€ 4,80 - Gitschtaler.at

BUCHSTABIL
7. Donal/Tillian Kurt
Die Simone hots a als Gangsterrapper probiert und sogoa ihre eigenen Liada gschriebn,
oba die großn Erfolge sant leider noch immer ausgebliebn.
In Kurt sig man a lei mehr seltn Daham weil er die mehrere Zeit in Drautol draußn
ummalungert,
wenn die Pichler Lina nit auf die Pferd schaugat waratn se sicha schon längscht vahungert.
(ummalungern tuat er jo nit, oba ondascht bring ma kan gscheidn Reim zom)
8. Gröflacher/Neuwirth Johann
Da Johann is fertn schiache oft zin Pichla eichnspaziert,
und hot senre Pfloschtaschtan genaustens inspiziert.
Woascheinlich hot ihn des Muschta oba nit goaso getaug,
mir frogn uns wo er sichs nacha hot obdaschaug.
In Stabentheiner hot er a a poa Quadratmeter Grund obgekaft,
dass sena Gortnzaun endlich grod, Richtung Bohn oachn valaft.
9. Gaun/Stabentheiner Maria
Dass die Bam in Wold nit zu dick wern will da Stabentheiner unbedingt vermeiden,
deswegen hockt er olle um und tuat draus für sei Großprojekt is Bauholz schneidn.
Sei Bauvorhobn is ongeblich goanit so ohne,
und endstian solls durte auf Gaun Bione.
(„Gaun Bione“ is des Feld nebn da Volksschual)
10. Neuwirth/ Buchacher Christof
Am liabstn tat da Stof sen. is gonze Johr Tiage fiedan im Gortn,
dafia weat sei Gerätehalle holt noch anige Jahrlan miaßn auf die
Ausnschollung wortn.
Is Amtl bei da Nochbarschoft is er noch longem a los woan,
hetz hot er mehr daweil mitn Traktor Kontrollrundn zin foan.
Auf die Felder hont Stof seine Pferde nix mehr gfundn zun fressn,
oba wia se hont an Weidewechsel mochn gewellt is sen a Bus im Wege gewesn.
Maschtns sig man die Klaudia lei alane mitn Killian durch die Ortschoft spaziern,
da Stof tuat liaba in diversen Gosthaisa die Lompnschirm oachamontiern.
Beim Pichla is er onscheinend mit die Orbeitszeitn nit zurecht kemen,
do hot er gegründet sei eigenes Unternehmen.
Hetz kon er sich die Orbeitszeit selba einteiln im Wold,
und im Winta bleib er überhaupt Daham weil drausn is jo zu kolt.
(se hocknt jo im Winta woll a, oba da Reim woa so schian)
11. Primas/ Gassmayer Ferdinand
Die Helga hot a kan Geischt mehr ghot in gonzn Summa auf da Olbe zin verbringen,
dafia tuat se hetz is gonze Johr obn bei da Elfi die Kochlöffl schwingen.
Da Ferdi hot a bei da Gaile untn a tamisches Projekt gemocht,
do is Matrial bewegt worn und in da Mitte steht sogoa a Glanda,
für wos des guat wor waß oba bis hant noch kanda.
So wia da Thomas mitn Auto fohrt wahrs gscheida er lossats stian,
nacha konn er wenigstens nit in Pichla P. zomme fian.
Für die Bevölkerung von Gundersheim is besser er tats mitn Radl probian,
donn tat er noch zusätzlich a poa Kilos valian. �
Seite X von Y bis Z