Bæjarlíf janúar 2017

Bæjarlíf
1. tbl. . 17. árg. . janúar 2017
Við smíðum
þínar innréttingar
Unubakka 20 | 815 Þorlákshöfn
Sími: 483 3900 | www.fagus.is
Járnkarlinn ehf.
Vélsmiðja
Unubakka 25
Sími 483 3270
Gjöf til Líknarsjóðs Þorlákskirkju
Café Sól afhenti þann 30. desember síðastliðinn alla innkomu
Ódýra hornsins í desembermánuði til Líknarsjóðs
Þorlákskirkju. Með því vill Café Sól leggja lið því góða og
óeigingjarna starfi og hjálp sem sjóðurinn veitir í samfélaginu.
Líknarsjóðurinn hefur verið í samstarfi við Sjóðinn góða
en það er samstarfsverkefni sóknarkirkja í Árnessýslu,
Rauða krossins, félagsþjónustu Árborgar, félagsþjónustu
Árnesþings og ýmissa félagasamtaka í Árnessýslu. Þetta
samstarf hefur þann tilgang að veita aðstoð fyrir jólahátíðina
til handa þeim sem ekki eiga fyrir nauðþurftum.
Séra Baldur Kristjánsson, sóknarprestur Þorlákskirkju, tók
á móti styrknum og þakkaði kærlega fyrir hönd Líknarsjóðs
Þorlákskirkju.
Café Sól lét þó ekki nægja að láta einungis alla innkomu
desember mánaðar í Ódýra horninu duga heldur tvöfölduðu
þau upphæðina.
VRH
Kr. 9.399
SAGA ÞORLÁKSHAFNAR
er til sölu á Bæjarbókasafni Ölfuss
og Sunnlenska bókakaffinu.
Við óskum ykkur gleðilegs nýs árs og
þökkum það liðna.
Hlökkum til að sjá ykkur sem flest á
bæjarbókasafninu á nýju ári.
Kveðja frá starfsfólki bæjarbókasafnsins
SKÁLINN
Verið velkomin
Glæsileg kaffivél
með allar helstu
kaffitegundir
Breytt skipulag
meira vöruúrval
Glæsilegur nammibar
Sími
483 3801
Opnunartími:
Mánudaga til föstudaga 8-22
Laugardaga 9-22
Sunnudaga 10-22

2
Bæjarlíf, brosandi blað – 1. tölublað 2017
Gámasvæðið
við Hafnarskeið
Sími 483 3817
olfus.is
Á gámasvæði er tekið á móti flokkuðum úrgangi.
Vinsamlega gangið vel um og losið ekki úrgang
af neinu tagi utan gámasvæðis.
Sorp- og endurvinnsluflokkar á gámasvæðinu eru:
Blöð, tímarit, sléttur pappi, skrifstofupappír, bylgjupappír, raftæki smá, raftæki stór, tölvur,
tölvuskjáir, flatskjáir, ljósaperur, kælitæki, föt og klæði, garðaúrgangur, hjólbarðar,
rafhlöður, spilliefni, steinefni (gler, postulín, flísar, múrbrot og fl.), málmar, ómálað timbur,
málað timbur og grófurúrgangur s.s. dýnur, sóf ar, gólfteppi og fl. sem erfitt er að pressa.
Opnunartími gámasvæðisins:
Mánudag – fimmtudag er opið frá 15.00 – 18.00.
Breyttur opnunartími: Föstudagar frá 13.00-18.00.
Laugardagar frá 13.00 – 16.00.
Valverk ehf.
Vöruflutningar
Þorlákshöfn - Reykjavík- Þorlákshöfn - Og allt þar í kring
Ódýr og góð þjónusta alla daga
Marteinn Óli Lýsubergi 10, Þorlákshöfn. Sími: 893-0870
Ljósmynd: Marta María Bozovic í 10. bekk.
Skólalíf
Gleðilegt ár og takk fyrir það liðna!
Þessi kveðja sem hefur verið á allra
vörum síðustu daga felur í sér afar
jákvæða og kærleiksríka hugsun. Það
er ekki hægt að hugsa sér neitt betra en
að eiga samverustundir sem einkennast
af gleði.
Það er alltaf markmið okkar sem störfum
í grunnskólanum að nemendur
okk ar eigi hér sem ánægjulegastan
tíma. Við vitum að auðvitað er það
ekki raunhæft að allar kennslustundir
alla daga séu fullir af fjöri og kátínu.
Það á samt oftast að vera gaman, samskipti
eiga að vera góð og öllum á að
líða vel.
Í þessari viku hefst námsmat í skólanum.
Það er með nokkuð öðru sniði en
oft áður, einkum á unglingastigi, þar
sem ný námskrá og reglur um námsmat
eru nú smám saman að taka gildi.
Verkefnavinna, tjáning, samstarf
nemenda og hæfni á ólíkum sviðum
verður nú í meira mæli metið samhliða
þekkingu í hverri námsgrein.
Að loknum námsmatsdögum verða
hefðbundin skil í foreldraviðtölum sem
að þessu sinni fara fram fimmtudaginn
19. janúar. Þá gefst foreldrum og
nemendum kostur á að ræða við kennara
um námsmatið en einnig líðan í
skólanum og samskipti. Þá skiptir máli
að í sameiningu finni þessir aðilar leið
til að allir megi eiga í skólanum gleðilegt
ár. Á haustönn var forritið Mentor
notað í fyrsta sinn til skráningar foreldraviðtala
og verður það gert aftur
núna. Foreldrar panta þá tíma hjá umsjónarkennurum
og skrá sig þannig
sjálfir á þann tíma sem best hentar
þennan dag.
Bæjarbúar fá hér með bestu nýárskveðjur
úr grunnskólanum með von
um að bærinn okkar haldi áfram að
vaxa og dafna á árinu 2017. Atvinnulíf,
skólalíf og mannlíf fléttast saman á
fjölbreyttan hátt og býr til samfélag þar
sem lykilatriði er að sem flestum líði
vel og eigi alla jafna góðar stundir.
Gleðilegt ár!
Sigþrúður Harðardóttir
Bæjarskrifstofur Ölfuss
Hafnarbergi 1, sími 480 3800, olfus@olfus.is Opið: 9-12 og 13-16
Gunnsteinn Ómarsson bæjarstjóri, gunnsteinn@olfus.is
Guðni Pétursson bæjarritari, gudni@olfus.is
Sigurður Ósmann Jónsson skipulags- og byggingarfulltrúi, sigurdur@olfus.is
Katrín Ósk Sigurgeirsdóttir markaðs- og menningarfulltrúi, katrin@olfus.is
Bókasafn
Sími 480 3830, bokasafn@bokasafn.is
Opið alla virka daga frá kl. 12:30 til 17:30
Íbúðir aldraðra
Sími 483 3614, Sigrún Theódórsdóttir forstöðukona, sigrunth@olfus.is
Þjónustumiðstöð Ölfuss
Sími 483 3803
Davíð Halldórsson umhverfisstjóri david@olfus.is
Grunnskólinn
Sími 480 3850, skolinn@olfus.is
Guðrún Jóhannsdóttir skólastjóri, gudrun@olfus.is
Leikskólinn Bergheimar
Sími 480 3660, leikskóli@olfus.is
G. Ásgerður Eiríksdóttir leikskólastjóri, asgerdur@olfus.is
Íþróttamiðstöð Ölfuss
Sími 480 3890
Ragnar Sigurðsson íþrótta- og æskulýðsfulltrúi, ragnar@olfus.is
Hafnarvogin
Sími 480 3601, hafnarvog@olfus.is
Hjörtur Jónsson hafnarstjóri. hjortur@olfus.is
olfus.is

Bæjarlíf, brosandi blað – 1. tölublað 2017
3
9u-fréttir
Gleðilegt nýtt ár! kæru íbúar Ölfus,
hér á níunni standa yfir lagfæringar á
sal og í eldhúsi, því hefst skipulagt
félags starf ekki fyrr en með þorrablóti
á bóndadag þann 20. janúar. Síðasti
skráningardagur á Þorrablót er 13.
janúar, frekari upplýsingar er hægt að
nálgast á níunni. Stundatafla fyrir
jan–maí 2017 liggur frammi á 9-unni
ef fólk vill nálgast hana. Félagsvist
byrjar mánudagskvöldið 23. janúar kl
20:00 og verður spilað í fjögurra
kvölda lotum fram í apríl.
GHK og ST
Þorlákshafnar
prestakall
Sóknarprestur: Baldur Kristjánsson
Símar: 483 3771 og 898 0971
Netfang: bk@baldur.is (www.baldur.is)
Viðtalstími: Eftir samkomulagi
Djákni: Guðmundur Brynjólfsson
sími 899 6568 (gummimux@simnet.is)
Organisti: Miklós Dalmay
Þorlákskirkja, sími: 483 3616
Kirkjuvörður: Rán Gísladóttir, símar
483-3829 & 865-1044 (ran@olfus.is).
Hjallakirkja, sími: 483 4509
Kirkjuvörður: Sigurður Hermannsson
Formaður sóknarnefndar Þorláksog
Hjallasóknar: Hjörleifur Brynjólfsson
Strandarkirkja
Sóknarprestur svarar fyrir Strandarkirkju
ásamt neðangreindum.
Kirkjuvörður: Silvía Ágústsdóttir,
sími: 483 3910
Formaður sóknarnefndar Strandarsóknar:
Guðrún Tómasdóttir
Gleðilegt ár kæru samborgarar og
takk fyrir allt gamalt og gott.
Árið 2017 leggst alveg ágætlega í mig
og þegar ég horfi til baka þá finnst
mér árið 2016 hafa verið ansi gott.
Veðurfar var með eindæmum gott,
sumarið sólríkt og haustið fram að
jólum alveg ágætt. Vonandi verðum
við einnig heppin með veður á nýju
ári.
Áramótaball var haldið hér í bæ eftir
langt hlé og þykir það hafa tekist
mjög vel. Allir glaðir og kátir og fór
það mjög vel fram. Haukur Andri
Grímsson á hrós skilið fyrir að hafa
staðið fyrir þessu upp á sitt einsdæmi,
hann þorði að taka áhættuna.
Margir mættu taka sér þennan unga
athafnamann sér til fyrirmyndar.
Hús seljast ennþá eins og heitar
lumm ur hérna í Þorlákshöfn og er
slegist um sum húsin. Hingað hefur
flutt margt gott fólk á síðustu
mánuðum og er íbúafjöldinn
kominn yfir 2.000. Vonandi verður
farið í að byggja fleiri hús og íbúðir
því nú er lag.
Ný fyrirtæki eru líka að líta dagsins
ljós og hef ég heyrt því fleygt
að hér sé verið að fara af stað með
nýja ferðamannaþjónustu og er það
ánægjulegt að bæta við það góða
sem fyrir er.
Einnig er verið að setja upp nýtt
fiskeldi og vonandi verða þau fleiri.
Blóma- og gjafabúð að opna núna
eftir nokkra daga og margt fleira í
farvatninu.
Þorrablót 4. febrúar 2017
Ég hef heyrt að þorrablótsundirbúningur
sé farinn á fullt,
nefnd in farin að hittast og búið
að taka frá Versali laugardaginn 4.
febrúar. Búið að tala við hljómsveit
og veislustjóra og allt það.
MUNIÐ AÐ TAKA DAGINN FRÁ
OG MÆTA!!
Stóra spurningin?
Já endilega fjölmennið því ég hef
einnig heyrt því fleygt að einhverjir
vilji leggja þann góða sið niður að
blóta þorra hér í bæ því fólki hefur
farið fækkandi ár frá ári og það svari
því ekki kostnaði að halda blót. Því
bið ég ykkur kæru íbúar að íhuga
þetta, viljum við halda áfram?
Félagasamtökin sem standa fyrir
þessu í ár eru að venju Kvenfélag
Þorlákshafnar, Kiwanisklúbburinn
Ölver, Hestamannafélagið Háfeti og
Leikfélag Ölfuss. Önnur félög sem
voru með hér áður fyrr hafa gefist
upp þar sem það er yfirleitt sama
fólkið sem býður sig fram í þessi
störf og hafa ber í huga að það er
vinna að koma svona blóti á laggirnar.
Þetta er ekki hrist fram úr erminni
bara sí svona.
Okkur ber að virða það góða starf
sem þetta fólk leggur á sig fyrir okkur
hin.
Maður er manns gaman og alltaf
gaman að gleðjast með þeim sem
maður þekkir, ekki satt?
Áfram Ölfus.
Kveðja Pollýanna
Messur eru auglýstar í Bæjarlífi, Dagskránni, Sunnlenska og Morgunblaðinu.
Einnig á vef Þorlákskirkju og á vef Sveitarfélagsins Ölfuss.
Gospel
og læti í
tónum og tali
Kór Lindakirkju í Kópavogi býður til
söng- og samverustundar í Þorlákskirkju
fimmtudaginn 12. janúar 2017 kl. 20:00.
Aðgangur ókeypis
BERGVERK
Vélsmiðja I Nýsmíði I Viðgerðir
Unubakki 10-12 . Sími 893 0187
Sími 483 3993
Raflagnateikningar og tölvuviðgerðir

4
Bæjarlíf, brosandi blað – 1. tölublað 2017
Stiklað á stóru í rek
Fjárhagsáætlun
Sveitarfélagsins Ölfuss
2017-2020
Fjárhagsáætlun Sveitarfélagsins Ölfuss
fyrir árin 2017-2020 var staðfest samhljóða
af bæjarstjórn 15. desember sl.
Mikil vinna var lögð í áætlunina og
hún unnin í góðu samstarfi kjörinna
fulltrúa og forstöðumanna hjá sveitarfélaginu.
Eins og áður var farið yfir alla
tekju- og útgjaldaliði og allir stærstu
framkvæmdaþættir voru kostnaðargreindir
í ljósi fyrir liggjandi forsendna.
Árið 2016 hefur að mestu gengið
í samræmi við áætlanir og fyrirséð að
rekstrarniðurstaðan verði góð. Laun
hafa hækkað mikið á árinu en reynt
var af fremsta megni að hagræða í
rekstr inum heilt yfir og hefur það
tekist nokkuð vel. Hækkun launa almennt
styrkir útsvarsstofninn auk þess
sem búafjöldaþróun hefur verið okkur
hagfelld en slík þróun styrkir einnig
útsvarsstofninn og eflir samfélagið.
Þrátt fyrir nokkrar fjárfestingar á liðnu
ári voru engin ný langtímalán tekin.
Áform eru uppi um að fjárfesta enn
frekar á næstu árum með það að markmiði
að tryggja íbúum sveitarfélagsins
öfluga grunnþjónustu og að gera öflugt
sveitarfélag eftirsóttara til búsetu.
Verklegar framkvæmdir
árið 2016
Annar áfangi endurbóta Þorláks hafnar
var boðinn út sl. vor. Lægsta tilboð
barst frá Björgun og var áætlað að upphaf
framkvæmda yrði síðla sumars.
Verktakinn kom með búnað sinn á
svæðið í lok ágúst en þegar hefja átti
framkvæmdir kom í ljós alvarleg bil un
í gröfuprammanum. Framkvæmdir
hafa því dregist nokkuð en hefjast
um nú strax eftir áramótin. Í þessum
áfanga verður höfnin fulldýpkuð, það
sem eftir stendur af Norðurvararbryggjunni
verður rifið og endinn af
gamla sjóvarnargarðinum í innsiglingunni
verður fjarlægður.
Í byrjun árs keypti sveitarfélagið
Selvogsbraut 4 í Þorlákshöfn. Unnið
hefur verið að nauðsynlegu viðhaldi
á húsinu og hefur ásýnd þess í
götumynd inni tekið stakkaskiptum.
Nokkur áhugi hefur verið sýndur á
húsinu og vonir standa til að blómleg
starfsemi verði komin í húsið áður en
langt um líður.
Byggt var við eldhúsið á leikskólanum
Bergheimum í Þorlákshöfn. Nýja
viðbyggingin hýsir m.a. vörumóttöku
og lager eldhússins. Vel tókst til með
bygginguna en aðstaðan gerbreytir
allri vinnuaðstöðu í eldhúsinu til hins
betra.
Í Hveragerði hófust framkvæmdir
við nýjan leikskóla. Leikskólinn mun
standa við Þelamörk 62 og verður
hann 6 deilda en byggingin verður um
1.100 m2 fullbúin. Gert er ráð fyrir
því að börn frá 12 mánaða aldri muni
fá aðgang að leikskólanum. Leikskólinn
Undraland, sem er þriggja deilda,
mun verða lagður niður en húsið
mun í framtíðinni hýsa frístundaskóla
fyrir börn í Grunnskóla Hveragerðis.
Sveitar félagið Ölfus á 9% hlut í leikskólum
í Hveragerði og hafa börn úr
dreifbýli Ölfuss jafnan aðgang að leikskólunum
og Hvergerðingar.
Sveitarfélagið Ölfus eignaðist landið
undir íbúðabyggðinni í Gljúfurárholti
á árinu og alla innviði, s.s. götur,
stíga , lýsingu og veitur. Með eflingu
þjónustu við íbúa í Hveragerði tengt
skólamálum skapast mikil tækifæri til
frekari uppbyggingar í Gljúfurárholti.
Ný traktor var keyptur fyrir Þjónustumiðstöð
Ölfuss. Þetta er lítill traktor
sem nýtist vel í snjómokstri á gangstígum
og í sumarsláttinn. Almennt
var góður rómur gerður að umhirðu
bæjarins sl. sumar en mikið var
gróðursett af trjám og opin svæði voru
grædd upp, m.a. fyrirhugað tjaldsvæði
fyrir gesti á Unglingalandsmóti um
verslunarmannahelgina árið 2018.
Góður tækjabúnaður má segja að sé
forsenda til að halda bænum snyrtilegum.
Aðsókn að tjaldsvæði Þorlákshafnar
hefur aukist mikið síðustu sumur en
sl. sumar má segja að alger sprenging
hafa orðið. Aðstaðan á svæðinu hefur
verið byggð upp ár frá ári en á árinu
var byggð snyrtileg aðstaða til móttöku
rusli og til að losa ferðasalerni. Ekki
er við öðru að búast en að áfram fjölgi
gestum á svæðinu og verður áfram
unn ið að uppbyggingu þess á komandi
ári. Íþróttasalurinn í íþróttamiðstöð
Þorlákshafnar fékk andlitslyftingu í
sumar þegar gólfið var slípað og lakk að
og merkt upp á nýtt. Knattspyrnuvellirnir
voru stækkaðir og nú er æfingasvæðið
orðið ein heild. Stórt og gott
knattspyrnusvæði er ein mikilvægasta
aðstaða unglingalandsmóta. Svæðið
er orðið hið glæsilegasta og tilbúið
til að taka á móti Unglingalandsmóti
2018.
Áfram var unnið við endurbætur á
golfvellinum í Þorlákshöfn í sumar
og verður þeim haldið áfram á næstu
árum. Vegna mikils ágangs sands
voru tvær brautir
lagðar af og nýjar
braut ir teknar
í notkun í þeirra
stað. Áform aðar
eru breytingar á
vell inum til að
gera hann enn
eftir sóknarverðari
og skemmtilegri.
Unn ið er eftir
hönn un og skýrslu
Edwins Roald
golfvallahönnuðar.
Skrúðgarðurinn
í Þorlákshöfn var
vígður með formlegum
hætti 17.
júní. Garðurinn
er allur hinn glæsilegasti
og góður
rómur hefur verið
gerður að þeim
endurbótum sem
á honum hafa
verið gerðar bæði
af heimamönnum
og fólki sem
sækir Þorlákshöfn
heim. Við vígsluna
var afhjúpaður
minnisvarði um hið merkilega grasrótarstarf
Kvenfélags Þorlákshafnar
við gerð skrúðgarðs í Þorlákshöfn.
Það er óhætt að segja að garðurinn sé
sannkölluð bæjarprýði.
Listinn sem hér er talinn upp er ekki
tæmandi en varpar ágætu ljósi á þær
fjárfestingar sem ráðist var í á árinu
2016.
Vikulegar ferjusiglingar
milli Þorlákshafnar og
Rotterdam
Markmiðið með endurbótum Þorlákshafnar
hefur m.a. verið það að koma
á reglubundnum millilandasiglingum
með vörur.
Það er mikið fagnaðarefni fyrir okkur
að þetta sé að verða að veruleika. Má
með sanni segja að tilkynning Smyrilline
cargo um að félagið hafi keypt skip
og muni hefja vikulegar siglingar milli
Þorlákshafnar og Rotterdam í apríl
2017 sé stærsta frétt ársins í okkar
samfélagi.
Verkefnið eitt og sér mun stór efla
rekst ur hafnarinnar og stuðla að fjölgun
starfa hjá okkur. Afleidd tækifæri
vegna verkefnisins eru hins vegar
gríðarleg og ekki er nokkur vafi á
því að fjölmargir eiga eftir að nýta
sér þau til uppbyggingar á svæðinu.
Það verður spennandi að fylgjast
með og taka þátt í þróuninni á næstu
misserum og árum.
Uppbygging í fiskeldi og
ferðaþjónustu
Töluverð uppbygging hefur verið í
sveitarfélaginu á árinu og segja má
að uppgangur hafi verið í fiskeldi og
ferða þjónustu.
Laxar fiskeldi ehf. hófu starfsemi í
sveitarfélaginu á árinu, keyptu og
endurbættu seiðaeldisstöðvar að
Fiskalóni og Bakka í Ölfusi og hófu
framkvæmdir við byggingu stórrar
seiðaeldisstöðvar við Laxabraut í Þorlákshöfn.
Félagið mun starfrækja eldi
á laxi í sjókvíum á Austfjörðum en öll
seiði félagsins munu verða alin í Ölfusi.
Þegar hafa ný störf skapast vegna
þessa og mun ef áform ganga eftir
fjölga í næstu framtíð. Fleiri hafa sýnt
svæðinu áhuga með fiskeldi í huga og
unnið er að skipulagi við Laxabraut
fyrir uppbyggingu fiskeldisstöðvar
og hugmyndir eru uppi um stækkun
þeirra stöðva sem þegar eru í rekstri.
Áformaðar eru hótelbyggingar í
Hveradölum, á Óseyrartanga og í
Þorláks höfn. Hugmyndir eru reyndar
víðar uppi um uppbyggingu gistirýmis
og ánægjulegt til að vita að Ölfus sé að

Bæjarlíf, brosandi blað – 1. tölublað 2017
5
stri sveitarfélagsins
stimpla sig rækilega inn á ferðaþjónustukortið.
Fyrirtækið Raufarhóll
hefur tekið Raufarhólshelli á leigu og
mun hefja skipulagðar ferðir í hellinn
á næstunni. Fyrirhugað er að setja upp
aðstöðu fyrir móttöku ferðamanna og
leggja meðal annars stíg inn í hellinn
og koma fyrir ljósabúnaði. Þau áform
sem kynnt hafa verið eru áhugaverð
og væntingar standa til að þetta muni
enn frekar efla ferðaþjónustu í sveitarfélaginu.
Íbúum fjölgar
Fjölgun íbúa hefur verið umtalsverð á
árinu og raunar hefur hún verið nokkuð
mikil frá árinu 2015. Árið 2015
fjölgaði íbúum 3,8%, fóru úr 1.885 í
1.956 og er það langt umfram landsmeðaltal
sem var 1% á sama tíma.
Íbúum hefur haldið áfram að fjölga á
árinu 2016 og er íbúatalan komin yfir
2.000 en það er í fyrsta skipti í sögunni
sem íbúafjöldinn nær yfir tvö þúsund
um áramót.
Sala fasteigna í Þorlákshöfn tók
mikinn kipp á árinu og er nú búið í
flestum þeim húsum sem áður stóðu
auð, sum hver í mörg ár og öðrum er
verið að koma í lag. Hús sem verið
hafa í langan tíma á byggingarstigi
hafa verið kláruð og því hefur töluverður
fjöldi nýrra íbúða komið inn á
húsnæðismarkaðinn. Þrátt fyrir það
er húsnæðisskortur
í Þorlákshöfn og þá
sérstaklega hvað
varðar leiguhúsnæði.
Vonandi
sjá aðilar sem eiga
og reka leiguhúsnæði
tækifæri í því
byggja í Þorlákshöfn
á komandi ári.
Síðari hluta ársins
hefur nokkru
magni af lóðum
verið úthlutað og
töluvert er spurst
fyrir um lóðir.
Fjárfest fyrir
nærri 600
milljónir
króna
Ráðist verður
í miklar framkvæmd
ir af hálfu
sveitarfélagsins
árið 2017 en alls er
gert ráð fyrir fjárfestingum
innan
samstæðunnar að
fjárhæð 582,8 m.kr.
Elsta bygging eikskólans Bergheima
verður endurnýjuð og stækkuð. Gert
er ráð fyrir tveimur deildum í byggingunni,
samkomusal og góðri kennsluaðstöðu.
Þegar aðstaðan verður tekin
í notkun verður aldursinntökuviðmið
fært til 18 mánaða aldurs úr 24.
Áfram verður unnið að byggingu nýs
leikskóla fyrir dreifbýli Ölfuss í Hveragerði
í samvinnu við Hveragerðisbæ.
Undirbúningur að stækkun og endurbótum
íþróttahúss, sem hýsa mun m.a.
fyrirhugaða fimleikaaðstöðu, mun
hefj ast á árinu og nýir heitir pott ar
verða gerðir við sundlaugina í Þorlákshöfn.
Aðstaða á tjaldsvæði verður
bætt enn frekar, s.s. með stækk un á
hreinlætisaðstöðu. Afgirtu hundasleppisvæði
verður komið upp sem
hundaeigendur flestir eiga vonandi
eftir að nýta sér. Markmiðið er að ný
móttöku- og flokkunarstöð verði risin
í Þorlákshöfn fyrir árslok en flestir
geta fallist á það að núverandi aðstaða
er orðin fremur lúin svo ekki sé dýpra
í árinni tekið.
Vegna uppbyggingar í Þorlákshöfn
verður töluverðu fjármagni varið til
uppbyggingar umferðarmannvirkja
auk þess sem bæta á aðgengi gangandi
fólks að Hafnarnesvita og Skötubót.
Ákveðið hefur verið að auka
forða dreifbýlisvatnsveitunnar Berglindar
og verða nýjar holur boraðar
á vestur hluta veitusvæðisins. Þess er
vænst að framkvæmdin muni bæta
afhendingar öryggi veitunnar verulega
frá því sem nú er.
Á árinu var undirritaður samningur
við Lýsi um lokun fiskþurrkunarverksmiðju
félagsins við Unubakka
í Þorlákshöfn. Skipulagt hefur verið
iðnaðarsvæði vestan Þorlákshafnar
og vonir standa til að Starfsemi Lýsis
í Þorlákshöfn verði flutt þangað í
myndarlega aðstöðu. Tekin verður
ákvörðun fyrir lok mars 2017 hvort
af flutningi verður og ef sú verður
niðurstaðan mun sveitarfélagið fjárfesta
í innviðum hins nýja iðnaðarsvæðis,
s.s. götum og veitum.
Verulegar framkvæmdir verða við
höfnina í samstarfi við Vegagerðina.
Vegna ferjusiglinga verður að
byggja upp ferjuramp til viðbótar
við endur bótaframkvæmdina sem
þegar er í gangi. Hafnarsvæði mun
taka einhverj um ásýndarbreytingum
því útbúa þarf afgirt svæði með eftirlitsmyndavélum
til að þjónusta skipið.
Höfnin verður öll dýpkuð í 8 m.,
Norðurvararbryggja rifin og endinn af
gamla sjóvarnagarðinum í innsiglingunni
verður fjarlægður. Með þessu
verður til athafna- og snúningssvæði
fyrir stærri skip og bætt aðstaða fyrir
alla þá umferð sem um höfnina fer.
Miklar vonir eru bundnar við fjölgun
atvinnutækifæra og aukna þjónustu
með eflingu hafnarinnar á næstu árum
en nýtt skipulag er í vinnslu fyrir hafnarsvæðið
og uppland hafnarinnar.
Skuldahlutfallið verður
99%
Allar framkvæmdir síðustu ára hafa
verið fjármagnaðar af eigin fé sveitarfélagsins
og því hafa engin lán verið
tekin sem auka skuldbindingar. Vegna
stórra fjárfestingaráforma á árinu 2017
er gert ráð fyrir því að tekin verði ný
langtímalán að fjárhæð 300 m.kr. Þrátt
fyrir slíka lántöku er gert ráð fyrir því
að skuldahlutfall sveitarfélagsins fari úr
95,9% í 99% og reiknað skuldaviðmið
samkvæmt sveitarstjórnarlögum verði
í lok árs 2017 89,6%. Slík niðurstaða er
vel innan þeirra opinberu marka sem
sett eru en lögboðið hámark er 150%.
Á næstu árum er svo áætlað að skuldaviðmiðið
lækki ár frá ári.
Áframhaldandi öflugur
rekstur og björt framtíð
Almennt er ekki gert ráð fyrir verulegum
breytingum á rekstri sveitarfélagsins
á árinu 2017 samanborið við
fyrra ár. Helstu sjáanlegar breytingar
eru aukin umsvif í rekstri hafnarinnar
með tilkomu Mykines, ferju Smyrilline
cargo. Áfram verður áhersla lögð
á kynningarmál, viðhald fasteigna og
umhverfismál í Þorlákshöfn sem vel
tókst til með árið 2016. Undirbúningur
Unglingalandsmóts 2018 verður
áfram í öndvegi og er þess að vænta
að mótssvæðið verði allt hið glæsilegasta
en undirbúningur í tíma er ákaflega
mikilvægur svo vel til takist. Ný
heima síða sveitarfélagsins verður tekin
í gagnið í byrjun árs en með henni
mun t.a.m. rafræn stjórnsýsla eflast.
Skv. þriggja ára áætlun 2018-2020 er
áhersla lögð á uppbyggingu innviða,
s.s. gatna og veitna. Kemur það til
vegna uppbyggingar á iðnaðarsvæðum
í Þorlákshöfn og eins vegna eflingar
dreifbýlisvatnsveitunnar Berglindar.
Leiksvæði í Búðahverfi verður klárað
2018, unnið verður að bættri ásýnd
við innkomu í bæinn, settir verða
upp strandblakvellir og unnið verður
að aðstöðusköpun fyrir Unglingalandsmót
2018. Áfram verður fjárfest
í leikskólum í Hveragerði. Áætlað er
að fullklára viðbyggingu við íþróttahúsið
en samhliða stækkuninni verður
loftræsting og lýsing í íþróttahúsi
bætt. Ný aðstaða verður með áherslu
á fimleika en farið verður vandlega
yfir þarfagreiningu í samstarfi við
íþrótta félögin í hönnunarferlinu. Bætt
aðstaða mun fjölga tímum í íþróttahúsinu
fyrir iðkendur allra deilda. Framkvæmdin
mun eiga sér stað á árunum
2017 og 2018 ef áætlunin gengur eftir.
Haldið verður áfram með endurbætur
hafnarinnar en gert er ráð fyrir því að
ný stálþil verði sett við Svartaskers- og
Suðurvararbryggjur á árunum 2018 og
2019.
Grunnstoðir samfélagsins eru sterkar
nú þegar og munu eflast enn frekar á
næstu árum. Okkar sterku innviðir,
s.s. skólar og íþróttaaðstaða og allt það
blómlega starf sem þar fer fram, eiga
eftir að hjálpa mikið til þegar kemur
að ákvarðanatöku einkaaðila um fjárfestingu
í sveitarfélaginu. Á það hvort
tveggja við um uppbyggingu og fjárfestingu
í atvinnutengdri starfsemi og
íbúðarhúsnæði því það er staðreynd að
öflugt samfélag dregur að sér fólk og
fyrirtæki.
Þorlákshöfn í desember 2016.
Gunnsteinn R. Ómarsson, bæjarstjóri.

6
Bæjarlíf, brosandi blað – 1. tölublað 2017
olfus.is
Laus er til umsóknar staða leikskólastjóra
í Bergheimum í Þorlákshöfn
Í Bergheimum eru í dag tæplega 90 börn á fimm deildum. Þar er hátt hlutfall leikskólakennara og stöðugleiki hefur verið
í starfsmannahaldi. Leikskólinn er Grænfánaskóli þar sem starfsfólk og börn vinna í sameiningu að umhverfismálum.
Húsnæði leikskólans og aðbúnaður er góður og einstaklega gott útileiksvæði er fyrir börnin. Á síðasta ári vann leikskólinn
fjölmenningarverkefnið „Gaman saman“ þar sem unnið var að því að styrkja samskipti við foreldra barna af
erlendum uppruna. Gott samstarf er við grunnskólann sem er í næsta húsi og einnig nýtur leikskólinn nálægðar við
fjölbreytta og góða íþróttaaðstöðu. Sveitarfélagið Ölfus hefur sinnt skólamálum af miklum metnaði og hlaut á dögunum
viðurkenningu fyrir að styðja vel við starfsfólk í leikskólakennaranámi. Mikilvægt er að leikskólastjóri sé tilbúinn að
viðhalda þeim jákvæða og góða skólabrag sem hefur einkennt starf leikskólans. Leitað er að metnaðarfullum einstaklingi
sem býr yfir þekkingu og skýrri sýn á leikskólastarf og veitir faglega forystu til framtíðar þar sem tekið er tillit til
mismunandi þarfa, áhuga og getu barna. Gott samstarf er við aðra leikskóla í Árnesþingi m.a. með samráðsfundum
leikskólastjóra.
Meginhlutverk leikskólastjóra er að:
• Vera faglegur leiðtogi og móta framtíðarsýn
í samræmi við skólastefnu
sveitarfélagsins, aðalnámskrá leikskóla
og lög um leikskóla.
• Stýra og bera ábyrgð á rekstri og
daglegri starfsemi leikskólans.
• Bera ábyrgð á starfsmannamálum s.s.
ráðningum, starfsþróun og vinnutilhögun.
• Bera ábyrgð á samstarfi við aðila
skólasamfélagsins.
Menntunar- og hæfniskröfur
• Leyfisbréf sem leikskólakennari og
kennslur eynsla í leikskóla.
• Viðbótarmenntun í stjórnun
menntastofn ana og reynsla af stjórnun
æskileg.
• Góðir skipulagshæfileikar og færni í
áætlana gerð og fjármálastjórnun.
• Færni í starfsmannastjórnun.
• Lipurð og hæfni í samskiptum.
• Sveigjanleiki, víðsýni og áhugi á
þróunarstarfi.
Með umsókn skulu fylgja nöfn tveggja umsagnaraðila sem og greinargerð um störf, menntun og stjórnunarreynslu
umsækjanda. Einnig komi fram hugmyndir hans um leikskólastarf og hvernig hann sér starfsemi leikskólans Bergheima
undir sinni stjórn. Tilgreina skal þau verkefni sem viðkomandi hefur unnið að og varpað geta ljósi á færni hans
til að sinna starfi leikskólastjóra.
Ráðið verður í stöðuna frá og með 1. mars 2017 eða eftir samkomulagi. Umsækjendur skili inn umsókn á netfangið
gunnsteinn@olfus.is fyrir þriðjudaginn 24. janúar 2017. Konur jafnt sem karlar eru hvött til að sækja um.
Laun eru samkvæmt kjarasamningi KÍ og launanefndar sveitarfélaga
Nánari upplýsingar um starfið veita Gunnsteinn R. Ómarsson bæjarstjóri, gunnsteinn@olfus.is, og Guðni Pétursson
bæjarritari, gudni@olfus.is, s: 480-3800

Bæjarlíf, brosandi blað – 1. tölublað 2017
7
Eins og venja er verður feðrum og
öfum boðið í þorramat á bóndadaginn
20. janúar. Maturinn hefst kl. 11.30
væri gaman að sjá sem flesta. Í boði er
allur almennur þorramatur m.a hákarl,
slátur, harðfiskur og fleira. Börnin búa
sér til þorrahatta til að vera með á þessum
degi. Föstudaginn fyrir konudaginn
verður svo mæðrum og ömmum
boðið í heimsókn.
að taka þátt í þessu verkefni og er upplagt
fyrir fólk að fara með umslögin af
jólakortunum í Pósthúsið. Tónlistarskólinn
og Félag eldriborgara halda
áfram að koma í sínar mánaðarlegu
heimsóknir.
Með nýárskveðju
Dagný aðstoðarleikskólastjóri
Bergheimalíf
Gleðilegt nýtt ár og takk fyrir það
gamla.
Árið 2016 er liðið og nýtt ár 2017 er
gengið í garð, sem verður vonandi jafn
fjölbreytt og skemmtilegt ár og það
síðasta í Bergheimum. Í janúar eru
fast ar venjur eins og foreldraviðtalsdagur
er þriðjudaginn 17. janúar og þá
mæta foreldrar í foreldraviðtal á fyrirfram
gefnum tíma sem deildarstjóri
er búin að úthluta hverjum og einum.
Miðviku daginn 18. janúar er starfsdagur
án nemenda, á þessum starfsdegi
fara allir kennarar og leiðbeinendur á
hin ýmsu námskeið.
Margrét Thorarensen lét að stöfum
núna í desember, Magga eins og hún
er alltaf kölluð var búin að vinna í
Bergheimum í næstum 19 ár og síðast
á Álfaheimum. Við þökkum Möggu
fyrir gott samstarf á þessum árum og
óskum henni velfarnaðar í framtíðinni.
Þau verkefni sem voru í gangi fyrir jól
halda áfram núna eftir jól, meðal annars
að safna frímerkjum og fara með
þau á pósthúsið. En Pósturinn sendur
þau áfram í flokkun og gerir úr þeim
verðmæti sem eru notuð til þess að
hjálpa fátækum börnum og fullorðnum
í Afríku. Hvet ég alla íbúa Ölfuss til
FAGFORM
SKILTAGERÐ
Söfnun jólatrjáa í Þorlákshöfn
olfus.is
Dagana 10. og 11. janúar munu starfsmenn
Þjónustu miðstöðvar annast hirðingu jólatrjáa í
bænum. Þeir bæjarbúar sem vilja nýta sér
þessa þjónustu eru vinsamlega beðnir um að
setja jólatrén út fyrir lóðar mörk fyrir þann tíma
og ganga þannig frá þeim að þau geti ekki
fokið og valdið tjóni.
Einnig geta íbúar losað sig við jólatrén á
gámasvæði Sveitarfélagsins Ölfuss á opnunartíma.
Flugeldar – Hreinsun og förgun
Mikið rusl fellur til um áramót þegar tonnum af
flugeldum er skotið á loft. Við hvetjum íbúa til
að sýna gott fordæmi og hreinsa upp eftir sig
og koma í förgun á gámasvæði Sveitarfélagsins.
Ef sem flestir gefa sér tíma í það á nýja
árinu að fegra nærumhverfi sitt og aðstoða þá
komum við bænum í gott horf fljótt og örugglega
að áramótunum liðnum.
Frá þrettándagleði 2017. KÓS.
Davíð Halldórsson umhverfisstjóri

8 Bæjarlíf, brosandi blað – 1. tölublað 2017 SÍMI
PIZZERIA
GRILL | BAR
HEIMILISMATUR
Í HÁDEGINU
Selvogsbraut 41 | 815 Þorlákshöfn
483 5950 / 892 2207
OPIÐ
ALLA DAGA
frá kl. 11:30 - 21:00
YFIRHEYRSLAN
Tölvuviðgerðir
7. Hvað fær þig til að hlægja?
Ég hef einfaldan smekk og er
ekki vaxin upp úr prumpu og
kúkabröndurum missi mig enn
yfir þeim. (sbr. Brúnegg beint frá
bónda í áramótaskaipinu )
Sími 483 3993
Hrönn Guðmundsdóttir
1. Hvernig ertu núna?
Bara góð, ef ég væri betri þá væri ég
verri!
2. Hvað er það fyndnasta sem þú
hefur lent í?
Það er þegar ég sagði no thank you
við heyrnalausa sölumanninn.
3. Hvað myndir þú aldrei gera?
Kjósa sjálfstæðisflokkinn.
4. Uppáhalds staður?
Unaðsreiturinn okkar upp á fjalli.
Þorlákshöfn blasir við og ég get fylgst
með lífinu þar í gegnum kíki.
5. Í hvern hringir þú oftast
og af hverju?
Í systir mína oft til að blása og fjasa
yfir fólkinu okkar.
6. Skór eða skartgripir og af hverju?
Eiginlega hvorugt kaupi skóg ef ég
nauðsinlega þarf og nota oft skó sem
aðrir eru búnir að ganga til. Ég hef
einu sinni keypt mér hálsmen og
týndi því fljótlega.
8. Uppáhaldshlutur?
Flóra Íslands eftir Eggert Pétursson
algjört listaverk.
9. Neyðarlegasta augnablikið?
Þegar ég fékk þýskan unglingspilt
ofan í sundbolinn minn um
leið og ég lenti í lauginni eftir
góða salibunu í sundrennibraut
um árið og var alveg í tætlum
þegar ég skjögraði upp úr lauginni
;) veit ekki hvort strákgreyið
er búin að jafna sig..
10. Hefurðu hent einhverju sem
þú sérð rosalega eftir?
Nei það er aðal löstur minn ég
hendi aldrei neinu. Þú getur
spurt Höbbu dóttur mína ;)
Ég skora á Hákon Hjartarson að
svara næst
Bæjarlíf þakkar
Hrönn Guðmundsdóttur
fyrir þátttökuna.
Raflagnateikningar og tölvuviðgerðir
VELKOMIN
Í ÍÞRÓTTA-
MIÐSTÖÐINA
Í ÞORLÁKSHÖFN
SÍMI 480 3890
Eru meindýrin að angra þig?
Sími:
892-0502
Gunnar Þór Hjaltason
meindýraeyðir, Bjarnastöðum Ölfusi
Bæjarlíf
brosandi blað!
Bæjarlíf – óháð blað frá 2001
Ritstjórn og ábyrgð:
Róbert Karl Ingimundarson; robert@baejarlif.net
Stefán Þorleifsson; stebbi@baejarlif.net
Útgefandi: RS-útgáfan
Heimasíða: www.baejarlif.net
Netfang: baejarlif@gmail.com
Blaðinu er dreift ókeypis á öll heimili
Sveitar félagsins Ölfuss. Upplag: 1000 eintök.
Skilafrestur í næsta blað:
Fös. 27. janúar 2017
Útgáfudagur:
Mið. 1. febrúar
baejarlif@gmail.com