ng mga T'boli at sakahan ng 

mga setler. Masasaklaw din ang 

19,000 ektaryang kagubatan ng 

tribong Tasaday na kasama sa 

pagmiminahan ng coal. 

Suportado ng Department of 

Energy ang mapanirang proyektong 

ito sa pamamagian ng Presidential 

Decree 972 na inamyendahan 

ng PD 1174 o ang 

Coal Development Act 

of 1976 sa panahon 

ng diktadurang Marcos. 

Lalo pa itong 

pina- 


lakas sa panahon ng rehimeng US-Aquino na nagbubukas 

ng mga rekurso ng bansa sa pandarambong 

ng mga lokal at dayuhang mamumuhunan. 

Bukod pa sa pagmimina ng coal ng SMEC, nakatakda 

ring bilhin nito ang mga kumpanyang nagmimina 

ng tanso, ginto at pilak tulad ng Tribal Mining 

Corp. (TMC) (Canada), Kiamba Mining Corp. 

(KMC), Hirich Mining and Development Corp., Tao 

Mohin Resources Corp. at iba pa. 

Mula nang simulan ang pagmimina dalawang 

taon na ang nakararaan, walang humpay ang operasyon 

ng 27th IB para depensahan ang pagmimina 

at mabangis na supilin ang pakikibaka ng mamamayang 

T'boli at mga magsasakang setler. Inaakusahang 

tagasuporta ng Bagong Hukbong Bayan 

ang mga grupong antimina at mga samahan ng 

mga magsasaka at palagi silang tinatakot ng mga 

gwardya ng minahan at mga sundalong nagpapatrulya. 

Ang 27th IB din ang bayarang gwardya ng 

kumpanyang Glencore-Xstrata-SMI, isa pang mapanirang 

kumpanya sa pagmimina sa South Cotabato. 

Ang peace and development team (PDT) ng 

27th IB ay pilit na nagtayo ng detatsment malapit 

sa sibilyang komunidad sa Sityo Tasaday Blit. Ginigipit 

nila ang pamimili ng pagkain ng mga residente. 

Pinagbabawalan din silang magtipun-tipon at 

magdaos ng mga asembliya, at pinagbabawalang 

mangaso ang mga Lumad, na isa sa kanilang mga 

ikinabubuhay. Nagrerekluta ang militar ng mga Lumad 

para maging myembro ng CAFGU at iba pang 

grupong paramilitar na walang ibang layunin kundi 

sirain ang pagkakaisa ng mamamayan laban sa 

malawakang pagmimina. 

Isang halimbawa nito ay ang Task Force 73, 

isang piling pasistang grupo na may atas na ipagtanggol 

ang malalaking minahan sa pamamagitan 

ng pag-atake sa mga pwersang antimina at pagsupil 

sa pakikibaka ng mamamayan laluna sa Lake 

Sebu at T'boli. ~ 

Pinakikinabangan ng malalaking kumprador 

ang "power crisis" sa Mindanao 

Mula 2012, tinitiis na ng mamamayan sa Mindanao ang madadalas 

na 2-4 oras na brownout na nagbubunga ng malaking 

perwisyo sa kanilang buhay at takbo ng ekonomya sa isla. 

Kasabwat ng National Grid Corporation of the Philippines (NGCP) ni 

Henry Sy, pinalalabas ng rehimeng Aquino na kulang ang produksyon 

ng kuryente, kaya diumano kailangang isagawa ang mga brownout. 

Umani ng matinding pagkundena 

at protesta sa hanay ng 

mamamayan, kabilang ang mga 

lokal na pulitiko, ang pagdadahilang 

ito ni Aquino at ng NGCP. 

Hindi nila matanggap ang gayong 

pagdadahilan gayong nasa 

isla ang malalaking planta sa 

kuryente kabilang Ang Agus-Pulangi 

hydropower complex at 

ang mga plantang geothermal sa 

Mt. Apo. Ang iba sa mga plantang 

ito ay mayroon pa sanang 

reserbang kuryente pero hindi 

pinatatakbo sa buong kapasidad 

nito. 

Hindi rin nila matanggap ang 

pagdadahilan ng gubyernong 

Aquino gayong hindi nito binibigyan 

ng prayoridad ang pagtitiyak 

ng mura at episyenteng paggana 

ng mga pasilidad sa kuryente. 

Sa halip na asikasuhin 

ang rehabilitasyon, hinayaan nitong 

mabulok at bumagsak ang 

kapasidad ng mga plantang pagaari 

ng estado. Halimbawa, ang 

planta sa Agus-Pulangi ay may 

kapasidad na lamang na 570 Mw 

mula sa 1,000 Mw na orihinal na 

kapasidad nito. 

Ang totoo, ginagamit lamang 

ng rehimeng Aquino at ng 

malalaking kumprador ang diumano'y 

krisis na ito upang bigyang-matwid 

ang pagtatayo ng 

maruming coal-fired power 

plants (CFPP) at pagmimina. 

Kaugnay nito'y gumawa ng 

hungkag na deklarasyon si 

Aquino na hindi na maaasahan 

ang hydroelectric power dahil 

sa aniya'y nagbagong padron 

ng pag-ulan sa lugar. 

Itinakda ng Department of 

Energy sa Power Development 

Program ang target na dagdag 

na 850 Mw sa kapasidad ng produksyon 

ng kuryente ng mga 

planta sa Mindanao pagsapit ng 

2014. 

May apat na mayor na proyektong 

coal-fired power plant 

sa isla. Ang dalawang pinakamalalaki 

ay siyang itatayo ng 

Conal Holdings Corp. na pagaari 

ng pamilyang Alcantara at 

nagkakahalagang US$450 milyon. 

May kapasidad itong 200 

Mw. Ang isa pa ay yaong itatayo 

ng San Miguel Energy Corp. Sa 

Far South Mindanao itatayo ang 

dalawang planta. Mula noong 

2006 ay may CFPP nang nag-oo- 


5

pereyt sa Mindanao, na nasa Villanueva, Misamis 

Oriental, at may generating capacity na 232 Mw. 

Noong Oktubre ay sinimulan na rin ang pinakamalaking 

CFPP sa Mindanao sa ngayon, ang 300-Mw 

na planta ng Therma South Inc. sa Toril District, 

Davao City. 

Ang pagtatayo ng dagdag pang mga CFPP ay 

hindi para mabigyan ng serbisyo ang 600 barangay 

na kulang o hindi pa inaabot ng elektrisidad, kundi 

para magsuplay ng enerhiya sa malalaking dayuhang 

minahan at plantasyon. 

Malawak ang pagtutol sa mga CFPP dahil sa 

masamang epekto nito sa kapaligiran. Bukod sa 

wawasakin nito ang malawak na kabundukan dahil 

sa pagmimina ng ginagamit na panggatong na coal, 

magreresulta rin ito sa malawakang pagdumi ng 

hangin. Sa US at Europe, ipinasara na ang mga CF- 

PP dahil sa polusyong dulot ng luma at lipas nang 

teknolohiyang gamit nito. 

Ang kalakhan sa datos sa artikulong ito at sa 

tatlong nauna pa ay mula sa pananaliksik ng istap 

ng Asdang, ang rebolusyonaryong pahayagang masa 

sa Far South Mindanao Region. ~ 

Produksyon sa kabundukan 

Isang bahagi ng gawaing pang-ekonomya ng Bagong Hukbong 

Bayan (BHB) sa kabundukan ng Northeastern Mindanao Region 

(NEMR)—ang ekonomiyang sarang sa kaugalingon ug pangguba 

(ESKP) o ekonomyang nakasasapat sa sarili at pandigma. Tulad ng isinasaad 

dito, layunin ng ESKP na paunlarin ang kabuhayan ng masa 

sa kabundukan para sa kanilang kagalingan at sa pagsusulong ng digmang 

bayan. Sa ngayon, ang ESKP ay laganap sa kabundukan ng 

NEMR, kung saan mahigit 4,000 pamilya na ang nabigyan ng libreng 

lupang masasaka. 

Ipinatutupad ito sa gitna ng 

matinding paghihikahos ng mamamayang 

Lumad at setler matapos 

ang ilang dekadang 

pananalasa ng malalaking 

trosohan sa 

mabubundok na 

kagubatan. Dito'y 

natali sila 

bilang mga pinagsasamantalang 

manggagawa sa trosohan o 

kaya'y maliliit na magkakahoy. 

Minimal o tuluyan nang napabayaan 

ang 

pagsasaka kaya laganap 

ang kagutuman at sakit sa 

kanilang hanay. 

Isang case study ng pagbubuo 

ng ESKP sa isang komunidad 

sa kabundukan ang inilathala sa 

Lingkawas, ang rebolusyonaryong 

pahayagang masa ng 

NEMR. 

Nagsimula ang pagbubuo 

nito noong Abril 2012, nang 

datnan ng mga Pulang mandirigma 

ang isang maliit na angkang 

magsasaka na kinabibilangan ng 

dalawang bubong na may pitong 

indibidwal. Mayroon silang dalawang 

parselang palayan at iba 

pang tanim, pero halos hindi pa 

rin magkasya ang kanilang produksyon 

para sa kanilang pagkain 

at iba pang pangangailangan. 

Binuo sila ng mga kasama bilang 

isang banwa o purok at tinulungang 

paunlarin ang kanilang 

mga sakahan. 

Pagdating ng Oktubre, sinaklaw 

ang purok ng mas malawak 

na kampanya ng pagbubuo 

ng ESKP sa lugar. Kinumbinsi ng 

pinuno ng angkan ang kanyang 

mga anak na doon na 

manirahan at magsaka. Kaya 

mula sa dadalawang bubong ay 

umabot sila sa pitong bubong na 

may 11 pamilyang nagsasamasama, 

o 27 indibidwal. 

Alinsunod sa oryentasyon 

ng ESKP, nagtulung-tulong ang 

mga myembro ng purok para 

magbukas ng mga bagong sakahan. 

Mula sa dalawang maliit 

na palayan ay nakapagbukas 

sila ng siyam na palayang may 

siyam na ektarya. Bukod sa palay, 

dinagdagan nila ang kanilang 

mga tanim ng mga halamang 

ugat at ilang gulay. Sa 

panahong ito, binigyan muna 

sila ng mga kasama ng pambili 

ng bigas bilang tulong, para 

may makain sila habang nagpu- 


pundar ng sakahan. 

Dumaan sa ilang pagsubok 

ang pagbubuo rito ng ESKP. Katatanim 

pa lamang nila ng palay 

noong Nobyembre 2012 nang 

dumating ang malalakas na ulan 

at bumayo ang bagyong Pablo. 

Nangabulok ang kanilang mga 

kamote, na siya sanang inaasahan 

nila habang hinihintay ang 

pag-ani ng palay at mais. Ang 

mais na naani na nila dati ang 

kinain nila sa buong tag-ulan 

hanggang Enero 2013. Dahil dito, 

nagpasya silang magtanim 

palagi ng mais para maipondo 

ito sa tag-ulan. 

Samantala, unti-unti nang 

nabago ng pagpupundar ng ES- 

KP ang tanawin sa purok. Sa gitna 

ng kagubatan ay nagkaroon 

na ng malalawak na sakahan na 

puno ng mga luntian at bagong 

sibol na mga dahon ng kanilang 

mga pananim. 

Hindi lamang sa sakahan 

nagbunga ang mga punla ng rebolusyon. 

Lumitaw mula sa hanay 

ng mga magsasaka ang mga 

abanteng lider at aktibista na 

napanday sa pagpapaunlad ng 

ESKP. Hindi nagtagal ay nabuo 

ang mga organisasyong masa ng 

mga magsasaka, kabataan at 

kababaihan, ang milisyang bayan 

at sangay ng Partido. 

Abril 2013, matapos anihin 

ang palay ay tinasa ang takbo 

ng unang pagpapatupad ng ES- 

KP. Tinukoy ang mga pagkukulang 

nito. Una, ang layo ng kanilang 

mga sakahan ay halos 

tig-isang oras kaya limang oras 

na lamang ang nailalaan sa 

pagtatrabaho. Ikalawa, maliit 

pa ang kanilang ani. Ikatlo, nakatali 

pa ito sa lumang paraan 

na sa bawat tagtanim ng palay 

lang naghahawan ng gubat para 

may matamnan. Madali itong 

makaubos ng gubat. Ikaapat, 

paghahasik pa (broadcast method) 

ang paraan ng pagtatanim 

ng palay. Mas nakakasayang ito 

ng binhi. Ipinaunawa ito sa mga 

magsasaka at ginawan ito ng 

mga hakbang. 

Ang resulta, sa sumunod na 

tag-ani ay umabot sa kabuuang 

100 sako ang naani, mula sa limang 

sakong binhi ng palay na 

naitanim noong Nobyembre 

2012. 

Gayunpaman, maliit pa ang 

ani, at makasasapat lamang para 

sa 30 araw na konsumo. Ito 

ay dahil makikitid pa ang mga 

sakahan. Nagpasya silang palawakin 

pa ang kanilang mga taniman 

tungong 30-40 ektarya, na 

tatamnan di lamang ng palay at 

mais, kundi ng kamote, iba pang 

halamang ugat, prutas at mga 

gulay. Nataya nila na sosobra na 

sa konsumo ng purok ang susunod 

na ani. 

Natasa rin nila na ang susi 

sa masaganang ani ay epektibong 

pamumuno, planadong 

pagsasaka at palitan ng lakaspaggawa. 

Kaya nang magtanim 

na sila ng mais, nagbuo sila ng 

dalawang grupo sa bayanihan 

na kinabibilangan ng tig-12 tao. 

Pinagtulungan nila ang pagbubukas 

kapwa ng komunal at mga 

indibidwal na sakahan. 

Nang magtanim naman ng 

palay pagsapit ng Oktubre 2013, 

umabot sa 24 na parsela ang binuksan. 

May hiwalay pang komunal 

na palayan ang kabataan. 

Patuloy ding pinalaki ang kamotehan, 

na natamnan ng 9,100 

puno. Binigyan ng partikular na 

diin ang kamote dahil makatatagal 

ito nang hanggang dalawang 

taon nang hindi gaanong kailangang 

alagaan. Mahalaga ito 

dahil sa posibilidad ng mababangis 

na operasyong militar na 

maaaring magtaboy sa kanila 

pansamantala sa kanilang mga 

komunidad. Sa anu't anuman, 

may makakain pa rin silang kamote 

pagbalik nila, kahit maging 

kaswalti ng militarisasyon ang 

iba pa nilang pananim. 

Kasabay ng paglulunsad ng 

ikalawang round ng ESKP, naglunsad 

din ng kampanya sa kultura. 

Binigyan ng Batayang 

Oryentasyon sa Arte at Literatura 

ang mga kabataan. Matapos 

ang pag-aaral, nagtanghal 

sila at ang ESKP mismo ang naging 

laman ng kanilang mga 

pagtatanghal. Lubos na ikinatuwa 

ng kanilang mga magulang 

ang sigla at husay na ipinakita 

ng kabataan. 

Kapansin-pansin na ang naging 

pag-unlad ng pamumuhay 

ng masa sa purok mula nang 

ipundar dito ang ESKP. Mayroon 

na silang siguradong mapagkukunan 

ng pagkain, at dahil dito'y 

malulusog na ang kanilang pangangatawan 

at nabawasan na 

ang kanilang pagkakasakit. 

Dahil sa kanilang tulungan, 

mas madali na nilang natatapos 

ang paghahanda ng kanilang 

mga sakahan at nakapaglalaan 

na sila ng panahon para sa kanilang 

mga gawain sa pulitika. Nagagawa 

nilang magpulong at 

magdaos ng mga aktibidad 

pangkultura bawat linggo. Kapag 

may pagkilos ang kaaway, 

awtomatiko nang nagpapatrulya 

ang milisyang bayan sa paligid. 

Nakapaglalaan na sila ng panahon 

sa paghahakot ng suplay 

para sa Hukbo. 

Makikita sa karanasang ito 

na epektibong paraan ang ESKP 

para mabilis na makapagbuo at 

makapagkonsolida ng mga 

rebolusyonaryong base sa kabundukan. 

Ang ESKP ang nagsilbing 

paraan di lamang para mapaunlad 

ang kabuhayan ng masa 

rito, kundi para mapaunlad din 

ang kanilang kamulatang pampulitika. 

Mula sa pagiging atrasado, 

kumprehensibo nitong naitatransporma 

ang mga komunidad 

sa kabundukan para maging 

mga relatibong abanteng base 

ng rebolusyon. Binibigyan nito 

ng mahigpit na dahilan ang masa 

para kumilos at ipagtanggol 

kapwa ang kanilang kagalingan 

at ang rebolusyon. ~ 


7

Platung pamproduksyon, katuwang 

sa pagtatayo ng mga baseng gerilya 

Sa isang subrehiyon sa Southern Mindanao, isa sa mga makinaryang 

ginamit sa pagtatayo at pagpapasigla sa baseng gerilya o 

bager ay ang platung pamproduksyon. Isa itong espesyal na 

platun ng Bagong Hukbong Bayan (BHB) na may partikular na papel 

sa pagtitiyak na naipatutupad ang mga plano sa produksyon ng mga 

komiteng rebolusyonaryo sa baryo (KRB) at mga ganap na samahang 

masa. 

Binubuo ang platung pamproduksyon 

ng mga pultaym na 

kasapi ng BHB. Karamihan sa 

kanila'y nagmula sa milisyang 

bayan at sangay ng Partido sa 

lokalidad. Bukod sa baril, lagi 

rin nilang dala ang kanilang lagaraw 

(karaniwang kagamitan 

ng magsasaka sa paghawan sa 

kabukiran), bilang pangalawang 

armas. Tumutulong sila sa pagpupundar 

ng mga komunal na 

taniman at pagsusulong ng palitan 

ng paggawa. Aktibo rin nilang 

ineengganyo ang mga komunidad 

na magkaroon ng gulayan 

sa bakuran ng bawat bahay. 

Sa loob ng anim na buwan 

mula nang mabuo ang platun, 

nakapagsagawa na ito ng isang 

modelong bukid o demonstration 

farm na umaabot sa anim 

na ektarya. Ang demonstration 

farm ay proyektong taniman para 

sa komunidad kung saan ipinakikita 

ang progresibong paraan 

ng pagtatanim, tulad ng multi-cropping 

(o pagtatanim ng 

iba't ibang pananim) at organic 

farming (o paggamit ng mga natural 

na pataba sa lupa). Nakapagbungkal 

ng umaabot sa 20 

ektarya na tinamnan ng saging, 

pinya, mais, kamote, kamotengkahoy 

at mga bungang-kahoy 

tulad ng durian, mangosteen, 

marang, at iba pa. 

Umabot sa 130 ang lumahok 

sa pagpupundar ng unang modelong 

bukid. Nakapagsasagawa 

rin ng pag-aalaga ng hayop 

sa mga komunal na bukid. 

Matapos mabungkal at matamnan, 

ang demo farm ay 

ipinapapangasiwa ng platun sa 

Pambansang Katipunan ng Magbubukid 

(PKM). 

Ang platun pamproduksyon 

ay ginagamit ding bisig ng 

rebolusyonaryong gubyerno sa 

pagbibigay-serbisyo sa masa, 

tulad ng pagtatayo ng mga eskwelahan. 

Malaki ang naging 

bahagi nila sa pagpapasigla ng 

mga samahang masa sa pamamagitan 

ng sustenidong aktibidad 

sa produksyon, na susing 

salik para sa pagsusulong ng iba 

pang kampanya at sa pagtatayo 

at paggana ng mga organo ng 

kapangyarihang pampulitika. 

Gayunman, hindi nangangahulugan 

na ang platun sa produksyon 

lamang ang lumalahok 

sa produksyon. Naging kagawian 

na rin sa buong rehiyon 

ang sadyang paglalaan ng panahon 

para sa paglahok sa produksyon 

ng lahat ng iba pang 

platun ng BHB. Panuntunan nila 

na sa bawat lugar na binabasehan, 

laging nagbubukas ng mga 

taniman. Sa panahon ng mga 

aktibidad tulad ng malalaking 

pagtitipon para sa konsolidasyon, 

naglalaan ng 30 minuto 

kada araw para sa produksyon. 

Ang kaibhan nga lang ng production 

platoon, partikular na 

diin ng trabaho nito ang pagtitiyak 

sa sustenidong gawaing 

produksyon. 

Sa kabilang banda, hindi limitado 

sa gawaing produksyon 

ang platung pamproduksyon. 

Pana-panahon ay naglulunsad 

din ito ng mga taktikal na opensiba. 

Nagpopropaganda rin ito 

laluna sa pagpapasapol ng pagtatayo 

ng ekonomyang nakakasapat 

sa sariling pangangailangan 

at pagpapaunlad ng gawaing 

pang-ekonomya para sa digmang 

bayan, bilang balangkas 

ng kasalukuyang gawaingpang-ekonomya 

ng demokratikong 

gubyernong bayan. Nagbibigay 

din ito ng mga pag-aaral. 

Buhay ang gawain sa ideolohiya, 

pulitika at organisasyon sa 

loob ng platun at masigla ang 

pamumuno ng sangay. Saanman 

sila dalhin ng gawain, laging 

may iniiwan silang mga butil na 

itinanim. ~ 


Kasigasigan ng kabataan, 

ambag sa rebolusyon 

Dalawamput limang kasapi ng grupong pangkultura ng Kabataang 

Makabayan ang nagtanghal sa ika-45 anibersaryo ng 

PKP sa isang subrehiyon ng SMR. Naipamalas nila ang kasigasigan, 

liksi at talino ng kabataan sa kanilang mga palabas. Malinaw 

nilang naihatid ang mga mensahe ng rebolusyon sa kanilang mga dula, 

awit at sayaw. Naaaninag sa kanilang mga galaw ang masiglang 

hinaharap ng rebolusyon. 

Naitayo noong kalagitnaan 

ng 2013 ang kanilang grupo na 

binubuo ng mga kabataang 15- 

22 taong gulang. Abalang-abala 

sila ngayon sa pagtatanghal sa 

iba't ibang lugar. Boluntaryo 

ang pagsapi nila sa grupo at 

may basbas ng kanilang mga 

magulang na karaniwa'y mga 

myembro ng mga rebolusyonaryong 

organisasyong masa. 

Bukod sa pagtatanghal sa 

mga paaralan, plasa at mga lugar 

ng ebakwasyon, nagbibigay 

din sila ng pag-aaral sa Pambansang 

Demokratikong Paaralan 

o PADEPA. 

Hindi lamang lektura ang 

kanilang paraan sa pagbibigay 

ng pag-aaral. Nagpapalabas sila 

ng mga dula, tumutula at 

umaawit upang lalo 

pang magagap ng mga 

mag-aaral ang nilalaman 

ng paksa na kanilang 

tinatalakay. Napakaepektibo 

nito lalo 

na sa mga magsasakang 

mag-aaral 

na hindi marunong 

o nahihirapang bumasa 

at sumulat. 

Napapabilis din 

ang takbo ng pagaaral. 

Ang mga paksang 

mahahaba kung 

lektura lamang ang pamamaraan 

ng pagbibigay 

ay napapaiksi kapag 

dinadagdagan ito ng 

paliwanag sa anyo 

ng dula, awit at tula. Malaking 

tulong din ang ganitong paraan 

ng pag-aaral lalo na sa masang 

Lumad dahil ang kahirapan sa 

usapin ng lenggwahe ay nalulutas 

sa pamamagitan ng simpleng 

dula o palabas. Halimbawa 

nito ang pagsasadula ng kasaysayan 

ng rebolusyong Pilipino 

o pagsasabuhay ng mga karanasan 

ng pang-aabuso ng militar 

at dayuhang malalaking 

plantasyon at minahan sa karapatang-tao. 

Mula sa kanilang pagkamulat 

hanggang sa kanilang pagbibigay 

ng pag-aaral at pagsasakatuparan 

ng gawaing kultural 

ay nahahasa ang kanilang 

mga kakayahan 

at talento para sa rebolusyon. 

Lumilitaw ang mga lider, ang 

mga potensyal na kadre, 

instruktor at mandirigma. Dahil 

sa gayong panimulang pagpapanday, 

nakakagampan na 

sila ng maraming gawain sa rebolusyon 

bago pa man nila abutin 

ang minimum na edad ng 18 

anyos para maging mga Pulang 

mandirigma. Sa pagtuntong nila 

ng gayong edad ay marami 

na silang natututunan at nadaragdag 

sa kanilang mga kakayahan. 

Handa na silang ibayo 

pa itong pagyamanin sa teatro 

naman ng digma. 

Karaniwang suliraning kanilang 

kinakaharap ang mga 

usaping likas sa kabataan. 

“Syempre, nangungulila kami 

minsan sa aming mga magulang 

at mga kapatid. Natural lang 

ito sa pakikibaka. Paminsanminsan 

may hatak pa rin ang 

bulok na kultura, pero kinakaya 

namin 'tong pangibabawan para 

sa masa,” paliwanag ni Ron, 

15-taong gulang na lider. “Pagtuntong 

ko ng 18 anyos, susunod 

na ako kay Ate sa Pulang 

hukbo,” dagdag ni Khan, 17- 

taong gulang. ~ 


9

6 sundalo napatay, 12 nasugatan 

sa Agusan del Sur 

Anim na tropa ng 26th IB ang napatay at 12 ang nasugatan sa 

magkasunod na taktikal na opensibang inilunsad sa San Luis, 

Agusan del Sur ng mga Pulang mandirigma ng Western Agusan 

del Norte-Agusan del Sur Subregional Command ng Bagong Hukbong 

Bayan (BHB) noong Enero 8 at 9. Walang kaswalti sa panig ng BHB. 

Lima ang nasugatan sa mga 

tropa ng 26th IB nang harasin 

sila ng mga gerilya habang paahon 

sa bangin sa gilid ng Mahaba 

River sa Km. 27, Side 2, Barangay 

Mahayahay, ganap na 

alas-11:35 ng umaga noong 

Enero 8. Kinabukasan, anim na 

sundalo ng naturang batalyon 

ang napatay at pito pa ang nasugatan 

nang paulanan ng bala 

ng isang tim ng BHB ang bandang 

likuran ng sinasakyan nitong 

siksbay habang bumibyahe 

ito sa lubak-lubak na daan bandang 

alas-2 ng madaling araw 

sa Km. 5, Barangay Balit. 

Matapos ang matagumpay 

na pagdaraos ng rebolusyonaryong 

kilusan sa pinakamalaking 

pagdiriwang sa Mindanao ng 

ika-45 anibersaryo ng muling 

pagkakatatag ng Partido Komunista 

sa Pilipinas sa bayan ng 

San Luis, agad na ginalugad ng 

mga tropa ng 26th IB ang mga 

liblib na barangay dito sa kabila 

ng idineklarang Suspension 

of Military Operations (SOMO) 

ng AFP na nagsimula noong 

Disyembre 21 at matatapos pa 

sa Enero 15. Nagtayo ng tsekpoynt 

ang 26th IB malapit sa 

kanilang kampo sa bayan ng 

Talacogon, karatig bayan ng 

San Luis, kung saan mahigit dalawang 

linggong pinahirapan 

nito ang paghahanda ng mga 

residente sa pagsalubong sa 

Bagong Taon at nilabag ang kanilang 

karapatan sa malayang 

pagkilos. 

Ang mga sundalong hinaras 

ng mga gerilya sa dalawang 

magkahiwalay na lugar ay isang 

linggo nang nag-ooperasyon at 

pagod at pauwi na sa kanilang 

kampo. Noong Enero 2 pa pumasok 

sa mga barangay ng San Luis 

ang 110 sundalo na hinati sa 

dalawang kolum. Ang 68 na mga 

tropa ay pumasok sa Barangay 

San Pedro at ang 42 iba pa ay 

pumasok sa Km. 21 sa Barangay 

Don Alejandro. 

Sa kabila ng ipinagyabang na 

SOMO ng AFP, walang tigil ang 

operasyong kombat ng militar sa 

San Luis, Agusan del Sur, San 

Fernando at Impasug-ong sa 

Bukidnon at Gingoog, Claveria 

at Binuangan sa Misamis Oriental. 

~ 

Sa gitna ng salanta, patuloy ang panunupil ng AFP 

sa Samar 

Walang tigil ang kampanyang panunupil at mga opensibong operasyon 

ng AFP laban sa mamamayan at hukbong bayan sa Samar 

na nagsasagawa ng relief operations sa pinakaapektadong mga 

lugar sa isla. Noong Disyembre 11 at 12, sinalakay ng mga pwersa ng 

8th ID ang mga pwersa ng BHB sa Oras, Eastern Samar. Sa aktibong 

depensa ng BHB, lima ang napatay at apat ang nasugatan sa militar. 

Noong Nobyembre 25, sinalakay 

ng 87th IB ang isang kampo 

ng BHB sa Barangay Calundan, 

San Jorge, Samar. Dinakip 

at sinampahan ng gawa-gawang 

kaso ang mag-asawang Renato 

Baleros at Vangie Colinayo, mga 

kasamang nagkokoordina ng relief 

and rehabilitation operations 

sa lugar. Bago ito, inaresto 

noong Nobyembre 21 at sinampahan 

din ng gawa-gawang kaso 

ng mga ahente ng militar si Romulo 

Grabillo, 40 anyos na Pulang 

mandirigma, sa Barangay 

Tag-alang, Marabut, Samar. Dinadalaw 

noon ni Grabillo ang kanyang 

pamilya na kabilang sa 

mga grabeng nabiktima ng bagyong 

Yolanda. 

Samantala, nagsasagawa ng 

operasyong saywar ang AFP sa 

Leyte para pagmukhaing mga 

terorista ang BHB sa gitna ng 

laganap na kalamidad. Isang 

gawa-gawang labanan ang inilunsad 

ng mga tropa ng 19th IB 

sa pagitan ng Barangay Mahayag 

at Libertad sa Ormoc City 

noong Disyembre 27 na pinalabas 

na pananalakay ito ng BHB 

sa panahon ng itinakdang tigilputukan 

ng mga rebolusyonaryong 

pwersa sa Eastern Visayas. 

Inianunsyo na ng PKP-EV 

noong Enero 15 ang pagtatapos 

ng dalawang buwang unilateral 

na tigil-putukan ng BHB sa rehiyon. 

~ 


Para sa mga biktima ng Yolanda: 

Puno na ang salop! 

Puno na ang salop para sa daan-daang libong mga biktima ng 

superbagyong Yolanda makaraan ang dalawang buwang pagtitimpi 

sa harap ng lubhang napakabagal, walang sistema at batbat 

sa katiwaliang relief and rehabilitation program ng gubyernong 

Aquino. 

Iginiit ng mga biktima ng Yolanda 

sa kanilang petisyon sa 

gubyernong Aquino nitong Enero 

14 ang kagyat na tulong pinansyal 

na `40,000 para sa bawat 

apektadong pamilya. Anila, lubha 

silang nangangailangan ng 

tulong kaya dapat ilabas na ang 

pondo bago pa man ang Pebrero 

14. Nilagdaan ito ng mahigit 

10,000 mga biktima na nagbuklod 

sa “Alyansa han mga Biktima 

han Bagyo Yolanda ha Tacloban” 

(ABBAT) o Alliance of 

Typhoon Yolanda's Victims in 

Tacloban. 

Ilang araw bago ito, naglunsad 

ng mga kilos-protesta noong 

Enero 8 ang mga kasapi ng Kalipunan 

ng Damayang Mahihirap 

(KADAMAY) sa Quezon City, 

Iloilo City, Roxas City at Kalibo 

sa Aklan upang singilin ang rehimeng 

Aquino sa ipinangako nitong 

ayuda sa mga biktima ng 

Yolanda. 

Ayon sa upisyal na tala 

noong Enero 7 ng National Disaster 

Risk Reduction and Management 

Council, hindi bababa 

sa 6,201 tao ang namatay, 

1,785 ang nawawala at 28,628 

ang nasugatan. Mga 16 na milyong 

tao ang naapektuhan sa 

591 bayan at 57 syudad sa 44 

na prubinsya, at kalahati sa bilang 

ng mahigit 8,000 pinangangambahang 

namatay ay sa 

Leyte. 

Inireklamo ng mga biktima 

na hirap na hirap na sila mula 

nang humagupit ang bagyong 

Yolanda sa bansa noong Nobyembre 

8. Wala silang bahay, 

walang trabaho, nagugutom at 

maysakit. Hindi pa rin nakakabalik 

sa paaralan ang kanilang 

mga anak. 

Alam nilang may pondo para 

sa mga biktima pero hindi nila 

alam kung saan patutungo ang 

programa ng gubyerno para sa 

rehabilitasyon. 

Ayon kay Patrick Escalona, 

isa sa mga namumuno ng AB- 

BAT, ang hinihiling nilang pondo 

ay halos magkakasya lamang sa 

loob ng dalawang buwan para sa 

damit, bahay, transportasyon, 

gastos medikal, edukasyon at 

iba pa ng isang pamilyang may 

anim katao. Pero dahil walang 

kontrol ang gubyerno sa presyo 

(50 hanggang 100% ang itinaas 

ng mga batayang bilihin sa 

Tacloban), ang `40,000 kagyat 

na tulong ay halos magkakasya 

lamang sa isang buwan. 

Kinundena ng mga biktima 

ang mabagal at walang 

sistemang pagpapadala 

ng mga pagkain at 

“shelter relief kits.” 

Libu-libong pamilya pa 

rin ang walang matinong 

masilungan dahil wala 

silang pondong pambili 

ng materyales upang 

muling maitayo ang nangawasak 

nilang mga bahay. 

Tinutulan din nila ang pagbabawal 

ng gubyernong Aquino 

sa mga residente na bumalik sa 

dati nilang mga tirahan malapit 

sa baybaying dagat. 

Noong Enero 8 naglunsad din 

ng rali ang KADAMAY sa Times 

St. Quezon City sa tapat ng bahay 

ng pamilyang Aquino. 

Sa Iloilo City, tinukoy ni 

Maura Abellon, tagapangulo ng 

KADAMAY-Panay-Guimaras 

Chapter na pawang nagmula sa 

mga pribado at dayuhang organisasyon 

ang ayudang ibinigay sa 

mga mangingisda at daan-daang 

libong nawalan ng bahay sa 

Panay. Hindi pa rin naibibigay 

ang ipinangakong `10,000 

hanggang `30,000 kada pamilya 

para sa housing assistance, reklamo 

nila. 

Samantala, sinuportahan ng 

Partido Komunista ng Pilipinas 

(PKP) ang apela ng sambayanang 

Pilipino sa mga 

dayuhang gubyerno at sa mga 

internasyunal na ahensyang 

panaklolo at pampinansya na 

nais tumulong sa milyun-milyong 

biktima ng superbagyong 

Yolanda at iba pang kalamidad 

sa bansa na huwag idaan ang 

kanilang ayuda sa gubyernong 

Aquino. Sa halip, direkta na 

silang makipagtulungan sa mga 

organisasyong nagsasagawa ng 

gawaing rehabilitasyon sa mga 

lugar mismo. 

Kamakailan, natuklasan ng 

mga ahensyang internasyunal 

na ang mga bunkhouse (bahay 

tulugan) na itinatayo ng rehim 

e n g 

Aquino 

ay mahihina 

at 

overpriced. 

~ 


11

Taas-singil sa SSS 

at Philhealth, tinutulan 

Nagpetisyon ang Kilusang Mayo Uno 

(KMU) sa Korte Suprema noong Enero 

10 para sa Temporary Restraining Order 

(TRO) para pigilan ang pagpapatupad ng 

dagdag-singil ng Social Security System 

(SSS) sa mga myembro nito ngayong taon. 

Nagprotesta rin ang KMU-Southern Mindanao 

sa upisina ng SSS sa Davao City noong 

Enero 8. 

Nais pigilan ng KMU ang 0.6% pagtaas sa 

kontribusyon ng SSS, na mangangahulugan 

ng kontribusyong `25 o mahigit pa bawat buwan 

para sa mga manggagawang tumatanggap 

lamang ng minimum na sahod. Apektado 

rito ang 30 milyon myembro ng SSS at 

871,642 employer. Anang KMU, dagdag-pasakit 

ito ng rehimeng Aquino sa mga manggagawa 

para pigain sila at punuin ang bulsa ng 

mga kapitalista at burukrata. Idinagdag ng 

KMU na hindi na sana kailangang magtaas ng 

singil ang SSS dahil napakalaki na ng pondo 

nito at nakinabang lamang sa malalaking bonus 

ang ilang upisyal nito sa mga nakalipas 

na taon. 

Binatikos din ng KMU ang rehimen dahil 

hinahayaan nito ang pagtaas sa kabila ng 

mga protesta ng mamamayan laban sa pagtaas 

ng mga bilihin at serbisyo. 

Samantala, nagprotesta ang mga migranteng 

manggagawa sa konsulada sa Hongkong 

noong Enero 5 para tutulan ang planong pagtaas 

ng kontribusyon ng Philippine Health Insurance 

Corporation (Philhealth). Sinabi ng 

Migrante-Hongkong na iligal ang 100% pagtaas 

ng kontribusyon sa premium ng Philhealth 

dahil walang ibinigay na kautusan ang 

Philippine Overseas Employment Administration 

para mangolekta ng kontribusyon sa mga 

OFW. Sa halip, anila, na magpataw ng dagdagdag-singil 

ay taasan sana ng gubyerno 

ang badyet nito para sa kalusugan at iba 

pang batayang serbisyo, pahayag ng Migrante-Hongkong. 

Itataas ng Philhealth ang singil ng kanilang 

premium sa mga OFW mula `1,200 tungong 

`2,400 ngayong taon. Nauna na itong 

tumaas noong 2012 mula `900 tungong 

`1,200. Nagpahayag naman ang mga migrante 

sa United Arab Emirates na magsasagawa 

sila ng kaparehong pagkilos laban sa 

dagdag-singil. ~ 

Magsasaka, napatay 

sa pamamaril sa Pampanga 

Panibagong pandarahas ang nangyari sa Hacienda 

Dolores sa Porac, Pampanga kung saan nakitil ang 

buhay ng isang magsasaka. Sa Valenzuela City, isang 

organisador ng mga mamamalakaya na nagpapagamot 

dahil sa malubha niyang sakit ang iligal na inaresto kasama 

ang kanyang asawa. 

Pampanga. Napatay noong Enero 13 si Arman Padino, 

33 ayos, isang araw makaraang pagbabarilin siya 

at dalawang iba pa ng mga gwardya at armadong 

goons ng Leonardo-Lachenal Holdings Inc. (LHI) sa 

Barangay Hacienda Dolores sa Porac. Naganap ang 

madugong insidente noong umaga ng Enero 12 habang 

patungo sa kanilang sakahan sina Padino at magamang 

Noel at Reynold Tumali. Si Padino ay may tama 

ng bala ng kal .45 sa ulo. Malubha namang nasugatan 

ang mag-amang Tumali, parehong mga kasapi ng 

Aniban ng Nagkakaisang Mamamayan sa Hacienda 

Dolores (Aniban). 

Inaresto naman ng mga pulis si Antonio Tolentino, 

tserman ng Barangay Hacienda Dolores. Nakakulong 

pa rin siya sa himpilan ng pulisya sa Porac. 

Nilalabanan ng halos isang libong pamilya ang pagpapalayas 

sa kanila sa asyendang binubungkal na ng 

kanilang mga ninuno mula pa noong 1835. 

Dahil dito, may padron ng sunud-sunod na pamamaril 

at panggigipit sa asyenda noon pang nakaraang 

buwan na bumiktima na ng tatlo pang magsasaka. 

Noong Enero 8, inaresto ng mga pulis si Ener Tolentino 

habang papunta siya sa kanyang bukirin. Noong 

Disyembre 6, nasugatan si Jessel Orgas nang hagisan 

ng granada ang kanyang bahay. Nakaligtas naman sa 

tangkang pang-aatake ng mga armadong kalalakihan 

si Modesto Posadas. 

Marami nang umaangkin sa Hacienda Dolores. Noong 

panahon ng diktadurang Marcos, inangkin ito ng 

pamilyang Puyat; noong 1999, ng pamilyang Dayrit; ng 

LHI noong 2005 (298 ektarya); ng FL Property Management 

Corp. (456 ektarya); at Ayala Land (1,000 

ektarya). 

Valenzuela City. Iligal na inaresto noong gabi ng 

Enero 9 ang mag-asawang sina Joel Almonte, 56 

anyos, at Gloria Pritargue Almonte, 52 anyos. Pwersahan 

silang kinuha sa inuuwian nilang apartment ng 

mga elemento ng PNP-Intelligence Group. 

Ang mag-asawang Almonte ay mga aktibista at organisador 

sa hanay ng mga mamamalakaya sa Laguna. 

Pansamantala silang umuuwi sa Valenzuela para ipagamot 

si Almonte, na hirap nang maglakad dahil sa 

mga kumplikasyon ng diabetes. Kasalukuyang nakadetine 

ang mag-asawa sa Camp Vicente Lim sa Canlubang, 

Laguna. ~ 


ANG 

Pahayagan ng Partido Komunista ng Pilipinas 

Pinapatnubayan ng Marxismo-Leninismo-Maoismo 

Tomo XLV Blg. 2 

Enero 21, 2014 


Editoryal 

Ibasura ang EPIRA at wakasan 

ang rehimeng pahirap sa bayan 

Ang tuluy-tuloy na pagtaas ng presyo ng kuryente ay lalo pang 

nagpapabigat sa labis nang hirap na kalagayan ng mayorya ng 

mamamayang Pilipino. Mula noong Disyembre, ipinataw ng 

iba't ibang mga kumpanya sa kuryente ang malaking dagdag sa singil 

sa kuryente na labis na ikinagalit ng mamamayan. 

Pansamantala mang iniatras 

ang pagpapatupad ng malaking 

dagdag na singil sa bisa ng kautusan 

ng Korte Suprema, 

nananatiling banta sa kabuhayan 

ng mamamayan ang pagpapataw 

ng malaking dagdag na 

bayarin, hindi lamang sa kagyat, 

kundi maging sa malayo pang 

hinaharap. Habang umiiral ang 

batas na Electric Power Industry 

Reform Act (EPIRA), palagi 

na lamang pahihirapan ang 

mamamayan ng magkakakutsabang 

malalaking burgesya kumprador 

na kumokontrol sa 

produksyon, transmisyon at 

distribusyon ng kuryente. 

Nagkakaisa ang sigaw ng 

masang anakpawis: Ibasura 

ang EPIRA! Sa mahigit isang 

dekada ng pribatisasyon sa 

ilalim ng EPIRA, lalong nalugmok 

ang sambayanang Pilipino 

sa walang awat na 

pagtaas ng presyo ng kuryente. 

Ang pagsirit ng presyo 

ng kuryente ay bunga ng 

patakaran ng liberalisasyon 

na itinataguyod ng EPIRA. 

Mula nang ipatupad ang 

EPIRA, wala nang awat ang 

pagtaas ng singil sa kuryente. 

Noong 2001, ang singil ng 

Meralco ay `4.87 kada kilowatt 

hour (kwh). Pagsapit ng 2011, 

lagpas doble na ang itinaas nito 

(`10.35/kwh). Kung matutuloy, 

ang planong `4.15/kwh na pagtaas 

ng singil sa kuryente noong 

Disyembre ay magreresulta 

sa `900/buwan na karagdagang 

singil para sa pinakamabababang 

saray ng konsyumer 

ng kuryente. 

Ang singil sa kuryente sa 

Pilipinas ay kabilang sa sampung 

pinakamatataas sa buong 

mundo. 

Sa panahong ito, ginamit ang 

EPIRA upang bigyang-matwid 

ang pagpapakainutil ng reaksyunaryong 

gubyerno at ang pagtanggi 

nitong gumawa ng hakbangin 

upang ipagtanggol ang interes 

ng mamamayan laban sa 

Meralco at iba pang hayok sa tubong 

kumpanya sa kuryente. 

"Wala kaming magagawa" ang 

paboritong linya ng mga upisyal 

ni Aquino tuwing umaangal ang 

publiko sa mga petisyon ng Meralco 

para magtaas ng 

singil. 

Sa ilalim ng EPI- 

RA, pinagbabawalan 

ang gubyerno na mamuhunan 

sa pagpo-

Mga tuntunin sa paglilimbag 

1. Ang sinundang pahina, na eksaktong kopya ng pahina 1 maliban sa mas 

mapusyaw ang masthead o logo ay para sa mga gumagamit ng mimeo machine o 

naglilimbag sa paraang v-type. Idinisenyo ito para hindi madaling makasira ng istensil. 

2. Pag-print sa istensil: 

a) Sa print dialog, i-check ang Print as image 

b) Alisin ang check sa Shrink oversized pages to paper size 

k) I-click ang Properties 

d) I-click ang Advanced 

e) Tiyaking naka-set sa 100% ang Scaling 

d) Ituloy ang pag-print 

3. Hinihikayat ang mga kasama na ipaabot sa patnugutan ng AB ang anumang 

problema kaugnay ng paglilimbag sa pamamagitan ng v-type. Magpadala ng email sa 

angbayan@yahoo.com

20140121pi

Create successful ePaper yourself

Delete template?

Save as template?