Cimbernland

veranstaltungen
zimbrische
Gedichte + Gebete
vorgetragen in zimbrischer
sprache vom cimbernexerten
Dr. remigius
geiser, universität salzburg,
am 08.03.2015 im
salzstadel landshut.
Rit lacest dolupta volorepe pellessit latum
rehendis ati dolorem comnihi liquati
ut vel ipsus am vero ipsunto blam hilis
dolupta derese sitaspienis est et unt acit
et ipsam que ped eostia aut quatibusam,
ulparch icatem acia sunt aut aut ommodisin
ratum quiatur sit aut et volum fugit
Hannes Beeghenbint Satalar:
Gasànkh übar-n Langhez
Ais un snèa vorsbìntanten
d èerda rüstat-sich grüün,
nakhont-ròote pöömelen
khèarnt börfan loop un plüün.
Trüübe vallanten nèt mèar
snea-bazzardar von steeln;
bia voar, in liichte rèndelen
in-z mear khèarnt gheen de beeln.
Az hia de dinkh saint heveghe,
z jaar zòogan-ta üz makh
von mòrgande af abande,
ba loofan tüüt dar takh.
De zait in minschen manaden,
se machet nòch iar khèar;
dar mann, am-bòtta stirbat-ar,
bar segan-en nemmèar.
Beeldar mann, dar sterchorste,
üz sicharn möcht an stunt,
un az nèt zölle Lachesi,
baz Atrop hat gaspùnt ?
Billa, gròoza billekhot,
leeban asò unbaròat:
gatrótt af zait unsichara
untar an sicharn tòat !
Seelga zait, ba tröömat-sich,
is ditzan leeban üz,
imm ooghe-plikhe vludarnten
bia vom-me glitz an grüüz.
Heevikh-schööne hümmale,
ich saüfte z aüch, mi khèar,
bia in sain hòomant günnat-me
vorloorandar romèar.
Bèar ghit miar müüdem vèttinghen
zo vludarn auf sò hòoch ?
Und maindar seeln un m aatome
khraft und macht ghit òch ?
Z pluut in-z hèertze standa-mar,
oh trüüba bèlt-galùst !
Z ist nuar zait, daz plüüntaten
sichore rèete in pruust.