Bæjarlíf maí 2017

6
Bæjarlíf, brosandi blað – 5. tölublað 2017
Aprílmánuður var líflegur hjá okkur
í Grunnskólanum í Þorlákshöfn
þó hefð bundið páskafrí hafi auðvitað
stytt hann talsvert. Dagana 4.-7.
apríl var fríríkið Þorpið starfrækt í
skólanum og var það mikið tilhlökkunarefni
hjá nemendum og starfsfólki.
Fyrir þá sem ekki þekkja til starfsins
í Þorpinu er gaman að segja frá því
að þá er öllu skólastarfi umturnað og
fyrirtæki af ýmsu tagi sett á laggirnar.
Gjaldmiðill inn ,,þollari“ er tekinn í
gagnið og bankinn í Þorpinu borgar
starfsmönn um (nemendum) laun
fyrir vinnuna. Fjórir dagar eru teknir
í verkefnið en síðasti dagurinn er
uppskerudagur. Þá eru afurðir vinnunnar
seldar, selt inn á viðburði og
kaffihús starfrækt. Þennan dag myndast
skemmtilegur þorpsbragur í skólanum
þar sem foreldrar, afar, ömmur
og aðrir gestir mæta á staðinn.
Flestir fara í bankann og kaupa sér
þollara fyrir íslenskar krónur og fara
síðan um Þorpið og versla. Skartgripagerð,
kertagerð, fiskvinnsla,
lista smiðja, saumastofa og bakarí eru
dæmi um fyrirtæki í Þorpinu auk þess
sem fréttablaðið Þorparinn er gefið
Skólalíf
út og útvarpsstöð starfrækt. Starfsfólk
stöðvanna er á ýmsum aldri og
hjá sumum fyrirtækjum störfuðu
nemendur úr öllum árgöngum saman
í sátt og samlyndi, þeir eldri hjálpuðu
þeim yngri og allir fengu hlutverk
við hæfi. Þorpsverkefnið gekk mjög
vel í ár, en þetta er í þriðja sinn sem
það er unnið. Stefnt er að því að halda
því fyrirkomulagi sem verið hefur,
að hafa Þorpið annað hvert skólaár á
vordögum.
Í vetur hefur gott samstarf verið
milli leikskólans Bergheima og
grunnskólans og hafa gagnkvæmar
heimsóknir elstu deildar Bergheima
og 1. bekkjar grunnskólans verið
reglu legar í vetur. Hóparnir hittust
nú í byrjun apríl ásamt kennurum
sínum og héldu nokkurs konar uppskeruhátíð.
Sungin voru nokkur lög,
spjallað, leikið og boðið var upp á
kleinur og djús. Þetta var hin besta
skemmtun og góður endir á góðum
vetri.
Skólapúlsinn er tæki sem notað er
við mat á skólastarfi grunnskólans.
Nemendur 6. – 10. bekkjar taka þátt
í skólapúlsinum, svara spurningum
varðandi skólastarfið, námið og líðan.
Út frá niðurstöðum er svo reynt að
bæta það sem betur má fara. Sambærileg
foreldrakönnun hefur verið
tekin annað slagið og einnig starfsmannakönnun.
Kannanir allra þriggja
hópanna voru teknar í vetur og þegar
þetta er ritað er verið að vinna úr þeim
síðastnefndu.
Um næstu mánaðamót mun sveitarfélagið
taka upp samstarf við fyrirtækið
Vinnuvernd og fengu starfsmenn
skólans kynningu á því samstarfi í
byrj un apríl. Einnig fengum við árvissa
heimsókn frá ljósmyndara sem
myndaði 1., 6. og 10. bekk.
Síðustu vikuna í apríl fór 7. bekkur í
skólabúðir að Reykjum í Hrútafirði,
en það hefur verið árviss viðburður í
skólanum frá upphafi skólabúðastarfsemi
þar. Þessi ferð er ávallt mikið
tilhlökkunarefni og undirbúningur
tekur a.m.k. eitt ár, enda safna krakkarnir
fyrir ferðinni með ýmsu móti.
Ferðin gekk vel í ár og krakkarnir
skóla sínum og heimilum til mikils
sóma.
Innilegar sumarkveðjur sendum við úr
Grunnskólanum í Þorláks höfn
til Ölfusinga allra.
Sigþrúður Harðardóttir
Bergheimalíf
Í byrjun apríl var okkar árlega íþróttasýning
gekk hún mjög vel, börnin voru
dugleg að taka þátt í æfingum og sýndu
á sér sínar bestu hliðar. Við starfsfólkið
erum mjög stolt af börnunum og vonum
við að gestir haft haft jafn gaman að
þessu og við. Takk fyrir komuna þið
sem sáuð ykkur fært að mæta.
Í apríl fengum við góða gesti í heimsókn
eða um miðjan apríl komu þær
Jóna og Ellen frá Félagi eldriborgara og
lásu fyrir börnin á Tröllaheimum.
Síðustu vikuna í apríl kom lögreglan og
var með eftirlit með notkun öryggisbúnaðar
á bílastæði leikskólans. Að eftirliti
loknu komu lögregluþjónarnir og
heilsuðu uppá börnin. Vöktu búningar
þeirra og aukabúnaður mikla athygli,
þeir fóru á allar deildir og gáfu sér
góðan tíma til þess að spjalla við börnin
og svara forvitni þeirra. Þessa sömu
viku fengum við líka heimsókn frá tónlistarskólanum
en þá kom Kristinn
gítarkennari með tvo nemendur þær
Önnu Laufeyju og Huldu Vöku. Kristinn
fræddi börnin um gítarinn og
ýmislegt sem honum fylgir, þau spiluðu
öll fyrir okkur á gítar og í lokin fengu
allir að syngja með. Þökkum við öllu
þessu góða fólki fyrir komuna.
Í lok apríl var útskrift elstu barnanna,
foreldrafélagið bauð börnunum út að
borða á Hendur í Höfn ásamt kennurum
deildarinnar. Börnunum þótti
spennandi að fara á veitingarstað að
borða og ekki spillti fyrir að fá líka flottar
veitingar. Leikskólinn færði börnunum
kveðjugjöf og þau fengu einnig
útskriftarplagg, þetta er alltaf hátíðleg
og skemmtileg stund.
Að venju verður farið í hesthúsin í maí
til að skoða nýfædd lömb, kindur, hesta ,
og fleiri dýr sem verða á vegi okkar.
Hver deild skipuleggur sína ferð og
verða valdir dagar sem vel viðrar til að
fara í þessar ferðir. Laugardaginn 20.
maí verður vorhátíð foreldrafélagins,
auglýst nánar síðar. Með hækkandi sól
fara nemendur leikskólans að fara í
meira mæli í göngu- og vettvangsferðir
og viljum við biðja ökumenn að sýna
börnunum þá virðingu að stöðva bíla
sína við gangbrautir ef þau þurfa yfir.
Það ber mikið á því að fólk vill láta bíla
sína renna hægt á meðan börnin fara
yfir en við getum ekki kennt litlum
börn um að fara yfir götu nema að bílar
stöðvi. Það er mikilvægt að kenna
börn unum umferðareglunar og þær
hættur sem þar eru og biðjum við ykkar
að aðstoða okkur við það.
Við viljum benda fólki á að hægt er að
sækja um leikskólapláss fyrir börn daginn
sem þau verða ársgömul.
Kveðja
Elsa aðstoðarleikskólastjóri