01 тамыз, 2019 жыл №86 (15406)
Create successful ePaper yourself
Turn your PDF publications into a flip-book with our unique Google optimized e-Paper software.
САРЫАРҚА САМАЛЫ<br />
ӘЛЕУМЕТ<br />
1 <strong>тамыз</strong>, бейсенбі, 2<strong>01</strong>9 <strong>жыл</strong> 5<br />
Ангела Меркель, Тереза Мэй, Режеп<br />
Тайип Ердоған, Антониу Гутерриш,<br />
Дональд Туск, Пан Ги Мун және<br />
басқа да көптеген ірі саясаткерлер<br />
бар. Одан бөлек, Қасым-Жомарт<br />
Кемелұлын жеке танитын әлемдік<br />
тұлғалар да өз құттықтауларын<br />
жолдап жатты. Олардың бәрі де<br />
Қазақстанмен ынтымақтастықты<br />
одан әрі жалғастырып, достық<br />
байланыстарды тереңдетуге ниетті<br />
екендіктерін жеткізді.<br />
Яғни, Қасым-Жомарт Кемелұлының<br />
әлемдік саясаттағы, халықаралық<br />
қауымдастықтағы беделінің<br />
өзі, еліміздің дамуына, елге инвестиция<br />
тартуда, шетелдік алпауыт<br />
компаниялармен серіктесіп жұмыс<br />
істеуде көп ықпалын тигізетініне<br />
сенімдімін.<br />
– Елдер мен олардың президенттері<br />
арасындағы өзара<br />
ынтымақтастық, достық қатынастар<br />
өз алдына. Ал баспасөз<br />
хатшылары қаншалықты белсенді<br />
байланыс орнатқан? Сіз осы<br />
уақыт аралығында қай елдердегі<br />
әріптестеріңізбен қандай қарымқатынастар<br />
орнатып жатырсыз?<br />
– Жалпы, халықаралық қатынастардың<br />
өзі дипломатиялық байланыстардан<br />
бөлек, жеке адами<br />
қарым-қатынастарға тікелей байланысты.<br />
Бұған Елбасы Нұрсұлтан<br />
Әбішұлының достық қарым-қатынастарға<br />
сүйене отырып, кезіндегі<br />
Ресейдің президенті Б.Ельцинмен,<br />
ҚХР және Өзбекстан басшыларымен<br />
шекара мәселесін ың-шыңсыз<br />
шешуі, сондай-ақ АҚШ-тың бұрынғы<br />
президенттері Дж.Буш, Б.Клинтонмен<br />
жақсы байланыстарының арқасында<br />
Қазақстанға АҚШ инвестициясының<br />
келуі секілді мысалдарды көптеп<br />
келтіруге болады.<br />
Сол сияқты Мемлекет басшысы<br />
Қасым-Жомарт Тоқаевтың да<br />
көптеген елдер басшыларымен және<br />
халықаралық ұйымдар жетекшілерімен,<br />
жекелеген беделді саясаткерлерімен<br />
жеке таныстығы, достығы бір төбе.<br />
Осы соңғы сапарлар барысында<br />
Ресей президентінің баспасөз<br />
хатшысы, президент әкімшілігі<br />
жетекшісінің орынбасары Дмитрий<br />
Песковпен, Өзбекстан президенті<br />
әкімшілігі жетекшісінің бірінші орынбасары,<br />
баспасөз хатшысының<br />
міндетін атқарушы Азиз Магруповпен,<br />
Беларусь президентінің баспасөз<br />
хатшысы Наталья Эйсмонтпен,<br />
Қырғызстан президентінің баспасөз<br />
хатшысы Толғонай Стамалиевамен,<br />
Тәжікстан президентінің баспасөз<br />
хатшысы Абдуфаттох Шарифзодамен<br />
жақын танысып, араласып<br />
кеттік. Бір-бірімізге хабарласып,<br />
мерекелерде құттықтап тұрамыз.<br />
Баспасөз хатшылары арасындағы<br />
жақсы қарым-қатынас, ең алдымен,<br />
біздің жұмысымыздың тиімділігін,<br />
сапасын арттырады. Сондықтан<br />
әріптестермен тығыз қарым-қатынас<br />
орнатудың маңызы зор. Мысалы,<br />
Президенттің Өзбекстанға мемлекеттік<br />
сапары кезінде Қазақстанның<br />
Өзбекстандағы <strong>жыл</strong>ының ашылу<br />
салтанатын әріптесім Азиз Магруповпен<br />
келісіп, 2 сағаттың ішінде<br />
іс-шараны біздің елімізде де көрсетуге<br />
мүмкіндік туғыздық.<br />
Сол сияқты, бұрын екі ел<br />
басшыларының Мәскеуде өтіп<br />
жатқан кездесулерінен тікелей<br />
трансляция жасау болмаған екен.<br />
Әрине, тілшілер тікелей байланысқа<br />
шығып, репортаждар беріп<br />
жатады. Алайда, Президенттердің<br />
1 сағатқа жуық баспасөзге арналған<br />
мәлімдемелерін тікелей көрсету<br />
жолға қойылмапты. Біз сол баспасөз<br />
мәслихатын республикалық «Хабар<br />
24» арнасынан толық трансляция<br />
жасауға мүмкіндік алдық.<br />
Содан кейін Қырғызстаннан<br />
ШЫҰ-ның, Тәжікстаннан АӨСШК-нің<br />
саммиттерінен тікелей қосылып,<br />
алқалы жиындардың жұмысын<br />
халыққа көрсеттік. Біз бұдан ұтпасақ,<br />
ұтылған жоқпыз. Мұның бәрі, ең<br />
бірінші кезекте президенттердің<br />
баспасөз хатшыларының ауызбірлігі,<br />
түсіністігі деп ойлаймын.<br />
– Мемлекет басшысы өз қызметіне<br />
кіріскен күннен бастап<br />
баспасөз қызметінің әлеуметтік<br />
желілердегі белсенділігі айтарлықтай<br />
артты. Желі қолданушылар<br />
көптеген мәліметтерді<br />
жедел оқу мүмкіндігіне ие болды.<br />
Бұл үрдіс немен байланысты?<br />
– Дұрыс айттыңыз, Президенттің<br />
баспасөз қызметі бүгінде барлық<br />
танымал әлеуметтік желі платформаларында<br />
бар. Біріншіден,<br />
бұл – қазіргі уақыттың талабы.<br />
Мұнымен санаспауға болмайды.<br />
Екіншіден, Мемлекет басшысы -<br />
2<strong>01</strong>1 <strong>жыл</strong>дан бері Твиттер әлеуметтік<br />
желісінің белсенді қолданушысы.<br />
БҰҰ Бас хатшысының орынбасары,<br />
Женевадағы бөлімшенің Бас директоры<br />
қызметінде жүріп, «виртуалды<br />
желінің» мүмкіндіктерін кең<br />
пайдаланған. Бүгінде Мемлекет<br />
басшысының твитінде 130 мыңға<br />
жуық оқырманы бар.<br />
Қазір Президент Твиттердегі<br />
парақшасынан еліміздегі қоғамдық,<br />
әлеуметтік-экономикалық, саяси<br />
мәселелерге немесе оқиғаларға<br />
қатысты пікірін жазып, ұсыныстары<br />
мен тапсырмаларын беріп отыр.<br />
280 таңбалы қысқа әрі нұсқа жазбаның<br />
ықпалы өте зор. Себебі қазіргі<br />
заман ұзақ-сонар баяндамаларды<br />
емес, мейлінше ықшамдылықты<br />
талап етеді. Сондай-ақ мұндай<br />
жұмыс стилінің басты ұтымды<br />
тұсы – уақыт үнемдейтіні. Президент<br />
үшін бұл – өте маңызды фактор.<br />
Себебі берілген тапсырманың дереу<br />
назарға алынып, қажетті шешімін<br />
табуы – басты мақсат.<br />
Егер салыстырмалы түрде айтатын<br />
болсақ, әлемдегі Твиттер желісін ең<br />
белсенді пайдаланатын саясаткер<br />
Дональд Трамп екен. Оның өзі твитін<br />
тек ағылшын тілінде жазады. Ал<br />
Қасым-Жомарт Кемелұлы қазақ,<br />
ағылшын және орыс тілдерінде, яғни<br />
3 тілде жазады. Біздің Президенттің<br />
осы артықшылығын кешегі фильмінде<br />
ресейлік журналист А.Пивоваров<br />
та атап өтті.<br />
Президент өзінің сайлауалды<br />
бағдарламасында, кейін өткізіп<br />
жүрген жиындарда да мемлекеттік<br />
органдардың барлық деңгейдегі бірінші<br />
басшылары әлеуметтік желілерге<br />
тіркеліп, сол арқылы жұмысты<br />
жеделдетуді, тиімділігін арттыруды<br />
тапсырып келеді. Бұдан бөлек, сәуір<br />
айында Қасым-Жомарт Кемелұлының<br />
Инстаграмм желісінде ресми<br />
аккаунты ашылды. Қазір онда жарты<br />
миллионнан астам оқырманы бар.<br />
Бұлар – Мемлекет басшысының<br />
жеке аккаунттарына қатысты.<br />
Сондай-ақ, ресми Ақорда сайтынан<br />
бөлек, баспасөз қызметінің<br />
Фейсбуктегі, Твиттердегі және<br />
Инстаграмдағы аккаунттары жедел<br />
түрде соңғы жаңалықтарды таратып<br />
отыр. Бұлардың тағы бір жақсы<br />
жағы – ақпаратты жедел таратып қана<br />
қоймайсыз, бірден кері байланыс<br />
орнайды. Яғни, оқырмандар өз<br />
пікірін білдіріп қана қоймай, сауал<br />
жолдап, ұсыныстарын жаза алады.<br />
– Берік Уәлиұлы, кері<br />
байланыс демекші, осыдан<br />
біраз бұрын akorda.kz ресми<br />
сайтында Президенттің виртуалды<br />
қабылдауы ашылды. Сол<br />
виртуалды байланысқа шығып,<br />
хат жазып, хабарласып жатқандар<br />
бар ма? Жалпы, оның тиімділігі<br />
қандай?<br />
– Иә, биыл 22 сәуірде www.akorda.<br />
kz сайтында Қазақстан Республикасы<br />
Президентінің виртуалды қабылдауы<br />
ашылды. Оның негізгі мақсаты –<br />
азаматтардың жеке немесе түрлі<br />
қоғамдық мәселелерге қатысты<br />
өтініштерін қарау, Ақорданың<br />
қоғаммен тікелей диалог орнатуына<br />
жол ашу, ел ішінде болып<br />
жатқан оқиғаларды бақылап отыру<br />
және жедел шаралар қабылдау.<br />
Виртуалды қабылдау ашылғалы,<br />
небары осы 3 айдың ішінде 1500-ге<br />
жуық хат келіп түсіпті. Оның жартысынан<br />
көбі қаралып, тиісті жауаптар<br />
берілді.<br />
Ал оның тиімділігі туралы айтар<br />
болсақ, есіңізде болса, маусым<br />
айының соңында Президент табысы<br />
аз, әлеуметтік тұрмысы төмен<br />
топтағы азаматтардың осы уақытқа<br />
дейін алған тұтыну несиелері мен<br />
олардың үстемелерін кешіру туралы<br />
Жарлыққа қол қойды. Бұл санатқа<br />
көпбалалы отбасылар, мүгедек<br />
балалары бар отбасылар, жалғыз<br />
асыраушысынан айырылған отбасылар,<br />
атаулы әлеуметтік көмек<br />
алатындар, жетім балалар кіреді.<br />
Олар – түрлі себептермен қиын<br />
жағдайға тап болып, өз аттарына<br />
алған кредиттік міндеттемелерін<br />
орындай алмай қалғандар.<br />
Ал бұл проблема қайдан шықты?<br />
Жаңағы айтып отырған Президенттің<br />
виртуалды қабылдауына ең көп<br />
жазылған мәселе осы кредит проблемасы<br />
екен. Сондықтан Мемлекет<br />
басшысы әлгіндей өтініштердің<br />
барлығын жинақтап, осындай шешім<br />
қабылдады. Күні кеше ғана өткен<br />
Үкіметтің кеңейтілген жиынында<br />
Президент мұның бір реттік акция<br />
екенін, қайта жалғасын таппайтынын<br />
ескертті. Міне, виртуалды<br />
қабылдаудың тиімділігінің нақты<br />
мысалы осы болса керек.<br />
Президенттің виртуалды қабылдауына<br />
келіп түсетін әрбір өтініш<br />
міндетті түрде қаралады, оның<br />
бәрін бірдей Мемлекет басшысының<br />
қарауы мүмкін емес, ол кісінің басқа<br />
да шаруалары жетіп жатыр. Бірақ<br />
әр хатты Президент Әкімшілігінің<br />
қызметкерлері, құзырлы органдар<br />
қарайды. Оларға жауап жазылуы,<br />
шешім қабылдануы – Президенттің<br />
жеке бақылауында.<br />
– Қазақстан тарихындағы<br />
екінші Президенттің алғашқы<br />
баспасөз хатшысы болу – тарихи<br />
оқиға. Жауапкершілік жүгі де<br />
жеңіл емес екені түсінікті. Жалпы,<br />
Президенттің баспасөз хатшысы<br />
қандай болуы тиіс?<br />
– Иә, Мемлекет басшысының<br />
баспасөз хатшысы болу – мен үшін,<br />
шын мәнінде, тарихи оқиға. Қасым-<br />
Жомарт Кемелұлы жауапкершілігі<br />
аса зор осы міндетті маған сеніп<br />
тапсырды. Президенттің сенімін<br />
ақтау үшін және елге, мемлекетке<br />
қалтқысыз қызмет ету үшін, журналист<br />
әріптестерімнің де көңілін<br />
қалдырмай, мейлінше ашық болуға<br />
тырысып, бар күш-жігерімді салып<br />
жұмыс істеп жатырмын.<br />
Баспасөз қызметі – Қазақстан<br />
Президентінің атқарып жатқан<br />
қызметінің айнасы. Мемлекет<br />
басшысының ақпарат кеңістігіндегі<br />
негізгі сенімді өкілі болғандықтан,<br />
баспасөз хатшысының жауапкершілігі<br />
өте жоғары. Қателесуге жол жоқ.<br />
Сондықтан баспасөз хатшысы<br />
осындай талаптарға сай болуға<br />
ұмтылуы тиіс.<br />
– Сұхбат барысында Қасым-<br />
Жомарт Кемелұлының 5 тіл<br />
білетінін айтып өттіңіз. Президент<br />
көп жерде қазақша сөйлеп<br />
жүр, дегенмен былайғы жұрт ол<br />
кісіні орыстілді деп ойлайды.<br />
Мемлекет басшысы қазақтілді<br />
БАҚ-ты оқи ма?<br />
– Әрине «Egemen Qazaqstan»,<br />
«Айқын», «Астана ақшамы» газеттерін<br />
күнделікті оқиды. Олардан басқа «Ана<br />
тілі», «Түркістан», «Қазақ әдебиеті»,<br />
«Жас қазақ», «Алматы ақшамы»<br />
секілді апталықтарды қарап, бақылап<br />
отырады. Егер жақсы мақалалар,<br />
сұхбаттар шықса, асықпай оқып,<br />
астын сызып, тіпті кейбіріне қатысты<br />
бұрыштама соғып жатады. Мерзімді<br />
басылымдарға шыққан сыни немесе<br />
проблемалық мақалаларды оқып,<br />
құзырлы органдарға арнайы тапсырмалар<br />
беретін кездері де болады.<br />
Қоғамдағы маңызды мәселелерді<br />
көтеретін телехабарларды<br />
көріп, әлеуметтік желі арқылы<br />
өзінің пікірін білдіріп отыратынын<br />
өздеріңіз де жақсы білесіздер.<br />
Мәселен, өзім жүргізген «1-студия»<br />
саяси ток-шоуына қатысты кезінде<br />
Қасым-Жомарт Кемелұлы твит<br />
жазып, <strong>жыл</strong>ы лебізін білдірді. Бұл<br />
ұжым үшін үлкен қуаныш болған<br />
еді. Сол сияқты ұлттық арнадағы<br />
«Дара жол» бағдарламасына да<br />
ықыласын білдіріп, шығармашылық<br />
ұжымға және журналист Дана<br />
Нұржігітке алғысын білдірген болатын.<br />
«Таңшолпан» бағдарламасының да<br />
тұрақты көрермені. «Шалқар» радиосын<br />
үнемі тыңдап отырады. «Нағыз<br />
қазаққа жақын әңгімелер айтылады»<br />
деп пікір білдіргені есімде.<br />
Яғни, қазақ газеттерін оқиды,<br />
тележобаларды қарайды, қазақ<br />
радиохабарларын тыңдайды.<br />
– Әңгімеңізге рақмет.<br />
Әңгімелескен -<br />
Серік Әбдібек,<br />
«Egemen Qazaqstan».<br />
мезгіл мәселесі<br />
Қысқа<br />
қамдана бастады<br />
Облыс аумағындағы әлеуметтік нысандарға көмір<br />
жеткізу басталып кетті. Аймақтағы білім беру,<br />
денсаулық, мәдениет пен спорт нысандарын<br />
<strong>жыл</strong>ыту үшін 135 мың тонна қатты отын қажет.<br />
Ал жеке үйлердегі тұрғындардың қажеттілігі –<br />
427 мың тонна.<br />
Аймағымызда 575 білім беру, 333 денсаулық және 285 мәдениет<br />
нысаны бар. Оларды көмірмен қамту үшін мемлекеттік қазынадан<br />
1 млрд. 100 млн. теңге бөлінді. Жергілікті әкімдіктер ұсынған<br />
мәліметке сүйенсек, әлеуметтік нысандардың 60 пайызы <strong>жыл</strong>у<br />
маусымына дайын. Бұл ақпараттың шындыққа қаншалықты жанасатынын<br />
арнайы құрылған облыстық штаб тексереді. Мамандар<br />
<strong>тамыз</strong> айының соңына дейін ауыл-ауылды аралап, мекемелердің<br />
дайындығын пысықтауды жоспарлап отыр.<br />
Облыстық энергетика және тұрғын үй-коммуналдық шаруашылық<br />
басқармасының өкілдері тұрғындарға көмірді қазірден-ақ сатып<br />
алуға кеңес береді.<br />
- Елді мекендердегі сату нүктелерінде көмір бар. Қатты отынның<br />
бір тоннасының бағасы 6700-14500 теңге аралығында. Сұраныс<br />
артқан тұста көмір бағасы шарықтап кетпесі үшін тиісті шараларды<br />
қолданамыз. Десе де, тұрғындардың ертерек қамданып,<br />
уақыт оздырмай сатып алғаны дұрыс, - дейді облыстық энергетика<br />
және тұрғын үй-коммуналдық шаруашылық басқармасының<br />
бөлім басшысы Амангелді Рүстемов.<br />
Қ.ТІЛЕКТЕСҚЫЗЫ.<br />
Терроризммен күрес<br />
Дайындықты<br />
пысықтады<br />
Облыс орталығындағы «ПавлодарЭнерго» АҚ<br />
қарасты №3 <strong>жыл</strong>у-электр орталығы аумағында<br />
терроризм актілерін алдын алуға және оның<br />
салдарын жоюға бағытталған жоспарлы<br />
оқу-жаттығу өтті.<br />
Шараның мақсаты – терроризмге қарсы күрес жөніндегі<br />
Павлодар жедел штабы күштері мен құралдарының өздеріне<br />
жүктелген міндеттерді орындауға қатысты дайындығын тексеру.<br />
Терроризмге қарсы күрес жөніндегі облыстық жедел штабының<br />
хабарлауынша, оқу-жаттығу барысында күрделіліктің түрлі элементі<br />
қолданылып, шынайы өмірге барынша жақын тапсырмалар беріліп,<br />
орындалды.<br />
Өз тілшіміз.