15

Biż-żgħażagħ il-ġejjieni
tal-Għaqda żgurat
Inħossni xxurtjat u onorat li nifforma parti minn dan ilkumitat,
din is-sena aktar minn snin oħra.
Issa ili membru tal-kumitat mill-2011. Niftakar li konna seba’
membri biss b’impenn iebes biex nippreparaw għall-Kunċert
ta’ Santa Ċeċilia li dejjem kien isir it-Teatru Manoel. Kien hemm
xi ftit taqtiegħ ta’ qalb, niftakar, minħabba li dan il-kunċert
huwa importanti ħafna, u kienu ħafna l-każini tal-banda f’Malta
li qatgħu qalbhom minnu minħabba l-organizzazzjoni li
jirrikjedi u x-xogħol mhux biss tal-kumitat, iżda tal-banda u ta’
min imexxiha.
Dak il-kunċert memorabbli f’teatru mimli daqs bajda kompla
ta spinta lill-kumitat biex ikompli jħares ’il quddiem b’aktar
kunfidenza u determinazzjoni. Għax la kien kapaċi jorganizza
kunċert bħal dak – kunċert li qala’ t-tifħir minn kullimkien –
kien ikun kapaċi wkoll jorganizza aktar attivitajiet fil-lokalità
tagħna stess.
Naħseb li kulħadd japprezza l-attivitajiet regolari organizzati
mhux biss fil-każin tagħna, iżda wkoll barra, anke minn xtutna.
U kull min għandu l-interess tal-lokalità jinduna bil-qabża filkwalità
tal-banda tagħna li issa hi meqjusa bħala waħda millaħjar
fil-pajjiż u, ukoll, l-għajra ta’ ħafna baned aktar stabbiliti
minnha.
U hawn niġi biex ngħid għaliex inħossni daqshekk ixxurtjat
u onorat li nifforma parti minn dan il-kumitat.
Kumitat, biex jimxi, ikun jeħtieġlu injezzjoni ta’ ideat ġodda.
Mingħajr dawn, il-kumitat jistaġna, jiġġammja u jibqa’ fejn hu.
Uħud minna ilna s-snin fil-kumitat, u għalkemm matul dan iżżmien
ma nqasniex milli noħorġu b’ideat ġodda, hemm limitu
sa fejn nistgħu naslu mingħajr injezzjoni ta’ demm ġdid.
Din is-sena kellna dak li l-Ingliżi jgħidulu breakthrough għax
daħlu fil-kumitat membri żgħażagħ li ġabu magħhom aktar
enerġija, entużjażmu u, l-aktar importanti, ideat ġodda.
Ikun il-gost tiegħi waqt laqgħa li noqgħod nisma’ idea
wara l-oħra ħierġa minn fomm dawn iż-żgħażagħ, u f’qalbi
ngħid li l-ġejjieni tal-Għaqda huwa żgurat. U nkompli ngħid li
darba aħna nwarrbu, jkollna moħħna mistrieħ li l-pedamenti li
bnew ta’ qalbilna u aħna komplejna saħħaħna, se jkomplu jibnu
fuqhom iż-żgħażagħ tagħna tal-lum.
Iżda dan ma jfissirx li l-anzjani m’għadx għandhom
posthom fit-tmexxija tal-Għaqda. Mingħajrhom jispiċċa l-bilanċ
li bħalissa jeżisti. Il-bilanċ li għamel lil dan il-kumitat l-aħjar
wieħed f’ħafna snin.
Nawgura lilkom u l-familji tagħkom il-festa t-tajba, u
j’Alla l-Madonna tal-Karmelu żżomm idejha fuqna lkoll.
Charles Micallef St John
PRO
15