Makivik Magazine Issue 104
Create successful ePaper yourself
Turn your PDF publications into a flip-book with our unique Google optimized e-Paper software.
ᐊᕙᑎᕗᑦ:<br />
ᓄᓇᕕᒻᒥᐅᑦ ᐳᕐᑐᓂᕐᓴᒥᒃ ᐃᓕᓐᓂᐊᑏᑦ<br />
ᐃᑲᔪᕐᓯᖃᑕᐅᕗᑦ ᑲᒪᓇᓱᖃᑕᐅᓂᒃᑯᑦ<br />
ᓯᓚᐅᑉ ᓂᕈᒥᓐᓂᖓᑕᓗ ᓂᓪᓚᑕᕐᓂᖓᑕᓗ<br />
ᐊᓯᑦᔨᕙᓪᓕᐊᓂᖏᓐᓂᒃ<br />
ᐊᓪᓚᑕᖏᑦ ᔪᔅᓰ ᔨᕃᓐ-ᓚᔾᔪᐊᑉ, ᐃᒥᓕ ᐃᐱᐊᕐ-ᐆᓪ, ᐄᕝ ᑰᑦᓯᐄ, ᐃᐊᔅᑕ ᓕᕓᒃ,<br />
ᔨᔅᓓᓐ ᓵᒻᓴ, ᒧᓐᓃᒃ ᐱᐊᕐᓃ, ᒥᔅᓯᐊᓪ ᐊᓛ ᓯᐊᕋ ᐅᐯ-ᒥᔅᓲᓪᓗ<br />
ᑐᓴᓚᐅᕐᓯᒪᕖᑦ ᐊᕙᑎᕗᑦ ᐱᓇᓱᒍᑎᓂᒃ? ᐊᕙᑎᕗᑦ, ᐃᓄᒃᑎᑐᑦ ᑐᑭᖃᕐᑐᖅ ‘ᐊᕙᑎᕗᑦ ᓄᓇᕗᑦ’, ᐱᓇᓱᒍᑎᑦᓴᓕᐊᖑᒪᕗᑦ<br />
ᓯᕗᓂᖃᕈᑎᐅᑦᓱᑎᒃ ᐃᓚᐅᑎᑦᓯᓂᕐᒥᒃ ᓄᓇᕕᒻᒥᐅᓂᒃ ᐳᕐᑐᓂᕐᓴᒥ ᐃᓕᓐᓂᐊᑐᓂᒃ ᑲᒪᓇᓱᖃᑎᐅᓗᑎᒃ ᓄᓇᒥ ᐊᕙᑎᖓᓂᒃ<br />
ᓯᓚᖓᑕ ᐅᕐᖂᓯᑦᑕᓂᖓᓂᓪᓗ ᓂᓪᓚᑕᕐᓂᖓᓂᓪᓗ. ᑖᒃᑯᐊ ᐃᓕᓐᓂᐊᑎᑦᓯᒍᑎᑦᓴᓕᐊᖑᒪᔪᑦ ᓄᓇᐅᑉ ᐊᕙᑎᖓᑕ ᓱᑯᐃᔦᒍᑎᑎᒍᑦ<br />
ᑐᑭᓯᒪᔭᐅᒍᑎᖏᓐᓂᒃ ᐃᓕᖓᓂᕐᓴᐅᖁᓪᓗᒋᑦ ᓄᓇᓕᒻᒥᑕ ᐊᕙᑎᖓᓄᑦ, ᐃᓗᕐᖁᓯᕐᒥᓄᑦ ᐱᒍᓐᓇᓂᕐᒥᓄᓪᓗ. ᑖᒃᑯᐊ<br />
ᐊᕙᑎᕗᑦ ᑐᑭᖃᕐᑎᑕᐅᔪᑦ ᐅᓇᒻᒥᓱᓕᐅᒥᓂᕐᓴᐅᑎᑦᓯᓇᓱᒍᑎᐅᑦᓱᑎᒃ ᐱᒐᓱᑦᑕᖃᕐᓂᓴᐅᓕᐅᒥᒍᑎᐅᒐᓱᑦᓱᑎᓪᓗ ᓄᓇᐅᑉ<br />
ᐊᕙᑎᖓᓂᒃ ᓱᑯᐃᔦᒍᓐᓇᓂᕐᒥᒃ ᐊᓯᖏᓐᓂᓗ ᑕᒪᒃᑯᓄᖕᖓᓕᖓᒻᒥᓱᑎᒃ ᐱᓇᓱᒐᐅᒍᓐᓇᑐᓂᒃ ᐃᓄᑐᐃᓐᓀᑦ ᐅᕕᒐᕐᑐᖏᓐᓄᑦ,<br />
ᓯᕗᓂᑦᓴᒥᒃ ᓯᕗᓕᕐᑎᐅᓛᕐᑐᓄᑦ ᑲᒪᔨᒻᒪᕆᐅᖃᑦᑕᓛᕐᓱᑎᓪᓗ. ᐱᑦᔪᑎᒋᐊᓪᓚᖃᕐᒥᔪᑦ ᐱᕙᓪᓕᐊᑎᑦᓯᒍᑎᐅᓂᒃᑯᑦ<br />
ᐊᑦᑕᓇᖕᖏᑐᓂᒃ ᓯᕗᓂᕐᒥᓗ-ᐊᑯᓂ ᓄᓇᐅᑉ ᐊᕙᑎᖓᓅᓕᖓᔪᓂᒃ ᐊᓪᓚᓯᒪᔪᖕᖑᐃᒍᑎᑦᓴᐅᓱᑎᒃ ᐱᔭᐅᒪᖃᑦᑕᓛᕐᑐᓂᒃ<br />
ᐃᓕᓐᓂᐊᑏᑦ ᓄᐊᓯᒪᔭᖏᓐᓂᑦ ᓱᑯᐃᔦᒍᑎᓂᒃ ᐊᕐᖁᑎᖃᕐᓱᑎᒃ. ᑖᒃᑯᐊ ᐊᓪᓚᓯᒪᔪᖕᖑᑕᐅᒪᖃᑦᑕᓛᕐᑐᑦ ᐃᑲᔪᕐᓯᒪᒍᑎᑦᓴᐅᔪᑦ<br />
ᖃᐅᔨᒪᒍᑎᑦᓴᐅᓱᑎᒃ ᐊᓯᑦᔨᕙᓪᓕᐊᓂᖅ ᖃᓄᐃᓕᕙᓪᓕᐊᓯᒪᒻᒪᖔᑦ ᓄᓇᑦᑎᓂ ᐃᑲᔪᕐᓯᒪᓛᕐᓱᑎᓪᓗ ᓄᓇᓕᓐᓂᒃ,<br />
ᓄᓇᓕᖃᕐᑐᓂᓪᓗ ᖃᐅᔨᓴᕐᑎᓂᓪᓗ.ᓄᓇᓖᓪᓗ ᖃᐅᔨᓴᕐᑏᓗ ᑕᒪᕐᒥᒃ ᐊᖏᖃᑎᒌᒍᑎᖃᕐᑐᑦ ᐃᒫᒃ ᓯᓚᐅᑉ ᓂᓪᓚᑕᕐᓂᖓᓗ<br />
ᓂᕈᒥᑦᓯᑕᕐᓂᖓᓗ ᐊᓯᑦᔨᕙᓪᓕᐊᑎᓪᓗᒋᒃ, ᑲᑉᐱᐊᓇᓕᕐᖁᖅ ᐃᓕᑦᓯᑎᑕᐅᒍᑎᖃᕆᐊᖃᕐᓂᖏᑦ ᐅᑭᐅᕐᑕᑑᑉ ᐊᕙᑎᖓᓂᒃ ᑌᒫᒃ<br />
ᖃᐅᔨᓴᕐᓗᒋᓪᓘᓂᐊᕐᒪᑕ ᖃᓄᑎᒋᒃ ᓱᕐᕋᑕᐅᓂᖃᕐᓂᖏᑦ ᖃᓄᕐᓗ ᐱᐅᓯᕐᑖᖃᒻᒥᒋᐊᖃᓕᕋᔭᕆᐊᖏᑦ ᑐᑭᓯᔭᐅᓗᑎᒃ. ᐊᕙᑎᕗᑦ<br />
ᑕᒪᒃᑮᔪᖅ ᒪᕐᕈᐃᓂᓪᓗ ᐃᓕᓯᒪᐅᓰᓐᓂᒃ ᑐᖕᖓᕕᖃᕐᓂᐊᓱᓂ ᐃᓕᓐᓂᐊᕈᑎᒋᓗᒋᑦ ᐊᑕᖏᕐᓯᔪᓂᒃ: 1) ᓱᑯᐃᔦᒍᓯᓕᐊᖑᒪᓲᑦ<br />
ᖃᐅᔨᓴᕐᓂᑕᓖᑦ, ᐅᖃᐅᓯᕐᑕᓖᑦ ᑐᑭᓯᒪᔭᐅᔪᕆᔭᐅᔪᓪᓗ; ᐊᒻᒪᓗ 2) ᐃᓄᐃᑦ ᖃᐅᔨᒪᔭᑐᖃᖏᑦ ᑖᒃᑯᐊᓕ ᑕᑯᓐᓇᓂᒃᑰᑐᑦ,<br />
ᐅᖃᐅᓯᒃᑯᓗ ᐱᑕᖃᓪᓚᕆᑦᑐᓅᓕᖓᑦᓱᑎᓪᓗ. ᓄᐃᑦᓯᒍᑎᐅᖃᑦᑕᓱᑎᒃ ᐃᓱᒪᒐᓱᒍᑎᐅᓯᒪᔪᓂᒃ ᐃᓗᕐᖁᓯᕐᒨᓕᖓᓂᖃᑦᓯᐊᑐᓂᓪᓗ<br />
ᐃᓕᓐᓂᐊᑎᑦᓯᒍᑎᑦᓴᓂᒃ ᐃᓄᑐᐃᓐᓇᓂᒃ ᐃᓕᓐᓂᐊᑎᓂᒃ, ᑖᒃᑯᐊ ᐱᓇᓱᒍᑎᑦᓴᓕᐊᖑᒪᔪᑦ ᐃᑲᔪᕐᓯᒋᐊᖃᕐᑐᖅ ᖃᓪᓗᓈᑦ<br />
ᐱᐅᓯᖏᓐᓅᓕᖓᖕᖏᓂᕐᓴᓂᒃ ᓱᑯᐃᔦᓂᕐᓅᓕᖓᔪᓂᒃ ᐃᓕᓐᓂᐊᑎᑦᓯᒍᑎᓕᐅᕐᓂᒥᒃ ᐃᓕᓐᓂᐊᑎᑦᓯᔨᓂᓪᓗ ᐱᓇᓱᒍᑎᑎᒍᑦ<br />
ᓴᐳᑦᔨᓯᒪᒍᑎᑦᓴᐅᓱᑎᒃ.<br />
mr[4 eu3Dxq5<br />
ᐱᕙᓪᓕᐊᓯᒪᓂᖏᑕ ᐃᓚᒐᓛᐱᖏᑦ<br />
ᐊᕙᑎᕗᑦ ᐱᓇᓱᒍᑏᑦ ᐱᕙᓪᓕᐊᑎᑕᐅᓂᖃᓯᓚᐅᔪᕗᑦ ᒪᕐᕉᓂ ᓄᓇᓖᓐᓂ-ᑐᖕᖓᕕᖃᕐᓱᑎᒃ ᑲᒪᓇᓱᒍᑎᓂᒃ<br />
ᐱᕙᓪᓕᐊᑎᑦᓯᒍᑎᖃᓯᔪᓄᑦ, ᓇᑉᐸᑕᐅᒍᑎᖃᓚᐅᔪᑦᓱᑎᒃ ᐊᓪᓚᓯᒪᔪᖕᖑᑕᐅᕙᓪᓕᐊᒍᑎᖃᕆᐊᖃᕐᓂᖏᓐᓂᒃ: 1) ᐸᐅᕐᙰᑦ<br />
ᐱᕈᐊᓚᓂᖏᓐᓂᒃ ᓄᓇᕕᒻᒥ, ᓄᓇᕗᑦᒥ ᓄᓇᑦᓯᐊᕗᒻᒥᓗ (ᐃᓕᓐᓂᐊᕕᕐᔪᐊᖓ ᑯᐯᒃ ᑐᕈᐊ ᕆᕕᐊᕐᒦᑦᑐᖅ); ᐁᑉᐸᖃᕐᓱᓂ 2)<br />
ᑐᕙᐅᑉ ᓯᑯᖓᑕ ᖃᓄᐃᓕᕙᓪᓕᐊᓂᕆᓲᖓᓂᒃ ᓄᓇᕕᒻᒥ (ᑲᓇᑕᓕᒫᒥ ᓱᑯᐃᔦᓂᕐᓄᑦ ᖃᐅᔨᓴᕐᕕᒥ). ᑖᒃᑯᐊ ᒪᕐᕈᐃᒍᑦᓱᑎᒃ<br />
ᐱᓇᓱᒍᑎᓕᐊᖑᔫᒃ, ᑮᓇᐅᔭᖃᕐᑎᑕᐅᓯᒪᕘᒃ ᓯᓚᕐᔪᐊᓕᒫᒥ ᐊᐅᔪᐃᑦᑐᑕᓖᒃ ᐊᕐᕌᒍᖃᕐᑎᑕᐅᓂᖏᓐᓄᑦ ᐊᒻᒪᓗ ArcticNet/<br />
ᐋᒃᑎᒃᓂᐊᑦᑯᓐᓄᑦ ᐊᑑᑎᒋᐊᓯᓚᐅᔪᔪᓂᒃ 2007-ᒥ, ᑖᒃᑯᐊ ᐊᑦᔨᒌᒥᒃ ᐃᓱᓕᓂᖃᓕᕐᑎᓗᒋᑦ ᐱᓇᓱᑦᑕᖏᑦ ᑐᑭᓯᔭᖃᓚᐅᔪᔪᑦ<br />
ᐊᕐᕌᒍᑦ ᐱᖓᓱᑦ ᐊᓂᒍᕐᑎᓗᒋᑦ: ᑕᒪᒃᑯᐊ ᐱᒋᐊᕐᑎᓯᒍᑎᐅᓯᔪᕕᓃᑦ ᑲᔪᓯᓂᖃᑦᓯᐊᓂᐊᕈᑎᒃ ᓴᐳᑦᔭᐅᒪᒋᐊᖃᕐᐳᑦ<br />
ᑲᔪᓯᑎᑕᐅᓗᑎᓪᓗ ᓄᓇᓕᓐᓂ ᐱᓇᓱᒐᖃᕐᕕᖁᑕᐅᔪᓄᑦ. ᒪᕐᕈᐃᒃ ᖃᓪᓗᓈᑦ ᓄᓇᖏᓐᓂᑦ ᐱᓯᒪᑦᓱᑎᒃ ᐱᓇᓱᒐᖃᕐᕖᒃ<br />
ᑲᑎᑎᑦᓯᓯᒪᓚᐅᕐᖁᑦ ᐱᒐᓱᒍᑎᒥᓂᒃ ᐱᓇᓱᖃᑎᒌᒍᑎᖃᕐᓱᑎᓪᓗ ᑲᑎᕕᒃ ᐃᓕᓐᓂᐊᓂᓕᕆᕕᒻᒥᒃ ᐱᒋᐊᕐᑎᓯᖃᑎᒋᕙᓪᓕᐊᓱᒋᑦ<br />
ᐊᕙᑎᕗᑦ ᐃᓕᓐᓂᐊᑎᑦᓯᒍᑎᐅᓗᑎᒃ ᐱᓇᓱᒍᑎᑦᓴᓂᒃ. 2012-ᖑᓕᕐᑎᓗᒍ ᐃᓚᑖᓚᐅᔪᔫᒃ ᓚᕚᓪ ᐃᓕᓐᓂᐊᕕᕐᔪᐊᖓᓐᓂᒃ,<br />
ᑖᒃᑯᐊᓕ ᐊᕐᕌᒍᓂ ᐊᒥᓱᓂ ᓄᓇᐅᑉ ᐃᑭᐊᓃᑦᑐᒥᒃ ᓯᑯᒥᒃ ᐱᓇᓱᑦᑕᖃᓲᑐᖃᐅᔪᑦ.<br />
2010-ᖑᓕᕐᑎᓗᒍ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᑲᒥᓴᓇᖏᑦ ᓂᕈᐊᕈᑎᖃᓕᓚᐅᔪᔪᑦ ᑐᑭᑖᕈᑎᒥᒃ<br />
ᓴᐳᑦᔨᓯᒪᒍᑎᒋᓂᐊᕐᑕᒥᓐᓂᒃ ᐱᕙᓪᓕᐊᑎᑕᐅᒍᑎᖏᓐᓂᒃ ᐊᑑᑎᓪᓗᑐᕐᓗᓂᒋᑦ ᓱᑯᐃᔦᒍᑎᓂᒃ ᐃᓕᓐᓂᐊ ᑎᑕᐅᒍᑎᓂᒃ<br />
ᐃᓚᐅᑎᑦᓯᓂᖃᑦᓯᐊᑐᓂᒃ ᓄᓇᓕᓐᓂ-ᑐᖕᖓᕕᓕᓐᓂᒃ ᓄᓇᐅᑉ ᐊᕙᑎᖓᓂᒃ ᐃᓕᓐᓂᐊᑎᑦᓯᒍᑎᓂᒃ ᐳᕐᑐᕐᓂᓴᒥ ᐃᓕᓐᓂᐊᑐᓂᒃ<br />
ᓱᑯᐃᔦᓂᕐᓂᓗ ᐱᓪᓗᑯᒋᐊᓕᓐᓂᓗ ᐃᓕᓴᕐᑕᐅᕕᒻᒥᓂ. ᑖᒃᑯᐊ ᐊᖏᕈᑕᐅᓚᐅᕐᑎᓗᒋᑦ, ᖃᐅᔨᓴᕐᓂᖃᓲᓪᓗ ᑲᑎᕕᒃ<br />
ᐃᓕᓐᓂᐊᓂᓕᕆᓂᕐᓗ ᐱᓇᓱᖃᑎᒌᒍᑎᖃᓯᓚᐅᔪᕘᒃ ᐱᕙᓪᓕᐊᑎᑦᓯᒍᑎᖃᕈᒪᓕᕐᓱᑎᒃ ᐃᓕᓐᓂᐊᑎᑦᓯᒍᑎᑦᓴᓕᐅᕐᓂᒥᒃ.<br />
ᐊᕙᑕᖅ ᐱᐅᓯᑐᖃᓕᕆᕕᒃ ᐃᑲᔪᕐᓯᓂᖃᓚᐅᔪᒻᒥᔪᖅ ᐋᕐᕿᓱᐃᒋᐊᓪᓛᓱᓂ ᐃᓕᓐᓂᐊ ᑎᑦᓯᒍᑎᑦᓴᓕᐊᖑᓕᕐᑐᓂᒃ.<br />
2012-ᖑᓕᕐᑎᓗᒍ ᐸᐅᕐᙰᑦ ᐱᕈᐊᓚᓂᖏᓐᓅᓕᖓᔪᑦ ᐃᓕᓐᓂᐊ ᑎᑦᓯᒍ ᑎᑦᓴᓕᐊᖑᒪᔪᑦ ᐊᑐᓕᕐᑎᑕᐅᓂᖃᓕᓚᐅᔪᔪᑦ<br />
ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᓱᑯᐃᔦᓂᕐᓂᓗ ᐱᓪᓗᑯᒋᐊᓕᓕᕆᓂᕐᒥᓗ ᐃᓕᓐᓂᐊᑎᑦᓯᒍᑎᓕ ᐊᕆᓯ ᒪᔭᖏᑎᒍᑦ<br />
50