€ 4,80 - Gitschtaler.at

BUCHSTABIL
73. Kristler/Golser Stephan
Da Golsa hot sich friah beim saufn woll a nia wos gschissn,
deswegn hot er´s probiert mit die Dirndlan und wollts wissn,
hetz hot er sich a schneidige Leasachtolarin aufgrissn.
Beim den Pendlerstess hot sich da Golsa a eingeklemmt bei da Autotia,
do is is Bluat nacha gspritzt wie beim Obstechn von an Stier,
do wert er woll mit die Gedonkn gewesn sein bei ihr.
Die Angelika tuat sich hetz a seit neischtn in Kronknhaus umaplogn,
ongeblich weat jo da Gerald a bold obn sein zwegs an Leberfasogn.
74. Erlenheimer/Oberortner Johann
Von da Bianca da Freind tuat ihr a jedn Wunsch von die Lippn oblesn
bevor se überhaupt dron denkt,
hetz hot ihr da Schwiegavota sogoa a Rössl (Pferd) gschenkt.
Hetz tuat se ihrn Gaul durch Wold und Wiesn hetzn,
und da Heinz tuat daham schon mit an Hintagedonkn die Messer wetzn.
Die Jasi vasuacht hetz a hintas Koppn strickn zin kemen,
gleichschaugn tuant se zwor nix, oba als Sockn konn man se ollweil her nehmen.
75. Rauchfangkehrer Erwin/ Mayer Anna
Die Frau Maier muaß noch imma mitn Kloppradl Milich holn fohrn,
und ongeblich is hetz die Bude auf die Christl überschriebn worn.
(hot zwoa kan Zusommenhong oba es reimp sich so schian)
Onscheinend wert se woll im Keller gfundn hobn an gonzn Tschippl Geld,
weil gwschind danoch hot se sich an neuen (oltn) Audi bestellt.
Die Jasi tuat noch ollweil studiern,
mia wissen zwor nit wo und in wos frana Sparte,
oba wenn se decht amol ham kimp is da Pichla Philip schorf wie a Hondgranate.
76. Schmied Hans/Thurner Johann
Üban Thurner Hons wiss ma Heuer a wieda nit recht wos schreiben,
donn weama ihn holt wieda a Gschichtl üba sein Schwatransporter unta die Nosn reibn.
Sein 40 Tonna sieg man a vor jedn Gosthaus zwischn Jenig und Kötschach obn stian,
do weat er oba nit übroll lei eichn ans trinken gian,
sondan die nit gezohltn Komarodschoftsbundbeiträge einkasian.
Thurner Wielfried
In Thuana Wielfried sig man a imma mit sein tamischn Harvesta in die Auen drinestian,
oba ollweil ohne Heiblitzwindn weil dei muaß er noch lossn typisian.
Wenn des mit seina Windn nit tuat hinhauen,
wert er woll probiern aus an Kreisla an Hubschrauba zin bauen,
nacha konn er seine Kra (schwarzer großer Vogel) von da Luft oachaholn,
weil auf die Bam aufnsteign tuat er sich eh nit getrauen.
77. Bahnhof/Republik Österreich
Wahrscheinlich schreib die ÖBB a wieda schworze Zohln,
wo kamat sunst is Geld her olle Johr in Bohnhof frisch auszinmohln.
Sunst hot die Bude a nit viel zu bietn,
oba ongeblich wellnt se hetz is Bohnastibile als Goschthaus vermietn.
Seite X von Y bis Z