Anzeiger November - Stadt Falkenstein im Vogtland

Weitere Magazine

Empfehlungen

Info

Seite 6 „Wenns ner esu wär“,sinniert dr Lob unn stellt sei Tipfel aus dem er gerode in letzten Schluck Ziegenmillich genomme hoot, hart auf die Platte des Scharkentisches. „Sei froh das de de Millich hoost unn net ner Wasser trinken musst, des wär noch Ärger für diech“ Ne Lob sei Fraa nahm is Tiepfel vom Tisch unn stellts nei de Guss zenn annern Owasch, dann kam se zurück na ne Tisch unn setzte siech nauf de Bank, die hintern Tisch dra dr Wand stand, ihrn Maa gegenüber. Dr Lob hoot seine gruoßen schwieligen Händ überenanner gelegt unn se vor siech nauf ne Tisch gepackt. E Seifzer aus ne innersten vom Lob wehte übern Tisch, nieber zu seiner Fraa unn die fing ne Seifzer auf, wusste sie doch um de Sorgn von ihrn Maa. Seit Wochen war der scho naas Haus gefesselt, seit ne drüm ne Mühlberch beim Holz machen esu e vermaleteiter Ast is Baa aufgerissen hoot. Des war scho im Sommer geween unn de Jahreszeit hoot seidem scho lang gewechselt. Als noch de Sunn vom Himmel ro geschiene hoot, do gings ja noch mit ihm, do hoot er zwar aa scho miet sann Schicksal gehoodert, aber do hoot er noch vorm Heisel gesessen unn hoot nieberschaue kenne zum Wald unn hoot gewart bis de annern Holzknecht ne Grund rauf kame do kunnt er noch ewing miet denen drzähln. Do hat er aa noch de Hoffnung gehatten, aß is Baa schnell wieder gesund wird unn er wieder naus ne Wald könnt, aber dr Dokter, der hoot ne den Zaa glei gezuong, wie mer esu schie soocht: „Na, na, esu schnell wie du dir des denkst, gett des fei net miet dein Haxen“. Unn als er in Lob sei uglaubiges Gesicht gesehe hoot, do hoot dr Dokter noch in Nachsatz in Lob miet auf ne Genesungswech geem:“ Des dauert scho sei Zeit,des kasste mer scho glaam, ho ner Geduld“.Des dauert, hoot dr Dokter aa noch zenn Lob seiner Fraa gesoocht unn zer Tür war er naus. Na ja, recht hoot dr Dokter scho gehatten miet sann „es dauert“, denn dr Lob sitzt immer noch drhamm. Dr Sommer war vergange, su nooch unn nooch von ann Tooch aff ne annern. Zeerst do warn de Beimer noch schie laachtelnt drin de Farm, do war is Grie noch de Hauptfarb, dann sei se Ruot unn Gelb worrn. Wenn dr Lob nieber geschaut hoot zenn Wald, do war ne immer esu, als hätt e iebermüdiger Moler sei ganze Farb die er hätt aff amool über de Beimer geschütt. Das des esu schüö aussehe kaa, des is ne itze erst aufgange, beim hiegucken aus dr Ferne, denn wenn mer mitten unter de Beimer stieht unn arbeiten muss, do fällt des ann gar net esu auf, hoot siech dr Lob beim hiegucken gedacht. Aber aa des is vergange. De bunten Blätter hamm ihr Farb verlorn unn sei als dürres Laub von de Beimer gefallen. Die paarle die noch dra de Äst sei, hänge schlapp dra unn senne Grau aus. Unn miet ne Nebel, der itze jeden Tooch unten vom Bächel aufsteicht unn sich nein Wald schleicht, um siech auf de Eichen unn de Buchen unn aa de Fichten setzt um se miet sann Otem wie in Watte hüllt unn all des, was bislang noch Klar unn deitlich zu sehe war, verschwimme lies, miet dem Nebel is dr November neis Land gange.Unn der gett itze aa scho zu Ende. Die Nässe unn de Kält hamm ne Lob von seiner Bank vorm Heisel vertrieben unn nei de Stub verbannt. Unn do hockter nu missmutig. Dr Dokter hoot ne aa besucht um nachzusehe was ne Lob sei krankes Baa macht, hoot dra ne Baa rüm gedrückt unn e annere Bind na gemacht unn dann hoot er ne Lob wieder den schenn Satz gesoocht den der Lob auf Deixel kumm raus nimmer heern ka: „ Es dauert halt sei Zeit, Maa. Geduld. Geduld!“ Geduld! De Händ die auf ne Tisch loong, fange aa ze zittern, dr Lob wird uruhig. Was kaa dr Dokter scho wissen wies ne Lob zemute is. De Kranket hoot die paar Kreizer die dr Lob unn sei Fraa nauf de hohe Kante gelecht hamm, um enn Notpfeng zu drsparn, die sei längst scho afgebraucht. Dr Winter stett vor dr Tür unn frocht net ob es in Lob nein Streifen passt, aß er kimmt dr Gestrenge. Er ka ja net ausbleim, ner weil dr Lob in Schmarrn dran Baa hoot wer waas wie lang. Dr Dokter unn aa dr Winter wern in Lob aa net froong, ob genug Holz daun Schuppen liecht um über de kalte Zeit ze kumme, ohne sich is Reißen nei de Knochen ze friern, naa, gewiss net. Aber Geduld, Geduld! Dr Winter kimmt, egal was passiert unn egal wies ne gieht – unn dr Dokter kimmt, weil der genau waas, aß ne dr Lob is Geld nei de Händ drückt, des der für sei „Geduld, Geduld“ verlangt. Aber eigentlich müsst dr Lob ehrlich sei unn zugehm, aß er ne Dokter urecht tut, denn is Baa wird von Tooch ze Tooch besser unn is laafen fällt ne nimmer esu schwer. Ner naus ne Wald kaa er halt noch net unn des fuchst ne gewaltig. De Fraa, die gute Seel, hoot scho e Lösung gefunne wie se wenigstens is Scheitholz, des gehackt daun der Schupf liecht, für de kummenten kalten Tooch aufsparn kenne. Se gieht scho bislang die ganzen Tooch, wenn is Wetter mietmacht, naus ne Wald unn holt in Buckelkorb voll dürre Äst unn Reisig rei. Su lang is Wetter noch esu is, langt aa des Geäst zum wärme unn de Supp auf ne Ufen wird allemool do derbei haaß. Unn esu wird se es aa heit machen. De Fraa hoot siech warm agezuong, hoot siech noch e wollenes Tuch ieber de Schultern geleecht is hie zen Olmes unn hoot siech noch e Bemm trockenes Bruot raus genomme unn des nei e sauberes Tüchel gewickelt unn nei ihr Schürzentasch gesteckt, damiet se was ze keie hätt wenn’s doch später wern sott. Se lächelt ihrn Grieskram dra ne Tisch zu unn dann: „ Iech gieh halt itze.“ Dr Lob kunnt von san Platz aus zen Fenster naus ieneln unn hoot de Fraa miet ne affgehuckelten Buckelkorb e ganzes Stückel de Strooß nuntergieh seh. De Fraa is in Grund noo geloffen, zwischen den klaanen Heiseln durch die rechts unn links von ihrn Weech standen, su klaa, dess mer denken kennt se täten siech zammducken um ne Wind, der draan Himmel de Wolken unn hier unten is Laab, des ieberall rimmlooch, durcheinanner wirbelte, net aa noch drinne Weech zu steh. De Luft war kalt unn der Wind trug ne Duft des Winters miet siech. „Es riecht noch Schnee“, dacht de Fraa unn stiefelte watter ne Weech nunter. Schnee kimmt, des is gewiss, es is halt aa de Zeit längst do, er hoot siech in denn Goahr eh scho Zeit geloon. E paar Flocken sei scho mool von Himmel gefallen aber lieng gebliem sei se net. Des war aa gut so, denn so schüö des weiße Zeich auch aussehe tut unn vor allem in Kinnern Freid macht, es bring ehm aa Müh unn Sorng miet siech. Se drlebbt is ja heier miet ihrn kranken Maa, der drhamm sitzt unn miet siech unn dr Welt net zefrieden is. De Kinner kenne aa net helfen, denn die sei nei de gruoße Stadt gezung, dorthie, wu se ihr Arbeit hamm unn se kumme alle heilige Zeit emol de Alten ze besuong. Unn lang bleim se dann aa net unn se genne wieder. Su is halt is Leem! Der Weech führt ganz unten im Grund ieber e klaane Brück, die sich übers Bächel, ieber de Göltzsch, spannt. Sie blieb e feesele aff derer Brück stieh unn schaut neis Wasser des unner der Brück durchsaust, esu schnell, weil’s Neigierig is aff die weite Welt die vor ihm lag. E eisige Kält stieg vom Wasser hoch unn lies de Fraa is zittern aakomme su as se ihr wollnes Tuch fester im de Schulter schlug als se weiter ging. Ihre Füß trung se noch e ganze Weile dran Bach entlang , der miet ne Wind e gemeinsames Lied sang. Sie verließ is Bächel unn ihr Weech führte nun nein Wald. Gestern war se bis nauf Donnerstag, 30. November 2006 Zum Advent - E Muosmaageschichte von Günter Pfau – Falkenstein Zu Zu Zu Zu Zu Heiligohmd Heiligohmd Heiligohmd Heiligohmd Heiligohmd um um um um um Mitternacht, Mitternacht, Mitternacht, Mitternacht, Mitternacht, do do do do do laaft laaft laaft laaft laaft statt statt statt statt statt Wasser Wasser Wasser Wasser Wasser Wei, Wei, Wei, Wei, Wei, ei ei ei ei ei wenn wenn wenn wenn wenn iech iech iech iech iech ner ner ner ner ner des des des des des Brünnel Brünnel Brünnel Brünnel Brünnel wißt, wißt, wißt, wißt, wißt, iech iech iech iech iech hult hult hult hult hult e e e e e Krügl Krügl Krügl Krügl Krügl rei!“ rei!“ rei!“ rei!“ rei!“ in de Näh dr Försterei gelaafen ober heit hoot se net esu weit ze stiefeln, denn dr launige Wind hoot ganz schüö dra de Beimer gezaust su das de dürren Äst ieberhaupt kaa Chanc hatten dran Baam ze bleim, dr Fraa zer Freid. Dr Wald nahm se auf unn se suchte siech e Plätzel, des ihr zusagte um ihrn Korb ozustellen. Se braucht net lang ze suchen, des sah se aff aan Blick, denn ieberall lag is Geäst aff ne Buoden unn do stellte sie ihrn Korb ab. Nu fing se aa, die Ästle zamm zu troong, die ihr genehm waren, machte hier unn aa dort klaane Heifle, die se noochert nei ihrn Korb leeng wott. Dr Wind pfiff iebermütig durch de Beimer, dr Wald rauschte doderzu sei mächtiges Lied unn wenn de Fraa scho emol hochienelte, su sah se durch de Gipfel der Beimer hindurch ne Himmel, dra den de grauen Wolken dahie fluong, als wers e gruoßer Schwarm Vöchel, der noch schnell nach ne Süden wott unn de hellen Streifen die siech ab unn zu seeh lassen tunne, wenn de Wolken emol auseinanner gerissen worrn sei, sei Gelb unn senne ungut aus. De Dämmering kroch durch ne Wald unn setzt siech zwischen de Baamer, dr Tooch verging langsam. De Fraa besah ihre gesammelten Äst, fand des genuch af de Heifle loong, su aß der Korb schüö voll wern kennt unn nahm nu Heifel fer Heifel nauf ne Arm, trug se zen Korb unn schlicht se nei. Zeerst de klaan unten nei ne Korb unn wenn se net passen wollten, su leecht se siech de Äst iebers Knie unn bricht se ausenanner. Is krachen von ne Holz, schallte weithie durch ne Wald. Nu war dr Korb voll. Umauf kame itze de lange Stecken unn is lange Reisig, schüö aufgeschlicht zen en Haufen, der hiem unn driem iebern Korb hing. Se band miet en Stückel Schnur de öberste Pracht dran Korb fest, domiet de Äst net runterfallen kenne, stemmt de Händ nei de Hüft unn streckt siech. Is buckeln hoot se doch ewing aagestrengt . Als se siech nochert in Schürz noch glatt strich, fühlt se is Bruot drinne dr Tasch unn do drmiet kam aa glei dr Hunger. De Fraa haucht siech e paarmool nei de klammischen Händ, domiet die wieder ewing wärmer wurrn sei unn huolt siech is Bruot aus dr Tasch.“Nu kimmt es aff e paar Minuten aa nimmer a“, dacht siech de Fraa unn se hielt Ausschau wu se siech hiehocken kennt, denn drin stieh schmeckts halb su schüö. Da se nichts passendes drspähe kunnt, setzt se siech ehm glei nehm ihrn Korb neis Muos. „Iech wünsch dr enn schüönen Tooch“, heert se aff emool nehm siech e sanftes Stimmchen unn als de Fraa drschrocken huch sah, stand do neben ihrn Reisigkorb e klaas
Donnerstag, 30. November 2006 Männel unn schaut se miet freindlichen Aang aa unn e verleengs Lächeln war aa aff sann Gesicht zu seh, wall er doch miet sann plötzlichen Gered dr Fraa enn Schrecken eigegoocht hoot. Do sooß de Fraa nu nehm ihrn Korb, nischt ahnend, miet dr Bemm Bruot drinne dr Hand, de Gusch halboffen, weil se doch grood nei de Bemm beißen wott unn nu aa vor Schreck unn starrt is Männel aa. „Nu, mei Gottel“, bracht se grood noch raus unn wär ver Schreck bestimmt imgefallen , wenn se net scho drinne Muos gesessen wer. “Wu kimmst denn du aff emol her?“, tut de Fraa stottern unn starrt des klaane Männel aa, des do su mir nischt dir nischt aff e mool vor ihr stand. Is Männel lacht de Fraa aa unn setzt siech dere gegenüber neis Muos, lehnt siech miet ne Bukkel naa ne Korb, su aß is dr Fraa scho Angst unn Bange wollt werrn, aß des Männel ihrn Korb imhaue tät. De Fraa, als se merkt, aß dr erschte Schreck vergange war, unn ihr Herz aufgeheert hoot su verrückte Spring zu machen, bestaunt nu neigierig ihr Vis a Vis. Is Männel war net gruoß, vielleicht su enn halben Meter huoch, schätzt de Fraa, unn wie alt es is, des kunnt mer aa net esu genau soong. Drinne san Gesicht lachten se zwee gutmütige Aang aa, die, unter dichten Brauen, munter nei ne Tooch ienelten.E langer weißer Bart umrahmte sei wettergegerbtes Gesicht unn reichte ihm bis no ne Gürtel von senn Wams. Hut unn Wams waren gänzlich aus Muos agefertigt unn dra de Fieß hoot dr e paar viel ze gruoße Stiefel. Als de Fraa is grüne Männel, des immer noch vergnügt lächelnd ihr geeng über saß, lang genuch beeigt hatte, ging ihr e Saafensieder auf: „ Sooch emool, bist du etwa gar dr Muosmaa“, ober de Frooch hoot se siech glei selber beantwortet: „Freilich biste des!“ Is Männel klopfte siech beede Händ aff seine Knie warm unn sah de Fraa treiherzich aa. „Ha, des soong de Leit zu mir, weng mein Aazuch. Iech wott diech fei net drschrecken, iech hätt do ner e Bitte an diech. Wie de esu dogesessen bist drinne Moos unn iech de Bemm drin deiner Hand gesehe ho, do ho iech gemerkt, dass iech scho in ganzen Tooch kann Bissen zwischen de Zäh gricht ho.Unn weil iech nicht drinne Moong ho, su tät iech diech bitten gibb mer ewing von dein Bruot ab, iech wer dr aa dankbar doderfür.Du brauchst es aa net imsinst zu machen iech tät dr aa ewas drfür gehm.“ De Fraa sah aff is Männel unn dann aff ihr Bemm unn hielt ne des Stückel Bruot hie. „Do nimm, es is ober ner truckenes Bruot, denn viel meh hamm mer zur Zeit drhamm a net“. „Nu ne, net glei is ganze Stückel, ner e klaas Eckele tät mer scho genüng“, prodestiert is Männel unn hob abwährend beede Händ nei de Luft. „ Nimm ner,“ socht de Fraa „iech gibb ders gern“. Dr Muosmaa nahm is Bruot, brachs mittenzwei, gab die aane Hälfte dr Fraa unn in de annere Hälft biss er herzhaft nei. „ Nu, mei Lieber, schmeckt des guot“.Dr Fraa sah mers aa, des se siech freit über ne Appetit vom Männel unn biss aa nei ihrn Teil. Se macht e ganz verdutztes Gesicht dobei, denn des, was se ogebissen hoot von ihrer Bemm, des kam immer wieder naa, egal wie viel se davon obeisen tut. Do saßen nu beede friedlich drinne Muos, is Männel unn de Fraa, kauten ihr Stückel truckenes Bruot esu genießerisch, als obs dick miet Butter bestrichen wär unn erzählten siech vun drhamm. Is Männel von sann Weibl unn de Fraa vun ihrn Maa unn su verging de Zeit. „Itze bie iech ober satt“, soocht de Fraa, tat noch in Biss – unn is Bruot war weg. Ner is Männel hatte sei Hälft noch drin dr Hand unn dr Fraa schien es, als ob er ganz verlegen wär als er soocht: “ Des bring iech mein Weibl miet hamm wenn de erlaubst.“ Is Rauschen drinn Wald war stärker geworden, dr Wind tummelte siech iebermütig durch de Beimer, is Laub, dess er von de Äst zupfte, tanzte wirbelnd durch de Luft, ehe es lautlos aff ne Waldbuoden niederfiel. Von dr Göltzsch unten schlich sich dr nasse Dunst nei ne Wald unn de Dämmerung hier drinne vermischte siech miet ihm. De Fraa erschrak, se hoot gar net gemerkt aß es scho su spät geworden is, se rappelte siech von ihrn Muossitz huoch. „Itze muß iech ober gieh, mei Maa wird scho warten.“ Se huckelte siech ne Korb nauf ne Rücken unn dann trat se nenn Rückwech aa, is Männel dra ihrer Seit, des siech Müh gab, gruoße Schriet miet seine klaan Baa ze machen im net hinter dr Fraa zurück ze bleim. Dr Fraa kams vor, als hätt se ner e dutzend Schriet gemacht, denn wie wenn se Pfeng gesocht hätt, warn se beede dra dr Göltzschbrück agelangt, ieber die dr Weech nauf ne Grund führt. „ Nu musste alla gieh“ hoot do is Muosmännel zur Fraa gesoocht unn hoot siech noch ganz artig bei ihr bedankt, dofier, ass se ihr trucken Bruot miet ihm geteilt hoot. „Halt mer emool deine Händ her, iech möchte dr a ewas schenken“, soocht is Männel zur Fraa, heifelt siech nieder, hebt e paar Hampfeln Laub miet seine klann Händ auf unn lecht die nei dr Fraa ihre Händ, die se ihn verdutzt hiehalten tut. „ Steck is Laub nei die Schürz unn hebs gut auf bis de drhamm bist, es soll dr Glück bringe. Mer werrn uns ja bald wiederseh, es kimmt ja de Weihnachtszeit!“ De Fraa schaut aff des Laub drinn ihre Händ unn als se wieder huoch guckt, do war is Männel drinne neblichen Wald verschwunden. Dr Maa drhamm hoot siech Sorng gemacht, daun is es Dunkel geworden unn sei Weibel war noch immer net drhamm. Allweil is er zum Fenster gehumpelt unn hoot Ausschau gehalten ob se net ball in Wech raufkumme tet. Als se nu endlich zer Tür reikam, is er freitich vun senn Stuhl afgestanden. „ Bie iech fruh, ass de wieder drhamm bist“. Sei Fraa ließ siech nenn Korb abnemme, dr Maa stellt ne nei de Stumeck nehm ne Ufen, dann humpelte er na ne Tisch dra den sei Fraa stand unn ehm is Laub nauf de Tischplatte legte. E wing verleng stand se do unn a dr Maa wußt nichts richtigs miet den klaan Heifele azufange. „Wu hooste denn des affgegabelt, hoot dr des ebbers dr Wind nei de Tasch geweht?“ Dr Maa macht e Gesicht wie e Frongzeichen. Unn nu kricht er de Geschicht derzählt, von denn klaan Männel daun ne Wald unn was de Fraa alles drlebt hoot. „Unn is Laub hoot er mer nei de Händ gehm unn gesoocht, as des mer Glück bringe tät unn iech hoo mer afach net getraut is Laub wegzuhaue“, unn ehrfürchtich soogt se noch: “Is Laub is doch vom Muosmännel“. Unn do begannn is Laub aff ne Tisch a ze rascheln, als ob e leiser Windhauch nei gefahren wär unn e klimmpern unn e klingeln war aff ne Tisch ze heern unn e ganz glänzender heller Schein ging aff emol von dem Laub aus unn do loong su mier nichts dir nichts lauter goldene Taler auf ne Tisch. Als de erste Ieberraschung bei den beeden ogeklunge war, hoot dr Maa sei Weibel nei ne Arm genomme unn is mit ihr tappisch durch de Stu getanzt unn de Fraa hoot ver Freid geschluchtst: „ Maa, du kasst doch wieder richtig laafen“! Beede saßen nu außer Puste ober glücklich dra ne Tisch af dem is Gold looch unn als de Fraa leise vor sich hie „ Ho fei Dank „ soocht, do is ihrs als ob e leises Stimmchen dra ihrn Ohr soong tut:“ Nischt ze danken. Aaner hilft ne annern, su setts halt immer sei!“ Daun ums Heisel schlich de Nacht unn dr Wind sang is Ohmdlied drzu . De Fraa leecht ihre Händ aff die vun ihrn Maa unn esu soßen se beede e ganze Weile. Ganz still wars drinne dr Stu, is Feier drinn ne Ufen war aa scho ganz runtergebrannt, ner e klanner rötlicher Schein unn e leises knacken aus dr Glut soocht aß es noch do war unn aff des Reisig warten tut, was de Fraa mietgebracht hoot aus ne Wald, damit es wieder richtig auflodern kennt.De Fraa ging hie zenn ihrn Buckelkorb, nahm sich e paar Äst weg, zerbrach se unn leecht se auf de Glut. Lustig fing is Feier a ze brenne. Dann ging se zum Schrank, kramte siech e Kerz aus dr Schublad, ging hie zen Feier unn nahm siech e klass brennendes Ästel raus um ne Docht dr Kerz azezünden. Is brennende Kerzel stellt se nei in Teller unn stellt beedes naufs Fenstebrett. Dr Maa soocht kaa Wörtel do dr zu, er nickt ner bedächtig miet ne Kopf. De Fraa dreht siech zu ihm hie unn soocht miet bedächtiger Stimm: „Domiet de Muosleit wissen, wu mer drhamm sei unn net lang ze suchen hamm!“ Seite 7 Bitte berücksichtigen Sie bei Ihrem Einkauf unsere Inserenten ! 2-Zimmer-Wohnung in schöner Lage, 5 min. zur Stadtmitte Falkenstein, im DG, Fahrstuhl im Haus zu verkaufen, Tel. 0 71 31 / 17 00 07
Seite 1 und 2: Falken{teiner Anzeiger Heimat- und
Seite 3 und 4: Donnerstag, 30. November 2006 Liebe
Seite 5: Donnerstag, 30. November 2006 Schl
Seite 9 und 10: Donnerstag, 30. November 2006 Falke
Seite 11 und 12: Donnerstag, 30. November 2006 Ev. -
Seite 13 und 14: Donnerstag, 30. November 2006 Kinde
Seite 15 und 16: Donnerstag, 30. November 2006 Preis

Anzeiger November - Stadt Falkenstein im Vogtland

Erfolgreiche ePaper selbst erstellen

Template löschen?

Als Template speichern?