Vorgestellt - Sauerländer Heimatbund e.V.
Vorgestellt - Sauerländer Heimatbund e.V.
Vorgestellt - Sauerländer Heimatbund e.V.
Erfolgreiche ePaper selbst erstellen
Machen Sie aus Ihren PDF Publikationen ein blätterbares Flipbook mit unserer einzigartigen Google optimierten e-Paper Software.
31<br />
Käohl imme Gaoren<br />
Op Schulten Huowe dai aolle Oime<br />
dai har säo wackere Appelboime -,<br />
ne graine Wiese füör suine Goise<br />
un imme Gaoren Käohl un Gemaise.<br />
In der Hiege dao harre ne Schlinge hangen -<br />
daomet dä de Oime de Hasen fangen…!<br />
Un satt en Hase maol in der Schlingen -<br />
un me hor dat kleine Schelleken klingen,<br />
dann waor uese Oime wahne flott -<br />
un hälte diän Krummen sick füör diän Pott!<br />
Hai har daobui gar kein schlechtet Gewietten:<br />
„Wann de Hasen daut muinen Käohl opfriätten,<br />
dann hewwe iek äok muinen oigenen Kopp,<br />
dann friätte iek de Hiäsekes op!<br />
Dai ligget bui mui in der Panne warme!“<br />
Män - oines Dages dao kam de Schandarme!<br />
Dai Schutzmann, dai har dao Wind van kriegen<br />
un har all ne Tuit op der Liuer liägen.<br />
Dai kuiere niu van Wilddaiwerigge!<br />
„Wat?“ raip de Oime, „dat ies mi ganz nigge!<br />
Wilddaiwerigge? Dat wäör jao wat! -<br />
Gerechtigkeit un Anstand ies dat!<br />
Aower wachte, dao goiht a wuier de Schelle -<br />
niu lot ues maol kuiken füör alle Fälle!<br />
Dao sittet all wuier en Druiloiper faste!<br />
Jao suihste, Schandarme, oppassen maste!“<br />
Dao liet hai dat Hiäseken üöwer´t Knai<br />
un giet me ächen wat vüör - oh waih!<br />
Un dao let hai läopen dat arme Duier …<br />
„Gloiw män Schandarme, dai küemmet nit wuier!“<br />
aus dem Buch: Wille Bärs – Fürsterkes – Jägerlatuin