Formula 1 Azerbaijan Grand Prix 2021 Media Kit
Create successful ePaper yourself
Turn your PDF publications into a flip-book with our unique Google optimized e-Paper software.
1. ÜMUMİ MƏLUMAT<br />
1.3 SƏYAHƏT BƏLƏDÇİSİ<br />
BAKI ŞƏHƏRİ HAQQINDA MƏLUMAT – TARİXİ VƏ COĞRAFİ QURULUŞU<br />
Bakı, Azərbaycanın paytaxtı və ən böyük şəhəri olmaqla yanaşı, eyni zamanda Xəzər dənizi sahilində və Qafqaz<br />
regionunda yerləşən ən böyük şəhər sayılır. Bakı Abşeron yarımadasının cənubunda, Xəzər dənizinin sahilində yerləşir.<br />
Üç milyon əhalisi olan şəhər, dəniz səviyyəsindən 28 metr aşağıda yerləşdiyi üçün, dünyanın dəniz səviyyəsindən ən<br />
aşağıda yerləşən paytaxtı hesab olunur. Bakı Avropanın bir sıra şəhərləri, o cümlədən, İtaliyanın Neapol, Bosniyanın<br />
Sarayevo və Türkiyənin İzmir şəhərləri ilə qardaşlaşıb.<br />
Paytaxt şəhəri Azərbaycanın şərqində yerləşir və dünyada ən böyük göl sayılan Xəzər dənizi ilə əhatə olunub. Bakı,<br />
həmçinin, dünyada tayı-bərabəri olmayan Neft Daşları ilə məşhurdur. Xəzər dənizinin ortasında salınmış Neft Daşları,<br />
dünyada ən qədim və ən geniş məskunlaşmış ofşor neft şəhəri hesab olunur.<br />
Bakı öz qonaqlarına müasir Avropa şəhərlərinə məxsus bütün əyləncələrdən zövq almaq imkanı verməklə yanaşı, özündə<br />
orta əsrlərdə yaranmış mədəniyyət və ənənələri təcəssüm etdirir. Avropa və Asiyanın qovşağında yerləşən və dünyanın<br />
ən sirli məkanlarından biri hesab olunan Bakı, dünya miqyaslı idman və mədəniyyət tədbirlərinə ev sahibliyi edir. Qədim<br />
və müasir mədəniyyətin sayısız-hesabsız nümunələrini özündə cəmləşdirən bu şəhər, qonaqları bitib-tükənməyən<br />
imkanları kəşf etməyə və bu imkanlardan zövq almağa çağırır.<br />
Bakının bəlkə də ən maraqlı cəhətlərindən biri ondan ibarətdir ki, bu şəhər günəşin doğduğu ilk Avropa şəhəridir. Gözəl<br />
mənzərəli şəhər yüksək təpənin üzərində salınıb və Bakı buxtasına tərəf açılan amfiteatr formasında təşkil olunub. Bu<br />
baxımdan, Bakını bəzən San-Fransisko, yaxud İtaliyanın Bakı ilə qardaşlaşmış Neapol şəhəri ilə müqayisə edirlər.<br />
Bakının “ziddiyyətlər şəhəri” adlandırılması, heç şübhəsiz, burada öz əksini tapmış qədim tarixi gözəlliyin və müasir<br />
Avropa şəhərlərinə xas olan heyrətamiz arxitektura, biznes mərkəzləri və göydələnlərin maraqlı vəhdətindən<br />
qaynaqlanır.<br />
Şəhər iki əsas hissədən ibarətdir: şəhərin müasir mərkəzi və qədim İçəri Şəhər. İçəri Şəhər, habelə Qız Qalası və<br />
Şirvanşahlar Sarayı 2000-ci ildə YUNESKO-nun mühafizə olunan mədəni irs nümunələri siyahısınına daxil edilmişdir.<br />
Bakı tarixən min illər boyu mövcud olub və Azərbaycanın memarlıq və mədəniyyət incisi kimi özünü təsdiq edib.<br />
Bakının İçəri Şəhərinin divarları arasında qonaqlar keçmişə qayıdaraq, qənbər daşı döşənmiş və labirinti xatırladan<br />
ensiz küçələrini, qədim tikililərini, XII əsrə aid Qız Qalasını və yaraşıqlı naxışların həkk olunmuş Şirvanşahlar Sarayını<br />
kəşf edə bilərlər.<br />
Bakının müasir görkəmi də insana eyni dərəcədə valehedici təsir bağışlayır. Yeni tikililər ecazkar Bakı buxtasını əhatə<br />
edən təpələrin, o cümlədən, sahilyanı xəttin görünüşünü dəyişir. Məşhur memar Zaha Hadid tərəfindən<br />
layihələndirilmiş əsrarəngiz Heydər Əliyev Mərkəzində dünya şöhrətli musiqi ulduzlarının konsert tədbirləri, muzey və<br />
müasir incəsənət nümunələrinin sərgiləri təşkil olunur. Şəhərin qonaqlarına həmçinin, Milli İncəsənət və Müasir<br />
İncəsənət muzeylərini ziyarət etmək tövsiyə olunur.<br />
8<br />
Baku City Circuit<br />
93 ZarifaAliyeva Street Office: +99412 404 1390<br />
Baku, <strong>Azerbaijan</strong><br />
AZ1000<br />
Email: info@bakugp.az<br />
Website: www.bakucitycircuit.com<br />
© <strong>2021</strong> <strong>Formula</strong> One World Championship Limited, a <strong>Formula</strong> 1 company. The F1 FORMULA 1 logo, F1 logo, FORMULA 1,<br />
F1, FIA FORMULA ONE WORLD CHAMPIONSHIP, GRAND PRIX, AZERBAIJAN GRAND PRIX and related marks are trademarks of <strong>Formula</strong> One Licensing BV, a <strong>Formula</strong> 1<br />
company. All rights reserved.