Gemengerot Esch - Esch sur Alzette

sicht ginn nei Liewen do eranzebréngen
a virun allem 2005 wéi décidéiert ginn
ass fir d‘Uni dohinner ze bauen, dat war
fir eis wierklech e ganz wichtege
Moment. Alleguerten déi Leit déi do
geschafft hunn, am Sënn vun deem wat
hir Aarbecht ubelaangt huet, wat meng
praktesch a manuell Aarbecht war, huet
een erausfonnt, dass hei eng Equivalenz
geschafe ginn ass déi wäit méi déi ass déi
mer eis virgestallt hunn.
Zu den allgemenge Remarquë wëll ech
hei soen, datt et ëmmer erëm Strategië
gi sinn a mir fannen dass de Wee vun de
Strategien an der Entwécklung zwësche
Stat a Gemengen och ëmmer kloer
waren. Et soll een och an deenen doten
Iwwerleeunge bleiwen, well et ganz einfach
e Projet ass dee kuerzfristeg, mëttelfristeg
an och laangfristeg muss geplangt
bleiwen. An dat virun allem net eleng fir
eis als Stad, mä och virun allem fir de
Süde vum Land. D‘Erausfuerderung vun
enger enker Zesummenaarbecht, esou
wéi se hei mentionéiert ginn ass, dat
heescht dat Liewen an deem neie Quartier
Uni, dat wat mir hei an e puer Sätz jo
hei a positive Wierder soen, ass wierklech
um Terrain eng Sisyphus Aarbecht. Déi
Leit déi all Dag domatter konfrontéiert
sinn, déi staatlech an och déi privat Projete
mussen ëmsetzen, déi sinn all Dag
domatter konfrontéiert an déi sinn all
Dag mat Problemer konfrontéiert déi se
sur place musse léisen an do si mer der
Meenung, dass dat bis elo gutt geklappt
huet a mir kënnen och nëmmen deene
Leit hei felicitéieren déi d‘Chance hunn
an och wierklech hei an d’Bresch gi fir
d‘Südregioun an och fir Esch sech ze
engagéieren.
Wat dat Ganzt nach ubelaangt zu de
Strategien, si mer och der Meenung wat
d‘Entwécklung ubelaangt, dass d’Systematisatioun
muss dra bleiwen. Wann een
esou grouss Projete wéi déi doten huet,
da brauche mer e System bei deene
sämtlechen Acteuren an dee läit op
d‘mannst um lokale Plang bei eis elo mol
um mëttelfristege Beräich. Mëttelfristeg,
mir gesinn dat, dass amgaangen ass
Liewen eranzekommen. Wat mir och als
lokal Matadore mussen dofir suergen,
datt dat ofgedeckt bleift. Mir brauchen
dofir och eng Präsenz als eenzel Acteure
um Site selwer. Déi Präsenz déi do ass,
ass jo och fir eis de Schlëssel vun der Integratioun.
Integratioun ass jo dee wichtegste
Facteur dee mer brauchen, well de
Site, an ech widderhuelen dat gären, 3,5
km vun eis ewech läit. Dat ass ee vun
deene wäitste Quartieren déi et gëllt ze
integréieren an dofir brauche mer och
eng gutt Organisatioun a mir brauchen
och e Programm wou mer eis dann
4. Etat d‘avancement du développement du quartier Belval
doropper verloossen, dass déi Integratioun
geléngt. Dat kann iwwerall sinn.
Dat kann um Niveau vun der Mobilitéit
sinn. Dat kann domatter och um administrativen
Deel leien. Och um kulturellen.
Mir sinn der Meenung, dass wa mer
wëlle mëttelfristeg, wann d‘Uni 2014
opgeet, wëll wierklech begleeden, da
brauche mer och dat wat d‘CSV an hirem
Wahlprogramm gesot hunn, een Deel
vun enger Administratioun do. Mir brauchen
um Site eng kleng Antenn, esou wéi
dat och am Privaten oft de Fall ass, wat
d‘Banken ubelaangt, déi maache Filialen
do. Well dat och hëlleft eng praktesch,
eng praktesch Hëllef fir déi Leit déi herno
do wunnen, déi herno do schaffe ginn,
an déi fir och aner Saachen dohinner
kommen, si mir der Meenung, an dat hu
mer och an eisem Wahlprogramm gesot,
dass et wichteg wier, eng Antenn do
opzebauen als Escher Gemeng.
Dat anert ass d‘kulturell Beliewung, déi
och hei schonn zum Deel ugesprach ginn
ass. Virun allem och déi sportlech Fräizäitaktivitéiten
an och dee kulturellen Deel.
Do si mer der Meenung, dass mer roueg
mat der Plaz déi mer do hunn, d‘Place de
l’Académie, eng Méiglechkeet hu fir kënne
méi kulturell Beliewung dran ze maachen,
wou mer d‘Leit hei vum gewuessenen
Esch invitéiere fir doropper ze kommen,
dat da mat ze begleeden.
De Commerce ass ugeschwat ginn. Mir
sinn och der Meenung, dass déi Aktivitéite
vum Commerce enorm wichteg sinn,
an dass virun allem och de Geschäftsverband
sech soll Gedanke maache wéi een
dat ka weider developpéieren. Mir sinn
der Meenung, dass et vläicht och net
schlecht wier, fir eemol am Mount zum
Beispill e Maart do uewen op der Place
de l’Académie kënnen ofzehalen. Dat als
symbolesche Wäert am Moment. An dat
belieft dann och dee ganze Quartier
doduerch dass mer Präsenz weisen. Ech
mengen, eis sollen d‘Ideeën net ausgoe
fir kënnen Präsenz ze weisen a fir och
dem Bierger, deen herno dohinner wunnen
a schaffe kënnt, eppes ze bidden.
Den Här Codello huet déi Affär vun der
Gemengerotssitzung déi mer als CSV
mentionéiert hunn, ugedeit. Mir sinn der
Meenung, dass dat eng gutt Saach wier
wa mer dat kéinte maachen, ëffentlech
maachen. Och mat deenen Administratiounen
déi do sinn. Et soll ee se alleguerten
invitéieren, fir dass se wëssen, dass se
net eleng do sinn an der Diskussioun, mä
virun allem och vun eis als lokal Responsabel
mat begleet ginn.
D‘Ubannung ass hei ugeschwat ginn.
Ëffentleche Verkéier. Ech mengen d‘Trace
Micheville ass vun enormer Bedeitung a
wat déi méi séier kënnt, wat et fir eis méi
Escher Gemengerot vum Freideg 11. Mee 2012
9
einfach ass, well mer ganz einfach d‘Entlaaschtung
brauchen, intern, also an der
gewuessener Struktur an och herno an
deem neien Deel deen do entsteet um
Niveau vum Quartier Uni/Belval.
Kuerz Weeër, jo kloer. Kuerz Weeër huet
een ni genuch. Ech mengen, dass et
wichteg ass fir déi kuerz Weeër esou séier
wéi méiglech ze realiséieren an ech weess
net wéi wäit dass Är Diskussioune lafe
mat ArcelorMittal fir kënnen dee kuerze
Wee ze kréien, dee vun der Bessemer
Strooss aus méiglech ass. Mir erënneren
nach eng Kéier drun, dass et och vun der
CSV mentionéiert ginn ass, huelt nach
Kontakt mat hinnen op oder vläicht
kréien ech och herno eng Äntwert op
Grond vun deem wat mer gemaach
hunn, ob et machbar ass oder net.
Dir hutt dat administratiivt Gebai ugeschwat.
Et ass d‘Dezentralisatioun vum
Stat deen hei ugefaange ginn ass. Hei
wäerte mer och erausstellen ob d‘Akzeptanz
vun eisen Iwwerleeunge mat der
gudder Form vun der Mixitéit déi mer
gesicht hunn, dat zesumme liewen, och
akzeptéiert gëtt. Mir hate jo hei eng
Haaptiwwerleeung andeem mer gesot
hunn, dass, vu dass do jo lauter Residenten,
lëtzebuergesch Residenten, mengen
ech mol, doranner schaffe kommen, et
ass jo eng lëtzebuergesch Administratioun
déi dohinner kënnt, op d‘mannst
déi vum Stat, ass et wichteg fir dat Konzept
wou mir gesot hunn, no bei der Aarbecht
wunnen, op dat och akzeptéiert
gëtt. An ech menge mir sollten dat am
Ae behalen an och do promouvéieren
dass mer soen, dass eise Wunnengsbau
och qualitativ gutt ass an dass d‘Leit déi
dohinner schaffe kommen, déi Iwwerleeung
sollte maache fir och hei bei eis
wunnen ze kommen, well dat och en
Deel vun eisem Konzept ass wat mer vun
Ufank un ugestrieft hunn.
Da mengen ech den historesche Moment
vun 2014, dat ass net méi laang,
Madame Buergermeeschter, dat ass ganz
fréi. D‘Weiche si gestallt. Dir hutt dovunner
geschwat, dass d‘Studente wa se hei
sinn, villes musse gebuede kréien. Dir
hutt vun de Sportinfrastrukture geschwat
déi mer zu Esch hunn. Déi nei déi mer
kréien op Grond vun deenen Iwwerleeungen
déi gemaach gi sinn och um Niveau
vum neie Lycée. Ech mengen, dass mir
ëmmer hei gesot hunn als CSV, dass et
wichteg ass dat nach eng Kéier op de
Leescht ze huelen, eng Kéier e Konzept
opzestellen an da spéitstens da wann
d‘Studenten hei froe wou se kënne Sport
maachen, da wäerte mer an Uecht huelen,
dass eis Sportinfrastrukturen net méi
an deem Zoustand sinn, respektiv och
net dat sinn déi déi dote sech erwaarden.