Kerwezeitung 2007 - Kerweborsch vun de Tornhall

Uff die Art honn die gonz entschiede,
E Riesenkeilerei vermiede.
Om End is es doch noch schlimmer kumme,
Denn de Ginder hatt des bees mitgenumme.
Dodorch is bei dem olde Knoche
De Kreislauf völlig zusommegebroche.
Der wurd uff oamol gonz bleich um die Noas,
Donn fiel er de longe Wäg hie ins Groas.
Alle guckte gonz schockiert,
De Fritz wurd erstmol hoambugsiert
Donn honn die Maurer ihrn Chef informiert
Der hott mit em Notdienst telefoniert
Awwer die hann groad iwwerhaapt koa Zeit.
Schun macht sich Krankehausstimmung breit.
Donn honn se, aa wenn er net wollt
De Schüler uff em Fahrroad beigeholt.
Der war om End der große Held:
Er hatt de Ginter wirrer off die Boa gestellt.
So is noch longem Hoffe un Bonge
Alles noch mol gut gegonge.
Ich konn on die nur appelliern
Im Older net meh Krieg zu fiehrn.
Schloagt eich net die Fresse oi,
Drinkt liewer zusomme e Gläsje Woi.
Genießt, wos eich des Läwe schenkt,
Sunst seid ihr eh fort, als ihr denkt.
Do druff haut die Musik des Lied jetzt eraus:
„Der May ist gekumme un de Fritz schmeißt en raus!“