TBO INFORM 1|10 Januar - Turnverband Berner Oberland

TBO Delegier tenversammlung
Laudatio Claire Haltner
Es isch mir e grossi Ehr der Wärdegang
vor Claire Haltner im Turnverband dörfe
z`würdige. Mängs Jahr hei mir sehr sehr
intensiv und äng mitenand g`schaffet – inere
Zyt wo ig Claire ha dörfe lehre kenne und
lehre schetze.
Liebi Claire – als obs ersch grad geschter wär
gsi – erinnere ig mi a üsi erschti Begägnig,
a mi erscht Idruck – wo ig hüt als prägend
für all dini Aktivitäte im Turnverband darf
bezeichne:
Voller Motivation und Elan, voller Inträsse,
voll Gwunder u Enthusiasmus für öppis Nöis,
hesch du reagiert, wo ig di agfragt ha, ob du
z`Amt vor Vizepresidäntin – vom damalige
OFTV wettisch übernäh.
D`Motivation, z`Inträsse, der Elan u der
Enthusiasmus si während dire ganze Amtszyt
stets im Vordergrund g`stande. Beharrlichkeit,
es fundierts Wüsse u ne grossi Mängi
a nöiie Idee zu Gunschte vom Turnverband,
hei bestand gha u si bi der Realisierig vo dine
verschiedenschte Projekt immer wieder zum
Usdruck cho.
E einsch vo dir g`fasste Beschluss isch zügig
u zylgrichtet bearbeitet, verfolgt und bis
i ds`Detail usgschaffet, gwüssehaft und
erfolgrych zum Abschluss bracht worde.
Sigs im OFTV als Etat Verantwortlechi, bi der
Ifüehrig vo der STV Adrässeverwaltig, u i däm
Zämehang bir intensive Betreuig und Beratig
vo de Vereine – aber o als FAK Usbildnerin
und als Medieverantwortlechi, bir Berichterstattig
vo Turnaläss hesch du z`Vertroue vo
de Verbandsmitarbeitende u vo de Vereine
gwunne.
Under dine Fittiche isch zerschte gmeinsame
Verbandsmitteiligsblatt TBO-Inform u
d`Homepage für e OFTV und OTV realisiert
worde.
Glychzitig bisch du ir Arbeitsgruppe Verbandsfusion
tätig gsy – hesch dert nid nume Protokollfüehrig
ghandhabt, sondern tatchräftig
mit Idee und Vorschleg mit gholfe di nöii Verbandsstruktur
z`schaffe.
So isch`s uf der Hand gläge, dass me so ne
zueverlässegi und kompetänti Person wie di,
o im nöiie Verband het brucht. I
Im TBO hesch du ds`Amt als Abteiligschefin
Kommunikation und Marketing überno
– und mit viel Gschick e beschtens funktionierendi,
initiativi Abteilig ufboue und gfüehrt.
D`Ufgabe si vielfältig und aspruchsvoll
gsi. Mit Bravour hesch du si allzytig glöst –
hesch es offnigs Ohr gah – insbesondere für
d`Vereine aber o im Vorstand hesch du diner
Asichte, diner Idee y`bracht, hesch mit Härzbluet
diner Abteiligssorge und Wünsch verträte
und verteidiget.
Viel Beachtig u grossi Anerkennig hesch du
mit der Realisierig vo de Ogi-Wäge dörfe
beanspruche. Du hesch d`Vereine agspornt
und unterstützt im ganze Oberland es nachhaltigs
Zeiche im Jahr vom Sport setze.
Als Vizepräsidentin vom OFTV hani ig persönlich
stets uf dini hilfrychi und sehr kollegiali
Unterstützig dörfe zelle. Aber o im TBO
als Vorstandskollegin hesch du allzyt es off-
1|10 TBO INFORM 15