Séance publique du 26 novembre 2005 - Pétange

Clarinette, datt mer de « Meng
Gemeng » profitéiert hätte fir eise
Walprogramm ze publizéieren. De
« Meng Gemeng » ass nëmme
gebraucht gi fir e Bilan vun deenen
Aarbechten aus der vergaangener
Mandatsperiod ze maachen. An dat
war och an der Schäfferotserklärung
aus dem Joer 2000 gesot ginn. Mir
haten zwar an där Erklärung gesot,
datt mer esou ee Bilan all Joer géife
maachen. Mir hunn elo nëmmen e
Bilan no 6 Joer gemaach, an ech ka
mech net drun erënneren datt mer an
deem Bilan sollten d’CSV ervirgestrach
hunn. Et war e Bilan vun der Gemeng
Péiteng. Mir haten eben déi leschte
Kéier eng Situatioun, wou mir alleng
décidéiert hunn, an Dir konnt nëmmen
d’Projete kritiséieren. Déi Conclusioun
déi ech awer zéie kann op Gronn vum
Walresultat vum 9. Oktober ass déi,
datt déi Aarbechten, déi am Bilan
ernimmt gi waren, gutt waren, well
soss hätten d’Wieler sech net esou
entscheet wéi se dat den 9. Oktober
gemaach hunn.
A wann dir eis 100 Deeg gitt fir ze kucke
wat mer realiséiert hunn, dann ass dat
äert gutt Recht. Mir realiséieren – an dat
kann ech iech elo scho soen – net an
100 Deeg eise ganze Walprogramm.
Mir erhoffen eis a sinn iwwerzeegt, datt
eis Bierger esou indulgent sinn an eis 6
Joer Zäit loosse fir eise Walprogramm
ëmzesetzen. No 6 Joer wäerten
d’Bierger driwwer entscheeden op, a
wéi gutt, mer eis Aufgab gemaach
hunn.
Roland Breyer, Schäffen –
16.12.2005 :
Wann ech nach e klengen Zousaz zum
« Meng Gemeng » dierf maachen :
Dee « Meng Gemeng », wou Bilan
presentéiert gi war, hate mer an eisem
Programm annoncéiert. Mir hunn och
elo annoncéiert, datt mer all 2 Joer esou
ee Bilan géife maachen. A wann der
iech kënnt drun erënneren, esou war op
der Deckelsäit vun deem Bilan eng Foto
drop vum ganze Gemengerot.
Guy Brecht (LSAP) – 16.12.2005 :
Dierf ech nach kuerz eppes dozou
soen. Ech war an enger Commissioun,
wou den Här Breyer den zoustännege
Schäffe war. Et ass dat d’Commission
des relations publiques. An all Kéiers
wann en neie « Meng Gemeng »
erauskomm ass, dann ass deen an där
Commissioun virgestallt ginn. An déi
Editioun mam Bilan ass net virgestallt
ginn.
Zu deem wat de Buergermeeschter
gesot huet, esou kann ech iech aus
dem Virwuert vum Bilan zitéieren – an
dir kënnt mech verbessere wann dat
Péiteng Aktuell - n° 67
Budget rectifié 2005 et budget 2006 – Questions, réponses, discussions
keng Propaganda sollt sinn – esou
steet do : « Il subsiste donc des défis à
relever et l’équipe actuelle se tient à
votre disposition pour accompagner
tout développement futur de notre belle
Commune. »
Wann dat awer keng Propaganda ass,
da soen ech näischt méi. An Dir dierft
och net vergiessen, datt net nëmmen
déi lescht Majoritéit hei Projete
gestëmmt huet, mä mir hunn och vill
Projete matgedroen. Also ass et och
eise Mérite, an net nëmmen dee vun
der CSV.
Pierre Mellina, Buergermeeschter -
16.12.2005 :
Dir hutt elo ee Saz aus deem Virwuert
erausgepickt. Ech stellen Iech awer
d’Fro, wie mat « equipe actuelle »
gemengt war ?
Roger Klein a Lily Gansen (LSAP) -
16.12.2005 :
Dat sinn déi 4 Nimm déi do drënner
stinn.
Pierre Mellina, Buergermeeschter –
16.12.2005 :
Do stounge keng 4 Nimm drënner.
Roger Klein a Lily Gansen (LSAP) -
16.12.2005 :
Do stoung « le collège des
bourgmestre et échevins ».
Pierre Mellina, Buergermeeschter –
16.12.2005 :
Dat ass awer net d’CSV.
Roger Klein (LSAP) – 16.12.2005 :
Do stoung « Sans perdre une minute,
l’équipe du CSV ... s’était mise au
travail... ».
Pierre Mellina, Buergermeeschter –
16.12.2005 :
Sécher ass et richteg, datt d’CSV
ugefaangen huet mat schaffen, an et
ass och esou, an dat war dem Wieler
säi Wëllen, datt mir als CSV de
Schäfferot gestallt hunn.
Guy Brecht (LSAP) – 16.12.2005:
Folgend Froe wollt ech nach zum
Budget 2006 stellen:
Zu den uerdentlechen Ausgaben:
Artikel 3.0422.6210.002 – Enseignement
primaire, rémunération des
fonctionnaires PiKo. Wéivill Leit sinn do
agestallt ginn?
Pierre Mellina, Buergermeeschter –
21.12.2005:
D’Gemeng beschäftegt an hiren 3
Schwämmen (PiKo, Péiteng, an
‚Eigent’) am ganzen 10 Schwamm-
meeschteren. Mat Ausnam vun engem
Schwammmeeschter, deen exklusiv just
Schoulschwammen zu Péiteng an an
der Eigent-Schoul gëtt, sinn se all
deelweis am PiKo an zu Péiteng
ugestallt, an zwar zu 77,50% am PiKo
an zu 22,50% zu Péiteng. De
Gemengerot huet 2005 dräi zousätzlech
Schwammmeeschteren agestallt.
D’Verwaltung huet an der Tëschenzäit
de Libellé vun de Budgetsartikelen un
déi nei Situatioun ugepasst.
Guy Brecht (LSAP) – 16.12.2005:
Artikel 3.0422.6198.001 – PiKo:
classes primaires – facturation interne.
Firwat ass dee Chiffer par rapport zu
2005 an d’Luucht gaangen?
Pierre Mellina, Buergermeeschter –
21.12.2005:
Fir d’Joer 2005 stoungen 20.400 € am
Budget, fir 2006 sinn et der elo 55.800
€. Dat ass doduerch ze erklären, datt
dës Facturatioun fir d’Joer 2005 sech
op d’Zäit vum 15.09.2005 bis den
31.12.2005 bezitt, an de Montant
55.800 € sech op d’ganzt Joer 2006
beleeft. D’Hausse erkläert sech also
doduerch, datt et fir d’Joer 2005
nëmmen 1 Trimester ass, a fir 2006
sinn et déi 3 Trimesteren.
Guy Brecht (LSAP) – 16.12.2005:
Artikel 3.0520.6315 – part déficit
HPMA. Nodeems mer jo awer wësse
wat mer anscheinend virun de
Gemengewalen nach net gewosst
hunn, wollt ech froe firwat op deem
Artikel näischt agesat ginn ass?
Pierre Mellina, Buergermeeschter –
21.12.2005:
Iwwert dëse Punkt hate mer jo schonns
eng länger Diskussioun. Ech wollt awer
nach eng Kéier kuerz drop agoen. Mir
haten uganks der Woch schonns eng
Reunioun, a wann d’Diskussioune méi
wäit fortgeschratt sinn, wäerte mer de
Gemengerot driwwer informéieren an
eng Diskussioun hei am Gemengerot
féieren.
Guy Brecht (LSAP) – 16.12.2005:
Artikel 3.0630.6321 – Subventioun
Péitenger Jugendhaus. Firwat deen
Ënnerscheed par rapport zu 2005?
Raymonde Conter-Klein, Schäffen –
21.12.2005:
Mir hunn 118.000 € am Budget 2006
géint iwwer 109.794 € fir 2005 stoen.
Den Här Hengen vum Familljeministère
huet eis matgedeelt, datt de Stat
111.000 € virgesinn huet. Well mir dat
Selwecht gi wéi de Stat, plus den
Ënnerscheed vun der Pei vum Aidejunior,
komme mer mer op dee Betrag
vun 118.000 €.
- page 61 - www.petange.lu