Kerwezeitung 2007 - Kerweborsch vun de Tornhall

Un schreib dirs gonz dick hinner die Ohrn,
Um die Zeit host du in Crumschd nix verlorn!“
Donn hott er noch bisje rumgezappelt,
Un sich miehsoam wirrer uffgerappelt.
De Gernsemer hott sich ins Auto gesetzt
Un is so schnell wie möglich hoamgehetzt.
Er hott sich geschworn, in nächster Zeit,
Hält er net meh oo, wenn in Crumschd oaner leit.
Die Kellers honn sich de Walter geschnappt
Un sinn donn mit em hoamgedappt.
Dort hott er donn schee long gepennt,
Un die Story fand e glicklich End.
Heit kenne mir do driwwer lache,
Un so unser Witzjer mache.
Doch Vorsicht is gebote, ihr Leit,
Groad on so me Doag wie heit.
On Kerb trinkt moncher iwwern Dorschd.
Un alles onnere is em Worschd.
Wenn ihr also merkt, es werd eich schlecht,
Werds Zeit, dass ihr mit jemond sprecht.
Dass ihr e Hilf fern Hoamwäg sucht.
Doch die Gertrud is schun fest gebucht.
Do druff geb ich jetzt der Musik den Wink,
“Speelt: Trink, trink, Brüderlein trink!”