Kliem il-Ħajja, Ġunju 2020
- No tags were found...
Create successful ePaper yourself
Turn your PDF publications into a flip-book with our unique Google optimized e-Paper software.
L-Erbgħa, 3 ta’ ĠUNJU 2020
Mart min tkun? Mk 12:18-27
Mela resqu lejh xi Sadduċej, li jgħidu li ma
hemmx qawmien mill-imwiet, u għamlulu din
il-mistoqsija: “Mgħallem, Mosè ħallielna miktub
li, jekk wieħed imutlu ħuh u dan iħalli warajh lil
martu bla tfal, dak ikollu jiżżewweġ l-armla hu
biex inissel ulied għal ħuh. Mela jkun hemm seba’
aħwa, u l-kbir iżżewweġ u miet bla ma ħalla tfal.
It-tieni wieħed iżżewweġ l-armla, miet, u anqas
hu ma ħalla wlied; hekk ukoll it-tielet, u ħadd
minnhom is-sebgħa ma ħalla wlied. Fl-aħħar
mietet il-mara wkoll. Issa fil-qawmien tal-imwiet,
meta jqumu lkoll, mart min minnhom tkun? Għax
is-sebgħa jkunu żżewġuha.”
F’din il-mistoqsija-nasba li s-Sadduċċej għamlu lil Ġesù
huma kienu qed jippruvaw iwaqqgħuħ għaċ-ċajt minħabba
li huma ma kinux jemmnu fil-qawmien mill-imwiet u
allura fil-ħajja ta’ dejjem. Imma Ġesù jurihom kemm kienu
żbaljati meta jwieġeb li fil-ħajja ta’ dejjem la jiżżewġu u
lanqas iżewġu. Id-dehra ta’ Alla tkun biżżejjed biex timla
kull bżonn li aħna issa għadna nħossu fil-qalb tagħna
bħala bnedmin. Il-ħajja ta’ dejjem hija t-tama ta’ kull min
jemmen. Il-ħajja ma tintemmx hawn u kemm inkunu boloh
meta ninsew dan f’din il-ħajja! Meta jitkellem fuq il-ħajja
ta’ dejjem, Ġesù jwissina li għalkemm ilkoll aħna mistednin,
mhux kulħadd jidħol: jidħlu biss l-għaqlin u mhux il-boloh!
Talba
Fakkarni dejjem Mulej li xi darba għad irrid nidher
quddiem il-glorja sabiħa tiegħek.
Kliem il-Óajja 37
Silta
37