Vorgestellt - Sauerländer Heimatbund e.V.

14
2. In der Schaule
Antönneken well ächter de schwatte Kauh
Antönneken satt in der Schaule
diän oisten Dag op suinem Stauhle.
Dao bui de Dötzkes in der Bank
dao waor me niu de Tuit säo lang!
De Lährin was gar nit in Uile -
Antönneken har Langewuile.
Dao sagte dai: „Ui aollen Kötten,
iek well mi nit säo lange letten!
Dat ies jao hui en Klüngelspiell -
Lährin, diu schwamelst mi te viell!
Niu mak doch maol säon biettken gau -
iek well nao Hiuse ächter uese schwatte Kauh!“
aus dem Buch: Van kleinen Luien
De Viggeluine amme Haken
Dai aolle Schaulmagister har diän I-männekes en oisten Dag wat op der
Viggeluine spiellt.
Dao was dat kleine Antönneken aower amme loggen un har wieppelt ä en
Lämmekesstät, säo guet har me dat gefallen.
Aower en annern Dag dao har Antönneken sick ümme kieken - dao mochten de
I-männekes liäsen un schruiwen -, un de Lähr har de Viggeluine amme Haken
vergiätten!
En drüdden Dag nit anners - dao mochten de Kinner tellen un riäken! Un nix
mähr van der wunnerschoinen Mussik.
Dao stoiht Antönneken op - Tornister oppen Nacken - wiäg wasse!
Un de Lähr raipet ächter iähme hier: „Antönneken, wo willst du denn hin?“
„Och, iek go nao Hiuse.“
“Warum das denn?”
“Jao diu - diu bis mi de Richtige - diu hiäst ues anschmiärt! Diu spiellst jao doch
keine Viggeluine mähr!“
aus dem Buch: Van kleinen Luien