Séance publique du 26 novembre 2005 - Pétange

diskutéiert ginn. Et ass kee Problem,
wann där dat intern an der Partei
diskutéiert wann et wichteg ass. Dofir
steet dat do dran.
Romain Becker (Déi Gréng):
Ech hunn nach eng Fro zu den Zäiten,
wou de Gemengerot zesummekënnt.
Mer schwätzen dovunner, eng
biergerno Politik ze maachen, da sollte
mer awer och de Gemengerot zu
enger Zäit maachen, wou et deene
meeschten bzw. ville Leit méiglech ass
drun deel ze huelen. Wa mär moies
um halwer 9 Sëtzunge maachen, dann
ass et deene mannsten erlaabt, fir
dorunner deel ze huelen. An ech ka
mer virstellen, datt awer vill Leit wéilten
hei am Sall si fir d'Sëtzungen „live"
nozelauschteren. Well et ass de Leit
dobaussen net egal wat mär hei
„verzapen".
Pierre Mellina, Buergermeeschter:
Dozou ginn et zwou Saachen ze soen.
Éischtens muss een eng gewëssen
Zuel vun administrativem Personal
ronderëm hunn, an dat huet och e
Recht drop fir owes heem ze goen.
Dobäi kann ee soen, datt d'Bierger méi
wéi je informéiert gi well se kréien alles
an d'Haus geliwwert. Dat wat mär hei
diskutéiere kënnen si an aller Rou
doheem noliesen. Et ass sécherlech e
Konflikt fir d'Gemengerotssëtzunge
propper iwwer d'Bühn ze kréien, esou
datt d'Entscheedungen och séier
ëmgesat kënne ginn. Dat bedéngt, datt
mer et während der Aarbechtszäit
maachen. Oder wëlle mer eis Bierger
esou informéieren, datt se alleguer
mussen heihinner kommen – an dat ass
souwisou net dran, datt all Bierger hei
ka sinn. Dofir hu mer eis entscheed, de
Bierger d'Informatiounen aus dem
Gemengerot heem ze liwweren an
engem gewëssen Délai. A mer sinn elo
gutt bäi, mer hunn och eis Servicer
opgestockt, esou datt d'Leit net eréischt
sechs Méint duerno eppes gewuer ginn.
Bis ewell hu mer all Gemengerotssëtzung
bis virun der grousser
Vakanz eraus, an déi nächst kënnt och
elo eraus.
Mer hunn dee Wee gesicht, well mer
einfach déi ganz Struktur brauche fir
déi Entscheedungen, déi hei getraff
ginn, esou séier wéi méiglech
ëmzesetzen. An dofir ass et wichteg,
datt d'Sëtzunge während der
Aarbechtszäit sinn, esou datt dat do
kann iwwer d'Bühn goen.
Roland Breyer, Schäffen:
Dee Kompromiss, deen de
Buergermeeschter ugeschwat huet,
musse mer mat de Beamte maachen
an och mat Leit, déi vu baussen
erakommen, zum Beispill Architekten,
Leit aus Ingenieursbureauen, vum
Staat asw. déi heihinner musse
kommen. An dofir musse mer scho
kucke fir dat an däer doter Zäitspann
ze maachen.
Wat den Analyteschen ugeet, an dat
ass jo och schonn ugeklongen, do si
mer bäi a versichen am nächste Joer
de „Péiteng Aktuell" zwee Méint no der
Gemengerotssëtzung erauszebréngen.
Dat ass den Objektiv, dee mer eis
gesat hunn, an dee misste mer kënne
realiséieren.
Dernieft hu mer och nach den Info-
Kanal mat ganz neien technesche
Méiglechkeeten, esou datt et och
denkbar ass, eng Sëtzung 'live' iwwer
d'Kollektivantenn an d'Haiser ze
iwwerdroen. Et ass of alle Fall
méiglech a mer wäerte kucken, e
klengt Experiment ze maachen an déi
Richtung. Do gëtt natierlech net all
Mënsch kontaktéiert, ongeféier 85 %
vun de Leit sinn ugeschloss un
d'Kollektivantenn. Mee et ass méiglech
dat 'live' oder 'en différé' an den
Owesstonnen heem ze bréngen iwwer
de Fernseh. An da kënn ee kucken.
Duerno kann een eng Zäit fanne fir
d'Gemengerotssëtzungen. Dat muss
net onbedingt moies um halwer ning
sinn, et waren der och schonn
nomëttes. Do musse mer kucken, wéi
alleguer déi Partner, déi hei um Dësch
sëtzen, kënnen hei sinn.
Accord à l'unanimité.
2.4.
Administration générale.
Conseil communal: formation du
tableau de préséance des membres
– décision.
Pierre Mellina, Buergermeeschter:
Et ass näischt Komplizéiertes. Do gëtt
eben no der Anciennetéit vun deenen
eenzelne Leit, déi heibanne sëtzen, en
Tableau opgesat. Ech gesinn och, datt
de Camille Bosseler eisen Doyen ass.
Accord à l'unanimité.
2.5.
Administration générale.
Composition de la commission
locale scolaire – décision de
principe.
Pierre Mellina, Buergermeeschter:
Do war et esou, datt zwee Vertrieder
mat „voix consultative" derbäi waren. Ee
vun der Elterevereenegung vun de
Primärschoulen aus der Gemeng
Péiteng an deen aneren fir d'„citoyens à
Péiteng Aktuell - n° 67
Séance publique du 26 novembre 2005
nationalité étrangère" well mer gemengt
hunn, datt et wichteg wier esou e
Vertrieder an der Schoulkommissioun
ze hu well an eisem Schoulwiese bal 50
% net Lëtzebuerger sinn. Déi Persoun
kann op Problemer hiweisen, déi déi
Kanner hunn. Mär géife virschloe fir dat,
wat och schonn déi zwou lescht
Mandatsperioden de Fall war, virun ze
féieren. An dat an der Zäit, wou mer jo
och op dat neit Schoulgesetz waarden,
wou Ännerunge wäerten antrieden. Dat
kann an dëser Mandatsperiod
antrieden.
Accord à l'unanimité.
2.6.
Administration générale.
Composition de la commission
locale scolaire – décision de
principe.
Pierre Mellina, Buergermeeschter:
Och hei wëlle mer dat bäibehalen, wat
mer bis ewell haten, nämlech 4
Lëtzebuerger a 4 Net-Lëtzebuerger als
„membres effectifs" respektiv och als
„membres suppléants. Well eng nei
Partei am Gemengerot ass hu mer och
versicht, fir all Partei an dëser
Kommissioun vertrueden ze hunn. Mer
hunn eech hei e Virschlag op den
Dësch geluecht, wéi dat tëscht deenen
eenzelne Parteie kéint ausgesinn, an
dat no der Gewiichtung vun de
Parteien hei am Gemengerot.
Accord à l'unanimité.
2.7.1.
Administration générale.
Syndicat de l'Hôpital Intercommunal
de Differdange-Pétange-Bascharage:
nomination de deux délégués -
décisions.
Pierre Mellina, Buergermeeschter:
Da kéime mer zu eppes méi laangem,
well et geet ëm d'Bestëmmung vun eise
Kandidaten, déi eis Gemeng an deene
verschiddene Syndikater vertrieden.
Mer hunn eng ganz Rei Syndikater a
mer wäerten och am nächste
Gemengerot nach eng Kéier mat e puer
Saache kommen, déi mer elo guer net
derbäi hunn. Mee mer wëllen awer
maachen, datt mer an Zukunft an dëse
Syndikater handlungsfäheg sinn an et
net un der Péitenger Gemeng wäert
hänken fir Entscheedung ze treffen.
De Schäfferot huet virschléi gemaach,
wee soll an déi Syndikater goen, a
huet och – menges Wëssens no –
keng aner Propositiounen erakrut.
- page 7 - www.petange.lu