€ 4,80 - Gitschtaler.at

BUCHSTABIL
40. Schmied/ Neuwirth Ambros
Hetz hot da Ambros a Entnstiage gemiaßt bauen bei da Bohn,
dass er noch die Erdbewegungsorbeitn bei da Gail weiter seine Vögl wassan konn.
Sein tuat er jo mords a Hund, steig auf jedn Bam ohne Gurt und Eisn,
und schofts mit da plankn Hond die Äscht oachazinreißn.
Es glab ihm jo Kanda oba seine Gschichtn tuant uns recht guat gfolln,
woarscheinlich konn er lei in Sprit für die Motorsoge nit dazohln.
41. Erath/Lenzhofer Werner und Andrea
In Obfluss von da Kuchl hont se a nit beim Kanal onschlossn,
do is die Suppn nacha bei da folschn Ecke ausngflossn.
Do hot da Kahn woll ghobt a schiache schlechtes Gewissn,
oba se hont gschwind danoch in Asphalt um die Bude wieda aufgrissn.
In Werner sigt man a nia weil er die mehrane Zeit auf ondre Kontinente ummalaft
In da Zwischenzeit hot die Andrea bein Erath die holbe Bude vakaft.
42. Bodnschmiedmotl/Schluder Christel
Da Toni muaß sich a is mehrane Joah beim Gaildomm mit die Erln plogn,
woarscheinlich woas zu wenig,
schunscht hätt er nit daham bei seine Obschtbam a nochamol
ongsetzt, die Motorsogn.
Da Sturm hot senen sebn a obgetrogn im Goatn is Stangilan-Zelt,
oba ongeblich hot die Christl schon a neues aus Massivholz bestellt.
(worscheinlich aus Erle)
43. Gemeindeamt/ Hannelore Weidacher
Iba die Weidacha wiss ma heua wieda kane gscheidn Gschichtn,
oba guat wahr wenn se fia ihre Kundschoftn amol an Parkplotz tat richtn.
Wenn man untn bei ihrn Haus vorbeifoaht, muass man sich ollweil schiach plogn,
sie brauchat jo lei in Millna Peta um a poa Quadratmeta frogn.
44. Thurner Georg
Wenn man beim Schmied Irgl ins Briaftaschl eichn schaug,
sig man a wie da an oda ondare Fünfhundata ausalocht,
und mitn restlichn Klangeld hot er sich hetz a neies Dachl auf die Bude aufngemocht.
Seachn tuat er a nemma so wie fria,
weil maschtns beschlog er bei die Pferd stott die Huaf in Schwaf,
oba mittlerweile sitzt er eh schon liaba in die Goschtheisa auf a Bier mitn Telesklav.
(er beschlog jo woll noch imma guat, oba da Sotz taug uns so)
45. Patterer Siglinde
Die Siglinde weats a lei fein olle Tog bei de 100 Frogn probiern,
oba da Togessieg tust sich maschtns trotzdem nit ausgian.
Warum ses imma lei bei Radio-K onruaft is a schware zin vastian,
mit den Wissen kinat se jo zum Assinger in die Milionenshow gian.
(des is a 4foch Reim, oba irgendwie a wieda nit ….)
Seite X von Y bis Z