Ein unsterblicher Fisch!

Im Stadion da schlägt Lautern´s Herz - ohne Zweifel
Klopft von den Reben übern Wald bis in die Eifel.
Die Uni - Lautern´s Krone - reine Geistesglut
Zeigt der Welt - Lautern hat´s auch unterm Hut.
Moi Lautere!
Von Robert Stadler
In Lautre do bin ich gebor,
do fiel ich mich dehääm.
Die Altstadt, de Korre un die Grimm,
es Paffe, die Kammgarn des gebt fer mich en Sinn.
Die alt Fruchthall, de Fackelbrunne,
de Betze un de Humberchturm.
De schääne Wald um Lautre erum.
Die Apostel- un die Martinskerch
De Erbseberch, de Meideberch, des alles is mer sehr vertraut.
Inzwische hat sich viel verännert
Fremde Kulture in de Stadt
Mundart wird noch kaum gebabbelt,
doch wie ich, wo hier gebor,
de Sinn fer Heimat nie verlor.
Mer Lauter wissen, dass die Palz
Ohne Lautre wer wie e Supp ohne Salz,
wie e Hawwe ohne Deckel, wie e Fußball
ohne Tor, drumm bin ich stolz, dass in Lautre ich gebor.
Moi Heimatstadt
Von Aloysius
Moi Heimatstadt is Lautre,
an jedem Eck do kannsche plaudere,
mit Leit wo sin wie du un ich,
freundlich,
fröhlich,
frei un
frisch.
Lautre un de Pälser Wald,
Do wern die Leit so richtisch alt,
un bleiwen bis ins hohe Alter,
Bewahrer, Helfer un Gestalter.
Lautre, schä , dass es Dicht gebt!
Von Christa Janzen
In Lautre bin ich gebor,
unn honn moi Herz dort verlor –
ach wie schä is doch die Stadt,
die so viel liewe Mensche hat.
Zeit
Robert Ruelius