Formula 1 Azerbaijan Grand Prix 2021 Media Kit

2. MEDİA XİDMƏTLƏRİ
2.2 COVID-19 DAVRANIŞ KODEKSİ*
XÜSUSİ TƏLƏBLƏR – YAZILI MƏTBUAT
- Yazılı media nümayəndələri yarışlar vaxtı ümumi paddok sahəsinə daxil ola bilərlər. Müsahibə almaq üçün
əvvəlcədən vaxt təyin olunmalıdır. Həmçinin media nümayəndələrinin bundan başqa hallarda paddokda vaxt
keçirməsinə icazə verilmir.
- Daha aydın şəkildə desək, media nümayəndələrinin aid olduğu qrupdan kənardakı şəxslərlə yaxın təmasda
olması (Davranış Kodeksində göstərildiyi kimi) qadağandır. Müsahibə və ünsiyyət yalnız sosial məsafəni
qorumaq şərtilə aparılmalıdır.
- Yazılı media nümayəndələrindən ancaq paddokun neytral sahəsində - komandaların dincəlmə zonası ilə
yarışın yük maşınlarının yerləşdiyi zona arasında hərəkət etmək tələb olunur. Bura jurnalistlərin qarışıq
zonadan kənarda müsahibələr götürə biləcəyi yeganə yerdir və qarajların arxasındakı sahə daxil olmaqla,
jurnalistlərin heç birinin komanda zonasına keçməsinə icazə verilmir.
- Səsyazma aparatları (diktofon, mikrofon, mobil telefonlar və s.) müsahibədən əvvəl və sonra virusun
yayılmasının qarşısını almaq məqsədilə dezinfeksiya edilməlidir.
- Yarışın daha kritik anlarında izdihamın qarşısını almaq üçün medianın paddoka girişinə aşağıdakı vaxtlarda
icazə verilmir:
o Sıralanma turu başladıqdan etibarən sıralanma turu bitib 1 saat keçənədək
o Yarış başladıqdan etibarən yarış bitib 1 saat keçənədək
Qeyd edilən vaxtlarda jurnalistlər müsahibə aparmaq üçün ancaq qarışıq zonadan yararlana bilərlər. Əks
halda ümumi paddok sahəsində görülən jurnalistlərin girişi ləğv olunacaqdır.
- Ancaq birəbir müsahibələrin aparılmasına icazə verilir. Bu o deməkdir ki, müsahibə zamanı bir pilot/komanda
üzvü, bir PR komandası üzvü və bir jurnalistin iştirakı nəzərdə tutulur.
- Pilotlar yarışdan sonrakı televiziya müsahibələrini bitirdikdən sonra onlardan müsahibə almağa əlverişli olan
qarışıq zonanın istənilən yerində jurnalistlərə müsahibə verməyə davam edəcəklər.
- Qarışıq zona yarışdan sonra pilotlar ilə virtual mətbuat sessiyasında iştirak etməmiş komandalar üçün
məcburidir.
- Bu zonada sosial məsafə qaydalarına əməl olunmasını təmin etmək üçün (xüsusilə sıralanma turu və yarışdan
sonra) media nümayəndələrinin iştirakı daima nəzarət altında olacaq. Buna görə qarışıq zonaya giriş media
nümayəndələrinin arasındakı əməkdaşlığa dayanır ki, bu zonada hərəkəti maksimum şəkildə səmərəli və
ədalətli qaydada idarə etsinlər və həmçinin sosial məsafə qadağaları səbəbilə iştirak etmək istəyən, lakin
iştirak edə bilməyən media nümayəndələri lazımi kontentlə təmin oluna bilsinlər. Media nümayəndələrinin bu
qaydalara əməl edə bilmədiyi təqdirdə, qarışıq zona ləğv olunacaqdır.
- Komandalar öz komanda üzvlərini paddoka əlavə girişlə təmin etməyə məcbur deyil və jurnalistlər bu zonada
onların bu qərarına hörmətlə yanaşmalıdırlar.
- Bu protokolun bəndlərinə əməl olunmasını FIA nəzarətdə saxlayır və media nümayəndələri tərəfindən hər
hansı pozuntu aşkar olunarsa, onların paddoka girişi ləğv olunacaq.
- Hələlik media nümayəndələri Pit Yolu və start düzülüşü sahəsinə buraxılmırlar.
2. MEDİA XİDMƏTLƏRİ
2.2 COVID-19 DAVRANIŞ KODEKSİ*
XÜSUSİ TƏLƏBLƏR – FOTOQRAFLAR
Hal-hazırda trek ətrafında və paddokda olan fotoqraflar ayrı qruplar halında hərəkət edəcəklər. Bundan başqa,
paddok, Pit Yolu və Yarış Maşınları Parkı sahələri yalnız komanda fotoqrafları üçün ayrılacaq. Bu sahələrdə çəkilmiş
fotoları media işçiləri “hovuz sistemi” vasitəsilə əldə edə biləcəklər.
16
Baku City Circuit
93 ZarifaAliyeva Street Office: +99412 404 1390
Baku, Azerbaijan
AZ1000
Email: info@bakugp.az
Website: www.bakucitycircuit.com
© 2021 Formula One World Championship Limited, a Formula 1 company. The F1 FORMULA 1 logo, F1 logo, FORMULA 1,
F1, FIA FORMULA ONE WORLD CHAMPIONSHIP, GRAND PRIX, AZERBAIJAN GRAND PRIX and related marks are trademarks of Formula One Licensing BV, a Formula 1
company. All rights reserved.