Vorgestellt - Sauerländer Heimatbund e.V.

15
„De Oime kann di dat lähren!“
Dao ies maol ne kleine Schaule wiäst op me platten Lanne. De Biuernhüöwe
wäören dao alle säo wuit verströgget…; un dao gaffet bläoß Platt!
De Blagen, wann se in de Schaule kämen, dai brachten nix met van te Hiuse ä
uese laiwe plattduitske Spraoke.
Niu har dai Schaulmagister diän I-männekes amme oisten Dage Märchen
vertallt…har liuter Märchen vertallt.
Dao siet dat kleine Bennätzken: „Segg mao, Lähr, diu mast säo kuiern, ä iek dat
daue, dann kann´ck di biätter verstaohn!“
Dao siet dai Magister: „Das kann ich aber nicht - plattdeutsch sprechen!“
Dann go diu maol nao uesem Oime henne - dai kann di dat lähren!“
aus dem Buch: Pastörkes – Kösters – Schaulmagisters
De Köster har en Kniust oppem Arme
In Saust un in der Boier ümme Saust rümme dao hät se frögger füör dai
Schaulmagisters „Köster“ sagt.
Dai Magisters, dai mochten daomals füör alles strack staohn - füör de Schaule
un füör de Kiärke un dat Üörgelspiellen.
Un Viggeluine spiellen konnen dai „Kösters“ ganz famos.
Niu har dai Magister diän I-männekes amme oisten Schauldage wat op der
Viggeluine vüörspiellt…
Ä Bennätzken dann van der Schaule nao Hius henne küemmet, dao har de
Mama sagt: „Na, Bennätzken, biu waset dann in der Schaule?“
„Och, Mama, gaß guet. Dai Köster, dai har säon Kniust oppem Arme - dai
gnuerre gaß wahne!“
aus dem Buch: Pastörkes – Kösters – Schaulmagisters