du 16 juin 2009 - Colmar-berg.lu

Reportagen
24 - De Gemengebuet N° 1/2009
Bëschfest fir d’Kanner vum Cycle 2
aus der Colmer Schoul
Mëttwochs de 25. November hat d’Léierpersonal zesumme mat de Fierschtere Servais Schaack a Christian Engeldinger
e Bëschfest fir d’ Kanner vum Cycle 2 organiséiert. Scho moies fréi goufen d’Kanner mat Bussen op d’Geessemillen
an de Bësch gefouert. Do hunn d’Fierschteren an hir Bëschaarbechter si begréisst an dun ass et endlech lassgaang.
Vun engem zentrale Punkt am Bësch aus, sinn d’Kanner zesumme mat hirem Léierpersonal op 6 verschidde Statioune
gaangen, fir do dem Fierschter bei der Aarbecht nozekucken, Spiller ze maachen an awer och selwer aktiv ze
ginn. Sou konnte si zum Beispill materliewen, wéi ee Bam gefällt gouf, deem si virdrun an engem klenge Rollespill
allerlee Froe gestallt hunn. Ganz spektakulär an impressionant war d’Renconter mam „Harvester“ enger grousser,
moderner Maschinn fir d’Bamfällung an hir Veraarbechtung. Brennholz war de Sujet vun enger Statioun, bei där
d’Kanner mat enger spezieller Virrichtung selwer Holz hae konnten an duerno eng Kouert schéi getässelt hunn.
An der Mëttespaus hunn
d’Fierschtere Gegrilltes am
gehëtzten Zelt zerwéiert. Frësch
gestäerkt ass et du weider gaangen
am Infomobil vun de Jeeër,
wou d’Kanner déi verschidde
Bëschdéiere konnte kenneléieren.
Op enger weiderer Statioun hunn
d’Kanner erfueren, wat een alles
aus Holz baue kann, ier si selwer
mat voller Begeeschterung eng
Hütt am Bësch opgeriicht hunn.
Ganz beandrockt waren d’Kanner
vum „Robi“, engem Ardennerpäerd,
deem si beim Bamschleefen
nogekuckt hunn. Duerno goung
et bei enger Competitioun drëm,
fir erauszefannen, wie méi staark
wier - d’Päerd oder d’Kanner.
(… D’Päerd hat gewonnen !)
Zum Ofschloss hunn mir eis all
nach emol rondrëm d’Lagerfeier
versammelt a jidder Klass krut
als Souvenir vum Fierschter ee
geschnëtzte Stull iwwerreecht.
D’Kanner aus dem Cycle 2 an hiert Léierpersonal hunn zesummen, trotz Bulli, e ganz flotten Dag bei guddem Wie
der am Bësch verbruecht.
Mir wëllen duerfir vun dëser Plaz aus nach eemol eise Gemengeresponsabel, de Fierschteren, hire Bëschaarbechter
an eise Gemengenaarbechter e ganz grousse Merci soen.