Baugesuch - Engadiner Post

Weitere Magazine

Empfehlungen

Info

Publicaziun ufficiela vschinauncha da Silvaplauna Invid a la 2. radunanza cumünela da marculdi, 25 gün 2008, a las 20.00 in chesa da scoula Tractandas: 1. Appruver il protocol da venderdi, 14 marz 2008 2. Quint annuel 2007 3. Acquist da terrain, parcella no. 273, Surlej, da la Corvatsch SA 4. Proget da fabrica Crastens; permiss excepziunel tenor artichel 52 alinea 5 da la ledscha da fabrica 5. Revisiun da la ledscha d’impostas 6. Associaziun da chesas d’abiter Mulin; parcella no. 1836, acquist remisa e local per velos e dumanda da credit supplementer pel local da s-chudamaint 7. Varia Silvaplana, 6 gün 2008 La presidenta: Claudia Troncana L’actuara: Franzisca Giovanoli Il protocol da l’ultima radunanza cumünela es expost sün vschinauncha düraunt las uras da büro. Ulteriurmaing as po ler quel i’l internet suot www.silvaplana.ch. 176.370.761 Publicaziun ufficiela vschinauncha da S-chanf Publicaziun da fabrica Cotres vain publicheda la dumanda da fabrica preschainta: Patrun/a Maria Elena Pia da fabrica: Fernandez Lopez de Ochoa de Foster 7500 San Murezzan Proget Renover chesa da fabrica: (atelier) Parcella nr./lö: 54 / Chauntaluf Termin d’exposiziun: 19 gün–8 lügl 2008 Ils plauns sun exposts ad invista illa chancellaria cumünela. Recuors da dret public sun d’inoltrer infra 20 dis a la vschinauncha, da dret privat a l’Uffizi cirquitel d’Engiadin’ Ota. 7525 S-chanf, ils 19 gün 2008 Cumischiun da fabrica S-chanf 176.101.143 Publicaziun ufficiala Cumün d’Ardez Dumonda da fabrica Quatras vain publichada ufficialmaing la seguainta dumonda da fabrica: Patrun Cumün d’Ardez da fabrica: 7546 Ardez Rapre- Strimer architects SA schantant: 7546 Ardez Proget: Ingrondimaint dal palc Lö / parcella: 1A, parcella 368 Zona: Zona per edifizis ed implants publics Ils plans da fabrica sun exposts ad invista in chancellaria cumünala dürant 20 dis. Recuors da dret public ston gnir inoltrats infra 20 dis a partir da la publicaziun a la suprastanza cumünala d’Ardez. Ardez, 20 gün 2008 Cumün d’Ardez 176.000.061 Publicaziun ufficiela vschinauncha da Zuoz Radunanza cumünela Marculdi, 25 gün 2008, 20.15 h Tractandas: 1. Protocol da la radunanza cumünela dals 6 favrer 2008 Dal protocol po gnir piglio invista in chanzlia cumünela. 2. a) Rendaquint 2007 b) Rapport dals revisuors e dis-charg als organs respunsabels 3. Ledscha d’impostas da la vschinauncha, revisiun totela in basa a dret surordino. 4. Dumanda da cessiun da la cumpetenza a’l cussagl cumünel reguard la deliberaziun da la contingentaziun per la surfabricaziun Chöntschet tenor artichel 12 alinea 4 da la ledscha cumünela davart la promoziun da la fabrica d’abitaziuns principelas e restricziun da la fabrica d’abitaziuns da seguonda proprieted, etappaziun e contingentaziun da la fabrica d’abitaziuns. Dal text da la ledscha po gnir piglio invista i’l internet suot www.zuoz.ch u in chanzlia cumünela. 5. Varia Exemplers dal rendaquint 2007 paun gnir clamos giò da l’internet suot www.zuoz. ch Publikationen + News Schwarzes Brett u gnir retrats sün büro cumünel a partir dals 20 gün 2008 Da la ledscha d’impostas da la vschinauncha da Zuoz po gnir piglio invista i’l internet suot www.zuoz.ch, Gesetze und Verordnungen u in chanzlia cumünela. Zuoz, 17 gün 2008 Cussagl cumünel da Zuoz 176.703.877 Publicaziun ufficiela vschinauncha da Schlarigna Dumanda da fabrica La Sinimar AG, 6902 Lugano-Para- diso, ho l’intenziun da fer divers müdamaints vi da la chesa Liun sün parc. nr. 173, zona dal vih. Ils profils sun miss sü. La documainta vain exposta düraunt 20 dis i’l uffizi da fabrica da Schla- rigna. Recuors cunter quist proget stöglian gnir inoltros infra quist termin in scrit e motivos a la suprastanza cumünela da Schlarigna. Schlarigna, 19 gün 2008 Per incumbenza da l’Autorited da fabrica l’Uffizi da fabrica da la vschinauncha da Schlarigna 176.371.258 Publicaziun ufficiela vschinauncha da S-chanf Publicaziun da fabrica Cotres vain publicheda la dumanda da fabrica preschainta: Patrun/a Christian Cordett da fabrica: 7525 S-chanf Proget da fabrica: Eriger remisa Parcella nr./lö: 658 / Serlas Termin d’exposiziun: 19 gün–8 lügl 2008 Ils plauns sun exposts ad invista illa chancellaria cumünela. Recuors da dret public sun d’inoltrer infra 20 dis a la vschinauncha, da dret privat a l’Uffizi cirquitel d’Engiadin’ Ota. 7525 S-chanf, ils 19 gün 2008 Cumischiun da fabrica S-chanf 176.101.143 POSTA LADINA schlarigna Üna nouva pittura engiadinaisa as preschainta ggz. In marculdi passo ho Pol Clo Nicolay dal Chesin Manella pudieu salüder üna bella cumpagnia d’inte- ressentas ed interessents per üna pitschna exposiziun d’art. El s’ho declaro cuntaint cha üna preschantaziun da pittüra segua bod adün’ina- vaunt i’l Chesin Manella. Que porta culur e variaziun in chesa. In marculdi d’eira quista vouta Marlisa Hügi- Christoffel chi s’avaiva fatta curaschi da musser sieus purtrets publicamaing. Ella s’ho preschanteda svess: Ella deriva da Susch, inua cha sieu bap (uriund da Schlarigna, mort d’incuort) ho lavuro tuot sia vita scu chürunz da las fortezzas. Ed eir sia mamma es da Susch. Ad ho vulieu ün cas singuler per ch’ella metta a disegner e pittürer: Sieu hom vaiva gieu ün greiv accidaint cun l’auto, que chi ho gieu per consequenza – avaunt duos ans – ch’ella staiva dapü in stüva e chadafö. In quel möd l’es gnida l’ideja da pi- glier in maun simplas culuors da Caran d’Ache e pinellins per culuors d’ova. Quelo l’ho da bel e da prüma fat plaschair. Cur cha sieu hom d’eira darcho ün pô in chamma, sun els ieus üna vouta a San Murezzan per guardar l’exposiziun d’ün sculptur e pittur spagnöl, Romano Bito. Lo es saglida la sbrinzla: quell’art dal Spagnöl ho persvas ed allegro a Marlisa Hügi- Christoffel be da pais. Que tilla pa- raiva ün’art viva e s-chetta, sainza schnörcals. Cha’l prüm hegia ella bod copcho il stil da Romano Bito, quinta ella. Ün po la vouta s’ho’la rendida quint da vulair e stuvair chatter ün’egna via. Quist’inviern es gnieu preschanto, eir i’l Chesin Manella, il disc cum- pact «Paparlapip» elavuro da diversas mussedras da scoulina. Quellas s’avaivan cumbinedas cun Marlisa Hügi-Christoffel ch’ella furniss las illustraziuns necessarias. Que ho ella fat gugent e tres quel arrandschamaint es ella dalum gnida cuntschainta tar «la glieud dal Chesin Manella». Uossa cha’ls purtrets da Marlisa Hügi-Christoffel sun tachos sü vi dals mürs sper la s-chela i’l prüm plaun, disch Pol Clo Nicolay: «Cur ch’eau vegn sü per s-chela am faun gnir la buna glüna quellas culuors telmaing vivas-chas». El es quel chi ho fat curaschi a la pittura, chi’d es daspö divers ans mussedra a Samedan, da’s ris-cher tuottüna d’expuoner sias ouvras. Que es sto ün arrandschamaint fich prüvo, cun divers iffaunts, glieud giuvna ed attempeda, cun bgera parantella da Marlisa Hügi. Il prossem arrandschamaint i’l Chesin Manella ho lö in marculdi, ils 25 gün, a las 17.00: Cafe dals suspirs cul tema «scoula». Actuelmaing ho lö i’l Chesin Manella a Schlarigna l’exposiziun da las ouvras da Marlisa Hügi-Chritoffel, mussedra a Samedan. senT Concert cun ambiaint istoric (anr) Il duo «Ensemble le Phénix» es gnü fundà dal 2000 dals duos cellists Mathias Kleiböhmer e Christine Meyer. Els preschaintan cun regularità progets innovativs in collavuraziun cun oters artists. A chaschun dals concerts intitulats «Barocco» sunan els sün instrumaints istorics ed interpreteschan la musica tenor la pratcha da preschantaziun istorica. Il program d’ingon fa clingir musica taliana dal temp baroc. Da dudir sun cumposiziuns da Domenico Gabrielli, Luigi Boccherini e Giuseppe Maria Cam- bini. Las ouvras da Gabrielli sun las prümas cumposiziuns per cello sco instrumaint solistic. Il concert «Barocco» cul Ensemble le Phénix ha lö dumengia, ils 22 gün, a las 20.15 illa baselgia a Sent. Imprender meglder rumantsch Die Fussballeuropameisterschaft Il campiunedi/campiunadi europeic da ballapè die Offensive l’offensiva die Parade la parada die Pause la posa der Pfosten il pöst ein Pfostenschuss ün tir sül pöst der Platzverweis l’expulsiun der Rechtsaussen l’ela / ala a dretta die Reservebank il baunch / banc da reserva die Rückennummer il numer / nomer sün la maglia ein Rückstand (von…) ün dischavantag (da…) der Schiedsrichter l’arbiter schiessen trer / trar Tarasp Sanda, 21 gün 2008 La Società da musica Tarasp ha visità Waalhaupten La fin d’eivna dals 14/15 gün es la Società da musica Tarasp, suot la direcziun da Jonpeider Strimer, statta in viadi a Waalhaupten (Baviera). Daspö blers ons esa tradiziun cha las musicantas e’ls musicants da Tarasp vegnan invidats da la «Musikkapelle Waalhaupten» ad ün inscunter da cumpagnia per mantgnair l’amicizcha. Il viadi cul bus ha cumanzà sonda a bunura a las 06.00. Il manaschunz e proprietari da «Viadis Guler», Andri Guler, ha manà la cumpagnia in direcziun Landeck fin pro la «Trofa- na-Tirol» la fermativa d’autostrada «Milser-Raststätte» pel cafè e stortins. In seguit es i inavant il viadi via Fernpass fin a Garmisch-Partenkirchen. A las 09.00 es gnüda retscha- vüda la cumpagnia d’üna delegaziun da Waalhaupten. Cumünaivelmaing es gnü visità la Partnachklamm – ün miracul da la natüra. Il flüm chi’s nomna Partnach ha in milli d’ons as maglia oura üna chavorgia da 100 meters chafuollezza sün üna lungezza da 750 meters. Passond tras quista fantastica chavorgia es la cumpagnia rivada pro ün restorant tipic da quella regiun ingio chi’d es gnü mangià ün stupend giantar. Davomezdi ha retschavü üna manadra dal center sportiv olimpic da Garmisch-Partenkirchen la cumpagnia da Tarasp. La visita culla spiegaziun da l’istorgia e’l nouv fabricat da la schanza da las occurrenzas da sigls. Bod per tuots da la cumpagnia nun esa stat massa stantus d’ir fin süsom la schanza. Rivats al böt dal viadi a Waalhaupten sun tuots gnüts partits aint pro las famiglias dals bavarians ingio cha’ls da Tarasp vegnan trattats adüna darcheu sco rais. Davo üna buna tschaina ha gnü lö a las 20.00 üna prouva da musica cumünaivla per cha tuots sun pronts per imbellir il cult divin da dumengia in baselgia musicalmaing. Cullas duos marchas «San Carlo» e «Juventas», suot la bachetta da Dietmar Ledel, il dirigent da la «Musikkapelle-Waalhaupten», es ida a fin la prouva da musica. Cun musica da bal e star da cumapgnia es ida a fin la saira vers bunura. Dumengia a bunura a las 10.00 d’eiran tuots, ils amis da la Musik- kapella-Waalhaupten in costüm e la Societa da musica da Tarasp in unifuorma, in baselgia per accumpagnar la messa. Culla marcha da processiun «Credo», suot la bachetta dal dirigent Jonpeider Strimer, es i a fin la part musicala in baselgia. Sülla via principala han tut posiziun las duos musicas, al principi il dirigent Dietmar Ledel e la bindera da la Società da musica Tarasp portada dal binderal Andrea Grass. Lura ha la melodia da la marcha «San Carlo» interruot la quietezza dal cumün Waalhaupten. Rivà pro la chasa polivalenta, il Bürgerheim, es i a fin il conert cumü- naivel culla marcha «Juventas». La sala dal Bürgerheim es statta bain implida cur cha’l dirigent ha dozzà la bachetta per dar il concert da matinada. Cun marchas, polcas ed ün valzer ha la Società da musica da Tarasp tratgnü la populaziun da Waalhaupten – sco ingrazchamaint pel lung applaus han ils da Tarasp sunà amo la marcha «Crans-Montana». Davo ün rinforzimaint cun cafè e tuorta es gnü tut cumgià – na simpel davo avair passantà uschè bellas uras cumünaivlas. (protr.) Rapports annuals Placats Annunzchas Cartas da visita… La stamparia dals Engiadinais.
Sanda, 21 gün 2008 7 A Ftan vain preschantà il gö da San Jon Gö da stà – sömmi da stà La scoula primara e scoulina da Ftan e la scoula libra da Scuol finischan l’on da scoula cun ün gö cumünaivel. Quist tratta da las forzas natüralas e vain giovà suot tschêl avert. (anr/map) Pro’l clerai da Plaz Furmian ingio cha normalmaing nu’s doda oter co’l mus-chunöz d’aviöls esa grond travasch dad uffants. I’s tratta dals uffants da la scoulina e da la scoula primara da Ftan e dals scolars da la scoula da Rudolf Steiner (scoula libra) da Scuol. Üna tschinquantina d’uffants exerciteschan il gö da stà intitulà «Gö da San Jon». «Nus vain decis da giovar in quist clerai da bellezza ün pa giò d’via per far sentir meglder il cuntgnü dal toc», declera la magistra primara Evelina Lehner la tscherna dal lö. L’intenziun da la magistraglia es da render attent ad uffants ed a creschüts als müdamaints chi capitan illa natüra dürant ün on. Il gir da las stagiuns cun sias caracteristicas, ils quatter elemaints (terra, aua, ajer, fö) sco eir ranas e muos-chins fan part dal gö. Mincha elemaint ha seis agüdonts chi sun respunsabels per cha la lavur vegna fatta inandret. Tuot vain dirigi e survaglià dal dieu Pan chi pissera cun seis servituors cha la fauna e la flora prosperescha. Ün bap sömgia tuot il svilup e til declera a sia duonna ed a sia figlia. Per la prüma jada fan las duos scoulas üna finischun cumünaivla. Per Jürg Lippuner, magister da la scoula libra da Scuol, esa important cha’ls uffants imprendan in möd cumplessiv: «Avant ons vaina fat quist gö sün nossa plazza davant nossa scoula. El es attractiv causa ch’el permetta da cumbinar lingua, chant e movimaint in möd ideal.» Poesia, chant e musica e sots in rudè as müdan giò e pisseran per ün gö interessant, divertent ma eir profuond. La tarabla s’affa bain per uffants e creschüts perquai cha’l SENT Andri Guler nouv president da Sent Turissem nba. In gövgia saira ha gnü lö a Sent la radunanza annuala da la società Sent Turissem. Ils raduond 25 preschaints han tut cogniziun dal rapport annual dal president Duri Valentin ed approvà il rendaquint 2007. Eir in vista a la stretta collavuraziun culla società Engiadina Scuol Turissem SA (ESTAG), ha la radunanza acceptà qualche müdamaints dals statuts. L’ESTAG ha nempe surtut tuot la lavur operativa da l’organisaziun turistica. Lapro tocca eir tuot l’infuormaziun dal giast in cumün e las collavuraturas dal büro d’infuormaziun suottastan directamaing a l’ESTAG. Quist fat ha tanter oter eir pretais ils divers müdamaints statutaris. La società turistica es inavant respunsabla pel program dals giasts in cumün e po quia surdar tschertas incumbenzas a tema es universal. I va per sensibilisar il spectatur pel process da la natüra ed eir per promover l’incletta intuitiva per chosas zoppadas chi’s be sainta. La magistraglia ha trattà il tema dürant bod tuot l’on da scoula. «Nus vain tematisà in differenta maniera las caracteristicas dals quatter elemaints. Eir las bes-chas realas e las figüras fantasticas vaina tut suot ögl. Implü vaina imprais a recitar ils vers dal gö chi van tuots in rima», spiega il magister Peder Vital il proget. Per la scoula da Ftan es statta nouva l’euritmia, ün möd da movimaint tipic illas scoulas da Rudolf Steiner. Cha lur uffants s’hajan adattats a tschels cun plaschair davo ün tschert temp d’adüs, tradischa la magistraglia da Ftan. Tuot la büschmainta es gnüda creada dals numerus agüdonts davo las culissas, ouravant tuot dals genituors. A reguard ils requisits es il gö tuot oter co pretensius anzi el as restrendscha be sün l’essenzial. Sots ed appariziuns vegnan accumpagnats da musica da divers instrumaints. La redschia ha surtut Beate Lanz da Basilea chi’d es amo in scolaziun e chi’d ha eir muossà ils movimaints e sots. Palc e paraids sun gnüts fabrichats dals magisters insembel cul lavuraint da cumün ed ils mats gronds. Las duos rapreschantaziuns han lö in Plaz Furmian. Quist clerai as rechatta üna mezz’ura davent da Ftan in direcziun d’Ardez. Ils autos pon gnir parcats in vicinanza dal Hotel Paradies, da quist lö davent es la dürada da chamin desch minuts – per plaschair seguir las indicaziuns. La prüma rapreschantaziun ha lö in mardi, ils 24 gün (di da San Jon) a las 9.30. La seguonda rapreschantaziun ha lö in gövgia, ils 26 gün, a las 19.00. In cas da trid’ora han lö las rapreschantaziuns ils listess dis ed a las listessas uras illa chasa da scoula da Ftan. Ils spierts dal fö pisseran cun lur chalur cha la natüra prosperescha. fotografia: Mario Pult las collavuraturas da l’ESTAG. Sper quai es eir il nomer da commembers da la suprastanza gnü redot ed adattà a quatter persunas. Cun quai cha’l president Duri Valentin vaiva ouravant dat cuntschaint sia demischiun, ha la radunanza gnü d’eleger ün nouv president. Quista carica ha surtut Andri Guler. Sper il nouv president sun gnüts elets respectivamaing reelets Ruodi Duschletta e Mario Zanetti. La carica dal suppleant es intant amo vacanta. Sco cha Duri Valentin ha declerà, varà lö prosmamaing üna radunanza extraordinaria da la società Sent Turissem, impustüt per sclerir e decider sur da l’avegnir da la società turistica e cun quai eir sur da las incumbenzas e consequenzas finanzialas. POSTA LADINA Eir pitschens mürs sun gnüts sanats dals giarsuns. fotografias: Fadrina Hofmann Estrada Cuors da construir mürs da crap natürals a Ramosch Il chastè da Tschanüff dvainta sgür Nouv giarsuns da mürader lavuran pel mumaint illa ruina dal Chastè da Tschanüff. Els piglian part ad ün cuors da far mürs da crap natürals e pisseran i’l listess mumaint cha la ruina nu giaja in muschna. In gövgia passada ha gnü lö ün di d’orientaziun. Fadrina Hofmann Estrada La ruina dal Chastè da Tschanüff a Ramosch para pel mumaint be paquettada aint cun puntinas da fier ed ün pon da plastic. Il mür da rinforzimaint vers ost e’ls mürs da l’anteriur stabilimaint nomnà «palace» sun gnüts sgürats. 75 giarsuns da mürader dal chantun Grischun han lavurà dürant desch eivnas tanter la müraglia medievala. Els han pisserà cun üna molta speciala cha duos mürs importants da la ruina sun da quinder inavant resistents als chaprizis da l’ora. Il punct essenzial da l’ingaschamaint d’eira tenor l’instructer Beat Lötscher nempe quel da construir mürs chi laschan passar giò l’aua per chi nu detta inavant dons. Dürant lur fuormaziun sco mürader han ils giarsuns dad imprender differentas tecnicas da lavuors vi dal mür. «I’l chantun Grischun han mürs da crap natürals üna grond’importanza», declera Andreas Felix da l’uniun da maisters da fabrica grischuna. Daspö bundant 15 ons realisescha l’uniun mincha duos ons moduls cun cuors per sgürar ruinas. Tanter oter han sanà giarsuns da mürader la ruina da Splügia o la ruina Belfort da Brienz. Dal 2010 dess gnir realisada la seguond’etappa da sanaziun vi da la ruina dal Chastè da Tschanüff. Lura vegnan sgürats las duos tuors da defaisa e’ls stabilimaints da servezzan. Na be ün mantun crappa A Ramosch han minch’eivna lavurà ses fin nouv giarsuns sülla ruina. Els nun han be giodü la bella vista, mo impustüt eir cumbattü cun blera plövgia e pirantüms. Adüna da la partida d’eiran ils instructers Beat Lötscher e Roman Kobald, insembel cun Silvio Zini da Strada. La chüra da monumaints e’l servezzan archeologic dal chantun Grischun han survaglià las lavuors. «Quista ruina nun es be ün mantun crappa, dimpersè ün monumaint cun importanza naziunala», ha spiega l’archeolog chantunal Urs Clavadetscher. Da quel avis es eir l’architect ed expert per ruinas istoricas Lukas Hoegel. El ha dat üna survista da l’istorgia importanta dal Chastè da Tschanüff, cumanzà culs patruns da l’ovais-chia da Cuoira al cumanzamaint dal temp medieval fin al 18avel tschientiner cur ch’üna part dal chastè es crodada insembel pervi da l’erosiun. La pusiziun geografica saja statta importanta dal punct da vista strategic. La situaziun tactica invezza nu d’eira uschè ideala. «Quia as vessa pudü trar tuns da tuot las varts e quai fingià be cun crappa», manaja Lukas Hoegel. Tenor el declera quist fat eir üna gronda part da l’istorgia da construcziun. I sun nempe gnüts fabrichats adüna darcheu mürs o tuors da rinforzimaint. Il servezzan archeologic fa uossa retscherchas cul material e cullas datas ramassadas dürant las ultimas eivnas. Inchün chi ha grond plaschair da l’ingaschamaint dals giuvens müraders es Giovanni Mathis da Scuol. El es il president da la Fundaziun Tschanüff. Quella exista daspö set ons ed ha sco böt da mantgnair la ruina e da tilla drivir e sgürar per interessats. «Quist chastè d’eira üna jada ün center da la pussanza chi ha fat tras mordraretschs, revoltas ed incendis. Il monumaint fa part da nossa cultura e da noss’identità», es el da l’avis. Giovanni Mathis es fich grat cha l’uniun Giovanni Mathis, Andreas Felix ed Urs Clavadetscher (da schnestra) sun persvas cha la collavuraziun serva a tuot ils partecipants. da maisters da construcziun ha realisà ils cuors quist on a Ramosch. «Sainza lur sustegn füssa stat difficil da cumanzar üna restoraziun», disch il president da la fundaziun.Quai nu manaja’l be a reguard la lavur pratica, ma eir a reguard ils cuosts cha l’uniun ha surtut per gronda part. Ils partecipants dal proget sun da l’avis cha la sanaziun dals mürs dal chastè da Tschanüff saja però ün guadogn per tuots – pels giarsuns e pella fundaziun. L’instructer Roman Kobald declera co cha’l mür da l’ost es gnü sgürà.
Seite 1 und 2: AZ 7500 St. Moritz 115. Jahrgang Nr
Seite 3 und 4: Samstag, 21. Juni 2008 3 OBERENGADI
Seite 5: Samstag, 21. Juni 2008 5 Am Donners
Seite 9 und 10: Samstag, 21. Juni 2008 9 Eine Pferd
Seite 11 und 12: Samstag, 21. Juni 2008 11 Engadiner
Seite 13 und 14: Samstag, 21. Juni 2008 13 Bibliothe
Seite 15 und 16: Samstag, 21. Juni 2008 15 FORUM Aus

Baugesuch - Engadiner Post

Sie wollen auch ein ePaper? Erhöhen Sie die Reichweite Ihrer Titel.

Template löschen?

Als Template speichern?