Create successful ePaper yourself
Turn your PDF publications into a flip-book with our unique Google optimized e-Paper software.
3. TBL. 1. ÁRG. MAÍ 2014 --- DREIFT FRÍTT Á HEIMILI OG FYRIRTÆKI Í HVERAGERÐI OG ÖLFUSI
LAY
LOW
Í VIÐTALI Á UPPÁHALDS
STAÐNUM SÍNUM Í
HVERAGERÐI
„Búin að kynnast
allskonar fólki í
pottinum sem er
mjög skemmtilegt.“
Söngkonan og lagahöfundurinn Lovísa
Elísabet Sigrúnardóttir, betur þekkt sem Lay
Low, er fædd í London en fluttist til Íslands
með móður sinni á þriðja aldursári og ólst
upp í Laugarneshverfinu.
„…ætlaði að vera bassaeða
gítarleikari, alls ekki
söngkona“
Tónlistaráhugi hennar kom fljótt í ljós og hún
hóf ung píanónám en ætlaði sér þó aldrei að
verða söngkona. „Ég hafði brennandi áhuga
á að vera í tónlist og ætlaði að vera bassa- eða
gítarleikari, alls ekki söngkona. Ekki séns. Ég
hafði einhvern tímann sem unglingur slysast til
að taka upp á kassettu upptöku af mér syngja og
það var alveg hræðilegt – eins og maður þekkir
þegar maður heyrir röddina sína og mér fannst
þetta bara hryllingur og eftir það lét ég ekki
heyra múkk í mér. Þegar það var verið að syngja
afmælissöng eða eitthvað þá bara mæmaði ég –
söng ekkert með“. Það var svo fyrir algjöra slysni
að Lay Low hóf upp raust sína á ný.
Hún hafði stofnað hljómsveit með vinkonum
sínum og spilaði þar á gítar. Hljómsveitin
leitaði rauðum logum að söngkonu til að
syngja en það fannst engin svo Lay Low
söng inn á upptöku bara svo þær gætu heyrt
hvernig lagið hljómaði. „Þar sem það fannst
engin þá prufaði ég að syngja inn og lét lækka
eins mikið í röddinni og hægt var, þetta átti bara
að vera fyrir okkur til þess að heyra“. Glöggir
vinir hennar heyrðu hins vegar einstaka rödd
hennar og hvöttu hana að halda áfram.
Örlögin höguðu því svo þannig að
hljómsveitin flosnaði upp þegar vinkonur
hennar héldu utan í nám og eftir stóð Lay Low
ein með nýsamið lag sem hún smellti inn á
Myspace og í kjölfarið varð sprengja. „Sena
hafði samband, plötusamningur og svo rúllaði
þetta bara einhvern veginn“ segir Lay Low
hógvær.
Árið 2006 kom fyrsta platan hennar út og var
hún komin í gull, einungis tveimur mánuðum
eftir útgáfu. Ári síðar kom hún, sá og sigraði
á Íslensku tónlistarverðlaununum þar sem
hún vann þrenn verðlaun m.a. sem besta
söngkonan og besti flytjandinn. Allar götur
síðan hefur tónlist hennar notið gríðarlegra
vinsælda og sigrarnir orðnir fjölmargir.
Fyrir nokkrum misserum flutti Lay Low úr
höfuðborginni og býr nú í Ölfusinu. Krumminn
mælti sér mót við hana á uppáhaldsstaðnum
hennar.
Framhald á bls. 8 og 9.
ARGH! 0414
Garðyrkju- og
blómasýningin 2014
Hveragerði
27. – 29. júní
www.blomibae.is
1
www.krumminn.is
krumminn@krumminn.is
Útgefandi: Klettagjá ehf.
Ritstjórar og ábyrgðarmenn:
Hrund Guðmundsdóttir
Ellen Ýr Aðalsteinsdóttir
Umbrot: Hvergi Slf.
Prentun: Prenttækni
Próförk: Elísabet M. Nickel Stefánsdóttir
Myndir: Guðmundur Erlingsson og fleira
hæfileikafólk úr Hveragerði
Innsent efni:
Fréttir: frettir@krumminn.is
Aðsendar greinar: krumminn@krumminn.is
Auglýsingar: auglysingar@krumminn.is
MAÍ STJÖRNUR
Ritstjórum fannst ekki leiðinlegt að fá að hitta fræga persónu og taka við hana viðtal. Við búumst fastlega
við heimsyfirráðum Lay Low og síðar Hveragerðis á næstu árum og væntanlega þarf þá að breyta
Laugaskarði í rennibrautaskemmtigarð. Á meðan sváfu afkvæmin í kerrunum sínum.
Í þessum Krumma er annars stiklað á stóru. Framboðin fá að koma sínu á framfæri og auglýsa hjá okkur
og nú þurfa allir að ákveða við hvaða bókstaf þeir setja Xið á kjördag, ef þeir hafa náð 18 ára aldri.
Leikskólabörnin hafa nú ekki miklar áhyggjur af þessu stjórnmálabrölti og er gaman að heyra hvað þau
hafa gaman af því að skoða blaðið okkar. Eftir enn eina ferðina í Sunnumörk um daginn að versla spurði
lítill strákur sem hékk í klifrugrindinni, hvort það væri ekki að koma bráðum nýr Krummi. Og auðvitað
verðum við við þeirri ósk… og laumuðum mynd af honum í blaðið fyrir að vera ofurkrútt.
Blóm í bæ er handan við hornið og verður næsti Krummi prýddur regnbogaskrautfjöðrum í tilefni
sýningarinnar. Auðvitað er búið að panta hitabylgju og sólargeisla þessa helgi. Hlökkum til!
LÍF OG FJÖR
2
Ninna Sif Svavarsdóttir
Prestur og forseti
bæjarstjórnar
38 ára
Eyþór H. Ólafsson
Verkfræðingur
54 ára
Unnur Þormóðsdóttir
Hjúkrunarstjóri og
formaður bæjarráðs
45 ára
1
2 3
Aldís Hafsteinsdóttir
Bæjarstjóri
49 ára
Þórhallur Einisson
Hugbúnaðararkitekt
40 ára
Friðrik Sigurbjörnsson
Landfræðingur
25 ára
4
5
6
Berglind Sigurðardóttir
Framkvæmdastjóri
42 ára
Birkir Sveinsson
Mótastjóri KSÍ
46 ára
Ingimar Guðmundsson
Nemi FSU
20 ára
7
8
9
Alda Pálsdóttir
Skólaritari
40 ára
Jakob Fannar Hansen
Nemi í flugumferðastjórn
23 ára
Þorkell Pétursson
Stýrimaður
42 ára
10
11
12
13
Sæunn Freydís
Grímsdóttir
Myndlistarkona
65 ára
14
Örn Guðmundsson
Dúklagningameistari
67 ára
Við bjóðum alla velkomna á kosningaskrifstofu okkar
í húsnæði Leikfélags Hveragerðis að Austurmörk 23.
Skrifstofan er opin alla virka daga 20 - 22 og 13 -18 um helgar
ÁFRAM HVERAGERÐI…
Fylgist með á www.blahver.is
3
KRUNK KRUNK
Íris Ásgeirsdóttir
fyrirliði kvennaliðs Hamars í
körfubolta
Hvað ætlarðu að verða þegar þú
verður stór? Heimsborgari, meistari,
námsráðgjafi …. og eitthvað fleira.
Hvað myndir þú gera ef þú mættir
stjórna Íslandi í einn dag? Ég myndi
taka rækilega til í heilbrigðiskerfinu.
Hver myndi leika þig ef gerð væri
kvikmynd um þig? Courteney Cox, eða
kannski Ágústa Eva.
CrossFit, skokk eða Zumba? CrossFit.
Hvar sérðu þig eftir fimm ár? Ég verð
vonandi búin að skoða allan heiminn,
búin að læra það sem ég vil læra og farin
að vinna við eitthvað sem mér finnst
skemmtilegt.
Hvað ertu hrædd við? Ég er frekar
hrædd við jarðskjálfta.
Fallegasti staðurinn? Sapa í Vietnam
og Koh Phi Phi á Tælandi eru með fallegri
stöðum sem ég hef séð.
Hvað gafstu síðast í gjöf? Blómvönd
handa mömmu gömlu á mæðradaginn.
Hverjum myndir þú vilja vera fastur
í lyftu með? Pétri Jóhanni, það gæti
varla orðið leiðinlegt.
Hvað er það vandræðalegasta
sem hefur komið fyrir þig? Ég er
vandræðalega oft stoppuð á flugvöllum
af einhverjum ástæðum. Var einu sinni
stoppuð í tollinum í Búlgaríu með nokkra
brauðhnífa og gaffla í handfarangri.
Þá var þetta skólataskan mín sem ég
hafði gleymt að skoða í gegnum áður
en ég lagði af stað. Þessu var tekið mjög
alvarlega í fyrstu en þeir hleyptu mér
sem betur fer í flug á endanum. Það var
vandræðalegt.
Á hvern skorar þú í næstu
yfirheyrslu? Heiðar Inga Heiðarsson,
einn af eigendum CrossFit Hengils.
STUTTAR FRÉTTIR FRÁ BÆJARSTJÓRA
Fljótlega verður haft samband við foreldra þeirra fjölmörgu barna
sem byrja munu á leikskólum bæjarins að loknum sumarfríum. Öll
börn sem nú eru á biðlistanum og ná munu 18 mánaða aldri í
haust munu fá tilboð um leikskólavist.
Skrifað var undir samning milli bæjarins og Myndlistarfélags
Hveragerðis nú nýverið um afnot félagsins af Egilsstöðum, gamla
barnaskólanum. Nú þegar hafa myndlistarmenn hreiðrað þar um
sig á efri hæðinni sem þar af leiðandi iðar af lífi.
Það iðar líka allt af lífi í viðbyggingu Egilsstaða en þar hafa
hljómsveitir fengið inni og samningur um framlag þeirra til bæjarins
hefur einnig verið samþykktur.
Starfsmenn áhaldahúss og umhverfisdeildar hafa aldeilis tekið til hendinni að undanförnu. Má
þess víða sjá merki að sumarið er á næsta leyti. Fljótlega geta ungmenni bæjarins sótt um störf í
Vinnuskólanum en flokksstjórar hafa þegar hafið störf enda má þegar sjá þess merki að fólki hefur
fjölgað í umhverfisdeild.
Nú er tíminn til að taka til og gera fínt en það er aldrei nógu oft minnt á mikilvægi þess. Við viljum
að hús og garðar endurspegli íbúana og munum að það gerir bærinn okkar líka.
Grenitré sem flutt voru frá fráveitumannvirkinu og í manirnar hér fyrir sunnan bæinn hafa vakið
mikla og verðskuldaða athygli. Síðar mun fjölbreyttari gróður verða gróðursettur þarna í kring svo
aðkoman að bænum mun breytast til mikilla muna þegar fram líða stundir.
Búið er að leggja nýja göngustíga í Lystigarðinum sem bætir aðkomuna inn í garðinn. Þar hafa
runnar einnig verið færðir til svo nú skapast þar allt önnur skilyrði fyrir plönturnar til að vaxa og dafna
sem aldrei fyrr.
Undirbúningur fyrir Blóm í bæ stendur nú sem hæst. Á næstunni verður dreifibréf sent til
bæjarbúa þar sem gerð verður grein fyrir því helsta sem að okkur snýr. Samkeppni um fallegasta
mini-garðinn verður endurtekin sem og kökusamkeppnin sívinsæla. Þar verður att kappi um bestu
regnbogakökuna svo nú er um að gera að leggja höfuð í bleyti og láta sér detta eitthvað sniðugt til
hugar.
Nú er Sundlaugin Laugaskarði komin á Facebook. Þar er ætlunin að setja inn upplýsingar
um hitastig laugar, möguleika til sólbaða, lokana ef þarf, hitastig potta og allt það annað sem
starfsmönnum dettur til hugar að geti þótt áhugavert. Ekki síst verður þar gefið upp hvenær
þrautabrautin er uppi eða þá hvaða hlutar hennar í hvert og eitt sinn. Hún hefur alveg slegið í gegn
hjá ungu kynslóðinni og er virkilega gaman að því.
Bæklingi um sumarnámskeið barna og unglinga verður dreift í öll hús fljótlega. Þar verða fjölbreytt
frístundaúrræði kynnt til dæmis dansnámskeið sem er nýjung og fjölmargt annað skemmtilegt sem
stendur ungu kynslóðinni boða.
Sumarið verður vonandi bæði sólríkt og ljúft. Bærinn mun iða af lífi sem aldrei fyrr en framundan
eru hátíðahöld þjóðhátíðardagsins, garðyrkju- og blómasýningin Blóm í bæ og bæjarhátíðin
Blómstrandi dagar. Íbúar eru hvattir til að taka þátt í hátíðahöldunum, skemmta sér saman en
þannig verður lífið allt ennþá skemmtilegra.
Með sumarkveðju frá Aldísi
Hvergerðingar og nærsveitungar
Vegna mikillar sölu á fasteignum síðustu mánuði er vantar eignir á söluskrá
okkar. Spurt er um einbýli og raðhús í verðflokknum undir 30 millj. Það eru
margir að leita eftir eignum til kaups eða leigu í Hveragerði. Við komum og
tökum myndir og kynnum þína eign á netinu og á persónulegan hátt með
góðum árangri.
Breiðumörk 13 Hveragerði Sími 483-5900
Fagleg og persónuleg þjónusta
4
5
HEYRST
HEFUR…
að Harry prins og Fjölnir séu nú á lausu
að það hafi verið röð á karlaklósettið á Kaffi
Rós eftir herrakvöld Hamars… þar voru
frambjóðendur á trúnó
að mjög margar bréfalúgur í bænum séu
gamlar, ryðgaðar og stífar
að frambjóðendur allra flokka brosi breitt
að rómantíkin í Laufskógum 36 hafi aldrei
verið meiri þökk sé pottinum
að bærinn hafi næstum tæmst þegar
CrossFit iðkendur skelltu sér til Köben að
hvetja Björgvin Karl til dáða
að Ingó Veðurguð hafi messað yfir öllum
karlmönnum á Herrakvöldinu og tekið af
þeim loforð að þeir mæti á ALLA heimaleiki
Hamars í sumar
að Ninna Sif hafi eignast hest eftir
karlakvöldið og að Tolli hafi farið heim með
belju
að Stefán í Litlu kaffistofunni hafi sagt
brandara ársins
að sjoppurnar í bænum hafi ekki haft við
að steikja þynnkuborgara og franskar á
sunnudeginum eftir herrakvöldið
að Anna gæs hafi tekið snúning í
Laugaskarði með íþróttaálfinum
HVER ERUÐ ÞIÐ?
Fanney Ásgeirsdóttir, 42 ára, skólastjóri Grunnskólans í Hveragerði.
Dóttir mín, María Ösp Árnadóttir, 18 ára, nemi á náttúrufræðibraut í FSU og kærasti hennar,
Pálmar Atli Jóhannesson, 19 ára, smíðanemi í FSU og starfsmaður hjá Eðalbyggingum á Selfossi.
Helstu áhugamál?
Við erum öll heilmikið útivistarfólk, enda sveitalubbar að uppruna. Ég reyni að nota frítímann í
gönguferðir og fleira þess háttar, þó góðar bækur freisti reyndar líka. Unglingarnir eru bæði virk
í björgunarsveitarstarfi og hafa eytt flestum lausum stundum í vetur austur í sveit og ég reyni að
komast þangað líka af og til.
Hvað er langt síðan þið fluttuð til Hveragerðis?
Við fluttum hingað í ágúst síðastliðnum.
Hvar bjuggu þið áður og hvers saknið þið mest þaðan?
Við mæðgur fluttum hingað frá Vestmannaeyjum þar sem ég var skólastjóri grunnskólans.
Þaðan söknum við auðvitað góðra vina okkar, en það er líka alltaf gaman að koma á nýja staði og
kynnast nýju fólki.
Af hverju Hveragerði?
Hér bauðst mér áhugavert starf og okkur leist vel á að setjast hér að.
Mikilvægast í lífinu?
Að kunna að njóta hvers dags og eyða aldrei tíma eða kröftum í að ergja sig yfir því sem maður
fær ekki breytt. Í skólanum mínum leggjum við líka áherslu á að tileinka okkur visku, virðingu og
vináttu, sem ég held að séu frábær einkunnarorð, ekki bara í skólanum heldur alls staðar.
LEYNDARDÓMAR STEINANNA
Myndlistarsýning Grétu Berg var á Bókasafninu í
Hveragerði í lok mars og byrjun apríl en sýningin
var í tengslum við Leyndardóma Suðurlands.
Þar mátti sjá 13 olíumálverk eftir Grétu sem öll
túlkuðu það sem Gréta sá í steinum sem hún
fann úti í náttúrunni.
Myndir hennar eru afar ljóðrænar og út úr
þeim mátti gjarnan lesa sögu. Gréta hefur búið
í Hveragerði í nokkur ár en er frá Akureyri. Hún
er hjúkrunarfræðingur að mennt og starfar
á Heilsustofnun NLFÍ. Gréta hefur teiknað
frá barnsaldri en einnig stundað nám á sviði
myndlistar og tekið fjölmörg námskeið m.a. hjá
Myndlistaskóla Reykjavíkur.
Nánar má fræðast um verk Grétu www.umm.is
og á Facebook.
UNDRALAND Í HÖRPU
Þrír elstu árgangar og listaspírurnar á leikskólanum
Undralandi skelltu sér í menningarferð í höfuðborgina
25. apríl sl. Börnin sáu tónverkið Maxímús Músíkús sem
flutt var af Sinfóníuhljómsveit Íslands í Eldborgarsal
Hörpu.
Það var mikið klappað og vinkað þegar Maxímús birtist
á sviðinu og ferðalag hans sýnt á breiðtjaldi. Rútuferðin
var hin mesta ævintýraferð þar sem börnin gæddu sér á
bönunum og sungu Pollapönkið fullum hálsi.
Börnin voru öllum til sóma og allir fóru sælir og glaðir til
baka í síðbúinn hádegisverð.
6
VELKOMIN Í HEIMINN
Emilía Guðbjörg Hofland Tryggvadóttir
Fæðingardagur: 12. febrúar 2014
Foreldrar: Hjördís Harpa Wíum Guðlaugsdóttir
og Tryggvi Hofland Sigurðsson
Fæðingarþyngd: 3395 gr
Lengd: 51 cm
Lukas Vollmer
Fæðingardagur: 27. janúar 2014
Foreldrar: Markéta Kalvachová
og Tim Vollmer
Fæðingarþyngd: 3750gr
Lengd: 52 cm
NÁMSKEIÐ
Í LISTMÁLUN
Víðir Ingólfur Þrastarson eða
Mýrmann, er búinn að vera
með tvö námskeið í listmálun í
vor við mjög góðar undirtektir.
Það fyrra var í mars og hitt
núna í byrjun maí.
Námskeiðin voru á vegum myndlistarfélags Árnesinga og þau voru haldin í listasafni Árnesinga.
Þetta voru krefjandi helgarnámskeið sem voru samt sniðin að þörfum fólks með ólíkan og jafnvel engan bakgrunn í málun.
Víðir kennir flest sem skiptir máli varðandi listmálun, allt frá grunnvinnu og myndbyggingu yfir í flókna tækni þar sem hann blandar saman gamalli
málaratækni og nýrri áherslum. Fleiri námskeið verða vonandi næsta haust og verða þau auglýst síðar.
Hægt er að fá upplýsingar um listamanninn og skoða ljósmyndir af verkunum á www.myrmann.com.
Auglýsing um kjörskrá vegna
sveitarstjórnarkosninga
Kjörskrá vegna sveitarstjórnarkosninga 31. maí 2014
liggur frammi á skrifstofu Hveragerðisbæjar, Sunnumörk 2
frá og með 21. maí 2014 til kjördags.
Skrifstofan er opin milli kl. 10:00-15:00
alla virka daga.
F.h. bæjarstjórnar Hveragerðis,
Aldís Hafsteinsdóttir, bæjarstjóri
Kjörfundur í Hveragerði
Kjörfundur vegna sveitarstjórnarkosninga laugardaginn
31. maí 2014 hefst kl. 9:00 og lýkur kl. 22:00 þann dag í
Grunnskólanum í Hveragerði. Gengið er inn um aðalinngang
við íþróttahúsið.
Sérstök athygli skal vakin á eftirfarandi:
Kjósandi, sem ekki hefur meðferðis persónuskilríki, getur átt
von á því að fá ekki að greiða atkvæði.
Þá er ekki heimilt að vera með áróður á eða við kjörstað
meðan á kjörfundi stendur svo sem barmmerki og/eða
merkingar á bifreiðum.
Hveragerði maí 2014.
Kjörstjórnin í Hveragerði.
7
VIÐTALIÐ
LOVÍSA EÐA
LAY LOW
Lay Low er nýkomin heim úr tónleikaferð til Bretlands er við hittum
hana í sundlauginni Laugaskarði þar sem hún er fastagestur. Lay Low
er viðræðugóð og róleg í fasi en rólegheitin má ef til vill rekja til þess
að hún er hálf dösuð eftir góða stund í heitapottinum. Í London hélt
hún tvenna tónleika og spilaði einnig á tónlistarhátíð í Brighton en
þar á meðal voru íslensku böndin Mammút og Samaris.
„Fyrir framan fjögur þúsund manns spilaði
ég í risastórri skyrtu af strákunum og með
risagleraugu, alveg fáránleg!“
Ferðin gekk vel og var skemmtileg. „Bæði giggin voru full, alveg troðið“
segir Lay Low og bætir við að það sé frábært að spila í landi þar
sem engin veit hver maður er. Hún hefur hitað upp fyrir fjölmargar
erlendar og íslenskar hljómsveitir og má þar nefna m.a. Emilíönu
Torrini, Of Monsters and Men og Dave Matthews band.
Hún hefur spilað fyrir þúsundir tónleikagesta og er nú aðallega að
spila á erlendri grundu. Þar hefur hún lent í ýmsum skakkaföllum
og rifjar upp skemmtilega sögu af því þegar farangur hennar
týndist rétt áður en hún átti að stíga á svið til að hita upp fyrir Dave
Matthews band. „Taskan mín týndist á leiðinni með öllum fötunum,
snyrtidótinu og öllu sem þarf til að gera sig fína fyrir spilamennskuna.
Það var engin tími til að finna neitt! Þannig að ég endað á að fá lánuð
föt hjá strákunum og var svo með risastór gleraugu sem ég hafði keypt
í Kolaportinu! Fyrir framan fjögur þúsund manns spilaði ég í risastórri
skyrtu af strákunum og með risagleraugu, alveg fáránleg!“ segir hún
hlæjandi og segir að það skipti í raun ekki máli í hvernig fötum
maður er í upp á sviði, maður er bara að syngja.
Ljósmynd: Golli
8
Prúðbúin á 17. júní, 4 ára Fyrstu skrefin í tónlistinni, 8 ára Unglingurinn að æfa sig, 14 ára
Það er frábært að vera tónlistarmaður í
sveitinni. Yndislegt að hafa svona náttúru og
ró og næði í kringum sig“.
Fyrir nokkrum árum bjó Lay Low um tíma rétt fyrir utan Selfoss og
þegar kom að því hjá henni og Agnesi, sambýliskonu hennar, að finna
framtíðarhúsnæði þá kallaði sveitasælan á hana. Þær höfðu búið í lítilli
íbúð á Hverfisgötunni þegar þær duttu niður á húsnæði í Ölfusinu.
Lay Low tókst að sannfæra Agnesi um að prófa að búa í sveitinni
og þær sjá ekki eftir þeirri ákvörðun. Þær vinna báðar heima fyrir en
sinna þó ólíkum verkefnum þar sem Lay Low semur tónlist á meðan
Agnes sér um bókhald fyrir nethýsingarfyrirtæki. „Það er frábært að vera
tónlistarmaður í sveitinni. Yndislegt að hafa svona náttúru og ró og næði
í kringum sig. Líka mjög gott að keyra í bæinn – þá fær maður tíma til að
hlusta á það sem maður er að gera eða bara hafa þögn. Þetta er bara
yndislegt“ segir Lay Low sem vinnur statt og stöðugt að því að fá vini og
vandamenn til að flytja hingað.
Innt eftir helstu kostum sem hún nefnir við þá segir hún tvímælalaust
þá að það er hægt að fá stærra hús eða íbúð fyrir mikið minna verð en
í bænum og svo er stutt að fara til Reykjavíkur. „Margir eru hræddir við
Hellisheiðina en þá er svo þægilegt að hafa strætó. Ég notaði hann mikið
í vetur ef færðin var erfið“ segir Lay Low og bætir við að hún skipuleggi
sig bara öðruvísi fyrir vikið. Þær eiga tvo ketti og einn hund sem er
að hennar sögn alsæll í sveitinni því honum þótti „hundfúlt að vera í
bænum“ enda sveitahundur í grunninn.
„lo – la – lay – lo ...eitthvað“
Í daglegu tali er Lay Low kölluð Lovísa af vinum og vandamönnum en
þó er sífellt að færast í aukana að fólk kalli hana Lay Low og finnst henni
það bara kósý. Upphaflega átti Lay Low að vera heiti á hljómsveit og
líkt og upphaf tónlistarferils hennar þá kom nafnið upp á óvæntan hátt.
„Það er ekkert frábær saga en fyndið af því leyti að ég var að byrja og var
ekki búin að ákveða að ætla að syngja ein. Það var hringt í mig fyrir fyrstu
tónleikana og spurt um hvað ætti að setja á plakatið. Vinkona mín hjálpaði
mér að finna nafn með því að segja hratt „lo – la – lay – lo ...eitthvað“ og
þá kom Lay Low og það átti að vera nafn á hljómsveit en svo festist þetta
svona“ segir Lay Low brosandi.
Framundan eru spennandi tímar hjá Lay Low en ásamt því að koma
sér vel fyrir í sveitinni þá er hún að undirbúa útgáfu plötu erlendis og
einnig mun hún fara reglulega út til að spila.
Það má með sanni segja að í lífi hennar togist á miklar andstæður milli
þess að njóta kyrrðarinnar í sveitasælunni og semja tónlist og þess að
heimsækja helstu stórborgir heimsins og troða upp á tónleikum fyrir
framan mörg hundruð manns. Líklega á það vel við hana því sjálf lýsir
hún sér sem rólegri persónu sem er heimakær en notar hvert tækifæri
til að stríða eða eins og hún kemst sjálf að orði „ég er svolítið stríðin. Það
er gott að vera lúmsk róleg en samt svolítið stríðin“ segir Lay Low og brosir
stríðnislega.
Lay Low hefur ekki sótt marga viðburði hér í Hveragerði en fer þó
oft í sund og þekkir orðið heilmikið af fólki þar. „Búin að kynnast
allskonar fólki í pottinum sem er mjög skemmtilegt. Svo fór ég á nokkrar
brenniboltaæfingar í vetur og það var æði“ segir Lay Low og svarar að fólk
hafi verið alveg ófeimið við að skjóta á hana „held að það hafi verið af því
ég var ekkert svo góð sko“ bætir hún við hlæjandi.
Á sumardaginn fyrsta kom hún fram og spilaði á sundlaugarbakkanum
í Laugaskarði en það var ekki í fyrsta skipti sem hún stígur á stokk
hér í Hveragerði. „Það var þegar enginn vissi hver ég var. Þá spilaði ég á
einhverri kosningaskrifstofunni. Það var árið 2006. Held að það hafi verið
hjá Vinstri grænum“ segir Lay Low. Þar sem talið var komið út á pólitískar
brautir þá könnum við afstöðu hennar til sameiningar sveitarfélaganna
Hveragerðis og Ölfuss. „Ég veit rosalega lítið um þetta en hef aðeins reynt
að googla þetta. Sem ný í Ölfusinu þá finnst mér þetta góð hugmynd,
sérstaklega að leyfa fólki að kjósa um það hvort það hafi áhuga eða ekki.
En það vantar smá kynningarbækling um þetta allt saman“ segir Lay Low.
Í Toe Rag studios í London að taka upp aðra plötuna mína,
Farewell Good Night’s Sleep (2008)
9
HVERNIG BÆR VILJUM VIÐ VERA?
Öflugt atvinnulíf
Hveragerði er fallegasti bær landsins að mínu mati. Í fallegasta bæjarstæði landsins. En við þurfum hins vegar að marka
stefnu að því hvernig bær við ætlum að vera. Ætlum við að vera úthverfi Reykjavíkur eða viljum við byggja upp öflugt
bæjarfélag með þessum miklu tækifærum sem hér liggja. Hvort heldur sem er þarf að setja markmið og vinna ötullega
að þeim markmiðum. Ef þetta verður svefnbær þarf að aðlaga þjónustu íbúanna með það að markmiði. Ég tel þó að
hér ætti að setja krefjandi markmið um það að draga að ný fyrirtæki þar sem nálægð okkar við höfurborgarsvæðið
er mikill kostur. Hér getur verið mikil gróska í alls kyns nýsköpun og skapandi greinum. Það þarf að vinna að því að
auglýsa bæjarfélagið betur til að laða að ferðaþjónustufyrirtæki og laða að fólk sem hefur áhuga á að styrkja innviði
ferðaþjónustunnar í Hveragerði.
Fjölskyldubærinn Hveragerði
Í Hveragerði vil ég stofna fjölskyldu. Hér þarf að huga betur að allri umgjörð varðandi börnin okkar. Nú hafa ekki allir nýbakaðir foreldrar tök á því að
vera heima með barnið fram að 18 mánaða aldri þegar pláss á leikskóla á vera tryggt. Dagvistunarúrræði fyrir börn frá lokum fæðingarorlofs þurfa að
vera trygg, annað hvort með því að hér verði stofnaður ungbarnaleikskóli eða að ávallt sé tryggt að nóg sé af dagforeldrum.
Þátttaka barna í íþróttum og tómstundastarfi í Hveragerði eru að mínu mati dýr. Með því að innleiða frístundastyrki fyrir börn má koma til móts við
þennan kostnað fjölskyldna. Eins þarf að hlúa betur að krökkum á miðstigi og elsta stigi grunnskólans, t.d. með því að efla félagsmiðstöðina með því
að ráða inn starfsmenn með menntun í tómstundafræðum. Auðvitað ætti líka að fá krakkana til að koma með hugmyndir að því hvað þau vilja að sé
gert varðandi afþreyingu fyrir þau.
Íbúarnir ráði meiru
Ég vil að öll stjórnsýsla bæjarnins verði gerð aðgengilegri og að íbúarnir hafi meira um það að segja hvað sé gert í þeirra hverfum. Ég sé fyrir mér
íbúaþing eða íbúakosningar, kannski vefsíðuna betrihveragerdi.is, svipað og gert hefur verið í Reykjavík þar sem íbúalýðræði ræður för. Einnig vil ég
auka allt gegnsæi stjórnsýslunnar. Mig langar að sjá aukið samráð milli flokka og hvet öll framboð til að styðja góðar hugmyndir hvaðan sem þær
koma.
Það er undir ykkur komið kæru kjósendur, á fólk að halda áfram að sækja atvinnu út fyrir bæinn í stórum stíl eða eigum við að gera eitthvað í málinu!
Hvernig bær viljum við vera?
Walter Fannar Kristjánsson,
5. sæti Samfylkingarinnar og óháðra í Hveragerði
XS
Nokkur áherslumál á komandi
kjörtímabili:
Eflum atvinnu
Frístundastyrkir fyrir börn
Íbúalýðræði
Stöndum vörð um hverasvæðið
Aðgengi fyrir alla í stofnunum og
umhverfi bæjarins
Umferðaröryggi í samvinnu við íbúa
Heilsueflandi samfélag
Samstaða gegn frekari virkjunum
Árleg bókmenntahátíð
Skipulag miðbæjar í samvinnu við
íbúa
Nærþjónusta við eldri borgara
Samfylkingin og óháðir í Hveragerði
Opnun kosningamiðstöðvar að Reykjamörk 1, 18. maí kl. 14 - Allir velkomnir
Kosningamiðstöðin er opin virka daga kl. 20-22 og helgar 12-18
Finndu okkur á www.xshveragerdi.is og facebook.com/xshveragerdi
10
Golfleikjanámskeið í júní
Golfklúbbur Hveragerðis býður upp á golfleikjanámskeið í
sumar. Námskeiðin fara fram á golfvellinum við Hótel Örk.
Námskeiðin eru þrjú talsins:
• 10.-13. júní
• 16.-20. júní
• 23.-27. júní
Golfæfingar GHG fyrir börn og unglinga
hefjast þriðjudaginn 27. maí.
Golfklúbbur Hveragerðis stendur fyrir golfæfingum
fyrir börn og unglinga í allt sumar á Golfvellinum á
Hótel Örk. Æfingarnar eru tvisvar í viku, þriðjudaga og
fimmtudaga kl. 16:00 – 17:30.
Leiðbeinendur verða Birgir Busk og Ólafur Dór
Steindórsson. Margt verður brallað í sumar, t.d. verður
leikið næturgolf og farið í golfferð í haust.
Nánari upplýsingar á heimasíðu GHG
www.ghg.is.
Á lokadegi hvers námskeiðs verður haldið golfmót sem lýkur
með verðlaunaafhendingu og grillveislu.
Á námskeiðunum verður farið í undirstöðuatriði
golfíþróttarinnar og allskyns golfleiki þar sem skemmtun og
fróðleikur fara saman.
Námskeiðin eru hugsuð fyrir nemendur af yngsta- og
miðstigi grunnskóla (6-12 ára). Umsjón er í höndum Páls
Sveinssonar, leiðbeinendur verða Jón Bjarni Sigurðsson og
Melkorka Elín Sigurðardóttir.
Námskeiðsgjald er kr. 5.000, verð fyrir systkini kr. 3000
hvert.
Æskilegt er að nemendur hafi meðferðis nesti, öll hreinlætisog
nestisaðstaða er til staðar á Hótel Örk. Þátttakendur þurfa
að hafa hlífðarfatnað tiltækan, golfklúbburinn getur útvegað
golfkylfur og golfbolta.
Skráning fer fram hjá Páli í síma 822-9987
og á pallsv@hveragerdi.is
HEILSUBÆRINN HVERAGERÐI
Hveragerði hefur alla burði til þess að verða til fyrirmyndar varðandi heilsueflingu. Hér er
dásamlegt umhverfi til útivistar, frábær sundlaug og miklu púðri hefur að undanförnu verið eytt í
eflingu íþróttamannvirkja sem ekki var vanþörf á. Hér blómstrar íþróttaiðkun bæjarbúa sem aldrei
fyrr, fólk er ýmist í Zumba, Crossfit eða skokkhópnum.
Frístundastyrkir
Til þess að Hveragerði verði til fyrirmyndar sem heilsueflandi samfélag má ekki gleyma
börnunum okkar. Bæjarfélagið hefur eytt miklum fjármunum í bætta íþróttaaðstöðu en við
teljum að aðalatriðið hafi setið á hakanum, það er að tryggja aðgengi barna að fjölbreyttu íþróttaog
tómstundastarfi óháð efnahag foreldra. Kostnaður vegna tómstunda barna er stór útgjaldaliður fjölskyldufólks, ekki síst í barnmörgum fjölskyldum.
Ýmsar leiðir er hægt að fara til að létta undir með fólki og stuðla þannig að jafnari tækifærum barna til fjölbreytts tómstundastarfs en rannsóknir hafa
sýnt að forvarnargildi þess er margvíslegt og ótvírætt. Víða hér á landi hafa verið innleiddir frístundastyrkir en með þeim er hægt að lækka þennan
kostnað umtalsvert og teljum við nauðsynlegt að bæjarfélagið taki upp slíka styrki. Æskilegt væri að bæjarfélagið gæti einnig stuðlað að auknu
samstarfi deilda Hamars þannig að yngstu iðkendurnir fengju aukin tækifæri til þess að prófa hinar ýmsu greinar með því að greiða eitt gjald fyrir sem
haldið væri í lágmarki.
Öll börn fái hollan mat í skólum
Í heilsueflandi samfélagi er annað atriði sem skiptir ekki minna máli en hreyfing og það er mataræði. Hvergerðingar eru upp til hópa mjög meðvitaðir
um hollt mataræði - hver hefur ekki heyrt minnst á paleo, lágkolvetna mataræði eða hvað þetta heitir nú allt. Í þessu samhengi má ekki gleyma
börnunum okkar en næring gegnir mikilvægu hlutverki í öllu skólastarfi þar sem gott mataræði getur til dæmis haft áhrif á einbeitingu, hegðun og
námsárangur. Mikilvægt er að venja börn á gott mataræði frá unga aldri en auðveldara er að móta hegðun en að breyta henni.
Börnin okkar verja stórum hluta dagsins í skólum bæjarins og skólaseli og mikilvægt er að tryggja að þar hafi börnin okkar aðgengi að hollum og
fjölbreyttum mat samhliða hreyfingu og útiveru. Við fögnum því að grunnskólinn sé nú þátttakandi í verkefninu Heilsueflandi grunnskóli sem á
vonandi eftir að eflast enn frekar um leið og við teljum mikilvægt að leikskólar og frístundaheimili fylgi sambærilegum stefnum. Innan heilsueflandi
skólaverkefna eru skólar hvattir til þess að mynda heildræna stefnu á sviði næringar og framfylgja opinberum ráðleggingum um mataræði og
næringu.
Við viljum að Hveragerði marki sér sess sem alvöru heilsueflandi bæjarfélag, þar sem skólar bæjarins fylgja heilsueflandi stefnu, tryggja aðgengi barna
að næringarríkum og fjölbreyttum mat og stuðla að auknum jöfnuði barna að tómstundaiðkun.
Bjarney Sif Ægisdóttir og Álfhildur Þorsteinsdóttir skipa 4. og 6. sæti Samfylkingarinnar og óháðra í Hveragerði.
11
TÆKIFÆRI Á SVIÐI ATVINNUMÁLA
Sú athygli sem Ísland fékk við efnahagshrunið og skömmu síðar við eldgosið í Eyjafjallajökli hefur óneitanlega þrátt fyrir
allt skilað sér með jákvæðum hætti í verulegri fjölgun erlendra ferðamanna. Við Hvergerðingar höfum ekki farið varhluta
af þessari fjölgun frekar en aðrir landsmenn. Í slíkri fjölgun felast fjölmörg tækifæri og þá ekki síst fyrir Hveragerði. Þessi
tækifæri eigum við að nýta okkur með markvissum hætti.
Í Hveragerði er nú þegar góður grunnur að ýmiskonar þjónustustarfsemi fyrir ferðamenn en sóknarfæri felast í því að
þeir sjái sér hag í að koma til okkar til lengri dvalar. Heilsustofnun NLFÍ hefur um áratuga skeið staðið í fylkingarbrjósti á
Íslandi við að taka á móti landsmönnum til lengri dvalar til að styrkja heilsuna. Á HNLFÍ er rekin starfsemi í heimsklassa
á því sviði. Hveragerði hefur alla burði til að útvíkka þetta hlutverk, þ.e. að vera staður þar sem landsmenn sjálfir og ekki
síður erlendir gestir geta sótt sér endurnæringu á sál og líkama. Þetta má m.a. gera með góðri samvinnu við HNLFÍ og aðra þjónustuaðila í bænum
og jafnframt við aðra áhugaaðila um uppbyggingu á þessu sviði.
Bæjarstjórn getur gert ýmislegt til að styðja við uppbyggingu á sviði heilsutengdrar ferðaþjónustu. Þetta má m.a. gera með því að leggja mikla
áherslu á umhverfismálin og fegrun bæjarins. Einnig þarf skipulag Hveragerðis að taka mið af því hvert við viljum stefna í þessum efnum. Þá getur
viss sveigjanleiki í lóða- og byggingargjöldum liðkað til fyrir fjárfestingum á þessu sviði.
Ekki má gleyma því að sterkir innviðir og góð líðan íbúa er grunnur að því að aðrir vilji koma til okkar að sækja sér endurnæringu og bætta heilsu.
Þannig skiptir mjög miklu máli að við rekum góða skóla og sköpum góðar aðstæður fyrir íþróttalíf og útivist. Ekki má gleyma því heldur að sterkt
atvinnulíf er ein forsenda þess að fólk geti lifað góðu lífi. Þótt hluti bæjarbúa geti sótt vinnu annarsstaðar og að skapaðar hafi verið góðar aðstæður
til þess með bættum samgöngum þá þurfum við að huga betur að öflugri uppbyggingu atvinnulífs og skapa aðstæður sem laða fyrirtæki að
bænum í meira mæli en verið hefur. Heilsutengd ferðaþjónusta og tengd starfsemi er einn mikilvægasti möguleikinn í þeim efnum.
Eyþór H. Ólafsson, skipar 2. sæti á D-Listanum í Hveragerði
REYNSLA, FORYSTA, FRAMTÍÐARSÝN
D-listinn leggur nú verk sín í dóm kjósenda að afloknu þessu kjörtímabili. Kjörtímabili sem einkennst hefur af stöðugleika,
sátt og einingu í bæjarfélaginu okkar. Við sem skipum bæjarstjórn finnum að íbúar kunna vel að meta það að hér vinna
bæjarfulltrúar sameiginlega með hag íbúa að leiðarljósi. Við höfum líka fundið vel fyrir því hversu sáttir íbúar eru við
öfluga baráttu bæjarstjórnar fyrir sameiginlegum hagsmunum okkar allra. Þar hafa bæjarfulltrúar einhuga barist fyrir
til dæmis fjölgun hjúkrunarrýma, tvöföldun Suðurlandsvegar, barist gegn Bitru og verið í harðri baráttu þegar kom að
áhrifum framkvæmdanna á heiðinni hér fyrir ofan okkur svo fátt eitt sé talið. Þessi barátta hefur vakið athygli langt út fyrir
bæjarmörkin og er þessi samstaða ekki sjálfsögð og einingin í bæjarfélaginu ekki heldur. Þess vegna teljum við mikilvægt
að haldið verði áfram því góða starfi sem hafið er.
Við frambjóðendur D-listans leggjum áherslu á framúrskarandi þjónustu. Að samfélagið taki ávallt mið af hagsmunum og þörfum íbúanna.
Samstarf við Strætó bs. um tíðari ferðir til höfuðborgarinnar er verkefni sem við erum afar stolt af. Þar með voru íbúum tryggðar tíðar ferðir á góðum
kjörum inn í miðju stærsta atvinnusvæði landsins. Hefur þetta reynst mikilvæg samgöngubót fyrir þá fjölmörgu sem sækja vinnu eða nám til
höfuðborgarsvæðisins.
D-listinn leggur áherslu á að hér séu skóla- og leikskólamál eins og best gerist. Til þess að gera þar enn betur munum við til dæmis bæta aðstöðu
mötuneytis í grunnskólanum, netvæða skólana alla og hefja rekstur á leikskóladeild fyrir börn frá 12 mánaða aldri. Til að stuðla að markvissri þátttöku
barna og ungmenna í frístunda og tómstundastarfi verða frístundastyrkir teknir upp.
Við munum leggja áherslu á að skapa bænum sérstöðu á sviði umhverfismála, ferðaþjónustu og íþrótta. Við munum áfram leggja áherslu á öfluga
atvinnuuppbyggingu.
Undanfarin ár hefur meirihluti D-listans í bæjarstjórn orðið að takast á við erfiðar aðstæður í kringum efnahagshrunið en á sama tíma hefur verið
ráðist í ýmsar þarfar framkvæmdir. Bygging Hamarshallarinnar var þrekvirki enda um einstaka framkvæmd að ræða. Til þess að taka slíkar ákvarðanir
þarf kjark og þor en jafnframt reynslu og þekkingu.
Meirihluti D-listans hefur þá þekkingu sem þarf og reynsluna til að taka réttar ákvarðanir. Við treystum á ykkar stuðning þann 31. maí næstkomandi.
Aldís Hafsteinsdóttir, 4. sæti D-listans.
12
STRÁKARNIR OG STELPURNAR OKKAR
BIKARINN KOM TIL BAKA
ÍSLANDSMEISTARAR Í FITNESS
RAGNAR Í ÚTRÁS
Körfuknattleiksmaðurinn og næst stærsti
Íslendingurinn, Ragnar Nathanaelsson hefur
samið við sænska úrvalsdeildarliðið Sundsvall
Dragons. Hann mun mæta galvaskur til leiks
þann 1. september næstkomandi.
Krumminn óskar honum góðs gengis og
vonum að hann verði nú duglegur að kjósa
Ísland í næstu Eurovision fyrir okkur.
Héraðsmsót HSK var haldið sunnudaginn
4. maí í Þorlákshöfn. Bikarinn verður áfram
í Hveragerði þar sem Hamar sigraði í
stigakeppninni og eignaðist tvo HSK meistara
Bjarndísi Blöndal og Þórhall Einisson.
Nánar um mótið og myndir inn á
Badmintonsíðu Hamars á Facebook.
Tvær stúlkur úr Hveragerði sigruðu í sitthvorum
módel-fitness flokknum fyrir sig á Íslandsmóti
IFBB í fitness og vaxtarrækt í Háskólabíói sem
haldið var 17.-18. apríl.
Rakel Rós Friðriksdóttir (til vinstri) varð í 1. sæti
í módelfitness - unglingaflokki og Gyða Hrönn
Þorsteinsdóttir varð í 1. sæti í módelfitness
- 171cm+ flokki.
BORGUNARBIKARINN
HAMAR 1 - KFR 0
Hamar sló KFR út í Borgunarbikarnum 13. maí
sl. Hamarsmenn byrjuðu leikinn mun betur og
á 22. mínútu skoraði Samúel Arnar Kjartansson
fyrir Hamarsmenn.
Seinni hálfleikur var mun jafnari en
Hamarsmenn héldu þetta út og unnu
sanngjarnan sigur á liði KFR.
Við hvetjum alla til að mæta og hvetja okkar
menn í sumar. Hægt er að sjá dagsetningarnar
inn á www.hamarsport.is
AFREKSKYLFINGAR
Síðustu ár hafa nokkur ungmenni úr GHG keppt fyrir
hönd GHG á mótum hérlendis sem erlendis. Þessi hópur
æfir tvisvar í viku undir leiðsögn PGA þjálfarans Ingvars
Jónssonar. Þeir sem hafa náð árangri og hyggjast keppa í
golfíþróttinni geta stundað þessar æfingar.
Ástundunar- og háttvísiverðlaun GHG
Á hverju ári hljóta tveir kylfingar úr barna- og unglingahópi
GHG ástundunar- og háttvísisverðlaun, sem eru golfferð til
Bandaríkjanna. Þeir sem skarað hafa fram úr í dugnaði og
ástundun við æfingar ásamt því að vera fyrirmynd í hegðun
og framkomu koma til greina í valinu.
Katrín Eik leikur golf á Long Island í Bandaríkjunum Keppnissveit GHG 15 ára og yngri 2013
Sumarið 2014 verður farið í þriðja sinn í slíka ferð til Long Island í New York-fylki og gist hjá Magnúsi Magnússyni, velunnara GHG. Þá er golf leikið á
fegurstu golfvöllum Bandaríkjanna, PGA golfmótaröðin heimsótt, farið í skoðunarferð til New York og að sjálfsögðu kíkt í verslunarmiðstöðvar.
Við hvetjum alla krakka í Hveragerði og nágrenni til að koma og prófa golf í sumar og vonumst til að sjá sem flesta á vellinum!
Nánar um afrekshópinn og fréttir á www.ghg.is.
Páll Sveinsson
Formaður barna- og unglinganefndar GHG
Kæru lesendur
Gleðilegt sumar
Velkomin
Úrvals
gróðurmold
til sölu
GARPAR ehf.
Sími 894 0444
garparehf@@simnet.is
13
HVAR EIGA BÖRNIN OKKAR AÐ VERA?
Eftir 7 ára dvöl í Danmörku er ég og litla fjölskyldan mín komin heim í bæinn okkar fagra, Hveragerði. Hér er gott að vera.
Hér er fallegt og notalegt umhverfi og fólkið skemmtilegt. Hér viljum við búa. Hérna er þó eitt stórt vandamál. Dagvistun
barna 5 ára og yngri.
Í nútímasamfélagi er orðið sjaldgæft að aðeins annað foreldrið geti farið út á vinnumarkaðinn. Í dag þurfum við að vinna
tvöfalt meira en áður til að fæða og klæða fjölskylduna. Þess vegna eru margir í þeirri aðstöðu að þurfa setja börnin sín í
dagvistun allan daginn.
Fyrir okkur vinnandi foreldra, sem ekki höfum möguleika á að vera heima með krílunum, er þetta ört vaxandi vandamál. Í
Hveragerði er vinsælt að búa. Þess vegna er nauðsynlegt að koma með framtíðarlausn á þessu vandamáli.
Sonur minn varð tveggja ára í janúar. Hann er orkubolti eins og börn á þessum aldri. Hann er því miður á biðlista og kemst ekki inn á leikskólann fyrr
en í ágúst eða september. Hvað á fjölskyldan að gera? Það hafa því miður ekki allir þau forréttindi að hafa marga í kringum sig sem geta aðstoðað
með krílin í fleiri mánuði á meðan beðið er eftir leikskólaplássi og eða dagforeldraplássi. Það VERÐUR einfaldlega að búa til fleiri leikskólapláss.
Í Hveragerði starfa aðeins þrír dagforeldrar og mörg börn eru nú þegar komin á biðlista. Í haust lítur út fyrir að aðeins eitt dagforeldri starfi í
bæjarfélaginu. Dagforeldrar hafa komið og farið því er mikilvægt að finna góða dagforeldra sem eru tilbúnir til að starfa til langtíma litið. Það
eru ekki allir tilbúnir að leggja heimilið sitt undir fyrir starfsemi af þessum toga. Þessu fylgir kámugir puttar, slef og matarslettur upp um alla
veggi. Ég skil mætavel að sumir bakki út úr þessu starfi og snúi sér að öðru. Ég tel að með því að finna húsnæði undir starfsemina sem fyrst verði
eftirsóknarverðara að starfa sem dagforeldri í Hveragerði þar sem eigið húsnæði er ekki lagt undir.
Við líkjum okkur við hin Norðurlöndin á mörgum sviðum og dagvistun barna er eitt af þeim málum sem við mættum læra af Dönum. Sonur minn
var á svokallaðri „vöggustofu‘‘ í Danmörku. Vöggustofa er ungbarnaleikskóli fyrir börn þriggja ára og yngri sem ekki hafa aldur til að komast inn á
danskan leikskóla og er reksturinn á vegum bæjarfélagsins. Á slíkri deild eru ca 13 börn og 3 leiðbeinendur í fullu starfi til að sinna þeim. Þarna er
opið frá klukkan 06:30-17:00 alla virka daga. Það eru aldrei vandamál með forföll eða veikindi leiðbeinanda, þú getur alltaf komið með börnin. Mér
fannst þetta æðislegt og strákurinn elskaði að vera þarna.
Með því að byggja vöggustofu fyrir 2 ára og yngri og hafa pláss fyrir a.m.k. 20 börn komum við til móts við þessa gríðarmiklu eftirspurn á
dagforeldraplássi. Ég segi; því fyrr, því betra!
Ásdís Alda Runólfsdóttir, skipar 4. sæti á lista Frjálsir með Framsókn X-B
Umhverfið
Frístundakort
Spjaldtölvuvæðing
Fjármál
Dagforeldrar
Atvinnumál
Íþróttarúta
Góður kostur
fyrir HveraGerði
tryggjum Garðari öruggt sæti í bæjarstjórn
XB
facebook.com/frjalsirmedframsokn
Kosningaskrifstofa:
Breiðumörk 27
(hliðina á heilsugæslunni)
sími: 862-7501
14
FRÍSTUNDAKORT - FYRIR BÖRNIN OKKAR
Frjálsir með Framsókn í Hveragerði líta svo á að það sé hlutverk sveitarfélags að jafna aðstöðu barna og unglinga á
grunnskólaaldri til tómstunda-, lista- og íþróttaiðkunar. Leið að þessu takmarki eru frístundakort, sem standa börnum
til boða víða um land. Markmiðið er að leggja áherslu á, styðja og hvetja börn og ungmenni, til þess að taka þátt í
uppbyggilegu frístundastarfi, óháð efnahag eða félagslegum aðstæðum. Frístundakortið eykur jöfnuð í sveitarfélaginu
og einnig fjölbreytileika í íþrótta- og tómstundastarfi. Kortið veitir hverju barni rétt á allt að 30.000 kr endurgreiðslu af
þátttöku- eða æfingagjöldum á ári.
Eins og málum er nú háttað hjá okkur í Hveragerði eru gerðir þjónustusamningar við íþrótta-, æskulýðs- og
tómstundafélög en frístundakortið mun ekki hafa áhrif þar á. Til að nýta sér fyrirgreiðslu bæjarfélagsins eru börnin okkar
því bundin af því að iðka einhverja þá íþrótt, eða tómstund, sem hér er í boði. En veröldin er stærri en bærinn okkar! Væntanlega hafa einhverjir
áhuga á öðrum íþróttum eða tómstundum en hér eru í boði. Fari viðkomandi út fyrir bæinn til að sinna hugðarefnum sínum, fylgir honum engin
fyrirgreiðsla, á sama hátt og þeim sem iðka sín áhugamál innan bæjarmarkana. Þessu vilja Frjálsir með Framsókn breyta. Við teljum að greiðslurnar
eigi að fylgja börnunum, en með því gefst þeim færi á að stunda þær íþróttir eða tómstundir sem þau kjósa. Óháð því hvort það er í boði í bænum
eða ekki.
Garðar Rúnar Árnason, skipar 1. sæti á lista Frjálsir með Framsókn
Viðgerðar- og
saumaþjónusta
Ósk Gísladóttir
Arnarheiði 28
Sími: 483 5299
Gsm: 842 5299
HÁRSNYRTISTOFAN
ópus
Breiðumörk 2
Hveragerði
Sími 483 4833
Garðplöntusalan
BORG
Þelamörk 54
810 Hveragerði
Sími: 483 4438
borg@borghveragerdi.is • www.borghveragerdi.is
Opið alla daga kl.10-20
FYRIRTÆKJAKYNNING
Krumminn kíkti í kaffi á skrifstofu
sem er búin að vera í nærri tólf
ár við Breiðumörkina. Þar er oft
mikið um að vera enda er um margvíslegan rekstur að ræða. Þar kemur fólk
til að ræða um tryggingar, endurnýja happdrættin sín eða jafnvel kaupir sér
húseignir til að búa í. Þar vinna þau Kristinn G. Kristjánsson og Ingibjörg Sverrisdóttir.
Við tókum þau tali og spurðum um hagi þess og tilurð þessa reksturs. „Ég keypti jörðina Kvisti í Ölfusi árið
1977 en fluttist svo til Hveragerðis árið 1983. Sótti í fyrstu vinnu hjá Landsbankanum á Selfossi en árið 1989 tók
ég við starfi bæjargjaldkera hjá Hveragerðisbæ og vann þar til ársins 2003 en þá tók ég við starfi þjónustustjóra
fyrir Vís í Hveragerði og sameinaði þar með aukavinnuna við aðalvinnuna“ segir Kristinn og bætir við að hann
hafi í aukavinnu annast milligöngu um sölu fasteigna í sínu nærumhverfi síðan 1986. Árið 2006 öðlaðist
hann svo full réttindi sem löggiltur fasteignasali og það má því segja að hann hafi annast milligöngu um
fasteignir fyrir Hvergerðinga í um 30 ár.
Garðplöntur í úrvali
Tré, runnar, fjölær blóm,
ávaxtatré, matjurtaplöntur,
sumarblóm, mold, áburður og fl.
Austurmörk 16,
Verið
Hveragerði
velkomin
þökkum viðskiptin
GSM: 868 9390
Lars, Ragnheiður
Lóreley Sigurjónsdóttir
og starfsfólk.
Einkaþjálfari
og alþjóðlegur
Zumbakennari (zin)
Aðspurður segir hann skipta miklu máli að ríkja þagmælsku og trúnað milli fólks því þegar hugað er að
fasteignakaupum þarf oft að skoða málin ofan í kjölin og þá koma stundum upp fjölskylduaðstæður
og persónuleg málefni. Ingibjörg hefur starfað á skrifstofu Fagvís í hlutastarfi frá árinu 2005 en hún fékk
réttindi sem löggiltur leigumiðlari árið 2010. Bakgrunnur hennar er úr garðyrkjunni en hún er alin upp í
Biskupstungunum og flutti í Ölfusið árið 1989. „Þetta er fjölbreytt og skemmtilegt starf. Hingað kemur fólk með
margskonar málefni, jafnt í tryggingargeiranum sem og í fasteignahugleiðingum. Síðan eru fastir viðskiptavinir
að endurnýja happdrættismiðana sína“ segir Ingibjörg glaðbeitt og segir starfið gefandi og skemmtilegt. „Ég
hef kynnst fjölmörgum í gegnum starfið hér og tíminn líður svo hratt að dagarnir eru alltaf of stuttir“.
NÆSTI KRUMMI KEMUR ÚT FYRIR
BLÓM Í BÆ. MINNUM Á AÐ PANTA
AUGLÝSINGAR OG SENDA GREINAR
TÍMANLEGA
KRÚNK KRÁ KRÁ
Krumminn óskar þeim velfarnaðar á komandi sumri og þakkar fyrir góðar móttökur.
15
ÞVOTTAKONUR Á HVERASVÆÐINU 1934
Í Þjóðskjalasafni Hollands er varðveitt ljósmyndasafn hollenska
blaðaljósmyndarans Willem van de Poll (1895-1970). Sumarið 1934
ferðaðist hann um Ísland ásamt samstarfskonu sinni í þeim tilgangi
að ljósmynda og skrifa greinar um land og þjóð. Í ljósmyndasafni hans
er að finna margar myndir frá Íslandsheimsókninni og þar á meðal
einstakar myndir af þvottakonum á hverasvæðinu í Hveragerði sem hér
eru birtar.
Á annarri myndinni sjást tvær konur bogra yfir þvotti við Bakkahver og
drengur fylgist með ljósmyndaranum. Ölfusingar höfðu lengi nýtt sér
heita vatnið í Hveragerði til þvotta og það gerðu einnig íbúar í hinu
nýja þorpi sem árið 1934 var einungis um fimm ára gamalt. Þvottur
var þveginn í þró við Bakkahver á bakka Hveralækjarins, litlu neðar en
þar sem fótaböðin á hverasvæðinu eru nú. Bakkahver var virkjaður
árið 1930 fyrir Mjólkurbú Ölfusinga. Steypt var yfir hverinn nokkurs
konar hjálmur og hann þannig virkjaður. Tvö fjögurra tommu rör lágu
frá hvernum og í mjólkurbúið, annað fyrir heitt vatn sem lá neðst á
hjálminum og hitt fyrir gufu sem var efst. Voru rörin vel einangruð með
samtals um 30 cm. lagi af hveraleir, mómylsnu, tjörupappa og koltjöru
til að sem minnstur hiti tapaðist á leið í búið. Hveravatnið var notað
ásamt upphituðu köldu vatni til að gerilsneyða mjólk.
Gufan var notuð til þess að sjóða mysuost. Vatnið í Bakkahver var
nálægt 100° C heitt á yfirborðinu og um 102° C á 1,5 m dýpi. Rennsli
Bakkahvers var um 2 lítrar á sekúndu. Steypuhjálmurinn á Bakkahver
var lengi sýnilegur á hverasvæðinu en er nú horfinn og Bakkahver ekki
lengur virkur.
Á hinni myndinni eru þvottakonurnar tvær við þvotta og í bakgrunni
sést frá vinstri í Varmahlíð sem er elsta hús Hveragerðis byggt 1929,
Þinghúsið (gamla hótelið) og Mjólkurbú Ölfusinga. Ef vel er rýnt í
myndina sést í hvilftina þar sem Sundlaugin Laugaskarð var byggð árið
1938.
Þó erfitt sé að greina andlit kvennanna væri fróðlegt ef einhver hefði
hugmynd um hverjar konurnar væru og drengurinn.
Njörður Sigurðsson
Viltu heimsækja Akureyri?
Orlofshúsin okkar eru staðsett í Hálöndum Hlíðarfjalli og því frábær gisting á Akureyri, ekki nema 5 km frá miðbænum. Við
erum með þrjú orlofshús til leigu. Húsin eru á besta stað fyrir fjölskyldufólk, nálægt skíðaaðstöðunni í Hlíðarfjalli og er stutt
í aðra tómstundaiðju. Orlofshúsin henta einnig vel yfir sumartímann fyrir þá sem eru að leita sér að gistingu á og í kringum
Akureyri.
www.hrimland.is HRIMLAND@HRIMLAND.IS
Sími 860 8160
16