Dirigentin / Dirigenten - Schweizer Blasmusikverband

Varia
Tumasch Flurin
Schreich sco
solist.
«Il bello, il grasso e il cattivo»,
ün trio d’eufoniums da Brusio.
Il duo «Lapüfli» cun
Ladina Pünchera e
Ladina Fliri (da schn.).
La 3. producziun libra dal district da musica I ha gnü lö a Scuol
Solists ed ensembles han dat il meglder da sai
Als 25 november 2001 ha gnü
lö a Scuol la terza ediziun da las
producziuns libras per solists ed
ensembles dal district da musica
da l’Engiadina, Val Puschlav e
Bregaglia. La gronda partecipaziun
e l’interess dal public han
pisserà darcheu per ün success in
tuots reguards.
Cun tuott’intenziun es darcheu
gnü miss l’accent sülla producziun
libra e main sülla concurrenza,
quai chi s’ha eir verifichà.
La prüm’occurrenza da quel gener
ha gnü lö dal 1997 a Sent e duos
ons plü tard üna seguonda ad Ardez.
Ed i giarà inavant in duos ons,
sco chi disch l’iniziant da las producziuns
libras e president da la
cumischiun chantunala da musica,
Curdin S. Brunold. Seis giavüsch
füss però chi gnissan eir
partecipants da las musicas chi
sun stattas fin uossa da la vart.
Solo fin quintet,
Mozart fin Sousa
Na damain da 9 solists e 20
gruppas, dal duo fin al quintet,
s’han partecipats. Musicantas e
musicants fich giuvens chi han
provà lur «début», da quels d’età
media cun (daplü) experienza
sül palc, e tanteraint üna o l’otra
eminenza grischa. La musica nu
cugnuoscha cunfins d’età, tant es
gnü cler a minchün chi ha tadlà.
E na main varià co las etats sun
stats ils tocs tschernüts, dal toc
classic fin a la musica contemporana
da differents stils, saja quai
üna fantasia quieta o ün ragtime,
üna romanza classica o ün arrandschamaint
virtuos e furius.
Cura sunà cun maestria, cura cun
ün pa cumbatta cunter la feivra:
michün(a) dals partecipants es
stat nan ed ha muossà alch da sai,
ha vendschü a sai e per sai, sco
cha l’expert musical Raimund Alig
ha constatà a la fin. E pels audituors
es statta la variaziun immensa
e l’atmosfera libra e bainvugliainta
quai chi ha quintà.
A quell’atmosfera han contribui
na l’ultim da tuot eir Reto Mayer
e Luis Cagienard chi han manà
tras il program.
Üna victoria per
minchüna e minchün
Massa a la ligera nun han ils
solists sül palc tuottüna brich pudü
tour lur producziuns – quellas
sun gnüdas tadladas cun uraglia
critica dals trais experts Raimund
Alig, Josias Just e Hanspeter Bircher
da Cuoira. Nouv es stat quista
vouta cha ün d’els ha fat güsta
davo las singulas producziuns ün
cuort discuors culs musicants per
spiegar sia critica a bocca. Pro’ls
partecipants ha quai gnü ün bun
rebomb. Il giuven trumbettist Simon
Grimm da Ftan ha predschà
cha l’expert til ha fat attent in
möd bainvugliaint als puncts chi
pon amo gnir megldrats. Sco noviz
da las producziuns libras vaiva
el decis tuot spontanamaing
da tour part. Sch’el sarà la prosma
jada darcheu da la partida?
Probabelmaing bain.
Cha ün dals böts principals
da la producziun libra es stat ragiunt
in mincha cas ha Raimund
Alig confermà güsta svess in seis
rapport final cul tipp ch’el ha dat
als partecipants: sunar avant
uschè bler sco pussibel! In sia
valütaziun dals factuors musicals
ha el miss a cour da nu’s fermar
pro la tecnica. Las melodias sajan
da chntar cul instrumaint, e’ls
clings da manar da suot insü cul
fla. Quai pensond a l’intunaziun e
cultura dal tun chi nu d’eiran
adüna optimalas. E lura düna
darcheu: articulaziun. Pür quella
dà vita a la musica ed unischa ils
instrumaints chi sunan insembel.
E pür tras la dinamica dvainta
musica üna lingua.
Tuot in tuot ha Alig attestà a
las producziuns ün nivo adüna
plü ot. I saja stat impreschiunont
ed ün giodimaint da da das-chair
esser expert. Ün resenti grazcha
fich ha el express a «l’orma» da
quist’idea, a Curdin S. Brunold.
L’occurrenza es ida a fin cun
ün concert da la musica da giuventüna
d’Engiadina Bassa, cun
festa e bal.
(mj)
UNISONO 1 • 2002 17